ဘာမျှမရှိခြင်း၏ အခြားတစ်ဘက်တွင်

၃ရာ ၁၈း၄၁-၄၅ တွင်

ထို့နောက်မှ ဧလိယက မင်းကြီးသည်၊ စားသောက်ခြင်းငှါ တက်သွားပါလော့။ များစွာသောမိုး ရွာမည့် အသံရှိသည်ဟု အာဟပ်အား ပြောဆိုလျှင် အာဟပ်သည် စားသောက်ခြင်းငှါ တက်သွား ၏။ ဧလိယသည် ကရမေလ တောင်ပေါ်သို့ တတ်၍ မြေ၌ ပျက်ဝပ်လျက် မျက်နှာကို ဒူးကြားမှာ ထားလျက် မိမိကျွန်အား သင်တက်၍ ပင်လယ်ဘက်သို့ ကြည့်ရှုလော့ဟု ဆိုသည့်အတိုင်း၊ ကျွန် သည်တတ်၍ ကြည့်ရှုလျှင် အဘယ်အရာမျှ မရှိပါဟု ပြောဆို၏။ ဧလိယက ခုနှစ်ကြိမ် တိုင်အောင် သွား၍ ကြည့်ရှုဦးလော့ဟု ဆို၏။ ခုနှစ်ကြိမ် မြောက်သောအခါ လူလက်နှင့် တူသော မိုးတိမ်ငယ် တစ်ခုသည် ပင်လယ်ထဲက တက်ပါ၏ဟု ဆိုသော် အာဟပ်မင်းထံသို့ သွားလော့။ မိုးရွာ၍ ဆီးတား မည်ကို စိုးရိမ်စရာ ရှိသောကြောင့် မင်းကြီး ပြင်ဆင်၍ ပြန်သွားမည် အကြောင်း လျှောက် ထားလော့ဟု မှာလိုက်လေ၏။ မကြာမမြင့်မှီ မိုးကောင်းကင်သည် မိုးသက်မုန်တိုင်း နှင့် မည်း ၍ ပြင်းစွာ မိုးရွာ၏။ (၃ရာ ၁၈း၄၁-၄၅)

ငတ်မွတ်ခေါင်းပါးမှု ကပ်ဘေး ကျရောက်ခြင်း

ကျွန်တော်တို့အားလုံး ထိုကဲ့သို့သော ပြဿနာ အတွေ့အကြုံ မရှိကြပါ။ ကျွန်တော်တို့သည် ရက်အနည်းငယ် (သို့) လ အနည်း ငယ် လောက် မိုးမရွာခြင်း၊ ရာသီဥတု ပြင်းထန်ခြင်း စသည့် အတွေ့အကြုံလောက်ကို လူတိုင်း ခံစားဘူးပါသည်။ သို့သော် (၃) နှစ် (၆) ပတ်လုံး မိုးမရွာသည်ကို တော့ သင်ကိုယ်တိုင် စဉ်းစား ခံစားကြည့်ပါ။ တကယ် မလွယ်ကူသည့် အမှု ဖြစ်ပါသည်။

ဣသရေလ ကလေးငယ်များသည် မုန့်ခွက်ထဲမှာ ဂျုံနယ်မှု မပြုနိုင်ဘဲ၊ အစားအစာ မလုပ်ရသည်မှာ ကြာလှပေပြီ။ မိုးရွာထဲမှာ ထွက်၍ မကစားနိုင် သည်မှာ ကြာလှပေပြီ။ ရွံ့ရုပ်ကလေးတွေ လုပ်ပြီး ကစားသည် ဆိုသည်မှာ ဘာမှန်းပင် မသိတော့ချေ။

ထိုသူတို့သည် ခြောက်သွေ့ခြင်း နှင့် ငြီးငွေ့ခြင်းကိုသာ ခံစားနေရသည်။ စိုက်ပျိုးသော်လည်း အကျိုးတရား မခံစားရ။ လုပ်သ မျှ အောင်မြင်မှု အကျိုးကို မခံစားရနိုင်။

ကျွန်တော်တို့ ခရစ်ယာန်များတွင် ထိုကဲ့သို့ ခံစားချက်မျိုး ရှိနိုင်ပါသည်။ အသက်တာတွင် မိုးခေါင်သကဲ့သို့ ခံစားနေရသည့် အချိန်များ ရှိနိုင်ပါသည်။ ကျွန်တော်ပြောသော ထိုကဲ့သို့ ခံစားမှု မျိုး သင်ခံစားဘူးပါသလား။

•     ကျွန်တော် ကိုယ်တိုင် ထိုကဲ့သို့ ခံစားမှုမျိုး ခံစားဘူးပါသည်။


•     ထမင်းစားဘို့ အတင်းဆုတောင်းခဲ့သည်။ သို့သော် ငတ်မွတ်ခြင်းကိုသာ ခံစားခဲ့ရသည်။


•     ဘတ်(စ်)ကားခအတွက် ဆုတောင်းခဲ့သည်။ သို့သော် ခြေလျှင်သာ လျှောက်ခဲ့ရသည်။


•     အ၀တ်အစား အတွက် ဆုတောင်းခဲ့သည်။ သို့သော် အစုတ်ကလေးနှင့်သာ ကျေနပ်ခဲ့ရသည်။


•     စသည်ဖြင့် ပြောပြမည်ဆိုလျှင် အကြောင်းအရာများက ပြော၍ မကုန်နိုင်တော့။


•     ကျွန်တော်တို့အတွက် မိုးခေါင်းသည့် နေ့ရက်များပင် ဖြစ်ပေတော့သည်။

ထိုအခြေအနေကို ဆာလံဆရာ ကိုယ်တိုင်က မှတ်တမ်းတင်ဘူးပါသည်။ ဆာလံ ၃၂း၎ တွင်ဖြစ်သည်။

“နေ့ညဥ့်မပြက် ကိုယ်တော်၏ လက်သည် အကျွန်ုပ်အပေါ်မှာ လေး၍ အကျွန်ုပ်၏ ချွေးရည် သည် နွေကာလ၌ သွေခြောက်ခြင်းကဲ့သို့ ဖြစ်ပါ၏။”(ဆာလံ ၃၂း၎)

ထိုကဲ့သို့သော အခြေအနေမျိုးကို ကျွန်တော်တို့ ခံစားဘူးသည် ဆိုသည့်တိုင်အောင် ထိုသူတို့ကဲ့သို့ မဟုတ်ချေ။ ကျွန်တော် တို့သည် ယခုအခါ ကောင်းမွန်စွာ သွားလာနိုင်ကြသည်။ ချီးမွမ်းနိုင်ကြသည်။ ထိုင်နိုင်ကြသည်။ တီဗွီ ကြည့်နိုင်သည်။ အိပ်ပျော် နိုင်ကြသည်။  ကျွန်တော်တို့၏ ကလေးများသည် ဆော့ကစား နိုင်ကြသည်။ ပျော်ရွှင် မြူးတူး နိုင်ကြသည်။ ဣသရေလ လူမျိုးတို့ ၏ ငတ်မွတ်ခေါင်းပါး မှုများသည် ထိုအခြေအနေများ အားလုံး ပျောက်ဆုံး နေကြသည် မဟုတ်ပါလား။

ပရောဖတ်ကြီး ဧလိယ ကိုယ်တိုင် ထိုအခြေအနေကို သိထားပါသည်။ သို့သော် ထိုပြဿနာသည် အမြဲတမ်း ဖြစ်နေမည်တော့ မဟုတ်။ ထိုအမှု အရာသည် ဣသရေလ လူမျိုးတို့တွင် တစ်ကြိမ်တစ်ခါ ဖြစ်သည့် အဖြစ် အပျက်သာ ဖြစ်ပါသည်။ ထိုကဲ့သို့ ကျွန်တော်တို့ လည်း သိထားရမည် ဖြစ်ပါသည်။

•     ခြောက်သွေ့ခြင်းဆိုသည်မှာ အမြဲထာဝရတော့ မဖြစ်နိုင်ပါ။


•     ငြီးငွေ့ခြင်းဆိုသည်မှာ အမြဲတမ်းတော့ မဖြစ်နိုင်ပါ။


•     မြုံသည် (ကျိုးစားအားထုပ်သမျှ မဖြစ်ထွန်း) ဆိုသည်မှာ အမြဲတမ်း မဖြစ်နိုင်ပါ။

• ဘုရားသခင်သည် နေပူမှ အရိပ်သို့ ပြောင်းပေးပါသည်။


• ခြောက်သွေ့ခြင်းမှ ဧမြခြင်းသို့ ပြောင်းပေးပါသည်။


• မြုံခြင်းမှ ပွားများခြင်းသို့ ပြောင်းပေးပါသည်။


• ညှိုးငယ်ခြင်းမှ လန်းဆန်းလှပခြင်းသို့ ပြောင်းပေးနေပါသည်။

မြစ်ရေသည် ဆက်လက် စီးဆင်း ပါတော့မည်။ လေပြေသည် ဆက်လက် တိုက်ခတ်ရန် ပြင်ဆင်နေပါသည်။ ဘုရားသခင်၏ မျက်မှောက်တော်သည် သင်၏ အသက်တာထဲမှ မိုးခေါင်ခြင်းကို ရွေ့လျားစေပါတော့မည်။

ထိုခြောက်သွေ့ခြင်းသည် လက်ရှိကာလတွင် တစ်ယောက်ခြင်းစီ အပေါ်တွင် ရှိနေတတ်သည်။ တစ်ခါတစ်ရံ အသင်းတော် အပေါ်တွင် လည်းကောင်း၊ ကျွန်တော်တို့၏ အမှုတော်မြတ် အပေါ်တွင် လည်းကောင်း၊ ကျွန်တော်တို့ အားလုံးအပေါ်တွင် လည်းကောင်း ရှိနေတတ်ပါသည်။

ထိုအခြေအနေကို အခြားသူများ ခံစားရသကဲ့သို့ ဧလိယ ကိုယ်တိုင်လည်း ခံစားရပါသည်။ ၁ရာ ၁၇း၆-၇ တွင် ဖေါ်ပြသည်မှာ ဧလိယ မှီခို သောက်သုံး နေသော ချောင်းရေကလေးက ခန်းခြောက်သွား သဖြင့် နေရာ ပြောင်းရွှေ့ ခံရပါသည်။ သို့သော် ဧလိယ ကိုယ်တိုင် သိရှိသည်မှာ ထိုအခြေအနေသည် အဆုံး မဟုတ် ဆိုသည်ကိုတော့ နားလည်နေပါသည်။

ကျွန်တော် ဤမျှလောက် နိဒါန်းပျိုး ပြောဆိုနေသည်မှာ သင်ကိုယ်တိုင်လည်း ထိုကဲ့သို့ မိုးခေါင်းခြင်း အခြေအနေကို ခံစားနေနိုင် သည်ကို ရှင်းလင်းစွာ မြင်တွေ့ ခံစားနိုင်ရန် ဖြစ်ပါသည်။ သင်ကိုယ်တိုင် ကာယ (ဇာတိ) ပိုင်းတွင် ကောင်းမွန် အဆင်ပြေ နေသည့် တိုင် ဝိညာဉ်ရေးရာပိုင်းတွင် မိုးခေါင်းနေနိုင်ပါသည်။ ဘုရားသခင်၏ မျက်မှောက်တော် အနှစ်သာရကို မခံစားရသူ ဖြစ်ကောင်း ဖြစ်နိုင် ပါသည်။ သို့သော် ထိုပြဿနာများသည် ဘုရားသခင်၏ ပြက္ခဒိန်တွင် အစဉ်အမြဲ ရှိနေလိမ့်မည် မဟုတ်ပါ။ သင်၏ အသက်တာမှ မိုးခေါင်ခြင်းကိုလည်းကောင်း၊ ဝိညာဉ်ရေး မိုးခေါင်းခြင်းကိုလည်းကောင်း ဖယ်ရှား တိုက်ထုပ်ပစ်ရန် ဘုရားသခင်၏ ကောင်းကင်ဘုံမှ စီစဉ်လျက် ရှိသည်ကို သိစေချင်ပါသည်။

အခန်းငယ် (၄၁)တွင် ဖေါ်ပြသည်မှာ

ထိုနောက်မှ ဧလိယက၊ မင်းကြီးသည်  စားသောက်ခြင်းငှါ တက်သွားပါလော့။ များစွာသော မိုးရွာမည့် အသံ ရှိသည်ဟု အာဟပ်အား ပြောဆိုလျှင် (၃ရာ ၁၈း၄၂၁)

