ထိုအခါ အာမလက်လူတို့သည် လာ၍ ရေဖိဒိမ်အရပ်၌ ဣသရေလ လူတို့ကို စစ်တိုက်ကြ၏။ မောရှေ ကလည်း လူတို့ကို ရွေး၍ အာမလက် လူတို့ကို စစ်တိုက်ခြင်းငှါ ထွက်လော့။ နက်ဖြန်နေ့၌ ဘုရားသခင်၏ လှံတံကို ကိုင်လျက် တောင်ထိပ်ပေါ်မှာ ငါရပ်နေမည်ဟု ယောရှုအား ဆို၏။ မောရှေမှာလိုက်သည့်အတိုင်း ယောရှုပြု၍ အာမလက် လူတို့ကို စစ်တိုက်လေ၏။ မောရှေ၊ အာရုန်၊ ဟုရတို့သည် တောင်ထိပ်ပေါ်သို့ တတ်ကြ၏။ မောရှေသည် လက်ကို ချီသောအခါ ဣသရေလ လူတို့သည် နိုင်ကြ၏။ လက်ကို ချသောအခါ အာမလက်လူတုိ့သည် နိုင်ကြ၏။ (ထွက်မြောက်ရာ ၁၇း၈-၁၃)
၁။ ဣသရေလ လူမျိုးများ အာမလက် လူများကို တိုက်ခိုက်ခြင်း
အာမလက် လူမျိုးဆိုသည်မှာ ဧသော၏ မြေးမှ ဆင်းသက်လာပါသည်။ တကယ်ဆိုလျှင် ဣသရေလ အမျိုးဆိုသည်မှာ သူတို့နှင့် ဆွေရင်း မျိုးရင်းများသာ ဖြစ်ပါသည်။ သို့သော် ဣသရေလကို အစဉ် ဒုက္ခပေးတတ်သူ တစ်ဦးလည်း ဖြစ်ပါသည်။ ယုံကြည်သူ တစ်ဦး၏ အသက်တာတွင် စုံစမ်းခြင်း ဆိုသည်မှာ အတွင်းစည်းကသာ လာလေ့ ရှိတတ်ပါသည်။ မိသားစုထဲမှ လည်းကောင်း၊ အဆွေအမျိုးထဲမှ လည်းကောင်း၊ မိမိနှင့် အနီးဆုံးရှိသော မိတ်ဆွေ တစ်ဦးဦးမှ လည်းကောင်း လာတတ်ပါသည်။ ဤကဲ့သို့ အတွင်းမှ လာသော စုံစမ်းခြင်းများသည် ကျွန်တော်တို့ အသက်တာကို ပိုမို ခံစား ဝမ်းနည်းမှုကို ဖြစ်စေတတ်သည် မဟုတ်ပါလား။ သို့သော် ထိုအခြေအနေက ကျွန်တော်တို့ကို ဘုရားသခင်နှင့်လည်းကောင်း၊ အသင်းတော်နှင့်လည်းကောင်း၊ ဘုရားသခင်၏ လူများနှင့်လည်ကောင်း ပိုမို ရင်နှီး ကျွမ်းဝင်မှုကို ဖြစ်စေပါသည်။
ကျွန်တော်တို့သည် ကောင်းကင်သို့ သွားရောက်ရမည့် လမ်းခရီးသည် ဘယ်သောအခါမျှ ချောမောနေမည် မဟုတ်ပါ။ အဖု အထစ်များနှင့် ဆူးခင်လမ်းကို ဖြတ်သန်းကြရမည်သာ ဖြစ်ပါသည်။ ရှင်ပေါလုက ပြောခဲ့သည်မှာ
“ငါတို့သည် အသွေးအသား ရှိသော ရန်သူတို့နှင့် ဆိုင်ပြိုင် တိုက်လှန်ရကြသည်မဟုတ်။ အထွဋ်အမြတ်တို့နှင့် လည်းကောင်း၊ အာဏာစက်တို့နှင့် လည်းကောင်း၊ လောကီမှောင်မိုက်၌ အစိုးတရ ပြုလုပ်သော မင်းတို့နှင့်လည်းကောင်း၊ မိုးကောင်းကင်၌ နေသော နတ်ဆိုးတို့နှင့် ဆိုင်ပြိုင် တိုက်လှန် ရကြ၏” (ဧဖက် ၆း၁၂) ဟုပြောခဲ့ပါသည်။
