ဘုရားသခင်အတွက် ခရစ္စမတ်လက်ဆောင်

အခြေပြုကျမ်း (မိက္ခာ ၆း၆-၈၊ ရောမ ၁၂း၁)

နိဒါန်း

ဤခရစ္စမတ်အချိန်တွင် ကျွန်တော်တို့သည် အချင်းချင်း ခရစ္စမတ်လက်ဆောင် ပေးရန် အမျိုးမျိုး ပြင်ဆင်နေကြသည်။ မိမိတတ်နိုင်သည့် အတိုင်း အကောင်းဆုံး အလှဆုံး ပစ္စည်းများကိုပေးရန် လုပ်ဆောင်နေကြသည်။ သို့သော် သင့်ကို ချစ်ပြီး တစ်ပါးတည်းသော သားတော်ကိုစွန့်သော ဘုရားသခင်အတွက် မည်သို့ အထူးလက်ဆောင်များကို ပြင်ဆင် ထားပါသနည်း။

ကျမ်းစာထဲတွင် အရှေ့ပြည်မှ ပညာရှိကြီးများသည် သခင်ခရစ်တော် မွေးဖွား သော အချိန်တွင် သူတို့၏ခွန်အားများ၊ အချိန်များ၊ ဘဏ္ဍာများကို ပေးခဲ့ သည်သာမက တန်ဘိုးကြီးသော ရုပ်ပစ္စည်း လက်ဆောင်များကိုလည်း ပေးခဲ့သည်။ ပေးသောပစ္စည်းများ မှာ ရွှေ၊ လော်ဘန်၊ မုရန် ဟူသော ပူဇော်သက္ကာများဖြစ်သည်။

ထိုအကြောင်းအရာကို ဖတ်ရှုလေ့လာပြီးနောက် ယခုနှစ်တွင် ကျွန်တော်လည်း ကိုယ်တော်အတွက် မည်သည့်အရာများကို ပေးရမည်ကို စဉ်းစားကြည့်မိသည်။ အထပ် ထပ် စဉ်းစားသော်လည်း အဖြေမရခဲ့သဖြင့် စိတ်မကောင်းဖြစ်နေမိသည်။ ကျွန်တော်တွင် ရှိသောအရာများ တစ်ခုခုပြီးတစ်ခု ကိုယ်တော့်ကို ပေးရန် စဉ်းစားကြည့်သည်။ ကျွန်တော် စဉ်းစားနေသည်က ရုပ်ပိုင်းဆိုင်ရာ ပစ္စည်းများဖြစ်သည်။ ထိုအချိန်တွင် ကျမ်းပိုဒ်တစ်ပိုဒ်ကို ဖတ်မိသည်။ ထိုကျမ်းပိုဒ်မှာ ရောမ ၁၂း၁ ဖြစ်သည်။

ညီအကိုတို့ အသက်ရှင်ခြင်းလက္ခဏာ၊ သန့်ရှင်းခြင်းလက္ခဏာ၊ ဘုရားသခင် နှစ် သက် တော်မူဘွယ်သော လက္ခဏာနှင့် ပြည့်စုံသောယဇ်ကို ဘုရားသခင်အား ပူဇော်လော့။ (ရောမ ၁၂း၁)

စကားပုံတစ်ခုက မိမိပေးသောအရာကို အခြေခံ၍ ပြန်လည်ရရှိတတ်သည်ဟု ပြောပါသည်။ ဆိုလိုသည်မှာ မျိုးစေ့များများကြဲသူသည် များများရိတ်ရမည်ဟူသော သ ဘောပင် ဖြစ်သည်။ ဘုရားသခင်အတွက် မျိုးစေ့ကြဲတတ်သောသူ ဖြစ်ရန် ဘုရားသခင်က သင့်ကို မျှော်လင့်လျက် ရှိပါသည်။

ယခု ခရစ္စမတ်အချိန်သည် လက်ဆောင်ပေးရမည့်ကာလ တစ်ခုဖြစ်သည်။ ခရစ် ယာန်တိုင်းက မည်သူ့ကို ဘာပေးရမည်ကို စဉ်းစားပြီး ဥနှောက်ခြောက်နေသော ကာလ တစ်ခုဖြစ်သည်။ တတ်နိုင်တာထက် ပိုပြီးငွေကို သုံးစွဲရသောအချိန်၊ ဖြုန်းတီးရသော အချိန် ဖြစ်နေ တတ်သည်။

ပညာရှိကြီး သုံးယောက်က လက်ဆောင်ပေးကမ်းခြင်း ဓလေ့ထုံးစံတစ်ခုကို တီထွင်ဖန်တီးသွားခဲ့ကြသည်။ ကျွန်တော်တို့သည် ထိုထုံးစံ နောက်ကို လိုက်နေကြသည်။ ကျွန်တော်တို့အားလုံးသည် ခရစ်တော်အတွက် လက်ဆောင်များကို ယူဆောင်လာဘဲ အချင်းချင်း လက်ဆောင် ပေးခြင်းအမှုကို ပြုနေကြသည်။

ထိုအရာကို စဉ်းစားနေခဲ့သည်။ ကျွန်တော်တို့သည် ပညာရှိကြီးသုံးဦး၏ လုပ် ဆောင်မှုနောက်သို့ လိုက်နေသော်လည်း သူတို့လုပ်ဆောင် မှုထက် ပို၍ညံ့ဇျင်းစွာ လုပ် ဆောင် နေကြသည်။ မသက်မသာ နှလုံးသားများဖြင့် လက်ဆောင်တွေ ဝယ်ယူရန် ပြင် ဆင် နေကြသည်။ ဘယ်အရာက သင့်တော်မည်ကို ချိန်ဆလုပ်ဆောင်ရသည်မှာ ပင်ပန်း လွန်းလှပါဘိ။