အထက်ပါ စကားကို ပြောဆိုသည့် အချိန်တွင် တကယ် မိုးမရွာသေးပါ။ အလွန် ခြောက်သွေ့ ပူပြင်နေချိန် ဖြစ်နိုင်ပါသည်။ အပူချိန် ၄၅ံ စင်တီဂရိတ် မှ ၅၀ံ စင်တီဂရိတ် ပင် ကျော်မည်လား မပြောနိုင်ပါ။ ခြေလှမ်းတိုင်တွင် မြက်ခြောက်ပင်များက ထွက်သည့် အသံကိုပင် ကြားနိုင်ပါလိမ့်မည်။ ထိုခြေလှမ်းတိုင်းတွင် ဖုန်မှုန့်များက လေထဲတွင် ဝဲလွင့်နေပြီး အသက်ရှုလိုက်တိုင်း ဖုန်အနံတွေကို ရှူရှိုက်နေ ရပါလိမ့်မည်။ တိရစ္ဆာန် အသေကောင်တွေ ကိုလည်း မြင်တွေ့နေရပါ လိမ့်မည်။ ခြံစည်းရိုး အပြင် ဘက်က တိရစ္ဆာန်ကလေးတွေကလည်း နံရိုး အပြိုင်းပြိုင်းနှင့် ရေတွက်လို့ပင် ရနိုင်ပါလိမ့်မည်။

ဝိညာဉ်ရေးရာတွင် မိုးခေါင်ခြင်း

ဤသည်မှာ မိုးခေါင်မှု၏ ဆိုးရွားမှုများသာ ဖြစ်ပါသည်။ သင်သည် အဟာရ ချို့တဲ့နေပါသည်။ သင်သည် အားနည်း နေပါသည်။ သင်သည် ရောဂါ ဝေဒနာများ ခံစားနေရပါသည်

သို့သော် ထိုအခြေအနေဆိုးထဲတွင် ဘုရားသခင်၏ လူက ပြောလိုက်သည်မှာ “များစွာသော မိုးရွာမည့် အသံရှိသည်” ဟူ၍ ဖြစ်ပါသည်။

သင် ကိုယ်တိုင် ထိုအခြေအနေကို ခံစား နားလည်နိုင်ပါသလား။ ယခုတွင် ဘာမျှ မရှိသေး။ မည်သည့်အရာမျှ မဖြစ်သေး။ သို့သော် ထိုအရာ၏ အခြားတစ်ဘက်တွင် ကျွန်တော်တို့ တစ်စုံတစ်ရာကို ကြားနေရပါသည်။ ခံစားနေရပါသည်။

စာတန် နတ်ဆိုးက သင့်ကို ပြောနေသော စကားမှာ “ငါမင်းကို ဖျက်စီးပစ်လိုက်မယ်။ မိုးခေါင်မှုထဲမှား မင်းဟာ အားလုံး ပျက်စီး သွားမယ်။” ဖြစ်ပါသည်။ သို့သော် သင်သည် ချက်ခြင်း ပြန်လည် ပြောဆိုရမည်မှာ “မဟုတ်ဘူး။ အဲဒီလို မင်းလုပ်လို့ ရမှာ မဟုတ်ဘူး။ အလွန်အားကြီးတဲ့ မိုးရွာမည့် အသံကို ငါကောင်းကောင်းကြားနေရတယ်။” ဆိုပြီး ပြန်ပြောလိုက်ပါ။ ဘုရားသခင်သည် အခြေအနေ အမျိုးမျိုးတွင် ကျွန်တော်တို့ကို ကယ်လွှတ်မည် ဖြစ်ပါသည်။ ကျွန်တော်တို့သည် ဘုရားသခင်ကို ချီးမွမ်းရ မည် ဖြစ်ပါ သည်။

ဧလိယ ကပြောလိုက်သည်မှာ “ရေဖျန်းသလို ဖျန်းမှာမဟုတ်၊ ရေပတ်သလို ပတ်လိုက်မှာ မဟုတ်” “များစွာသော မိုးရွာမည့်အသံ ရှိပါသည်။” ဟု ပြောလိုက်သည်မှာ ရင်ခုန် လှုပ်ရှားဖွယ် ဖြစ်ပါသည်။

ကျမ်းစာတွင် ဖော်ပြချက်အရ မည်သူတစ်ဦး တစ်ယောက်ကမျှ ထိုမိုးသံများကို မကြားရပါ။ ဧလိယ တစ်ဦးတည်းသာ ထိုအသံကို ကြားနေရပါသည်။ ဧလိယ၏ ကျွန်ရင်းဖြစ်သောသူပင်လျှင် ထိုအသံကို မကြားရချေ။
ဓမ္မသစ်ကျမ်းတွင် ယေရှုက ပြောခဲ့သည်မှာ “ကြားစရာနား ရှိသောသူမည်သည်ကား ကြားရပါစေ” (လုကာ ၁၄း၃၅) ဟု ပြောခဲ့ပါ သည်။

ထိုအသံကို နားထောင်နေသောသူသာလျှင် ကြားရမည် ဖြစ်ပါသည်။ ဘုရားသခင်သည် သင်၏ နှလုံးသားထဲသို့ ကြေးနန်း ပို့သကဲ့သို့ ပို့လိုက်ပြီး သင်က ထိုအသံကို သာမန် နားဖြင့် ကြားရမည်မဟုတ်ဘဲ နှလုံသား နားဖြင့် ကြားနာရမည်သာ ဖြစ်သည်။ ထိုအသံကို သင်အမှန်တကယ် ကြားသိပြီ ဆိုပါက မကြာမီ မိုးရွာချေတော့မည်။ ဘုရားသခင် ချိန်ချက်သော အချိန်တွင် သင်ရှိသော နေရာတွင် အကြီး အကျယ် မိုးရွာချေလိမ့်မည်။ ထိုမိုးသည် သင်၏ အပေါ်တွင်လည်းကောင်း (သို့) သင်၏ မိသားစု ထံတွင်လည်းကောင်း (သို့) သင်၏ အခြေအနေများတွင်လည်းကောင်း (သို့) သင်၏ စီးပွားရေး လုပ်ငန်းတွင် လည်းကောင်း၊ သင်၏ အသင်းတော်တွင်လည်းကောင်း၊ သင်၏ အမှုတော် လုပ်ငန်းတွင်လည်းကောင်း၊ သဲသဲမဲမဲ ရွာချေတော့မည်။ ကောင်းကြီး မိုးဟု ခေါ်ရမည် လားမသိပါ။

ထိုကဲ့သို့ မိုးရွာမည့် အသံကို ဧလိယ တစ်ဦးတည်းသာ ကြားနေရပြီး တပည့်ဖြစ်သူက မည့်သို့မျှ ကြားလည်း မကြား မြင်လည်း မမြင်ခဲ့ခြေ။ ထို့ကြောင့် တပည့်ကို ပင်လယ်ဘက်သို့ ကြည့်ခိုင်းလိုက်လေသည်။ တပည့်ဖြစ်သူက “အဘယ်အရာကိုမျှ မမြင်ပါ” (၃ရာ ၁၈း၄၃) ဟုသာ အကြောင်းပြန်ခဲ့လေသည်။ ထိုအခါ ဧလိယ မည်ကဲ့သို့ လုပ်ဆောင်ခဲ့ပါသနည်း။ ဧလိယ စိတ်မညစ်ပါ။ ဝမ်းမနည်းပါ။ အားမငယ်ပါ။ ဒေါသမထွက်ပါ။ မငြီးတွားခဲ့ပါ။

ဘုရားသခင်သည် ဧလိယကို အမှန်တကယ် မိုးရွာမည် ဆိုသည့်အကြောင်းကို ပြောပြီးသား ဖြစ်ပါသည်။ (၃ရာ ၁၈း၁) ထိုအသံကို ဧလိယက ကြားထားပြီး ဖြစ်သောကြောင့် ဘုရားသခင် အမှန်တကယ် လုပ်ဆောင်မည်ဟု သိထားသောကြောင့် စိတ်ချမှု အပြည့်အဝ ရှိနေခဲ့ပါသည်။ အမှန်တကယ် မိုးရွာပါလိမ့်မည်။ အဘယ်ကြောင့်ဆိုသော် ဘုရားသခင်ကိုယ်တော်တိုင် မိန့်ကြား ထားသောအကြောင့် ဖြစ်ပါသည်။

ထိုအသံကို နှလုံးသားနှင့် နားထောင်နေသော ဧလိယ တစ်ဦးတည်းသာ သိပါသည်။ ကြားပါသည်။ သင့် မိသားစုကလည်း ကြားချင်မှ ကြားပါလိမ့်မည်။ သင့် ပတ်ဝန်ကျင်က လူတွေ ကြားချင်မှ ကြားပါလိမ့်မည်။ ကျွန်တော်တို့သည် ဘုရားသခင် ရှိသော နေရာမှ မိုင်ပေါင်း ထောင်ချီ၍ ရှိနိုင်ကြသော်လည်း ဘုရား သခင်ကို မျှော်လင့် အသက်ရှင်သော သူများအနေဖြင့် ထိုအသံကို ကြားနိုင် ကြပါသည်။ ကြားနေကြပါလိမ့်မည်။

တပည့်ဖြစ်သူကို ခြောက်ကြိမ်တိုင်အောင် အဖန်ဖန် ကြည့်ခိုင်းသော်လည်း မည်သည့် အရိပ်အရောင်မျှ မမြင်တွေ့ခဲ့ရချေ။ သို့သော် ဘုရားသခင်၏ လူကတော့ ထိုအသံကို ကြားနေရပါသည်။ နောက်ဆုံးတွင် သူကြားသည့် အတိုင်း မကြာမီ ဖြစ်လာခြေ တော့မည်။ ထို့ကြောင့် အာဟပ် ဘုရင်ကို သတိပေးရန် လူတစ်ယောက်ကို စေလွှတ်လိုက်လေတော့သည်။

“အာဟပ်မင်းထံသို့ သွားလော့။ မိုးရွာ၍ ဆီးတားမည်ကို စိုးရိမ်စရာ ရှိသောကြောင့် မင်းကြီး ပြင် ဆင်၍ ပြန်သွားမည့် အကြောင်း လျှောက်ထားလော့ ဟု မှာလိုက်လေသည်။ (၃ရာ ၁၈း၄၄)

စာတန်သည် ဧလိယ၏ စိတ်ဝိညာဉ်ကို ကစားစရာ သဖွယ် ကစားနေခဲ့ပုံရပါသည်။
ပထမအကြိမ် အာဟပ်ကို “မြန်မြန် သွားပါ။ မိုးရွာလိမ့်မည်” ဟု ပြောခဲ့စဉ်က မည်သည့် အရိပ်အရောင်မျှ မမြင်တွေ့ခဲ့ရ။ မကြားခဲ့ရ။ ထိုသို့ ပြောခဲ့စဉ်က အမှန်တကယ် မကြား မမြင်ခဲ့ရလျှင် ထိုမိုးခေါင်မှု ကြီးသည် ရွေ့လျား ပျောက်ကွယ် သွားမည် မဟုတ်။ ဆက်လက် ရှိနေဦးမည် ဖြစ်ပါသည်။ ကြားခဲ့ မြင်ခဲ့သောကြောင့်သော ဧလိယက အခိုင်အမာ ဆိုနေခြင်းသာ ဖြစ်ပါသည်။

ကျွန်တော်တို့သည် မိုးခေါင်းမှုထဲတွင် ရှိနေစဉ်တွင် အခန်းငယ်လေးတွင် ဆုတောင်းနေသည်။ အကောင်းဆုံး အသက်ရှင်သည်။ ကျမ်းစာဖတ်သည်။ အသင်းတော်ကို  သစ္စာရှိစွာ မှန်မှန်တတ်သည်။ ဆယ်ဖို့တစ်ဖို့ပေးသည်။ သို့သော် မည်သည့် ကောင်းကြီး မင်္ဂလာမျှ မရရှိခဲ့။ တစ်ခုခု ကောင်းသည့် အရာလည်း မရှိခဲ့။ ကျန်မာခြင်းလည်း မရှိခဲ့။ အခြေအနေများက မည်သို့မျှ ပြောင်းလဲ မသွားခဲ့ချေ။ အလွန်းဆိုးရွားလှပါသည်။

ထိုအခြေအနေကို မိုးခေါင် နေသည် ဟု ပြောနိုင်ပါသည်။ အသင်းတော်သို့ ပုံမှန်သွားသော်လည်း ဘာမျှ မဖြစ်။ တရားဟော ချက်များကို နားထောင်သော်လည်း ဘာမျှ မရ။ သီချင်းတွေ ပုံမှန်ချီးမွမ်းနေလည်း မည်သို့မျှ ဝမ်းမြောက်ခြင်း မခံစားရ။ ထိုအခြေ အနေတွင် သင့်ဘက်မှာ ယုံကြည်ခြင်း ပျက်ပြားမသွားပါစေနှင့်။

ထိုအခြေအနေတွင် သင်၏ ယုံကြည်ခြင်းကို မည်မျှ ခက်ခဲနေသည်ဖြစ်ပါစေ ဆက်လက် တည်ဆောက်ပါ။ မည်သည့်အရာမျှ မမြင်၊ မည်သည့်အရာမျှ မကြား။ မည်သည့်အနံ့မျှ မရသည့်တိုင်အောင် ယုံကြည်ခြင်းကို ဆက်လက် တည်ဆောက်ပါ။