အများနည်းတူ ဖြစ်လေ့ ဖြစ်ထရှိသော ပြဿနာကဲ့သို့ ဣသရေလ လူမျိုးများလည်း တွေ့ကြုံခဲ့ရသည်။ အဲဂုတ္တုပြည်တွင် ဣသရေလ လူမျိုးတို့ ကျွန်ခံနေခဲ့ရစဉ်က တိုက်ခိုက်ရန် မပြင်ဆင်၊ မစဉ်းစားခဲ့ကြပေ။ ဣသရေလ လူမျိုးများသည် ဘုရားသခင်၏ ကွယ်ကာမှုကြောင့် လွတ်မြောက်လာခဲ့ကြသည်။ ယခင်က အာမလက် လူတို့က ကျွန်ခံနေသော ဣသရေလ လူတို့ကို ဂရုမစိုက် အလေးမထားခဲ့သော်လည်း ယခု လွတ်မြောက်လာသောအခါ ရန်သူသဖွယ် ရှုမြင်လေတော့သည်။
ကျွန်တော်တို့သည် အပြစ်တရား၏ လက်အောက်တွင် ကျွန်သဘောက် ဘဝနှင့် နေခဲ့ရစဉ်က စာတန်အတွက် ပြဿနာ မရှိခဲ့ပါ။ သို့သော် ကျွန်ဘဝမှ လွတ်မြောက်လာပြီးနောက်တွင် စာတန်သည် အလွတ်မထားတော့ဘဲ အစဉ်တိုက်ခိုက်ရန် ပြင်ဆင် ကြိုးစားကြလေတော့သည်။
သို့သော် စာတန်သည် ဘယ်သောအခါမျှ အောင်မြင်မှု မရရှိနိုင်ပါ။ အစဉ်အမြဲ ရှုံးနိမ့်နေပါလိမ့်မည်။
၂။ စစ်ပွဲတွင် အပိုင်း (၂)ပိုင်းဖြင့် တာဝန် ခွဲဝေကာ တိုက်ခိုက်ခြင်း
က။ ယောရှု၏ တာဝန်မှာ ကိုယ်ကာယ ခွန်အားဖြင့် တိုက်ခိုက်ရသော တာဝန်ကို ယူရသည်။
ခ။ မောရှည်၏ တာဝန်မှာ ဝိညာဉ်ခွန်အားဖြင့် တောင်ပေါ်တွင် ဆုတောင်းရသော တာဝန်ကို ယူရသည်။
ဂ။ ကျွန်တော်တို့မှာ (၂) ပိုင်းစလုံး လိုအပ်ပါသည်။
၃။ ယောရှု၏ တာဝန်
မောရှည်က ယောရှုကို ပြောခဲ့သည်မှာ “လူတို့ကို ရွေး၍ အာမလက်လူတို့ကို စစ်တိုက်ခြင်းငှါ ထွက်လော့” (ထွက် ၁၇း၉)
ယုံကြည်သူတိုင်းသည် ဘုရားသခင်၏ နိုင်ငံတော်မှ ခရစ်ယာန် စစ်သူရဲများ ဖြစ်ကြသည်။
သန့်ရှင်းသော အမှုတော်တိုင်းတွင် စိတ်နှလုံးပါလျက် လုပ်ဆောင်ရမည် ဖြစ်သည်။ စစ်သူရဲ ဆိုသည်မှာ အမိန့်ကို နာခံရပြီး၊ စည်းကမ်းတကျ နေထိုင် အသက်ရှင်ရသူ ဖြစ်ပါသည်။ ရှင်ပေါလုက တိမောသေကို အောက်ပါ အတိုင်း မှာကြားခဲ့ပါသည်။
“သင်သည် ယေရှုခရစ်ထံ၌ ကောင်းသော စစ်သူရဲကဲ့သို့ ဆင်းရဲဒုက္ခကို သည်းခံလော့။ စစ်သူရဲမည်သည်ကား မိမိကို စစ်သူရဲ့ အရာ၌ ခန့်ထားသူကို နှစ်သက်စေခြင်း ငှါ၊ လောကီမှုရေးနှင့် ပြွမ်းနှော ရှုပ်ထွေးခြင်းကို ပယ်ရှားတတ်၏။” (၂တိ ၂း၃-၄)
အထက်ပါ ကျမ်းပိုဒ်ကဲ့သို့ ယုံကြည်သူ တစ်ယောက်သည် စည်းကမ်းတကျ နေထိုင် အသက်မရှင်ပါက ထိုစစ်သားသည် လက်နက်ကိုင် သောင်းကျန်းသူ တစ်ဦး အဆင့်မျှသာ ဖြစ်သွားနိုင်ပါသည်။