ကျွန်တော် စဉ်းစားမိသည်။ ကျွန်တော်တို့သည် ခရစ္စမတ်တစ်ခုအတွက် ဤ မျှလောက်အထိ ပင်ပန်းခံပြီး စဉ်းစား၊ လုပ်ဆောင်၊ ပင်ပန်း၊ ခက်ခဲနေရသည်။ အချိန်တွေ၊ စွမ်းအင်တွေ ဖြုန်းတီးနေရသည်။ ဘုရားသခင်အတွက် မဟုတ်သော ကျွန်တော်တို့၏ ပင် ပန်းမှုများသည် အလွန်နှမြောစရာကောင်းနေပါသည်။

ဘုရားသခင်အတွက် မည်သည့်အရာကို သင်ယူဆောင်မည်နည်း။ သခင်ခရစ် တော် လူ့ဇာတိခံယူသော ယခုအချိန်ကာလအတွက် ခရစ်တော်ကို ပေးလှူရန် မည်သည့် အရာများကို ပြင်ဆင်နေပါသနည်း။ သင်ဤနှုတ်ကပတ်တော်ကို ခံယူပြီး မည်သို့ ပြင်ဆင် ရမည်ကို သင်ယူပါ။

ပရောဖတ်မိက္ခာလည်း ဤအကြောင်းကို စဉ်းစားနေခဲ့သည်။ ဘုရားသခင်အတွက် မည်သည့်အရာကို ပေးရင်ကောင်းမလဲ။ ဓမ္မဟောင်းကာလတွင် ရှင်သန်ခဲ့သော ပရောဖတ် ကြီး မိက္ခာသည် ခရစ္စမတ်ဆိုသော အကြောင်းအရာကို သူကိုယ်တိုင် မသိခဲ့သော်လည်း ဘုရားသခင်ကို ပေးရန်၊ မည်သည့်အရာကို ပေးရမည်ကို အစဉ် စဉ်းစားနေခဲ့သည်။ ထို့ ကြောင့် မိက္ခာ ၆း၆-၈ တွင် ထိုအကြောင်းကို ရေးသားထားခြင်း ဖြစ်ပါသည်။

သို့သော် ဘုရားသခင်ထံက အဖြေရခဲ့ပါသည်။ 

အချင်းလူ၊ ကောင်းသောလမ်းကို ပြတော်မူပြီ။ တရားသဖြင့်ပြုခြင်း၊ ကရုဏာကို နှစ်သက်ခြင်း၊ သင်၏ဘုရားသခင် ရှေ့တော်၌ နှိမ့်ချသောစိတ်နှင့် ကျင့်နေခြင်း မှတပါး အဘယ်ပူဇော်သက္ကာကို ထာဝရဘုရား တောင်းတော်မူသနည်း။ (မိက္ခာ ၆း၈)

ရုပ်ပိုင်းဆိုင်ရာ ပစ္စည်းများကို မတောင်းဆိုပါ။ အထက်ပါကျမ်းချက်တွင် အချက် (၃) ကို တောင်းဆိုနေပါသည်။ ယခုခရစ္စမတ်ကာလတွင် ကိုယ်တော် တောင်းဆိုနေသော တရားသဖြင့်ပြုခြင်း၊ ဂရုဏာတရားကို နှစ်သက်ခြင်း၊ ဘုရားသခင်ရှေ့တွင် နှိမ့်ချခြင်း တို့ကို တောင်းဆိုလျက် ရှိပါသည်။

တရားသဖြင့် ပြုခြင်း။

ယနေ့ ခေတ်အခါတွင် မတရားသဖြင့် ပြုသောအရာများ ပြည့်နှပ်လျက် ရှိသည်။ တရားသဖြင့် ပြုခြင်းဆိုသည်မှာ လုပ်သင့်သော အလုပ်ကိုလုပ်ဆောင်ခြင်းပင်ဖြစ်သည်။ မလုပ်သင့်သောအရာတွေ လုပ်ဆောင်နေလျှင် မတရားသဖြင့် ပြုနေသည်ဟု ဆိုရပေမည်။

မေးခွန်းမှာ တရားသဖြင့် ပြုခြင်းဆိုသည်မှာ အဘယ်နည်း။ မည်သည့်အရာများကို လုပ်ဆောင်မှသာ တရားခြင်း၊ ဖြောင့်မတ်ခြင်း၊ လုပ် သင့်သော အရာများကို လုပ်ခြင်း ဖြစ်နိုင်ပါလိမ့်မည်နည်း။ ဆာလံ ၁၁၉း၁၁-၁၈ တွင် ဖော်ပြသည်မှာ

လူပျိုသည် မိမိသွားသောလမ်းကို အဘယ်သို့ သန့်ရှင်းစေနိုင်ပါမည်နည်း၊ ဟူမူ ကား နှုတ်ကပတ်တော်အတိုင်း သတိပြုရမည်၊၊ အကျွန်ုပ်သည် ကိုယ်တော်ကို စိတ်နှလုံးအကြွင်းမဲ့ရှာပါ၏၊၊ ပညတ်တော်လမ်းမှ လွဲစေတော် မမူပါနှင့်၊၊ ကိုယ် တော်ကို မပြစ်မှားဘဲ နေနိုင်မည် အကြောင်း ဗျာဒိတ်တော်ကို နှလုံးထဲမှာ သို ထားပါပြီ၊၊ (ဆာလံ ၁၁၉း၉-၁၁)

အထက်ဖော်ပြပါ ကျမ်းပိုဒ်တွင် ဆာလံဆရာက သူ့ဘဝထဲတွင် မတရားသဖြင့် ပြု မိသောအရာများ ရှိလာမည်ကို စိုးရိမ်မိဟန်တူသည်။ ထို့ကြောင့် နှုတ်ကပတ်တော်အတိုင်း အသက်ရှင်ရန် ဆုံးဖြတ်ချက် ချထားသည်။ ထို့ကြောင့် နှုတ်ကပတ်တော်များကို အသက် တာထဲ၊ ရင်ထဲ၊ နှလုံးသားထဲတွင် သိမ်းဆည်းထားပြီး အထူးသတိထား အသက်ရှင်ခဲ့သည်။ 