သင်ဆုတောင်းပြီးရင် ဆက်လက် ဆုတောင်းနေပါ။ ဘာမျှ မရသော်လည်း ဆက်လက် ဆုတောင်းနေပါ။ သင့်၏ ယုံကြည်ခြင်းကို အမြင့်ဆုံးသော တောင်ထိပ်ပေါ်အထိ တွန်းပို့ပါ။ အမြင့်ဆုံးမှာ ရှိနေပါစေ။ ဘာမျှ ဖြစ်မလာရင်လည်း ဆက်လက် ယုံကြည်ပါ။ ဘာမျှ ဖြစ်မလာဘူး။ ဘာမျှ ဖြစ်မလာဘူး။ ဘာမျှ ဖြစ်မလာဘူး။ ဘာမျှ ဖြစ်မလာဘူး။ ဘာမျှ ဖြစ်မလာဘူး။

ဧလိယ ကတော့ (၆) ကြိမ်တိုင်အောင် ကြည့်၍ ဘာမျှ ဖြစ်မလာသော်လည်း ယုံကြည်ခြင်းကတော့ ပျောက်ပျက်မသွားခဲ့ပါ။

ဟေရှာယက ပြောခဲ့ပါသည်။

ထာဝရ ဘုရားကို မြှော်လင့်သောသူတို့မူကား အားပြည့်ကြလိမ့်မည်။ ရွှေလင်းတကဲ့သို့ မိမိတို့ အတောင်ကို အသစ်ပြုပြင် ကြလိမ့်မည်။ ပြေးသော်လည်း မပင်ပန်း ခရီးသွားသောအခါ မမောရကြ။ (ဟေရှာယ ၄၀း၃၁)

သင်၏ ယုံကြည်ခြင်းကို ခုနှစ်ကြိမ်တိုင်အောင် မြင့်မားလှသော တောင်ထိပ်ထိရောက်အောင် ဆက်လက်ပို့ဆောင်ပါ။ ဘယ်သော အခါမျှ ကျဆင်းသွားခြင်း မရှိပါနှင့်။

ဘာမျှမရှိခြင်းသည် စိတ်ပျက်စရာမဟုတ်။

ပထမ ခြောက်ကြိမ်စလုံးတွင် စိတ်ပျက်စရာ အားမရစရာ သတင်းစကားကိုသာ ရရှိခဲ့သော ဧလိယသည် အကြိမ်ကြိမ် သူ၏ ယုံကြည်ခြင်းကို မြင့်သထက် မြင့်လာအောင်သာ တွန်းတင်ခဲ့သည်။ များသောအားဖြင့် နှစ်ကြိမ်၊ သုံးကြိမ် ဖြစ်မလာလျှင် စိတ်ဓါတ်ကျ အားငယ် ဝမ်းနည်းတတ်ကြသည်။ ဘယ်နှစ်ကြိမ်ပင် စိတ်ပျက်စရာ ရှိသော်လည်း အားမငယ်၊ ဝမ်းမနည်းဘဲ ဆက်လက်၍ ယုံကြည်ခြင်း မျှော်လင့်ခြင်းတို့ဖြင့် ဆက်လက် အားယူပါ။

ဧလိယသည် ဘုရားသခင်ထံ ဆုတောင်းလိုက်၊ ထပ်မံ ကြည်ခိုင်းလိုက်၊ ထပ်မံဆုတောင်းလိုက်၊ ထပ်မံ တစ်ခါ ထပ်တက်လိုက်၊ အကြိမ်ကြိမ် လုပ်ဆောင်ပြီးသောအခါ နောက်ဆုံးတွင် တိမ်ရိပ်ကလေးကို မြင်ရလေတော့သည်။ ကျွန်တော်တို့သည် မိုးရိပ်ကို မြင်နေရပါပြီး၊ မိုးခေါင်မှု မကြာမီ ပြီးစီးပါတော့မည်။ ဘုရားသခင်၏ ကောင်းကြီး မင်္ဂလာတွေ မကြာမီ စီးဆင်းလာ ပေတော့မည်။

အခန်းငယ် ၄၅ တွင် “မကြာမမြင့်မှီ မိုးကောင်းကင်သည် မိုးသက်မုန်တိုင်းနှင့် မည်း၍ ပြင်းစွာ မိုးရွာ၏။” ဟု ဖေါ်ပြထားပါသည်။

(၇) ကြိမ်တိုင်အောင် ယုံကြည်ခြင်းကို မြှင့်တင် တည်ဆောက်ကာ ပင်လယ်ဘက် မျှော်ကြည့်ခဲ့ရသော အရာသည် ယခုအခါ ဘုရားသခင်၏ ဘုန်အသရေတော်ကို ကြားပြောပါတောသည်။ ဘုရားသခင်၏ မျက်မှောက်တော်ကို ဖော်ပြနေလေတော့သည်။ ဘုရားသခင်၏ တန်ခိုးတော်ကို လူတိုင်း ခံစားရလေတော့သည်။

ဘာမျှမရှိခြင်း၏ အခြားတစ်ဖက်ကို ကြည့်ရှုခြင်း

ဧလိယသည် “ဘာမျှမရှိပါ” ဟု အကြိမ်ကြိမ် ပြန်ကြားခဲ့သော်လည်း “တစ်ဖန် ပြန်လည် ကြည့်ရှုပါ။” ဟုဆိုကာ အကြိမ်ကြိမ် စေ လွှတ်ခဲ့သည်။

သို့သော် နောက်ဆုံးအကြိမ်တွင် “မိုးတိမ်ငယ်တစ်ခု ပင်လယ်ထဲက တက်လာပါ၏” ဟု ပြောသံကြားသောအခါ “တစ်ဖန်ပြန်ကြည့်ပါ” ဟု ထပ်မံ စေခိုင်းခြင်း မပြုတော့ပါ။ ထိုသို့ ပြောမည့်အစား “ မိုးရွာ၍ ဆီးတာမည်ကို စိုးရိမ်စရာ ရှိသောကြောင့် မင်းကြီး ပြင်ဆင်၍ ပြန်သွားမည့်အကြောင်း လျှောက်ထားလော့” ဟု ပြောခိုင်းလိုက်ပါသည်။

ကျမ်းစာက ပြောသည့်အတိုင်း ဆိုရလျှင်

 “ထာဝရ ဘုရား၏ လက်တော်သည် ဧလိယအပေါ်မှာ ရှိ၍ သူသည် ခါးပန်းကို စည်းလျက် အာဟပ်မင်း အရင် ယေဇယေလမြို့ တံခါးဝသို့ ပြေးလေ၏။”(၃ရာ ၁၈း၄၆)

သင်၏ အသက်တာတွင် ဘုရားသခင် ရွာစေသည့်မိုး ရွာပြီဆိုပါက သင့်အပေါ်တွင်လည်း ဝိညာဉ်တော် အုပ်စိုး သဖြင့် ဘယ်နေရာ ကို သွားမည်ဟု ပြောစရာပင် မလိုဘဲ သင့်ကို ဝိညာဉ်တော်ကသာ ရွေ့လျားစေလျက် ဘုရားသခင် ၏ ဘုန်းအသရေတော်က အလုပ်လုပ် ဆောင်နေ မည် ဖြစ်ပါ သည်။

ကျွန်တော်တို့သည် ဘုရားသခင် ရွာစေမည့် မိုးအတွက် ပြင် ဆင်ထားကြပါစို့။ ကျွန်တော်တို့သည် ဘာမျှ မရှိခြင်း၏ အခြား တစ်ဖက် အတွက် ပြင်ဆင်ထားကြပါစို့။ ကျွန်တော်တို့၏ နားများကို ကောင်းကင်သို့ လှည့်ကြပါစို့။ ကြီးစွာသော မိုးရွာမည့် အသံကို နှလုံးသားဖြင့် ကြားနိုင်မည်ဟု ယုံကြည်ကြပါစို့။ အသက်တာထဲက မိုးခေါင်မှုတွေ ရပ်ဆိုင်းတော့မည်။ ဘုရားသခင်က ကျွန်တော်တို့ ဘဝ အသက်တာ ထဲတွင် ကြီးစွာ သော ကောင်းကြီးမိုးများကို သွန်းလောင် ရွာသွန်းစေတော့ မည်။ ယုံကြည် လျက် မျှော်လင့်ကြပါစို့။

ဘုရားသခင် ကောင်းကြီးပေးပါစေ။

ဖြေရှင်းရန် မဖြစ်နိုင်သော ပြဿနာများကို ရင်ဆိုင်ခြင်း

ယနေ့တွင် ဖြေရှင်းရန် မဖြစ်နိုင်ဘူးဆိုသော အရာတွေကို သင်ရင်ဆိုင်နေရသည် ဆိုပါက သင့်အတွက် သတင်းကောင်းတစ်ခု ရှိနေပါသည်။ သင့်အတွက် မိသားစုနှင့် မပျော်ရွှင်နိုင်ခြင်း၊ မပေးကမ်းနိုင်ခြင်း၊ ပြဿနာများကြောင့် အိပ်မပျော်နိုင်ခြင်း၊ ဟန်ဆောင်နေရတဲ့ ဘဝထဲက မလွတ်မြောက်နိုင်သောကြောင့် ဝမ်းနည်းနေရသောသူများ အတွက် ဤတရားဟော ချက်ကလေး က အကူအညီ ပေးပါလိမ့်မည်။

ထွက်မြောက်ရာကျမ်း ၁၄း၉-၁၄ ကိုဖတ်ပါ။

အထက်တွင် ဖတ်ခဲ့ရသော ကျမ်းပိုဒ်တွင် ဣသရေလလူမျိုးများ အတွက် အလွန်ကျဉ်းကျပ်ပြီး လမ်းဆုံးတွင် ရောက်ရှိနေ ချိန်ဖြစ်ပါသည်။ သူတို့၏ နောက်တွင် အလွန် စွမ်းရည်ထက်မြက်သော စစ်တပ်ကြီးက လိုက်လာချေပြီ။ သူတို့၏ ဘေးနှစ်ဘက် တွင် သဲကန္တရကြီးနှင့် ကျောက်ဆောင်ကြီးများသာ ရှိနေသည်။ ရှေ့တွင် ပင်လယ်ကြီးက  ဆီးကြိုပွေ့ဖက်တော့မည့် ဟန်ဖြင့် စောင့်ကြိုနေသည်။ သူတို့၏ ပတ်ပတ်လည်တွကင် ပြဿနာများကသာ ကြီးစိုးနေသည်။ အချင်းချင်း တစ်ယောက်ကို တစ်ယောက် အားပေး ဖေးမမည့်သူလည်း မရှိ။ သူတို့ လွတ်မြောက်ဘို့ တွေးတော ကြံစည်ရမည့် အချိန်ကလည်း မရှိသလောက် နည်းပါးနေလေပြီ။

ထိုအခြေအနေမျိုးကို ပြဿနာကို ဖြေရှင်းပေးမည့် အကြံပေးများက အကြံပြုကြမည်မှာ

1. အလံဖြူပြပြီး မိမိတို့ကို သတ်ဖြတ်မည့်သူများကို အရှုံးပေးလိုက်ပါ။


2. တတ်နိုင်သမျှ လက်နက်များကို ရှာဖွေပြီး အလျှင်အမြန် ရန်သူတွေကို ပြန်လည်တိုက်ခိုက်ပါ။


3. ပုန်းအောင်နေပါ။ ကျောက်တုံးများကြား ထွက်ပြေးပါ။ သဲကန္တာရထဲမှာ ထွက်ပြေးပါ။

သို့သော်လည်း ဘုရားသခင်က သူ၏ ပရောဖတ်ဖြစ်သော မောရှည်အားဖြင့် အချက်သုံးချက် မိန့်တော်မူခဲ့သည်။ ထိုအချက်များမှာ လူတို့ ကြံစည်တွေခေါ်တတ်သော အကြံအစည်မျိုးမဟုတ်။ မောရှည်က သူ၏ လူများကို ဘုရားသခင် မိန့်တော်မူသည့်အတိုင်း ပြောလိုက်သည်မှာ -

“မောရှည်ကလည်း မစိုးရိမ်ကြနှင့်။ ငြိမ်ဝပ်စွာ ရပ်နေကြ။ ထာဝရ ဘုရားသည် ယနေ့ပြတော် မူသော ကယ်တင် ခြင်းကို ကြည့်ရှုကြလော့။ သင်တို့သည် ယနေ့မြင်သော အဲဂုတ္တုလူတို့ ကို နောက်တစ်ဖန် အလျှင်းမမြင်ရကြ။  သင်တို့ဘက်၌ ထာဝရ ဘုရား စစ်တိုက်တော်မူ လိမ့်မည်။ သင်တို့ သည် ငြိမ်ဝပ်စွာ နေရကြ မည်ဟု လူများ တို့အား ဆို၏။” (ထွက်မြောက်ရာ ၁၄း၁၃-၁၄)