ကျွန်တော်တို့သည် အမှုတော်အတွက် အစွမ်းကုန် လုပ်ဆောင် ကြိုးစားရန် လိုအပ်ပါသည်။ ယောရှုသည် သူ၏ တာဝန်ကို ကျေပွန်စွာ ထမ်ဆောင်ခဲ့သည်။ ထိုတိုက်ပွဲကို အောင်မြင်အောင် တိုက်ခိုက်ရန်မှာ ယောရှု၏ တာဝန် ဖြစ်သည်နှင့် အညီ အစွမ်းကုန် တိုက်ခိုက်ခဲ့သည်ကို တွေ့ရပါမည်။
သင်သည် ယေရှုခရစ်တော်၏ စစ်သူရဲ ဖြစ်သောကြောင့် အမှုတော်မြတ်တွင် ကြိုးစားလုပ်ဆောင်၍ စာတန်ကို တိုက်ခိုက်ရမည့်သူ ဖြစ်ကြောင်း ဘယ်သောအခါမျှ မမေ့ပါနှင့်။
၎။ မောရှည်၏ တာဝန်
မောရှည်က သက်သက်သာသာ ဖြစ်သော တာဝန်ကိုသာ ယူထားသည်မဟုတ်။ မောရှည် တာဝန်ယူရသော အပိုင်းမှာ အလွန် တာဝန်ကြီးလှသည်။
က။ ထွက်မြောက်ရာ ၁၇း၁၀-၁၁ တွင် ဖော်ပြထားသည်မှာ
“မောရှည်၊ အာရုန်၊ ဟုရတို့သည် တောင်ထိပ်ပေါ်သို့ တတ်ကြ၏။ မောရှည်သည် လက်ကို ချီသောအခါ ဣသရေလ လူတို့သည် နိုင်ကြ၏။ လက်ကို ချသောအခါ အာမလက် လူတို့သည် နိုင်ကြ၏။” (ထွက်မြောက် ၁၇း၁၁)
လက်မြှောက်ခြင်းနှင့် လက်ကိုချခြင်း = တိုက်ခိုက်ခြင်း အမှုသည် မောရှည် လက်ကို ချီခြင်းနှင့် လက်ကို ချခြင်း အပေါ်တွင် တည်မှီနေသည်ကို ထူးခြားစွာ တွေ့ရပါသည်။
မောရှည်၏ အမှုတော် လုပ်ဆောင်ခြင်းသည် ဘုရားသခင်နှင့် အလွန်နီးကပ်ရသော အခြေအနေတွင် ရှိနေသည်။ အမှုတော်ကို အောင်မြင်ဘို့ အတွက် မောရှည်သည် လက်ကို ချ၍ မရပါ။ ချလိုက်သည်နှင့် အောင်မြင်မှု ကျဆင်းသွားလေတော့သည်။
ဦးဆောင်သူများသည် အမြဲတမ်း ကြီးမားသော အဖိုးအခကို ပေးဆပ်ရသူများ ဖြစ်သည်။ ထိုသူများကို ဘုရားသခင်သည် တန်ခိုးပေးထားလေ့ ရှိပါသည်။ သို့သော် ထိုအရာသည် အမှုတော် လုပ်ငန်းကို ဦးဆောင် ဦးရွက် ပြုရန်သာ ဖြစ်ပါသည်။
၅။ ဘေးမှ ဝန်းရံပေးသော အာရုံနှင့် ဟုရ
က။ ကျွန်တော်တို့အတွက် ကျမ်းစာက သွန်သင်ထားချက်များတွင် အချင်းချင်း တစ်ယောက်ကို တစ်ယောက် ဝန်ရံ ဖေးမရမည်ဟူသော သွန်သင်ချက် အများအပြား ရှိနေပါသည်။ ၄င်းတို့အနက် တစ်ခုမှာ
“ထမ်းရွက်စရာ ဝန်ချင်း တို့ကို အချင်းချင်း ကူညီ၍ ထမ်းရွက်သောအားဖြင့် ခရစ်တော်၏ တရားကို ကျင့်ကြလော့။” (ဂလာတိ ၆း၂)