ဆာလံဆရာ ဘုရင်ဒါဝိတ်၏အသက်တာသည် အမှားများစွာ လုပ်ဆောင်မိသော် လည်း နှုတ်ကပတ်တော်ကို ခံယူပြီး မိမိအသက်တာကို ပြန်လည်ပြင်ဆင်ပြီး အသက်ရှင်ခဲ့ သည်။ ရှင်ဘုရင် ဒါဝိတ်၏ဘဝထဲတွင် အရေးအကြီးဆုံးသောအရာကို ပြောပြပါဟု ဆိုလျှင် ဒါဝိတ်သည် မည်သည့်အရာကို ဖော်ပြမည်ဟု သင်ထင်ပါသနည်း။ သူ့ခေတ်အခါက ပတ် ဝန်းကျင်နိုင်ငံများကို သိမ်းယူ လွှမ်းမိုးနိုင်သော သူပိုင်ဆိုင်သည့် စစ်တပ်ကြီးသည် အကြိုက် ဆုံး ဖြစ်သည်ဟု ထင်ပါသလား။ သို့မဟုတ် သူ့ထံတွင် ရှိသော အလွန်ချော၊ အလွန်လှ၊ အလွန်ထက်မြက်သော သားသမီးများသည်သာလျှင် အရေးကြီးဆုံးဖြစ်သည်ဟု သူပြော မည် ထင်ပါသလား။ အလွန်ချောမောလှသော သူ၏ဇနီးချောများကသာလျှင် အရေးကြီး ဆုံးဟု ပြောမည်ထင်ပါသလား။ ကျွန်တော် အကြွင်းမဲ့ ယုံကြည်သည်မှာ သူ့ဘဝထဲတွင် အရေး ကြီးသောအရာ အများအပြားရှိသော်လည်း ဆာလံ ၁၁၉ သည်သာလျှင် သူ့ဘ၀ အတွက် အရေးအကြီးဆုံး ဖြစ်သည်ဟု ဖြေပါလိမ့်မည်။

လုပ်ဆောင်သင့်သောအရာ၊ တရားသောအရာဆိုသည်မှာ လူများ၏ စံကိုမကြည့်ဘဲ ဘုရားသခင် သတ်မှတ်သော စံချိန်စံညွှန်းများကို လိုက်နာလျှောက်လှမ်းခြင်း ဖြစ်သည်။ နှုတ်ကပတ်တော်က ဘုရားသခင် သတ်မှတ်သော စံချိန်စံညွှန်းများကို ဖော်ပြနေပါသည်။ ဘုရားသခင် အလိုတော်ရှိသောအရာကို မှန်ကန်စွာ ပိုင်ခြားလုပ်ဆောင် တတ်သောသူဖြစ် ရန် အရေးကြီးပါသည်။ ယနေ့ ကမ္ဘာကြီးသည် မတရားမှုတွေနှင့် ပြည့်နေသော အချိန်တွင် ဘုရားစကား နားထောင်ရသည်မှာ အလွန်ခက်ခဲပါလိမ့်မည်။

ကျွန်တော်တို့သည် နှုတ်ကပတ်တော်များကို ကြားနာခြင်း၊ ဖတ်ရှုခြင်း၊ လေ့လာခြင်း၊ သင်ယူခြင်း၊ ဆင်ခြင်အောက်မေ့ခြင်းမရှိလျှင် ဘုရားသခင်၏ အလိုတော်၊ အကြံအစည် တော်များကို သိရှိနိုင်လိမ့်မည်မဟုတ်။ ထိုသို့ မသိရှိခဲ့လျှင် လုပ်ဆောင်သောအရာများ၊ ပြော ဆိုသောအရာများသည် မယုံကြည်သူများကဲ့သို့ပင် ဖြစ်လိမ့်မည်။ ထိုအခြေအနေ မျိုးတွင် သင်သည် တရားသဖြင့် ပြုနေသည်ဟု မည်သို့ ဆိုနိုင်ပါမည်နည်း။

ထို့ကြောင့် ပထမအချက်အနေဖြင့် သင်သည် ဘုရားသခင်ထံ ခရစ္စမတ် လက် ဆောင်ကောင်းကောင်း ပေးချင်သည်ဆိုပါက ဘုရားသခင် လိုချင်သည့်အရာမှာ တရား သဖြင့် ပြုခြင်းပင်ဖြစ်သည်။ ယခုပင် ဆုံးဖြတ်ချက်ချပါ။ တရားသဖြင့် ပြုခြင်းလက်ဆောင် ကို ပေးရန် နှုတ်ကပတ်တော်ကို ခံယူ၍ နှုတ်ကပတ်တော်အတိုင်း အသက်ရှင်မည်ဟု ဆုံး ဖြတ်ချက်ချပြီး ဆက်ကပ်လိုက်ပါ။

ဂရုဏာကို နှစ်သက်ခြင်း

ချစ်ခြင်းမေတ္တာ ဂရုဏာသည် ဘုရားသခင်၏ ဂုဏ်တော်တစ်ခုဖြစ်သည်။ ကျမ်း ချက်တစ်ချက်က ဤသို့ဖော်ပြထားသည်။

ချစ်ခြင်းမရှိသောသူသည် ဘုရားသခင်ကိုမသိ။ အကြောင်းမူကား၊ ဘုရားသခင် သည် ချစ်ခြင်းမေတ္တာ ဖြစ်တော်မူ၏။ (၁ယော ၄း၈)

ဤခရစ္စမတ်အချိန်ကာလသည် ဘုရားသခင်၏ ဂရုဏာနှင့် ချစ်ခြင်းမေတ္တာကို အထူးမြင်တွေ့နိုင်သောကာလဖြစ်သည်။ ဘုရားသခင် ကိုယ်တော်တိုင် ဖန်ဆင်းထားသော လူတို့သည် ပျက်စီးခြင်းသို့ ရောက်နေသည်ကို ဘုရားသခင်သည် လျစ်လျှူရှုခြင်း မပြုခဲ့ပါ။ ခေတ်အဆက်ဆက်တွင် ဘုရားသခင်ကို ပုန်ကန်အသက်ရှင်သောသူများကို မေတ္တာ၊ ဂရုဏာဖြင့် ပြန်လည်သိမ်းယူခြင်းကို ပြုခဲ့သည်။ လူတို့၏ ပုန်ကန်မှုကို ဂရုဏာတော်ဖြင့် ပြန်လည်တုန်ပြန်ခဲ့သည်။