ဘုရားသခင် ဖွင်ပြသော ပြဿနာကို ရင်ဆိုင်ရန် အချက် (၃)ချက်

1.   မကြောက်ပါနဲ့။ (လက်မြှောက်အရှုံးပေးရန်မလို)


2.   ရပ်နေပါ။ (ပြန်တိုက်စရာမလို)


3.   ဘုရားသခင်၏ ကယ်တင်ခြင်းကို ကြည့်ပါ။ ( ပုန်းအောင်းနေရန်မလို)

ကျွန်ုပ်တို့အားလုံး သိကြပြီး ဖြစ်သည့်အတိုင်း ပြဿနာကို လွယ်လွယ်ကူကူ အေးအေးဆေးဆေး ရင်ဆိုင်ရန် မလွယ်ကူပါ။ ထို အကြောင်း အရာတို့သည် ဖိစီးမှုများ ရှိနေသော လက်တွေ့ အခြေအနေတွင် အသုံးမရ ဖြစ်နိုင်ပါ သည်။ နေရာတိုင်း တွင် မြင်တွေ့ ရသည့် အခြေအနေက သက်သာ အဆင်ပြေနေသည် မဟုတ်သော ဤအခြေအနေတွင် လက်တွေ့ မကျလှချေ။

ကျွန်တော်ချစ်သော မိတ်ဆွေ

1. သင်ခံစားနေရသော ပြဿနာ အခြေအနေသည် ကြောက်ရွံ့ နေရုံမျှဖြင့် မပြေပျောက်နိုင်ပါ။ လုပ်ဆောင်နိုင်သော အရာမှာ ဘုရားသခင်ထံ ဆုတောင်းခြင်းဖြင့် ယူဆောင်လာရုံသာ ဖြစ်သည်။ (ဆုတောင်းခြင်း)


2. သင်ကိုယ်တိုင် မရပ်တည်နိုင်သော မငြိမ်မသက်ဖြစ်နေသော အခြေအနေတွင် သင်ကိုယ်တိုင် လုပ်ဆောင်နိုင် သည့်အရာမှာ ဘုရားသခင်၏ တန်ခိုးတော်ကို ခံစား၍ ထိုအခြေအနမှ မိမိကို ပေးသော သွန်သင်ချက်ကို စောင့်ဆိုင်း ရယူယုံသာ ရှိပါသည်။ (ဘုရားသခင်၏ တန်ခိုးတော်)


3. ဘုရားသခင်၏ ကယ်တင်ခြင်းကို မမြင်နိုင်ခင် သင်လုပ်နိုင်သောအရာမှာ ဘုရားသခင်ကို ဝတ်ပြုခြင်းနှင့် ကိုးကွယ် ခြင်းသာ ဖြစ်ပါသည်။ (ချီးမွမ်း ကိုးကွယ်ခြင်း)

ဘုရားသခင်၏ လူများကို မောရှည် ပြောဆိုခဲ့သောအရာများတွင် အရေးကြီးသော အချက်ကြီး သုံးချက် ရှိပါသည်။ ဟုတ်ပါသည်။ မိမိတွေ့ကြုံရသော ဤခက်ခဲ ကြမ်းတမ်းသော အခြေအနေတွင် အရေးကြီးသော ချပ်ဝတ်တန်ဆာ (၃) ခုမှာ

   ဆုတောင်းခြင်း
    ဘုရားသခင်၏ တန်ခိုးတော်
    ဝတ်ပြုခြင်းနှင့် ကိုးကွယ်ခြင်း

ဘုရားသခင်၏ လူများ ကြီးမား ခက်ထန်သော ပြဿနာများနှင့် ရင်ဆိုင်ကြုံတွေ့ နေရချိန်တွင် ဘုရားသခင်၏ လူက လုပ်ဆောင်ရန် အချက် သုံးချက်ကို ပြောဆိုခဲ့သည်။

1. ပြဿနာကို ဘုရားသခင်ထံ ယူဆောင်လာပါ။ ( မစိုးရိမ်နှင့်)


2. ပြဿနာကို သင်ကိုယ်တိုင် မဖြေရှင်းပါနှင့်။ ဘုရားသခင်၏ တန်ခိုးတော်ကို စောင့်ဆိုင်းပါ။ ( ငြိမ်ဝတ်စွာ ရပ်နေကြ။)


3. အပြစ်မတင်ပါနှင့် ဝတ်ပြုခြင်း ကိုးကွယ်ခြင်းဖြင့် ဘုရားသခင်၏ ကယ်တင်ခြင်းကို မြင်အောင်ကြည့်ပါ။ (ကယ်တင်ခြင်းကို ကြည့်ရှုလော့။)

အထက်ပါ အချက် သုံးချက်သည် လုပ်ဆောင်ရန်အတွက် အလွန်လွယ်ကူ ရိုးရှင်းပါသည်။ သို့သော် အသက်တာထဲက ခက်ခဲ ရှုပ်ထွေးသော ပြဿနာကို ဖြေရှင်း လုပ်ဆောင်ရန် အတွက် အမှန်တကယ် ခိုင်လုံပါသလား။

ထိုမေးခွန်းကို ဖြေဆိုရန်အတွက် ရွှေကို အက်စစ်ငရဲမီးနှင့် စား၍ စစ်ဆေးသကဲ့သို့ ထိုဝတ်စုံကို ကျွန်တော်တို့ ဝတ်ဆင်ကာ စစ်ဆေးခံဘို့ လိုအပ်ပါသည်။ ဣသရေလ အမျိုးသားများအတွက် တစ်နိုင်ငံလုံးနှင့် သက်ဆိုင်သော အမျိုးသားရေး ပြဿနာကြီး တစ်ရပ် ရှိခဲ့ဘူးပါသည်။

အမျိုးသားရေး ပြဿနာ

၂ရာချုပ် ၂၀း၁-၂ တွင်

“ထိုနောက်မှ မောဘ အမျိုးသားနှင့် အမ္မုန်အမျိုးသားတို့သည် ဧဒုံအမျိုးသား အချို့နှင့် တကွ၊ ယောရှဖတ်ကိုစစ်တိုက်မည်ဟု ချီလာကြ၏။ အိုင်ကြီးတဘက်၊ ဧဒုံပြည်ဘက်က များစွာသော အလုံးအရင်း စစ်ချီလာ၍ အင်္ဂေဒိအမည်ရှိသော ဟာဇဇုန္တာမာမြို့မှာ ရှိကြပါသည်ဟု ယောရှဖတ်အား ကြားလျှောက်လျှင် -

အထက်ပါ ကျမ်းချက်တွင် ကျွန်တော်တို့ ထပ်မံ တွေ့ရသည် ဣသရေလ လူမျိုးများအတွက် အလွန်ကြီးမားသော အမျိုးသားရေး ပြဿနာကြီး တစ်ခုဖြစ်ပါသည်။ စစ်ချီလာကြသည်မှာ နိုင်ငံ (၃)နိုင်ငံက နိုင်ငံတစ်ခုကို စစ်အင်အားဖြင့် လာရောက် တိုက်ခိုက် နေခြေပြီ။ ဤနေရာတွင် အထက်တွင် ဖော်ပြခဲ့သော လက်နက် (၃)စုံကို ဣသရေလလူမျိုးများက ထုပ်ဆောင် ဝတ်ဆင်ကြလေပြီ။

၁။ ဆုတောင်းခြင်း

ယောရှဖတ်သည် ထိုပြဿနာကို ကြားသိသောအခါ မည်သို့မျှ စဉ်းစားတွေးခေါ်နေခြင်းမရှိဘဲ ချက်ခြင်းပင် တစ်နိုင်ငံလုံး ကို ကြော်ငြာကာ အစာရှောင် ဆုတောင်းစေ ခဲ့ပါသည်။ သူကိုယ် တိုင်လည်း ဆုတောင်း ခဲ့သည်ကို တွေ့မြင်နိုင်ပေ လိမ့်မည်။ (၂ရာချုပ် ၁၀း၃-၁၃) ကိုကြည့်ပါ။

၂။ ငြိမ်ဝပ်စွာ ရပ်နေလျက် ဘုရားသခင်၏ တန်ခိုးတော်ကို ကိုးစားခံယူကြခြင်း

ထိုအခါ ပရောဖတ် တစ်ဦးဖြစ်သူ ယဟာဇေလ ထံသို့ ဘုရားသခင်၏ ဝိညာဉ်တော် ဆင်းသက်၍ အောက်ပါအတိုင်း ပြောလိုက် လေသည်မှာ

 “အို ယောရှဖတ်မင်းကြီးနှင့် ယုဒပြည်သူ၊ ယေရုရှလင်မြို့သား အပေါင်းတို့ နားထောင်ကြလော့။ ထာဝရဘုရား မိန့်တော်မူသည်ကား ထိုအလုံးအရင်ကြီးကြောင့် မကြောက်ကြနှင့်။ စိတ်မ ပျက် ကြနှင့်။  စစ်မှုသည် သင်တို့တာမဟုတ်။ ဘုရားသခင်၏တာဖြစ်၏။ မနက်ဖြန်နေ့ သူတုိ့ ရှိရာသို့ ချီသွား ကြလော့။ သူတို့သည် ဇိဇမြို့သို့ တတ်ရာလမ်းဖြင့် လာကြစဉ် ယေရွေလတော စနား ချိုင့်ဝ မှာ သင်တို့ တွေ့ကြလိမ့်မည်။ သို့ရာတွင် အိုယုဒပြည်သူ ယေရုရှလင်မြို့သားတိုပ သင်တို့သည် စစ်တိုက်စရာ အကြောင်းမရှိ သည်ဖြစ်၍ တည်ကြည်စွာ ရှိတော်မူလိမ့် မည်ဟု မြွတ် ဆို၏။ (၂ရာချုပ် ၂၀း၁၄-၁၇)

၃။ ဝတ်ပြုကိုးကွယ်ကြခြင်း

“ယောရှဖတ်သည် မြေပေါ်မှာ ဦးချ၍ ယုဒပြည်သူ ယေရုရှလင်မြို့သား အပေါင်းတို့သည် ထာဝရ ဘုရား ရှေ့တော်၌ ပြပ်ဝပ်လျက် ထာဝရဘုရားကို ကိုးကွယ်ကြ၏။ လေဝိအမျိုး၊ ကောဟတ် အနွယ်သားနှင့် ကောရအနွယ်သားတို့သည် ဣသရေလအမျိုး၏ ဘုရားသခင် ထာဝရဘုရားကို ကျယ်သောအသံနှင့် ချီးမွမ်းခြင်းငှါ ရပ်နေကြ၏။
နက်ဖြန်နံနက်စောစောဝ၍၊ တောကောတောသို့ ထွက်သွားကြ၏။ သွားကြစဉ်တွင် ယောရှဖတ် သည် ရပ်၍ အိုယုဒပြည်သူ ယေရုရှလင်မြို့သားတို့ နားထောင်ကြလော့။ သင်တို့၏ ဘုရားသခင် ကို ယုံကြည်ကြလော့။ သို့ပြုလျှင် တည်ကြည်ကြ လိမ့်မည်။ ပရောဖတ်တော်တို့ကို ယုံကြည် ကြလော့။ သို့ပြုလျှင် အောင်မြင်ကြ လိမ့်မည်ဟု မိန့်တော်မူ၏။ လူများနှင့် တိုင်ပင်ပြီးမှ ထာဝရ ဘုရား၏ ကရုဏာတော်သည် အစဉ်အမြဲ တည်သောကြောင့် ဂုဏ်ကျေးဇူးတော်ကို ချီးမွမ်းကြ လော့ဟု တပ်ရှေ့မှာ ချီသွားလျက် သန့်ရှင်းခြင်း အသရေကို ချီးမွမ်းရသော သီချင်း သည် တို့ကို ထာဝရ ဘုရားအဘို့ ခန့်ထားတော်မူ၏။ (၂ရာချုပ် ၂၀း၁၈-၂၁)