သင်းအုပ်ဆရာတစ်ဦးသည် အာရုံနှင့် ဟုရကဲ့သို့ ဖေးမ ကူညီမည့်သူများ လိုအပ်ပါသည်။ အချို့သောသူတို့သည် လက်မောင်းကို ပင့်မရာတွင် ပင်ပန်းကောင်း ပင်ပန်းနိုင်ပါသည်။ အချို့သောသူများက ဘေးတွင်နေကာ အစာရှောင်ခြင်း ဆုတောင်းခြင်းတို့ဖြင့် ကူညီရမည် ဖြစ်ပါသည်။ အချို့သောသူများက နှုတ်အားဖြင့် ခွန်အားပေး ပြောဆိုရန်လည်း လိုအပ်ပါသည်။ အချို့သောသူများက ယုံကြည်ခြင်း မြင့်မားလာစေရန် တိုက်တွန်းမှု ပြုရမည် ဖြစ်သည်။ အချို့သော သူများက ငိုကြွေးနေသူများကို မျက်ရည် မည်ကဲ့သို့ ခြောက်သွေ့မည်ကို စဉ်းစားပေးရန် လိုအပ်ပါသည်။ ထိုအရာများ အားလုံးသည် အသင်းတော်တွင် အမှန်တကယ် လိုအပ်ပြီး လုပ်ဆောင်သင့်သော အရာများ ဖြစ်ကြပါသည်။
အသင်းတော်ကို သင်ရှုမြင်ရာတွင် သင်းအုပ်ဆရာ၊ (သို့) သူ၏ ဇနီးက အရာရာကို အုပ်စည်း ချုပ်ကိုင်နေသည်ဟု ဘယ်သော အခါမျှ မမြင်ပါနှင့်။ ဘုရားသခင်က သင့်အတွက် ပေးထားသော သင်းအုပ်ဆရာကို ဝန်ထုပ်ဝန်ပိုးများ ပေးထားပါသည်။ ထိုဝန်များကို သယ်ဆောင် ရာတွင် အမှန်တကယ် အခက်အခဲ ရှိနေ တတ်ပါသည်။ သင့်ကို အနီးကပ် ကြည်ရှု စောင့်ရှောက် နေသော သိုးထိန်း တစ်ဦး ဖြစ်ပါသည်။ ကြေစားတစ်ဦး မဟုတ်ပါ။
သင်သည် သင်၏ သင်းအုပ်ဆရာ (သို့) ခေါင်းဆောင်ကို အားပေးသင့်သည်။ မောရှည်သည် ကြာရှည်စွာ လက်မမြှောက်နိုင် သကဲ့သို့ ယနေ့ ခေါင်းဆောင်များလည်း လူသားတစ်ဦးသာ ဖြစ်သောကြောင့် ရှည်ကြာစွာ ရပ်တည်နိုင်ဘို့ ခက်ခဲပါလိမ့်မည်။ ကူညီပေးပါ။ အားပေးပါ။ ဖေးမပါ။ ဆောက်ရွက်နေသည့် အမှုတော်လုပ်ငန်း ပြီးစီး အောင်မြင်သွားသည်အထိ လုပ်ဆောင်နိုင်ရန် ဖေးမ အားပေး ကူညီပါ။
မောရှည် အနားတွင် ရပ်နေသူများက မောရှည်ကို မည်ကဲ့သို့ ပြောမည်ဟု သင်ထင်ပါသနည်း။ “မောရှည် - သင်ဘယ်ကိုသွားနေ တယ်။ ဘာလုပ်နေတယ်ဆိုတာ ကျွန်တော်တို့တော့ သိပ်မသိပါဘူး။ ဒါပေမဲ့ ခင်ဗျားဟာ ဘုရားသခင်ရဲ့ လူတစ်ဦး ဆိုတာ ကျွန်တော် သိပါတယ်။ ခင်ဗျား သွားသမျှနေရာ၊ လုပ်ဆောင်သမျှ အရာ အားလုံးကို ကျွန်တော် ထောက်ခံ အားပေးနေပါမယ်။ ဘာဖြစ်လို့လဲဆိုတော့ အီဂျစ်ပြည်မှာ ကျွန်တော်တို့ ကျွန်ခံနေစဉ်အခါက လွတ်မြောက်ဘို့ ခင်ဗျား ကြိုးစားပေးခဲ့တယ်။ ထွက်လာပြီးနောက်မှာလည်း ကျွန်တော်တို့ကို အမြဲတမ်း ဦးဆောင်ဦးရွက်ပြုခဲ့တယ်။ ဘယ်တော့မှ ခေါင်းမရှောင်ခဲ့ဘူး။ ပင်လယ်ပြင်ကြီးနဲ့ ပိတ်မိနေတုန်းကလည်း ခင်းဗျားကိုယ်တိုင်ဘဲ ကျွန်တော်တို့ လမ်းလျှောက်နိုင်အောင် ဘုရားသခင်ထံ တောင်းပန်ပေးခဲ့တယ်။ ခင်ဗျားလုပ်သမျှဟာ ကျွန်တော်တို့ အတွက် ချည်းပါဘဲ။ ဟူ၍ အားပေး စကားများ ပြောဆိုပြီး သူကို ချီးမွမ်းပေးခြင်းဖြင့် သူ၏ လက်ကို ကိုင်မြှောက်နေ သကဲ့သို့ ဖြစ်နေပါသည်။