သခင် ခရစ္စတော်ဟာ လူတိုင်းကို မေတ္တာဖြင့် တုန့်ပြန်ခဲ့ပါသည်။ အခွန်ခံများ၊ ပြည့်တန်ဆာများကို သူ့ဆက်ဆံဘို့ ဝန်မလေးသလို ဖာရိရှဲ များနှင့် ကျမ်းတတ်များကို လည်း သူမရှောင်ခဲ့ပါ။ အားလုံးကိုတန်းတူ ဆက်ဆံသော်လည်း တုန့်ပြန်သည့် နှလုံးသား ကွာခြားမှုကြောင့် ရရှိသည့် အကျိုးရလဒ်လည်း ကွဲပြားခြားနားသွားသည်။

ယောဟန် (၃) တွင် နိကောဒင်းကို အကောင်းဆုံးဆက်ဆံပြီး ဒုတိယမွေးခြင်းနှင့် ဆိုင်သော နက်နဲသောအရာကို ဖော်ပြခဲ့သည်။ သခင်ယေရှုသည် ထိုဖာရိရှဲ ကျမ်းတတ်ကြီး ကို နဲနဲမျှ မလျှော့သောမေတ္တာဖြင့် ဆက်ဆံခဲ့သည်။

အလားတူ ယောဟန် (၄) တွင် ရှမာရိ အမျိုးသမီး ရေတွင်းနားတွင် တွေ့သောအ ခါ သူမကို အကောင်းဆုံး ဆက်ဆံခဲ့သည်။ သူမထံမှ ရေ တောင်းသောက်ခဲ့သည်။ လူများ က ရွံရှာ၍ အဖက်မလုပ်သော မိန်းမကို သခင်ယေရှုက အကောင်းဆုံး ဆက်ဆံပြီး ကိုး ကွယ်ခြင်း၏ နက်နဲသောအရာကို သင်ကြားပေးခဲ့သည်။ 

ကျမ်းတတ်ဖာရိရှဲကြီးက သခင်ယေရှု၏မေတ္တာကို ထင်ရှားစွာ မခံယူခဲ့သော်လည်း ရှမာရိ မိန်းမကမူ ယေရှု၏ မေတ္တာနှင့် ဂရုဏာကို ခံယူပြီး ကယ်တင်ရှင်အဖြစ် အသိအမှတ် ပြုခဲ့သည်။

ဘုရားသခင်၏ ထူးမြတ်သော မေတ္တာကို ယော ၃း၁၆ က ဤသို့ဖော်ပြသည်။

ဘုရားသခင်၏သားတော်ကို ယုံကြည်သောသူ အပေါင်း တို့သည် ပျက်ဆီးခြင်း သို့မရောက်၊ ထာဝရအသက်ကို ရစေခြင်းငှါ၊ ဘုရားသခင်သည် မိမိ၌တပါးတည်း သော သားတော်ကို စွန့်တော်မူသည်တိုင်အောင် လောကီသားတို့ကို ချစ်တော်မူ ၏။ (ယော ၃း၁၆)

ဤခရစ္စမတ်အချိန်အခါတွင် ဘုရားသခင်၏မေတ္တာ၊ ဂရုဏာတရားကို နားလည်ပြီး ချစ်ခြင်း မေတ္တာဖြင့် ပြန်လည်တုန့်ပြန်လိုက်ပါ။ သခင်ခရစ်တော်က ပညတ်တော်တို့၏ အချုပ်အချာဖြစ်သော ပညတ်တော် (၂) ခုကို ဖော်ပြခဲ့သည်။

ယေရှုက၊ သင်၏ ဘုရားသခင်ထာဝရ ဘုရားကိုစိတ်နှလုံး အကြွင်းမဲ့ ဉာဏ်ရှိ သမျှနှင့် ချစ်လော့၊ ဟူသော ပညတ်သည် ပဌမပညတ်ဖြစ်၏။ ကြီးမြတ်သော ပညတ်သည်လည်း ဖြစ်၏။ ထိုမှတပါးကိုယ်နှင့် စပ်ဆိုင်သောသူကို ကိုယ်နှင့် အမျှ ချစ်လော့ဟူသော ဒုတိယပညတ်သည် ပဌမပညတ်နှင့် သဘောတူ၏။ ဤပညတ်နှစ်ပါး တို့ကားပညတ္တိကျမ်းနှင့် အနာဂတ္တိကျမ်း ရှိသမျှတို့၏ အချုပ် အခြာပင်ဖြစ်သတည်းဟု မိန့်တော်မူ၏။ (မဿဲ ၂၂း၃၇-၄၀)

ယနေ့ သင်သည် သခင်ယေရှုထံ လာရောက်သောအခါ အဆင့်အတန်းမခွဲခြား သော နှလုံးသားဖြင့် ဂရုဏာမေတ္တာတို့ဖြင့် ကိုယ်နှင့် ဆက်ဆိုင်သောသူကို တုန့်ပြန်ပါ။ ထိုအရာသည် ဘုရားသခင်လိုချင်သည့် အကောင်းဆုံး လက်ဆောင်တစ်ခုပင်ဖြစ်သည်။