ထိုသို့ ပြုလုပ်ခြင်း၏ အကျိုးရလဒ်များ

“ထိုသူတို့သည် သီချင်းကို ဆိုစပြုကြသောအခါ ယုဒပြည်ကို တိုက်အံ့သောငှါ လာသော စိရတောင် သားတို့ကို အမ္မုန်အမျိုးသား မောဘအမျိုးသား တို့တစ်ဘက်၌ ထာဝရ ဘုရား ချောင်းမြောင်း စေတော်မူသဖြင့်၊ အမ္မုန်အမျိုးသား၊ မောဘအမျိုးသားတို့သည် အထိ အခိုက် ခံရသောကြောင့်၊ တဖန်စိရတောင်သားတို့ကို သုတ်သင် ပယ်ရှင်းခြင်းငှါ လှန်၍ တိုက်သဖြင့် အကုန်အစင် သတ်ပြီးမှ၊ တစ်ယောက်ကို တစ်ယောက် တိုက်ခိုက်၍ ပျက်စီးခြင်း သို့ ရောက်ကြ၏။ ယုဒလူတို့သည် တော၌ရှိသော ကင်းမျှော်စင်သို့ရောက်၍ ထိုအလုံးအရင်းကို ကြည့်ရှုကြ သောအခါ ထိုလူအပေါင်းတို့သည် တယောက်မျှ မလွတ် မြေပေါ်မှာ လဲသော အသေကောင် ဖြစ်ကြ၏။ ယောရှဖတ်နှင့် သူ၏လူတို့သည် ရန်သူတု့ ဥစ္စာကို လုယူခြင်းငှါ လာကြသောအခါ အသေကောင်တုိ့၌ များစွာသော ဥစ္စာ၊ အဘိုးထိုက်သော တန်ဆာတို့ကို တွေ့ သဖြင့် ထမ်း၍ မသွားနိုင်အောင် ချွတ်ယူကြ၏။ လက်ရ ဥစ္စာ အလွန်များ သောကြောင့် သုံးရက် ပတ်လုံး လုယူထုပ် ထားလျက် နေကြ၏။ စတုတ္ထနေ့တွင် ဗရာခချိုင့်၌ စည်းဝေး၍ ထာဝရ ဘုရားကို ကောင်းကြီး ပေးကြ၏။ ထိုကြောင့် ယနေ့တိုင်အောင် ထိုအရပ်သည် ဗရာာခချိုင့် ဟူ၍ တွင်သတည်း။ ထိုအခါ သူတို့သည် ရန်သူတို့အပေါ်မှာ ဝမ်းမြောက်သော အခွင့်ကို ထာဝရ ဘုရား ပေးတော်မူသောကြောင့် ယောရှဖတ်သည် ရှေးဦးစွာကြွ၍ ယုဒပြည်သူ ယေရုရှလင် မြို့ သား အပေါင်းတို့သည် ဝမ်းမြောက် သောစိတ်နှင့် ယေရုရှလင်မြို့သို့ ပြန် သွား၍ စောင်းတယော တံပိုးကို တီးမှုတ်လျက် ယေရုရှလင်မြို့ ဗိမ္မာန်တော်သို့ ရောက် လာကြ ၏။” (၂ရာချုပ် ၂၀း၂၂-၂၈)

အထက်ပါ အကြောင်းအရာတို့ကို သင်ကိုယ်တိုင် ဖတ်ပြီးပါက သင်ကိုယ်တိုင် ထိုဝတ်စုံများကို အားကိုး အသုံးပြုရန် တိုက်တွန်းခြင်ပါသည်။ ဆုတောင်းခြင်းဝတ်စုံ၊ တန်ခိုးတော်ကို ကိုးစားခြင်း ဝတ်စုံ၊ ဝတ်ပြုကိုးကွယ်ခြင်း ဝတ်စုံ တို့ ဖြစ်ပါသည်။
နောက်တဖန် သင်ကိုယ်တိုင် ရင်ဆိုင်ရန် မဖြစ်နိုင်သော ပြဿနာများကို ရင်ဆိုင်ရပါ မည်သို့ဆောင်ရွက်ရမည်ကို သင်ကိုယ်တိုင် သိထားပါ။

1.  ပြဿနာကို ဘုရားသခင်ထံ ယူဆောင်လာပါ။ ( မစိုးရိမ်နှင့်)


2.  ပြဿနာကို သင်ကိုယ်တိုင် မဖြေရှင်းပါနှင့်။ ဘုရားသခင်၏ တန်ခိုးတော်ကို စောင့်ဆိုင်းပါ။ ( ငြိမ်ဝတ်စွာ ရပ်နေကြ။)


3. အပြစ်မတင်ပါနှင့် ဝတ်ပြုခြင်း ကိုးကွယ်ခြင်းဖြင့် ဘုရားသခင်၏ ကယ်တင်ခြင်းကို မြင်အောင်ကြည့်ပါ။ (ကယ်တင်ခြင်းကို ကြည့်ရှုလော့။)

ဘုရားသခင်က သူ၏ နှုတ်ခပတ်တော်နှင့် စိတ်ချမှုကို ပေးထားပါသည်။

ငါထာဝရဘုရားသည် ခပ်သိမ်းသော သတ္တဝါတို့ကို အစိုးရသော ဘုရားသခင် ဖြစ်၏။ ငါမတတ်နိုင်သော အရာ တစ်စုံတစ်ခု ရှိလိမ့်မည်လော။ (ယေယမိ ၃၂း၂၇)

ကိုယ်တော်ကလည်း လူမတတ်နိုင်သောအမှုကို ဘုရားသခင် တတ်နိုင်တော်မူသည်ဟု မိန့်တော်မူ၏။ (လုကာ ၁၈း၂၇)

ဘုရားသခင် တတ်နိုင်တော်မမူသော အမှုမရှိ။ (လုကာ ၁း၃၇)

ဤနှုတ်ခပတ်တော်၏ ကောင်းကြီးမင်္ဂလာ အဖြာဖြာသည် ဖတ်ရှုသူ ယုံကြည်သူတိုင်းအပေါ်တွင် ကြွယ်ဝစွာ သက်ရောက်ပါစေသော်။

ဆယ်ဖို့တစ်ဖို့ ပေးရာတွင် ထားရှိရမည့် စိတ်သဘော

ဆယ်ဖို့တစ်ဖို့သည် ဓမ္မဟောင်း ကာလက ဖော်ပြ ခဲ့သော အကြောင်း အရာ တစ်ခုဖြစ်ပြီး၊ ဓမ္မသစ် ကာလနှင့် မည်သို့မျှ မသက်ဆိုင်ကြောင်း ယုံကြည်သူအချို့ ပြောဆိုနေကြ သည်ကို မြင်တွေ့ ကြားသိနေ ရပါသည်။ ကျေးဇူးတော် ကာလ ဖြစ်သောကြောင့် ထိုအရာကို လိုက်နာ ဆောင်ရွက်နေ သူများ ကိုပင်လျှင် ပညတ် တရား၏ အောက်သို့ ပြန်လည်ရောက် ရှိနေကြ ကြောင်း ဟောပြော ဝေ ဖန်နေကြ သည်မှာ ဝမ်းနည်းဖွယ်ရာ ဖြစ်ပါသည်။ ကျွန်တော်သည် သမ္မာကျမ်းစာမှ အမြင်တစ်ချို့ ကို ဖော်ပြလိုပါသည်။ အဘယ်ကြောင့် ဆယ်ဖို့တစ်ဖို့ ပေးရန် လိုအပ်ပါသနည်း။

ကျမ်းစာမှ ဖော်ပြသော ဆယ်ဖို့ တစ်ဖို့ဆိုသော စကားလုံးကို ဆန်းစစ်ကြည့်ကြပါစို့။ ဟေဗြဲဘာသာ စကားတွင် ဆယ်ဖို့တစ်ဖို့ဟု ခေါ်သော စကားလုံးသည်  ma`aser ဟု ခေါ်ပြီး ဘာသာပြန်ရသော် တစ်ဆယ် (၁၀) (သို့မဟုတ်) ဆယ်ပုံတစ်ပုံ ဟု အဓိပ္ပါယ် ရပါသည်။ ဓမ္မသစ်ကာလတွင် ထိုစကားလုံးကို ဂရိဘာသာစကားအားဖြင့် “dekate” ဟူ၍ ဖြစ်ပါသည်။

Vine's Expository Dictionary of New Testament Words.  ကို ရေးသားသော W. E. Vines သည်  ဆယ်ဖို့ တစ်ဖို့ နှင့် ပတ်သတ်ပြီး ယခုကဲ့သို့ ရေးသားထားပါသည်။  ဟေဗြဲ ၇း၎-၉ တွင် မေလခိဇေဒက် မင်းကြီး နှင့် ပတ်သတ်ပြီး ဖော်ပြထားရာတွင် (၁) အာဗြဟံသည် ထိုမင်းကြီး မေလခိဇေဒက်ကို ဆယ်ဖို့ တစ်ဖို့ ပေးခဲ့သည် (ကမ္ဘာဦး ၁၄း၂၀)။ (၂) ထိုမေလခိဇေဒက် သည် လေဝိအမျိုး မဟုတ်ပါ။ ထိုသူ ကိုယ်တိုင်က ဘုရားသခင်၏ ကတိတော်များကို ခံစားထားရသူ အာဗြဟံထံမှ ဆယ်ဖို့ တစ်ဖို့ကို ရယူခဲ့သည် သာမက အာဗြဟံကို ကောင်းကြီးပေး ခဲ့ပါသည်။ (၃) သေတတ်သော လေဝိလူတို့သည် ဆယ်ဖို့တစ်ဖို့ကို ရယူခံစား တတ်ကြသည်။ သို့သော် မေလခိဇေဒက်သည် သေသည်ဟူ၍ ကျမ်းစာတွင် မှတ်တမ်းမရှိခဲ့ချေ။ (၄) အမှန်တကယ်တွင် လေဝိအမျိုးသားများသည် ဆယ်ဖို့တစ်ဖို့ ကို အာဗြဟံအားဖြင့် ပေးပြီးသူများ ဖြစ်သည်ဟူ ထိုကျမ်းပိုဒ်က ဖော်ပြသည်။ အဘယ်ကြောင့်ဆိုသော် ဆယ်ဖို့တစ်ဖို့ကို အာဗြဟံ ပေးသောအချိန်က လေဝိလူတို့ သည် အာဗြဟံ၏ ကိုယ်တွင် ရှိနေသူဟု ထိုဟေဗြဲကျမ်းက ဆိုထားလေသည်” ဟု ရေးသား ပြောဆိုခဲ့ဘူး ပါသည်။

ထိုအကြောင်းအရာများကို သင့်အားပြောပြသောကြောင့် ငြီးငွေ့မသွားစေချင်ပါ။ သို့သော်လည်း သင့်ကို သေချာစွာ သိနားလည်စေချင်သောကြောင့် ယခုကဲ့သို့ အခြေခံအားဖြင့် ပြော ဆိုနေခြင်း ဖြစ်ပါသည်။ ကမ္ဘာဦးကျမ်း မှ ၁၄ ခုမြောက် သော အခန်းကြီးကို ဖတ်လိုက်ပါ။ ပထမဦးဆုံး ဆယ်ဖို့ တစ်ဖို့ပေးသော အာဗြဟံ၏ အကြောင်းအရာကို သိနိုင်ပါလိမ့်မည်။ အာဗြဟံသည် ထိုဒေသမှ ဘုရင်များနှင့် စစ်ပြိုင်တိုက်ခိုက်သောအခါ သိမ်းယူရမိသော ပစ္စည်းဥစ္စာအများအပြားကို ရရှိခဲ့ပါ သည်။ ထိုအခြေအနေတွင် ရှင်ဘုရင်ကိုယ်တိုင်က အာဗြဟံကို ကြိုဆိုဂုဏ်ပြုခဲ့သည်ကို အခန်းငယ် (၁၈) တွင် ဖတ်ရှုရပါ လိမ့်မည်။

အမြင့်ဆုံးသော ဘုရားသခင်၏ ယဇ်ပုရောဟိတ်ဖြစ်သော ရှာလင်မင်း ကြီး မေလခိဇေဒက်သည်လည်း မုန့်နှင့် စပျစ်ရည်ကို ဆောင်ခဲ့ပြီး လျှင် ကောင်းကင်မြေကြီးအရှင်၊ အမြင့်ဆုံးသော ဘုရားသခင်သည် အာဗြဟံအား ကောင်းကြီးပေးတော်မူပါစေသောဟု အာဗြံကို ကောင်း ကြီးပေး၍ သင်၏ရန်သူတို့ကို သင်၏လက်၌ အပ်နှံတော်မူသော အမြင့် ဆုံးသော ဘုရားသခင် လည်း မင်္ဂလာရှိတော်မူစေသတည်း ဟု မြွတ်ဆို၏။ အာဗြံသည်လည်း ဥစ္စာရှိမျှတို့ကို ထိုမင်းအား ဆယ်ဘို့တစ်ဘို့ လှူလေ၏။ (ကမ္ဘာဦး ၁၄း၁၈-၂၀)

အာဗြဟံ ဆယ်ဖို့တစ်ဖို့ပေးသော မေလခိဇေဒက်ဆိုသည်မှာ သမ္မာကျမ်းစာက သတ်မှတ်သည်မှာ ခရစ်တော် အတန်း အစား တွင် ပါဝင်ပါသည်။ ထိုအကြောင်းကို ဟေဗြဲ ၅း၆ တွင် ဖော်ပြထားသည်မှာ

ထိုသို့နှင့် အညီကျမ်းစာတစ်ချက်လာသည်ကား သင်သည် မေလခိဇေဒက် နည်းတူ ထာဝရ ယဇ်ပုရောဟိတ်ဖြစ်သည် ဟု လာသတည်း။ (ဟေဗြဲ ၅း၆)