အထက်ပါ စကားများကို တပည့်များ၊ သူ့လူမျိုးများထံက မောရှည် ကြားခွင့်ရသလား မပြောတတ်ပါဘူး။ ဒါပေမဲ့ သင်ကိုယ်တိုင်ကတော့ သင့်ရဲ့ သင်းအုပ်ဆရာကို အခက်အခဲတွေထဲမှာ ကူညီမစခဲ့တဲ့ အမှတ်တရ အဖြစ်အပျက် တွေကို ပြန်လည်ပြောပြပြီး ဖေးမ ကူညီသင့်တယ် မဟုတ်ပါလား။
တစ်ယောက်စီဟာ အသင်းတော်ရဲ့ အစိတ်အပိုင်းတွေဖြစ်ပါတယ်။
မောရှည် လုပ်ဆောင်ရသော အပိုင်း၊ ယောရှု လုပ်ဆောင်ရသော အပိုင်း နှစ်ပိုင်းစလုံးမှာ အလွန်အရေးကြီး သကဲ့သို့ ဘေးက ဖေးမကူညီပေး ရသော အာရုန်နှင့် ဟုရတို့၏ အပိုင်းကိုလည်း မေ့မထားသင့်ပေ။ အသင်းတော် တိုးတက် ကြီးထွားရန်အတွက် အချို့က အနည်းငယ်သာ လုပ်ဆောင်နိုင်ပါသည်။ အချို့က ကြီးမားစွာ လုပ်ဆောင်နိုင်ပါသည်။ နည်းနည်း လုပ်ဆောင်နိုင်သည် ဖြစ်စေ များများ လုပ်ဆောင် နိုင်သည် ဖြစ်စေ၊ ထိုလုပ်ငန်းများကို ဦးဆောင်နေသူများကို အနည်းနည်း အဖုံဖုံဖြင့် ဖေးမ ကူညီရမည်ဖြစ်ပါသည်။ သို့မှသာ သင်ပါဝင်နေသော အသင်းတော်နှင့် အမှုတော် လုပ်ငန်းများ အောင်မြင် တိုးတက် ကြီးထွားလာမည် ဖြစ်ပါသည်။ သင်ဘာမျှ မလုပ်နိုင်သော်လည်း သင်၏ သင်းအုပ်ဆရာ (သို့) ခေါင်းဆောင်ကို ဖေးမ ကူညီမှုပြုပါ။ အချို့က အားပေး ကူညီမှု မပြုသည့် အပြင် ထိုဦးဆောင်သူ၏ အားနည်းချက်များကိုသာ ကြည့်ရှုပြီး အပြစ်တင် ပြောဆိုခြင်းဖြင့် သူ၏ အားနည်းချက်များကို ဖော်ထုပ် ပြောဆိုလေ့ ရှိပါသည်။ ထိုခေါင်းဆောင်၏ ကျဆုံးခြင်းသည် သင်၏ ကျဆုံးခြင်းသာ ဖြစ်ကြောင်း မမေ့ပါနှင့်။
အထက်ပါ ကျမ်းစာကို ကြည့်သော တောင်အောက်တွင် တိုက်ခိုက်နေသော တိုက်ပွဲ၏ အောင်မြင်မှုမှာ ယောရှု၏ စွမ်းရည်နှင့် လက်နက် ပစ္စည်းများပေါ်တွင် မူတည်မနေဘဲ တောင်ထိပ်မှ မောရှည် တာဝန်ယူ ဆောင်ရွက်နေရသော အပိုင်ကသာ အဓိက ကျနေသည်ကို ထင်ရှားစွာ တွေ့မြင်နေရပါသည်။
ထို့ကြောင့် အသင်းတော် (သို့) အသင်းသားတို့၏ အောင်မြင်မှု ရရှိစေဘို့အတွက် သင်းအုပ်ဆရာ (သို့) ခေါင်းဆောင် (သို့) ဘုရားသခင်၏ လူများကို ဖေးမ ထောက်ပံ့ခြင်းဖြင့် ကျွန်တော်တို့၏ အောင်မြင်မှုများကို ရယူကြပါစို့ ဟု တိုက်တွန်း နိုးဆော် လိုက်ရပါသည်။
ဘုရားသခင် ကောင်းကြီးပေးပါစေ။ (အာမင်)