ဘုရားသခင် ရှေ့တော်၌ နှိမ့်ချသောစိတ်နှင့် ကျင့်နေခြင်း

ဘုရားသခင်က မိက္ခာထံ တောင်းခဲ့သော လက်ဆောင်တစ်ခုရှိနေခဲ့သည်။ နှိမ့် ချစွာ ဘုရားသခင်အတူ လျှောက်လှမ်းရန် တောင်းခံနေပါသည်။ သခင်ယေရှုသည် လောကကြီးထဲသို့ နှိမ့်ချစွာ မွေးဖွားခံ လာရောက်ခဲ့ပါသည်။ လူတွေက ဂရိယဉ်ကျေးမှု တွေ၊ အတတ်ပညာတွေ ဖုံးလွှမ်းနေသော လောကကြီးကို အထင်ကြီး အားကျနေချိန် တွင် သခင်ယေရှုက နှိမ့်ချစွာ လူ့လောကကြီးသို့ လာရောက်ခဲ့ပါသည်။

လူများက ထောင်လွှား၍ မာနဖြင့် အသက်ရှင်နေကြသည်။ ပညာရှိသူက ပညာမာနများဖြင့်၊ ငွေရှိသူက ငွေဂုဏ် မောက်နေသည်။ ရာထူး ရှိသူများက ရာထူးဖြင့် ဂုဏ်မောက်နေကြသည်။ အလွန်ပင် စိတ်ပျက်စရာကောင်းသော အခြေအနေကို လူ များက ဂုဏ်ယူနေကြသည်။

သခင်ယေရှုခရစ်တော်သည် ကောင်းကင်ဘုံံ စည်းစိမ်ကို စွန့်လွှတ်ပြီး လူ့ လောကထဲသို့ လာရောက်ပြီး လူ့ဇာတိ ခံယူခဲ့သည်။ ထိုသို့ လူ့ဇာတိ ခံယူရာတွင်လည်း နန်းတော်ကြီးထဲသို့သွားပြီး မင်းသားတစ်ဦးသဖွယ် လာရောက်ခဲ့ခြင်းမဟုတ်။ သာမာန် အညတရ လက်သမားလေး တစ်ဦိးထံတွင် သာမန်လူတစ်ဦးသဖွယ် လာရောက်ခဲ့ သည်။ မွေးဖွားချိန်တွင်လည်း နွားတင်ကုတ်ထဲတွင် လည်း ကောင်း၊ နံစော်လှသော နွားစားခွက်ထဲတွင်လည်းကောင်း၊ မွေးဖွားခံခဲ့သည်။ နောက်လိုက် တပည့်များ၏ရှေ့ တွင် ဆရာကြီးတစ်ဦးသဖွယ် ခန်းနားကြီးကျယ်မှုတွေနှင့် အသက်မရှင်ဘဲ ရိုးရှင်းစွာပင် ပြောခဲ့သည်မှာ လူသားမှာ ခေါင်းချစရာပင် မရှိပါ ဟု ပြောဆိုခဲ့ သည်။ အထင်မကြီး သော လူများက သခင်ယေရှုကို ဟားတိုက်လှောင်ပြောင် ရယ်မောပြီး ကားတိုင်ပေါ် တွင် သတ်ဖြတ်ခဲ့သည်။ သခင်ယေရှုက တုန့်ပြန်နိုင်သော အစွမ်းရှိသော်လည်း နှိမ့်ချ စွာဖြင့် ရင်ဆိုင်ခဲ့ပြီး အသေခံခဲ့သည်။ (ဤနေရာတွင် ကယ်တင်ခြင်းအကြောင်း ထည့် ဟောနိုင်ပါသည်။)

ယနေ့ခေတ်တွင်လည်း သခင်ခရစ်တော် လက်ထက်မှာ ကဲ့သို့ပင် လူများ သည် အသုံးအဆောင်ပစ္စည်ကောင်းတွေကို ကြိုက်နေဆဲ။ လှပသည့် ကျောက်မြတ် ရတနာတွေကို ကြိုက်နေဆဲ၊ ရာထူးဌာနတွေကို ကြိုက်နေဆဲ၊ တံဆိပ်အကောင်းစား တွေကို ကြိုက်နေဆဲ ဖြစ်သည်။ ထိုအထဲတွင် သင်သည် သခင်ယေရှုကဲ့သို့ နှိမ့်ချစွာ အသက်ရှင်ပြီး ဘုရားသခင်နှင့်အတူ လျှောက်လှမ်းဘို့ ဘုရားသခင်က တောင်းဆို ပါသည်။

ယနေ့ သင့်ထံတွင် မာန်၊ မာနများ ရှိကောင်း ရှိနေပါလိမ့်မည်။ ပညာမာန၊ ဥစ္စာမာန၊ အဆောင်အယောင် ရာထူးရှိသော မာန၊ အလုပ်အကိုင်ကောင်းသော မာန၊ စသော မာနအမျိုးမျိုးအပြင် အချို့က ဝိညာဉ်မာနများဖြင့် အသက်ရှင်ကြပါသည်။ အသင်းတော်ထဲတွင် ဝိညာဉ်ရေးအားနည်းသူများကို တွဲခေါ်ရမည့််အစား၊ လျစ်လျှူရှု ထားလိုက်သည်။ မပေးလှူနိုင်သူများကို ချောင်ထိုးထား လိုက်သည်။ ကျမ်းစာ မဖတ် သူများကို လူရာမသွင်း၊ . .. စသည်ဖြင့် ဝိညာဉ်မာနများ ရှိနေလျှင်လည်း ယနေ့ ထိုသူတို့ကို နှိမ့်ချစွာဖြင့် တွဲခေါ်ခြင်းအားဖြင့် သခင်ခရစ်တော်၏ မေတ္တာနှင့် နှိမ့်ချခြင်း များကို မြင်တွေ့လာစေရန် ပြသဘို့ လိုအပ်နေသည်။

ယခုပင် ဆုံးဖြတ်ပါ။ မိမိအသက်တာထဲက မာန်၊ မာနများကို ချိုးဖဲ့ပြီး သခင်ခရစ်တော်ကဲ့သို့ နှိမ့်ချစွာ အသက်ရှင်ပါမည်ဟု ဆုံးဖြတ် ချက် ချလိုက်ပါ။ 