ဤအရာသည် မှတ်သားထာူးရန် အလွန်အရေးကြီးသော သမ္မာကျမ်းစာ ဖော်ပြချက် တစ်ခုဖြစ်ပါသည်။ ဆယ်ဖို့တစ်ဖို့နှင့် ပတ်သတ်ပြီး သမ္မာကျမ်းစာတွင် ပထမဦးဆုံး ဖော်ပြထားသော အချက်ဖြစ်သောကြောင့် ဖြစ်ပါသည်။  အရေးကြီးသည်ဟု သတ်မှတ်ရသည့်အကြောင်းမှာ ပညတ်တရား မရှိသေးသော်လည်း ထုံးတမ်းစဉ်လာတစ်ခုအဖြစ် သတ်မှတ် တည်ရှိ လုပ်ဆောင်ခဲ့ကြသောကြောင့် ဖြစ်ပါ သည်။ မေလခိဇေဒက်ကို ပထမဦးဆုံး ဆယ်ဖို့တစ်ဖို့ပေးခဲ့သည်မှာ ပညတ်တရား မပေါ်ထွန်းမှီ အနှစ် ၄၀၀ ခန့် ကတည်းက ဖြစ်နေပါသည်။ ကျွန်တော်စဉ်းစားမိသည့် မေးခွန်းမှာ “မေလခိဇေဒက်ကို ဆယ်ဖို့တစ်ဖို့ပေးရန် အာဗြဟံကို မည်သူက ပြောခဲ့ပါသနည်း”။ အာဗြဟံကို တစ်စုံတစ်ယောက် က ပြောဆိုခဲ့သောကြောင့် လုပ်ဆောင်ခဲ့ခြင်းမဟုတ်ပါ။ ထိုကျမ်းပိုဒ်များကို ဖတ်ရှုလေ့လာသောအခါ အာဗြဟံသည် မဖြစ်မနေ လုပ်ဆောင်ရမည်ဟု အတင်းအကျပ် ဖိအားပေးခံရသောကြောင့် လုပ်ဆောင် ခဲ့သည်မဟုတ်ပါ။ သင်စဉ်းစားကြည့်ပါ။ ပညတ်တရားကို သွန်သင်ဟောပြောပေးမည့် ပုဂ္ဂိုလ်တစ်စုံ တစ်ယောက်မျှ ထိုနေရာတွင် ရှိနေပါသလား။ သူ၏ ကိုယ်ပိုင် ဆန္ဒနှင့် ဆုံးဖြတ်ချက်များပေါ်တွင် လက်တွေ့ လုပ်ဆောင်ခဲ့သည် မဟုတ်ပါလော။ ကျွန်တော်ယုံကြည်သည့်အရာတစ်ခုမှာ အာဗြဟံသည် ဘုရားသခင်ကို ဂုဏ်တော်ချီးမွမ်း မြတ်နိုးကိုးကွယ်မှု ပြုသည့်အခါ  ကျွန်တော်တို့၏ အမြင့်ဆုံးသော ယဇ်ပရောဟိတ်မင်းကြီး ဟူသည့် ယေရှု ခရစ်တော်ကဲ့သို့သော မေလခိဇေဒက်အားဖြင့် ဝတ်ပြု ကိုးကွယ်ခြင်း လုပ်ဆောင် နိုင်ခဲ့ခြင်း ဖြစ်မည်ဟု ထင်မြင်ယူဆမိပါသည်။ ထိုအကြောင်းအရာသည် ပဋိညာဉ်တရားသစ်ကို ခံယူကျင့်သုံး နေပါသည် ဟူသော ယနေ့ခေတ်ကာလတွင် ခံယူကျင့်သုံးရန် လျော် ကန်ညီညွတ်သည်ဟု ကျွန်တော် ယုံကြည်မိပါသည်။

သခင်ယေရှုကိုယ်တော်တိုင် ပြောဆိုခဲ့သည်မှာ

 “သင်တို့အဘ အာဗြဟံသည် ငါကြွလာမည့် အချိန်ကာလကို မြော်မြင်ခြင်း ငှါ အလွန်အလိုရှိ၏။ မြင်ရသော အခါ ဝမ်းမြောက်ခြင်းသို့ ရောက်သည်ဟု မိန့်တော်မူ၏။”  (ယောဟန် ၈း၅၆)

အာဗြဟံသည် ဘုရားသခင်ကို ကိုးကွယ်ရာတွင် မည်သည့် ဖိအားမျှ မရှိဘဲ လွတ်လပ်စွာ ကိုးကွယ်နိုင်ခဲ့ ပါသည်။ ဘုရားသခင်က ထိုအကြောင်းအရာကို နောင်လာ နောက်သားများ သိရှိနိုင်ရန် မှတ်တမ်းတစ် ခုအဖြစ် သတ်မှတ် ထားရှိခဲ့ဟန် ရှိပါသည်။ အာဗြဟံသည် ထိုသို့ ဆယ်ဖို့တစ်ဖို့ ပေး၍ ကိုးကွယ်ခြင်းကို ကြီးမားသော လုပ်ဆောင်ချက် တစ်ခုအဖြစ် မသတ်မှတ်ခဲ့ပါမူ ယခုကဲ့သို့ ဓမ္မသစ်၊ ဓမ္မဟောင်း ကျမ်းစာများတွင် ယခုကဲ့သို့ အရေးတစ်ယူ ရေးသားဖော်ပြမည် မဟုတ်ဟု ထင်မြင် ယူဆမိပါသည်။ ဘုရားသခင်ဘက်မှ အာဗြဟံ၏ ယခုကဲ့သို့ ဆယ်ဘို့ တစ်ဖို့ ပေး၍ ဝတ်ပြုကိုးကွယ်၍ ဂုဏ်ပြု ချီးမြှောက်မှု လုပ်ဆောင်ခြင်းအပေါ် ကျေနပ်အားရမှု ရှိပါသည်။ ထို့ကြောင့် အာဗြဟံကို ပိုမို၍ ကောင်းကြီးများနှင့် ပတ်ရစ်မစခဲ့ပါသည်။

ယောဟန်ခရစ်ဝင်ကျမ်းတွင် သခင်ယေရှုကိုယ်တော် မိန့်တော်မူခဲ့သည်မှာ

ကိုးကွယ်သောသူ မှန်သမျှတို့သည် ခမည်းတော်ကို နံဝိညာဉ်နှင့် လည်းကောင်း၊ သစ္စာနှင့် လည်းကောင်း ကိုးကွယ်ရမည့် အချိန်ကာလသည် လာ၍ ယခုပင် ရောက်လျှက် ရှိ၏။ အကြောင်းမူကား ထိုသို့ ကိုးကွယ်သော သူတို့ကို ခမည်းတော်သည် အလိုရှိတော်မူ၏။ (ယောဟန် ၄း၂၃)

ကျွန်တော်တို့သည် ဘုရားသခင် လိုချင်သော ဝတ်ပြုကိုးကွယ်ခြင်းကို အမှန်တကယ် ဆောင်ရွက်လိုပါက ကျွန်တော်တို့၏ အပြင်သဏ္ဍာန် ဝတ်ပြုကိုးကွယ်ခြင်းက အရေးမကြီးပါ။ စိတ်ဝိညာဉ်ထဲက ဝတ်ပြုကိုးကွယ် မှုပြုရမည်ဖြစ်ပြီး သမ္မာတရားကို အခြေခံပြီး ဝတ်ပြုကိုးကွယ်ရမည်သာဖြစ်သည်။ ထိုမေလခိဇေဒက် ယဇ် ပရောဟိတ်ကြီးနှင့် ပတ်သတ်ပြီး ဆာလံကျမ်းများ တွင် ဖေါ်ပြထားသည်ကိုလည်း ကြည့်ရှုလိုပါသေးသည်။

တန်ခိုးတော်ပြသော နေ့ရက်ကာလ၌ ကိုတော်၏ လူတို့သည် သန့်ရှင်းသော တန်ဆာကို ဆင်လျက် ကြည်ညိုသော စေတနာစိတ်ရှိ၍ လူပျိုတော်တို့သည် နံနက်ဝမ်းထဲက ထွက်သော ဆီးနှင်းကဲ့သို့ ဖြစ်ကြ ပါလိမ့်မည်။ ထာဝရဘုရားက သင်သည် မေလခိဇေဒက်နည်းတူ ထာဝရ ယဇ်ပရောဟိတ်ဖြစ်သည်ဟု ကျိန်ဆို၍ နောက်တစ်ဖန် စိတ်ပြောင်းလဲခြင်း ရှိတော်မမူ။ လက်ျာတော်နားမှာ ရှိသော ဘုရားရှင်သည် အမျက်တော် အချိန်ကာလ၌ ရှင်ဘုရင်တို့ကို ဒဏ်ခတ် တော်မူမည်။ (ဆာလံ ၁၁၀း၃-၅)

အထက်ကျမ်းစာထဲတွင် ဘုရားသခင် တန်းခိုးပြသော နေ့ရက်အခါ ရောက်လာခဲ့လျှင် ဘုရားသခင်၏ လူတို့သည် မိမိတို့၏ စိတ်စေနာအလျှောက် (မည်သူ၏ သွေးဆောင်မှုမျှမရှိဘဲ စိတ်လိုလက်ရ) ဘုရားသခင်ထံ ရောက်ရှိလာလိမ့်မည်ဟု ဆိုထားပါသည်။ ဤကျမ်းပိုဒ်သည် ဓမ္မဟောင်းကျမ်း တွင်ဖော်ပြ ထားသည် မေလခိဇေဒက်နှင့် ပတ်သတ်သော အခြားသော အကြောင်းအရာတစ်ခု ဖြစ်နေပါသည်။ ထိုအရာထဲမှာပင် လွတ်လပ်စွာ စိတ်လိုလက်ရ ကိုးကွယ်သောသူများနှင့် ပတ်သတ်ပြီး ဖော်ပြထားကြောင်း ထပ်မံ တွေ့ရှိရပါသည်။

မည်သို့ပင်ဖြစ်စေ ဘုရားသခင်၏ လူများသည် လွတ်လွတ်လပ်လပ်ပင် စိတ်နှလုံးအကြွင်းမဲ့ ဝိညာဉ်ထဲက ဝတ်ပြုကိုးကွယ် နေသူများ ဖြစ်ဘို့ လိုအပ်ပါသည်။ မေလခိဇေဒက်ကို ဖော်ပြသော ကျမ်းပိုဒ်များတွင် ပညတ်တရားမရှိဘဲ လွတ်လွတ် လပ်လပ် ဝတ်ပြုကိုးကွယ်မှု ပြုခဲ့ကြောင်း ဖော်ပြနေပါသည်။ ခရစ်တော်ကိုယ်တိုင်ပင် ကားတိုင်ပေါ်တွင် လူတို့အပြစ် အတွက် အသက်ကို စတေးခံသောအခါ မည်သူတို့၏ တိုက်တွန်းသွေးဆောင်မှု မပါဘဲ လွတ်လပ်စွာပင် ထိုအမှုတော်ကို ဆောင်ရွက်ခဲ့ကြောင်း ဖတ်ရှု တွေ့မြင်ခဲ့ရပါသည်။ ထိုအရာသည် ကျွန်တော်တို့အတွက် ပုံသက်သေ ပြု ဆောင်ရွက်ချက် များပင် မဟုတ်ပါလား။

ယေရှုကိုယ်တော်က မိန့်တော်မူခဲ့သည်မှာ

ပညတ္တိကျမ်း၊ အနာဂတ္တိကျမ်းများကို ဖျက်ပယ်ခြင်းငှါ ငါသည်ဟု မထင် ကြနှင့်။ ဖျက်ပယ်ခြင်းငှါ ငါလာသည်မဟုတ်။ ပြည့်စုံစေခြင်းငှါ ငါလာ သတည်း။ ငါအမှန်ဆိုသည်ကား၊ ကောင်းကင်နှင့် မြေကြီး မပျက်စီးမှီ တိုင်အောင် ပညတ္တိကျမ်း၌ အငယ်ဆုံးသော စာလုံးဗိန္ဓုတစ် လုံးမျှ ပြည့်စုံခြင်းသို့  မရောက်မှီ မပျက်စီးရ။ ထို့ကြောင့် အကြင်သူသည်။ အငယ်ဆုံးသော ပညတ်တစ်ခုကို ကိုယ်တိုင်ကျူးလွန်၍ သူတစ်ပါးတို့ အားလည်း ထို့အတူ သွန်သင်၏။ ထိုသူသည် ကောင်းကင်နိုင်ငံတော်၌ အငယ်ဆုံသောသူ ဖြစ်လိမ့်မည်။ (မဿဲ ၅း၁၇-၁၉)