နိဂုံး

ခရစ္စမတ်လက်ဆောင် သုံးမျိုးကို သခင်ယေရှုထံ ပေးလှူနိုင်ပါသည်။ သင် သည် ငွေမရှိသောကြောင့် စိတ်မပျက်ပါနှင့်။ ငွေများကို ဖြုန်းတီးပြီး ပေးသောခရစ္စမတ် လက်ဆောင်များကို သခင်ယေရှု အလိုတော်မရှိပါ။ နွားစား ခွက်ထဲတွင် ရှိနေမည့် သခင်ယေရှု လေးကို မျက်စိနှင့်မြင်အောင်ကြည့်ပါ။ သခင်ယေရှုကို သင်ပေးနိုင်သည့် တရားသဖြင့် ပြုခြင်း၊ ဂရုဏာကိုနှစ်သက်ခြင်း၊ နှိမ့်ချခြင်းနှင့်အတူ ဘုရားသခင်နှင့် အသက်ရှင် လိုက်လျှောက်ခြင်း ဆိုသော လက်ဆောင်သုံးခုကို ယခုပင် ပေးလိုက်ပါ။

ဘုရားသခင်ကောင်းကြီးပေးပါစေ။

နာမတော်မြတ်၌

Rev. ဦးမင်းလွင်

ကိုးမိုင်ခရစ်ယာန်အသင်းတော်

ခရစ္စမတ်ဇတ်ကောင် ယောသပ်ထံမှ သင်ယူခြင်း

ဖတ်ရန်ကျမ်းပိုဒ် - မဿဲ ၁း၁၈-၂၅ 

နိဒါန်း

ခရစ္စမတ် မတိုင်ခင် ယခု ကာလများအတွင် မကြာခဏ အမေးခံရသည်မှာ "ခရစ္စမတ် အတွက် အဆင်သင့် ဖြစ်ပြီလား" ဟူ၍ ဖြစ်သည်။  သင်ကိုယ်တိုင်လည်း အမေးခံရမည်ဟု ထင်ပါသည်။ 

ထိုကဲ့သို့ ကျွန်တော် မေးမြန်လာသော် "ခရစ္စမတ်အလှဆင်ပြီးပြီလား" "ခရစ္စမတ်အတွက် ပစ္စည်းတွေ ဝယ်ပြီးပြီလား" "ခရစ္စ မတ်ကဒ်လေးတွေ ပြင်ဆင်ပြီးပြီလား" ခရစ္စမတ်အတွက် သင်သွားရမည့် ခရီးစဉ်တွေ အစီအစဉ်ဆွဲပြီးပြီလား" ဟု သဘော ပေါက်ကြပေလိမ့်မည်။

 "သင် ခရစ္စမတ်အတွက် အဆင်သင့်ဖြစ်နေပါပြီလား။" 

ကျွနု်ပ်တို့သည် ခရစ္စမတ်အတွက် သွားရင်း လာရင်း လုပ်ဆောင်းရင်း "ခရစ္စမတ် ပြာယာခတ်ခြင်း" ဖြစ်လာသည်။ ခရစ္စမတ်ရာသီပြီးသောအခါ မောပန်းနေပြီး နှာစီးချောင်းဆိုး ဖျားနာမှုများ ဖြစ်လာခဲ့သည်။ သင်လည်း ထိုကဲ့သို့ ဖြစ်နေပါပြီလား။ 

ကျွန်တော်က "ခရစ္စမတ်အတွက် အဆင်သင့်ဖြစ်ပြီလား" ဟု မေးမြန်းခဲ့သည့် မေးခွန်းကို သင် သဘောပေါက် ပါသလား။ ကျွန်တော် မေးမြန်သည်မှာ သင်၏ ခရစ္စမတ် လှုပ်ရှားမှု အစီအစဉ်များထက် ပိုပါသည်။ ကျွန်တော် သိလိုသည်မှာ သင်၏ စိတ်နှလုံးအခြေအနေနှင့် သင်၏အသက်ရှင်သည့် ပုံစံ အနေအထားကို ဆိုလိုခြင်း ဖြစ်ပါသည်။ ဘုရားသခင် နှစ်သက်သော ခရစ္စမတ် အသက်ရှင်မှု ပုံစံကို ဘုရားသခင်က သင့်ကို ဖွင့်ပြပါပြီလား။ 

ခရစ္စမတ် အကြောင်းကို အနည်းငယ် စဉ်းစား ကြည့်ကြပါစို့။ စစ်မှန်သော ခရစ္စမတ်ဆိုသည်မှာ အဘယ်နည်း။ ခရစ္စမတ် ဆိုသည်မှာ ကောင်းကင်ဘုံတွင် စံမြန်သော ဖန်ဆင်းရှင် သခင်ယေရှု ခရစ်တော်သည် လူတို့တွင် လူ့ဇာတိ ခံယူရန် ဆင်းသက်ကြွလာခြင်း ဖြစ်သည်။ ဘုရားသခင်နှင့် ကျွန်တော်တို့အကြားတွင် ထင်ရှားတော်မူသော သူ၏မေတ္တာဖြစ်သည်။ (ဤနေရာတွင် ကယ်တင်ခြင်းအကြောင်း ထည့်ပြီး ဟောနိုင်ပါသည်။) ကျွနု်ပ်တို့၏ နှလုံးသားတွင် ကျိန်းဝပ်လိုသော အရှင်ဖြစ်သည်။ ထိုအရှင်ကို သင့် အသက်တာထဲတွင် ထင်ရှား ဖော်ပြနိုင် ပါပြီလား။ 

သမ္မာကျမ်းစာထဲတွင် ခရစ္စမတ်အကြောင်း မှတ်တမ်းတင်ထားသည်များ ရှိနေပါသည်။ မဿဲ ၁း၁၈-၂၅ တွင် သင်ဖတ် ကြည့်ပါ။ 