ခရစ်တော် ယေရှုသခင် မိန်တော်မူသော စကားတော်အရ ပညတ်တော်များကို ပြည့်စုံစေရန်ပင် လာရောက်သည်ဟု ပြောထားပါသည်။ ထိုပညတ်တော်များကို ယခုအခါ ကျွန်တော်တို့ ၏ နှလုံးသား များ ပေါ်တွင် ရေးသားထားသည် မဟုတ်ပါလား။ ထိုအရာသည် ကျေးဇူးတော်ကို ခံစားပြီးသောကြောင့် ဖြစ်ပါသည်။ ပညတ်တရား အကျဉ်းထောင်မှ လွတ်မြောက်သွားပြီး၊ လှည့်ကြည့်စရာ မလိုတော့ပါ ဟူ၍ မဆိုလိုပါ။  ကျွန်တော်တို့သည် မြေကြီးပေါ်တွင် အသက်ရှင်နေသ၍ ဘုရားသခင်၏ အလိုတော် အကြံအစည်တော်ထဲတွင် အသက်ရှင်နေရမည်သာ ဖြစ်ပါသည်။ သို့သော် ထိုကဲ့သို့ အသက်ရှင်ရန်အတွက် ဖိအားမပါ၊ အတင်းအကျပ် မဟုတ်ဘဲ မိမိ၏ စိတ်အလိုအတိုင်း အသက်ရှင်ရမည်သာ ဖြစ်ပါသည်။ ပညတ်တရားတွေက တော့ ရှိနေမည်သာဖြစ်ပါသည်။ သို့သော် ထိုအရာများသည် ကျွန်တော်တို့ကို ဖိအားပေးဘို့ မဟုတ်။ ကျွန်တော်တို့ လျှောက်လှမ်းသော လမ်းများသည် မှားနေသည် (သို့) မှန်ကန်သည် စသည်ဖြင့် သိရှိစေရန်သာ ဖြစ်ပါသည်။ ကျွန်တော်တို့ သည် ဘုရားသခင်ကို ကိုးကွယ်ချီးမွမ်းရာတွင် မိမိတို့၏ စိတ်ဝိညာဉ်ထဲက သမ္မာတရား၏ လမ်းပြမှုများဖြင့် ဝတ်ပြုကိုးကွယ် ရမည်သာ ဖြစ်ပါသည်။ ထိုအရာသည် ပိုမို ကောင်းမွန်သော လမ်းကြောင်း ဖြစ်ပါသည်။

တမန်တော် ယောဟန်က ပြောသည်မှာ

အကြောင်းမူကား ပညတ်တရားတော်ကို မောရှည် လက်တွင် ပေးတော် မူ၏။ ကျေးဇူးတရားနှင့် သစ္စာတရားမူကား ယေရှုခရစ်အားဖြင့် ဖြစ်သ တည်း။ (ယောဟန် ၁း၁၇)

ယခုလောက် ဖော်ပြခဲ့သည်ကို သင်သေချာစွာ ဖတ်ခဲ့ပြီဆိုပါက ကျွန်တော်တို့၏ ဝတ်ပြုကိုးကွယ်ခြင်း များသည် မည်သည့် ပညတ်တရားကိုမျှ အခြေမခံဘဲ ကျွန်တော်တို့၏ စိတ်နှလုံးထဲက လွတ်လပ်စွာ ဝတ်ပြုကိုးကွယ်မှုများသည် ကျမ်းစာနှင့် ညီညွတ်ကြောင်း သင်သိမြင်နိုင်ဟု မျှော်လင့်မိပါသည်။ ကျွန်တော်တို့သည် ယခုအခါ ပဋိညာဉ်သစ်ဖြစ်သော ကျေးဇူးတရား ၏ လက်တွင် ရှိနေသောကြောင့် ဘုရားသခင်၏ နောက်သို့ တစ်စိုက်မတ်မတ် လိုက်လျှောက်အသက်ရှင်နိုင်ရန် လွယ်ကူလှပါသည်။ အတင်းအကျပ် ဖိအားများ ရှိမနေပါ။ ကျွန်တော်တို့သည် ပညတ်တရားက ကိုင်စွဲလှုပ်ရမ်းနေသော ရုပ်သေးရုပ်လေးများ မဟုတ်ကြပါ။ ကျွန်တော်တို့သည် ဘုရားသခင်၏ သားသမီးများသာ ဖြစ်ကြပါသည်။

ကျွန်တော်တို့သည် သမ္မာကျမ်းစာ၏ ပထမဆုံးသော ကမ္ဘာဦးကျမ်းကို ဖတ်ပြီးနောက် ဆယ်ဖို့တစ်ဖို့သည် ပညတ်တရား မရှိမှီကတည်းက စတင်တည်ရှိနေ သည်ကို မြင်တွေ့နိုင်ပေမည်။ ထို့နည်းတူ ပဋိညာဉ်ဟောင်း၏ နောက်ဆုံးစာအုပ် တွင်လည်း  ဆယ်ဖို့တစ်ဖို့ ပေးရန် ဆိုသည့် အကြောင်းအရာသည် အတင်းအကျပ်မဟုတ်။ ကောင်းကြီး ပေးချင်သော ဘုရားသခင်က ကောင်းကြီးမင်္ဂလာအတွက် တိုက်တွန်းပြောဆိုခြင်း တစ်ခုသာ ဖြစ်ပေသည်။ ဖိအားတစ်ခုအနေဖြင့် အတင်းအကျပ် လုပ်ဆောင်ခြင်း မဟုတ်ပါဟု ကျွန်တော် ယုံကြည်နေပါသည်။ ဘုရားသခင်သည် ဣသရေလလူမျိုးများကို ဆုံးမသွန်သင် သည့်အခါ သူတို့၏ မာကျောနေသော နှလုံသားများကို အပြစ် ဖော်ပြပြောဆိုပြီး ဆုံးမလေ့ ရှိပါသည်။ ဘုရားသခင်သည် ပြောင်းလဲတတ်ပါသလား။ နှုတ် ခပတ်တော်သည် မနေ့၊ ယနေ့၊ နောင်ကာလ မပြောင်းမလဲသော ဘုရားသခင် ဖြစ်တော်မူ၏။ ဘုရားသခင်ကို စိတ်ဝိညာဉ်ထဲက ဝတ်ပြု ကိုးကွယ်နေ သောသူများ အပေါ်တွင် တစ်စုံတစ်ရာ ပြောင်းလဲသော နှလုံသား ရှိမည်ဟု သင်ထင်နေပါသလား။ မာလခိ ကျမ်းစာထဲမှ ဖော်ပြချက်များသည် ဆယ်ဖို့ တစ်ဖို့နှင့် ပတ်သတ်ပြီး ကျွန်တော်တို့၏ နှလုံသား စိတ်နေသဘောထားများ အပေါ်တွင် များစွာ အခြေပြုထားပါသည်။

မာလခိကျမ်းနှင့် ပတ်သတ်ပြီး ဤနေရာတွင် အများအပြား မပြောလိုပါ။ အဘယ်ကြောင့် ဆိုသော် ဤဆောင်းပါးကို ရှည်လျားစွာ မရေးလိုသောကြောင့် ဖြစ်ပါသည်။ မာလခိကျမ်း တစ်စောင်လုံး ကို သေချာစွာ ဖတ်ရှုလေ့လာပါရန် သင့်ကို တိုက်တွန်းလိုပါသည်။

မာလခိ ၁း၂-၁၄ ကို ဖတ်ကြည့်မည်ဆိုပါက ဘုရားသခင်သည် ဣသရေလ လူမျိုးများကို လွန်စွာ အမျက်ဒေါသထွက် အပြစ် တင်နေသည်ကို တွေ့မြင်နိုင်ပါသည်။ ထိုအရာသည် ဆယ်ဖို့တစ်ဖို့ တစ်ခုတည်း သာမကပါ။ သူတို့၏ စိတ်နေသဘော ထားများ အလွန်ဆိုးရွားနေသည်ကို အရှင်မြတ်က ဖော်ပြနေ ပါသည်။ သူတို့၏ စိတ်နေ သဘောထားများသည် ဘုရားသခင်ကို ဝတ်ပြုကိုးကွယ်ရာ တွင် ရောင်ပြန် ဟတ်နေသည်ကို ထင်ရှားစွာ တွေ့မြင်နေရ ပါသည်။ သင်ကိုယ်တိုင် နှုတ်ခပတ်တော်ကို လေ့လာကြည်ပါ။ ကျွန်တော်တို့သည် ဘုရားသခင်ကို စိတ်နှလုံးအကြွင်းမဲ့ ကိုးကွယ်သည်ဟု ဆိုရာတွင် ကျွန်တော်တို့၏ ဘုရားသခင်အပေါ် ထားသည့် စိတ်နေသဘောထားများက ဖေါ်ပြဖွင့်လှစ် နေသည်ကို တွေ့မြင် နိုင် ပါသည်။

မဿဲ ၁၅း၎-၇ တွင် ယေရှုက ပြောခဲ့သည်မှာ

“ဘုရားသခင်၏ ပညတ်တော်ကား၊ မိဘာကို ရိုသေစွာပြုလော့။ အကြင် သူသည် မိဘကို နှုတ်ဖြင့် ပြစ်မှား၏။ ထိုသူသည် အသေသတ်ခြင်းကို ခံစေဟု လာသတည်း။ သင်တို့မူကား၊ အကြင်သူသည် ကိုယ့်မိဘကို၊ သင်တို့ အသုံးရနိုင်သမျှသော ငါ၏ဥစ္စာသည် အလှူဝတ္ထုဖြစ်စေဟု ဆို၏။ ထိုသူသည် ကိုယ်မိဘကိုပင် ရိုသေစွာမပြုရဟု ဆို၏။ ထိုသို့ သင်တို့သည် အဆက်ဆက်ခံသော နည်းဥပဒေအားဖြင့် ဘုရားသခင်၏ ပညတ်တော်ကို ပယ်ကြ၏။ လျှို့ဝှက်သောသူတို့ ဟေရှာယ သည် သင်တို့ကို ရည်မှတ်လျက် ဤလူမျိုးသည် နှုတ်နှင့် ငါ့ထံသို့ ချဉ်းကပ်၍ နှုတ်ခမ်းနှင့် ငါ့ကို ရိုသေကြ၏။ စိတ်နှလုံး မူကား ငါနှင့် ဝေးလှ၏။ (မဿဲ ၁၅း၎-၇)

အထက်ပါ ကျမ်းပိုဒ်တွင် လူတို့၏ စိတ်နှလုံးကို အဓိက ဖော်ပြနေသည်။ မိဘကို ရိုသေစွာပြုပါ ဟု နှုတ်ခပတ်တော်က သွန်သင်ချက်အပေါ် အပေါ်ယံစိတ်နှလုံးက ရိုသေသလို၊ ချစ်သလို ဖေါ်ပြနေသော် လည်း အမှန်တကယ်မချစ်။ မိခင်၊ ဖခင်များက တစ်စုံတစ်ရာကို သားသမီးများထံ တောင်းခံလာသောအခါ ထိုသားသမီးက မိဘကို မပေးချင်သဖြင့် “အမေ၊ အဖေ - ကျွန်တော်မှာ ရှိတဲ့ အဲဒီဥစ္စာလေးကို ဘုရားသခင်ထံ လှူထားပါတယ်” ဟု ပြောဆိုတတ်သည်။ ထိုအခါ မိဘများက မတောင်း ယူတော့ချေ။ ထိုသို့ဖြင့် မိဘများကို ရိုသေဟန်ပြုနေကြသော်လည်း အမှန်တကယ်မဟုတ်ချေ။ ဘုရားနှင့် ပတ်သတ်လာ လျှင်လဲ ထိုကဲ့သို့ပင် ဖြစ်ချေတော့သည်။ အပေါ်ယံက ရိုသေသလို ချစ်သလို၊ စိတ်နှလုံးနှင့် ကိုးကွယ် သယောင် ပြုနေကြသော်လည်း စိတ်ထဲက အမှန်တကယ် မပါရှိကြချေ။ ဗိမ္မာန်တော်တွင် ထည့်လှူရမည့် အလှူ ငွေများကိုလည်း ဟိုအကြောင်းပြ ဒီအကြောင်းပြနှင့် ငြင်းပယ်လေ့ ရှိကြသည်မှာ ဘုရားသခင်ကို အမှန်တကယ် ရိုသေ လေးမြတ်ခြင်းမရှိကြောင်း တွေ့မြင်နေရပါသည်။

မာလခိကျမ်းကို ပြန်ကြည့်လျှင် ထိုသူတုိ့သည် ဆယ်ဖို့တစ်ဖို့ ထားရခြင်းကို အလွန် စိတ်ပင်ပန်းစရာ အကြောင်းအရင်း တစ်ခုဟု ထင်မြင်ပြီး ထိုအရာကို ဆောင်ရွက်ရန် ကြိုးစားအားထုပ်မှု မပြုလုပ် ကြတော့ပေ။ ထို့ပြင် ဘုရားသခင်ကို ပေးရာတွင် မကျန်းမာသော သိုး၊ ကျိုးပဲ့နေသော တိရစ္ဆာန်များကို လည်းကောင်း၊ ခိုးယူထားသော အရာများကို လည်းကောင်း၊ ရောင်းမကုန်သော ကုန်ပစ္စည်းများကို လည်းကောင်း၊ မပြည်စုံသော အလှူဝတ္ထုများကို လည်းကောင်း ဘုရားသခင်ကို ပေးခြင်းဖြင့် သူတို့၏ စိတ်နှလုံးအခြေအနေများကို ဖော်ပြခဲ့ကြသည်ကို မာလခိတွင် ရေးသားထားခြင်း ဖြစ်သည်။