ယေရှုခရစ်သည် ဘွားမြင်ခြင်းကိုခံတော်မူသောအကြောင်းအရာဟူမူကား၊ မယ်တော်မာရိသည် ယောသပ်နှင့်ထိမ်းမြားဆောင်နှင်း၍ မရှက်တင်မှီတွင် သန့်ရှင်းသောဝိညာဉ်တော်ကြောင့် ပဋိသန္ဓွေစွဲနေ၏။ သူ၏ ခင်ပွန်းယောသပ်သည် သူတော်ကောင်းဖြစ်၍၊ မာရိအသရေကိုမပျက်စေချင်သောကြောင့် တိတ်ဆိတ်စွာစွန့်ပယ် မည်ဟုအကြံရှိ၏။ ထိုသို့ကြံစည်၍နေစဉ်တွင် အိပ်မက်ကိုမြင်ရသည်မှာ၊ ထာဝရဘုရား၏ကောင်းကင်တမန်သည် ထင်ရှား၍၊ ဒါဝိဒ်အမျိုးယောသပ်၊ သင်၏ခင်ပွန်းမာရိကို ထိန်းသိမ်း ရမည်အခွင့်ကိုမစိုးရိမ်နှင့်။ ဤပဋိသန္ဓွေသည် သန့်ရှင်းသောဝိညာဉ်တော်ကြောင့်ဖြစ်၏။ သားယောက်ျားကို ဘွားမြင်လိမ့်မည်။ ထိုသားသည် မိမိလူတို့ကို အပြစ်မှကယ်ချွတ်မည်သူဖြစ်သောကြောင့်၊ ယေရှုဟူသော အမည်ဖြင့်မှည့်ရမည်ဟု ကောင်းကင်တမန်ဆို၏။ (မဿဲ ၁း၁၈-၂၁) 

ယောသပ်သည်အိပ်ပျော်ရာမှနိုးလျှင်၊ ထာဝဘုရား၏ကောင်းကင်တမန် မှာထားသည်အတိုင်းပြု၍ မိမိခင်ပွန်းကိုထိန်းသိမ်းလေ၏။ သို့သော်လည်း၊ သားဦးကို မဘွားမှီတိုင်အောင် သံဝါသမပြုဘဲနေ၏။ ထိုသားကိုလည်းယေရှုဟူသောအမည်ဖြင့်မှည့်လေ၏။ (မဿဲ ၁း၁၈-၂၄-၂၅)

ကျွန်တော် ယောသပ်ကို သဘောကျပါသည်။ သူသည် ပေးဆပ်မှု များစွာ လုပ်ဆောင် ခဲ့သော်လည်း ခေတ် အဆက်ဆက်တွင် မီးမောင်းထိုး မခံခဲ့ရပါ။ သူ့အကြောင်းကို ကျွနု်ပ်တို့ သိခွင့် များများ မရခဲ့ပါ။ သူ့ထံမှ ခရစ္စမတ် သဘောထားများကို ကျွနု်ပ်တို့ လေ့လာသင် ယူနိုင်ပါသည်။ 

၁။ ဘုရားသခင်၏ အလိုတော်ကို လက်ခံသော သဘောကို သင်ယူရမည်။

ပထမဦးစွာ ယောသပ်က ကျွန်တော်တို့ကို သင်ပေးသည်မှာ "ဘယ်လို အကြောင်းတရားတွေ ရှိနေပါစေ ဘုရားသင်၏ အလိုတော်ကို လက်ခံရန်" ဖြစ်ပါသည်။ ယောသပ်သည် ဘုရားသခင်၏ အလိုတော်ကို လက်ခံခဲ့သည်။ 

ယောသပ်သည် သူ့ဘ၀ အတွက် ကောင်းမွန်သောအစီအစဉ်များ ထားရှိခဲ့သည်။ မာရိကို လက်ထပ် ယူမည်။ လိုအပ်သော အစီအစဉ် များကိုလည်း ပြင်ဆင်နေသည်။ မင်္ဂလာ အခန်းအနားကို မည်သည့်ပုံစံ၊ မည်သည့် နေရာ၊ မည်သည့် အဝတ်အ စားများဖြင့် မည်သည့် အစားအစာကို ကျွေးမည် အစရှိသဖြင့် ပြင်ဆင်မှုပေါင်း မြောက်များစွာဖြင့် ပြင်ဆင်နေသည်။ 

သို့သော်လည်း မာရိထံတွင် ပဋိသန္ဓေ စွဲယူ၍ ကလေးရှိနေပြီ ဖြစ်ကြောင်း သိခဲ့သည်။ 

သူကြားခဲ့ရသော အသံသည် နားထဲတွင် ဗုံးပေါက်ကွဲ သကဲ့သို့ ဖြစ်သွားလိမ့်မည်။ သူသည် မာရိကို ချစ်ပါသည်။ မာရိလည်း သူ့ကို ချစ်ပါသည်။ သို့သော် ယခု မာရိက သူ့ကို သစ္စာမရှိလေရော့သလား။ သူ နားမလည်နိုင်ပါ။ ယခုအခါ သစ္စာမရှိသောသူမကို ဖြတ်လိုက် ရတော့မည်လား။ သူတို့အကြားမှ မေတ္တာ သံယောဇဉ်ကို ဖြတ်လိုက်တော့ မည်လား။ 

ပညတ်တော် အရ မာရိကို သတ်ရပါမည်။ သို့သော် ယောသပ်သည် သူမကို ချစ်သောကြောင့် ထိုသို့ မဖြစ်စေချင်။ ထို့ကြောင့် လက်ထက်ယူပြီး တိတ်တဆိတ် ကွာရန်သာ ဆုံးဖြတ်လိုက် တော့သည်။ 

သို့သော် ကောင်းကင်တမန်က အိပ်မက်တွင် လာရောက်ပြီး ယောသပ် ဘုရားသခင်ကို ယုံကြည်ပါ။ သင် နားမလည်နိုင် ပါဘူး။ ဒါတွေက ဘုရားသခင် လုပ်တာပါ။ အားလုံးဟာ အမှန်တွေပါ။ ဟု ဖော်ပြ ပြေဆိုခဲ့သည်။ 