ထိုအခြေအနေမျိုးကို ကျွန်တော်တို့၏ ခေတ်ကာလတွင်လည်း တွေ့နိုင်သည် မဟုတ်ပါလော။ ကျွန်တော် တို့၏ စီးပွားရေး မှာ သူတို့ကဲ့သို့ စိုက်ပျိုးရေး၊ မွေးမြူရေး၊ မဟုတ်သော်လည်း စိတ်နှလုံးမှာ မူကား သူတို့နှင့် အတူတူပင် ဖြစ်လေတော့သည်။ လုံးဝခားနားမှု မရှိကြပါ။ ယနေ့ခေတ် အသင်းတော် တော်တော်များများတွင် ထိုကဲ့သို့ အခြေအနေမျိုးကို ရှိနေပါသည်။ လူတော်တော်များများက “ထိုအရာတွေ (ဆယ်ဖို့တစ်ဖို့) လုပ်ဆောင်ရင် ဘာအကျိုးရှိလို့လဲ” ဟု တွေးမြင် နေကြသည်။ “အသက်တာတွင် ပိုကောင်းလာသည်မရှိ” ဟု တွေးထင်နေကြသည်။ ထိုအကြောင်းကြောင့် လုပ်ဆောင်မှု ထိုလုပ်ဆောင်မှုကို အနှစ်သာရ မပါဘဲ အပေါ်ယံသာ လုပ်ဆောင်ကြလေတော့သည်။ ဘုရားကို အကျန်၊ အကျိုး၊ မပြည့်စုံ သောအရာများကိုသာ ပေးကြလေတော့သည်။ အချို့က အမှန်တကယ် ပေးလှူကြ သော် လည်း မှားယွင်သော စိတ်နှလုံး များဖြင့်သာ ပေးလှူကြလေတော့သည်။ ဘုရားသခင်ကို ကိုးကွယ်ရာတွင် မိမိ၏ စိတ်သက်သာမှုနှင့် အခြေအနေကိုသာ စိတ်ကူးပြီး စိတ်လုပ်ဆောင်လေတော့သည်။ ကျွန်တော်တို့ ဘုရားသခင်ရှေ့တွင် ကိုးကွယ်ရာဟူသမျှသည် မိမိ စိတ်သက်သာမှုထက် ဘုရားသခင် ကြိုက် နှစ်သက် ဝမ်းမြောက်ဘို့ကို ဦးစားပေး ဆောင်ရွက်သင့်သည် မဟုတ်ပါလား။

မာလခိကျမ်း အခန်းကြီး (၃)သည် ကျွန်တော်တို့နှင့် ပိုမိုရင်းနှီး ကျွမ်းဝင်သော ကျမ်းပိုဒ်များ ရှိပါသည်။ ဤနေရာတွင် ဖော်ပြထားသည်မှာ ဘုရားသခင်၏ ကောင်းကြီးမင်္ဂလာကို မည်ကဲ့သို့ လက်ခံ ရယူရ မည်ကို ဖော်ပြထားပါသည်။ ဘုရားသခင်က ဤနေရာတွင် လက်တွေ့ဆန်သော သဘောဖြင့် ရေး သား ဖော်ပြထား ပါသည်။ ကောင်းကြီးမင်္ဂလာ တစ်ခုတည်းသာမက လုပ်ငန်းကိုင်ငန်းများကိုလည်း ကွယ်ကာမှုပြုကာ မင်္ဂလာရှိသူအဖြစ် ချီးမြှောက်မည်ဟု ဖော်ပြ ရေးသားထားသည်မှာ အားရစရာ ပင်ဖြစ်ပါသည်။ (မာလခိ ၃း၁၀-၁၂ ကိုဖတ်ကြည့်ပါ။)

ဘုရားသခင်သည် ကျွန်တော်တို့ကို အမှန်တကယ် ကောင်းကြီး မင်္ဂလာများကို ပေးသနားချင်ပါသည်။ ထိုကောင်းကြီး မင်္ဂလာသည် ကျွန်တော်တို့နှင့် ထိုက်တန်မှုပင် မရှိပါ။ သို့သော် ဘုရားသခင် ပေး ချင်ပါသည်။

လုပ်ဆောင်သင့်သောအရာများကို လုပ်ဆောင်ရန် တာဝန် ဝတ္တရားများ ရှိနေပါသည်။ ကျွန်တော်တို့သည် ဘုရားသခင်၏ လမ်းတော်တွင် လျှောက်လှမ်း မည် ဆိုပါက ဘုရားသခင်ထံမှ အကျိုးရလဒ်များ ရမည်မှာ မလွှဲမသွေ ဖြစ်ပါသည်။

ယခုဆက်လက်၍ ပဋိညာဉ်ဟောင်းကို ဆက်လက်ကြည့်ပါဦးမည်။ ပဋိညာဉ်ဟောင်းသည် ပဋိညာဉ်သစ်နှင့် စပ်ဆက်မှု ရှိနေကာ ထိုအရာများသည် ပဋိညာဉ်သစ်၏ အရိပ်သဖွယ် ဖြစ်နေပါသည်။ ယခု တရားဟောရာ ကျမ်း အခန်းကြီး (၂၆) တစ်ခန်းလုံးကို ဖတ်ကြည့်ပါ။

တရားဟော ၂၆း၁-၁၁ ကိုဖတ်ကြည်လျှင် မိမိတို့ကို ပေးတော်မူသော ဂတိတော် တိုင်းပြည်သို့ ရောက်လျှင် အဦးသီးသော အသီးကို နာမတော်တည်ရာ အရပ်သို့ ယူဆောင်လာရမည်ဟု ဖေါ်ပြပါရှိပါသည်။ ထို့နောက် ယဇ်ပရောဟိတ်ကို ထိုလှူဘွယ် ရာများကို ပေးရမည်ဟု ဖော်ပြထားပါသည်။ ယနေ့ခေတ် အခါတွင် သခင်ယေရှုသည် ကျွန်တော်တို့၏ ယဇ်ပရော ဟိတ်အကြီး ဖြစ်သည် မဟုတ်ပါလော။

ဟေဗြဲ ၃း၁ တွင် ဖော်ပြထားသည်မှာ

ထိုသို့ဖြစ်လျှင် ကောင်းကင်ဘုံနှင့် စပ်ဆိုင်သော ခေါ်ဘိတ်တော် မူခြင်း ကျေးဇူးကို ခံရသောသူ၊ သန့်ရှင်းသော ညီအကိုတို့ ငါတို့ဝန်ခံသော တမန်တော်နှငု့် ယဇ်ပရောဟိတ်မင်းတည်းဟူသော ယေရှု၏အကြောင်း ကို စေ့စေ့ ဆင်ခြင်ကြလော့။ (ဟေဗြဲ ၃း၁)

ယေရှုသည် ယဇ်ပရောဟိတ်မင်းဖြစ်သည်ဟု ကျွန်တော်တို့ ယုံကြည်မြတ်နိုးသော နှုတ်ခပတ်တော် က ဖေါ်ပြနေပါသည်။ ထိုသခင်ကို ကျွန်တော်တို့၏ အဦးသီးသော အသီးအနှံများဖြင့် ဝတ်ပြု ကိုးကွယ်ကြပါစို့။ ကျွန်တော်တို့သည် ကျွန်တော်တို့၏ လှူဘွယ်ရာများကို ယဇ်ပရောဟိတ်ထံ ယူဆောင် မလာမှီ ထိုသခင်သည် ကျွန်တော်တို့၏ ယဇ်ပရောဟိတ် ဖြစ်သည်ဟု ဝန်ခံကြပါစို့။ ကျွန်တော်တို့သည် ယခင်ကပင် ထိုသခင်နှင့် ပတ်သတ်ပြီး ဝန်ခံပြီး ဖြစ်ကောင်းဖြစ်နိုင်ပါ သည်။ သို့သော် ကျွန်တော်တို့ သည် ကျေးဇူးတော်ချီးမွမ်းခြင်းဖြင့် ထိုသခင်၏ ကောင်းမြတ်ကြောင်း ကို ကြေငြာသင့်သည်။ အဘယ်ကြောင့်ဆိုသော် ယခုကဲ့သို့ ပေးလှူနိင်သည် ကောင်းကြီးမင်္ဂလာများသည် ထိုသခင်ထံမှ ရောက်ရှိ လာခဲ့သည် မဟုတ်ပါလော။

တရားဟော ၂၆း၁၂-၁၅ ထိ ဖတ်ရှုလိုက်သောအခါ

ဆယ်ဖို့တစ်ဖို့ကို ဘုရားသခင်ထံ ယူဆောင်လာသောအခါ မိမိတို့၏ ပေးလှူမှုများသည် ဘုရားသခင်ကို မိန့်ကြားတော်မူ သည့်အတိုင်း နာခံမှုဖြင့် လုပ်ဆောင်ကြောင်း ဖော်ပြရပါမည်ဟု ရေးသားထားပါသည်။ ထိုအရာကို လုပ်ဆောင်သောအခါ ဝမ်းမြောက်ခြင်းဖြင့် လုပ်ဆောင်မှု ပြုရန်လိုအပ်ပါ သည်။ စိတ်မသက်မသာဖြင့် ပြုရမည့် လုပ်ဆောင်ချက် မဟုတ်ပါ။

တရားဟော ၂၆း၁၆-၁၉ တွင် ဖော်ပြထားသည်မှာ အခန်းငယ် (၁၆) ကိုသေချာဖတ်ကြည့်ပါ။ “ယခု စီရင်ထုံးဖွဲ့သမျှအတိုင်း ကျင့်ရမည်ဟု သင်၏ ဘုရားသခင် ထာဝရ ဘုရား မှာထားတော်မူသည်ဖြစ်၍ စိတ်နှလုံး အကြွင်းမဲ့ ကျင့်ဆောင့်ရမည်” ဟုရေးသားထားပါသည်။ NIV ကျမ်းစာတွင် ဖော်ပြထားသည်မှာ “Carefully observe them with all your heart and with all your soul” (ထိုအရာများကို သေချာစွာ ဂရုစိုက်၍ သင်၏ စိတ်ဝိညာဉ်ထဲက အကြွင်းမဲ့ ဆောင်ရွက်ရမည်) ဟုဖေါ်ပြထားသည်ကို ဖတ်ရပါသည်။ အပေါ်ယံ လုပ်ဆောင်ရမည်မဟုတ်ပါ။ တာဝန် ဝတ္တရားအရ လုပ်ဆောင်ရမည်မဟုတ်ပါ။ ပညတ်တရားအရ လုပ်ဆောင်ရမည်မဟုတ်ပါ။

အချုပ်အားဖြင့် ဆိုရမည်ဆိုပါက ကျွန်တော်တို့၏ ဆယ်ဖို့တစ်ဖို့ ပေးကမ်းခြင်းသည် အထက်တွင် ဖေါ်ပြ ရှင်းလင်းခဲ့ သကဲ့သို့ပင် မိမိ၏ သဘောဖြင့် စိတ်လိုလက်ရ ဝမ်းမြောက်ဝမ်းသာ  ကျေကျေ နပ်နပ် ပေးရ မည်သာဖြစ်သည်။ ဘုရားသခင်သည် ကျွန်တော်တို့၏ စိတ်နှလုံး အကြွင်းမဲ့ ဝတ်ပြုကိုးကွယ်ခြင်းကိုသာ လိုချင်ပါသည်။ မာလခိကျမ်းတွင် ဖော်ပြသော အကြောင်းအရာများသည် ဘုရားသခင်ဘက်က ကြည်မည် ဆိုပါက အလွန်ဝမ်းနည်းဘွယ်ရာ အကြောင်းများဖြစ်နေပါသည်။ ဘုရားသခင်ကို အပေါ်ယံသာ လူကြည့်ကောင်းအောင်သာ ဝတ်ပြုကိုးကွယ်နေကြသည်။ အမှန်တကယ် စိတ်ထဲက လာသော အကြွင်းမဲ့ ဝတ်ပြုကိုးကွယ်မှုမျိုးမဟုတ်ပါ။ သင့်အသက်တာတွင်လည်း ထိုကဲ့သို့ အခြေအနေမျိုး မဖြစ်စေရန် ဂရု စိုက်၍ ပေးလှူမှုများ၊ ဆယ်ဘို့ တစ်ဘို့ ပေးခြင်းများကို ဆောင်ရွက်ကြပါ ရန် မေတ္တာရှေ့ ထားကာ ကောင်းကြီးမင်္ဂလာ ကြွယ်ဝစွာ ခံစားရရန် ရည်ရွယ်လျက် တင်ပြလိုက်ရပါသည်။ (အားလုံးအပေါ် တွင် ဘုရားသခင် ကောင်းကြီးပေးပါစေ။) အာမင်