ယောသပ်က အလိုတော်ကို ဝန်ခံသောသူအဖြစ် သက်သေထူသည်။ တစ်ခါတစ်ရံ အလိုတော်ကို ဝန်ခံ အသက်ရှင်ရန် ခက်ပါသည်။ ယောသပ်သည် ဘုရားသခင်ကို ကိုးစားခဲ့သည်။ သူ့ထံတွင် မေးခွန်းပေါင်း သောင်းခြောက်ထောင် ရှိနေပါမည်။ သို့သော် သူသည် ဘုရားသခင်၏ အလိုတော်ကို ဝန်ခံခဲ့သည်။ ဘုရားသခင်သည် သူတို့အတွက် အကောင်းဆုံး တွေကိုသာ လုပ်ဆောင် ပါလိမ့်မည်။ 

ကျွနု်ပ်တို့သည် တခါတစ်ရံ အလားတူ အခြေအနေများ ကြုံတွေ့ရပါလိမ့်မည်။ ခရစ္စမတ်သည် ငြိမ်သက်ခြင်းဖြင့် လာသလို ပြဿနာ များဖြင့်လည်း ရောက်ရှိ လာပါလိမ့်မည်။ ပျော်ရွှင်စရာ ခရစ္စမတ် ဖြစ်နိုင်သလို ဝမ်းနည်းခြင်းတွေနှင့် ခရစ္စမတ်လည်း ဖြစ်ပါလိမ့်မည်။ ခရစ္စမတ်သည် တစ်ခါတစ်ရံ ချစ်ခြင်း မေတ္တာတွေနှင့် လာသလို အမုန်းတွေနှင့်လည်း လာပါလိမ့်မည်။ ကျွန်တော်တို့ကိုယ်တိုင် ခရစ္စမတ်ကာလ များတွင် ထမင်းငတ်ဘူးသည်။ ငိုကြွေး၍ ပြဿနာတွေ ရင်ဆိုင်ဘူးသည်။ ထိုအချိန်က ယောသပ်၏ အသက်တာများကို ဆင်ခြင်ပြီး ခွန်အားယူ ဖြတ်သန်း ခဲ့ရသည်။  

ယောသပ်သည် စိတ်ပင်ပန်းကြီးစွာ ခံစားရသကဲ့သို့ ကျွနု်ပ်တို့လည်း ခံစားရ ပါလိမ့်မည်။ ကျွနု်ပ်တို့က "ဘုရားသခင် ဒါဘာကြောင့် ဖြစ်ရတာလဲ" ဟု ဝမ်းနည်းစိတ်နှင့် အော်ဟစ်ချိန်တွင် ဘုရားသခင်က တိုးညှင်းသော အသံလေးဖြင့် "ငါ့ကို ယုံကြည်ပါ" ဟု ပြောနေ သကဲ့သို့ပင်။ 

ဘုရားသခင်၏ လမ်းတော်သည် ကျွန်တော်တို့၏ လမ်းနှင့်ကွာခြားပါသည်။ သူ၏အတွေးအကြံသည် ကျွနု်ပ်တို့၏ အတွေးများထက် သာလွန်ကောင်းမွန်ပါသည်။ ကျွန်တော်တို့သည် ဘယ်သောအခါမှ နားမလည်နိုင်ခဲ့ပါ။ ထိုအချိန်များတွင် ဘုရားသခင်က "ငါကို ကိုးစားပါ" ဟု သင့်ကို ပြောနေပါလိမ့်မည်။

ဘုရားသခင်ကို ချစ်သော သူတည်းဟူသော ကြံစည်တော်မူခြင်း အတိုင်း ခေါ်တော်မူသော သူတို့၏ အကျိုးကို ခပ်သိမ်းသော အရာတို့သည် တညီတညွတ်တည်း ပြုစုကြသည်ကို ငါတို့ သိကြ၏။ (ရောမ ၈း၂၈)

ယောသပ်၏ အလိုတော်ကို နာခံမှုကြောင့် ခရစ္စမတ် ဖြစ်လာခဲ့သည်။ ကျွန်တော်တို့သည် ယောသပ်ထံမှ အလိုတော်ကို ဝန်ခံခြင်းနှင့် ကိုးစားခြင်းကို သင်ယူရန် လိုအပ်ပါသည်။ 

၂။ လူတွေကို ကူညီတတ်ရန် သင်ယူပါ။

ဒုတိယအချက်မှာ ယောသပ်က ကျွန်တော်တို့အား အခြားလူများကို ဂရုစိုက်ရန် သင်ပေးနေပါသည်။ 

ယောသပ်သည် အလွန် ရိုးသားသူ တစ်ဦး ဖြစ်သည်။ ခရစ္စမတ် ဇတ်လမ်းတွေကို ကြည့်လိုက်တိုင်း မာရိနှင့် ကောင်းကင်တမန်များ၊ သိုးထိန်းများ၊ ပညာရှိများ၊ ရွှေတုံးကြီးများ၊ မုရန်၊ လောဗန်များ၊ အစရှိသဖြင့် ဖော်ပြကြသည်။ ယော သပ်က တုတ်ချောင်းလေးကို ကိုင်ပြီး အနားမှာ ရပ်နေမည်။ အခြားသော အရာများထက် ပို၍ အရေးကြီးသော ယောသပ်ကို မထင်မရှားလေးမျှသာ ပြသကြသည်။ ယောသပ်သည် အလွန် အရေးကြီးပါသည်။ သူသည် ခရစ်တေ်ာနှင့် မာရိကို ဂရုစိုက် ရသူ၊ ကူညီရသူတစ်ဦး ဖြစ်နေသည်။ 

တကယ်တော့ ခရစ္စမတ်သည် တစ်နှစ်တွင် တစ်ခါသာဖြစ်သည်။ ဤအချိန်လေးတွင် သူတပါးကို စိတ်မပျက်စေဘို့ လိုအပ်ပါသည်။ သူတစ်ပါးကို ဂရိုစိုက်ရမည်။ ကျွန်တော်တို့သည် အသင်းတော်ထဲတွင် ရှိသူများကို တန်ဘိုးထားရမည်။ အချို့သော သူတို့သည် မိမိကိုသာ ဂရုစိုက်စေချင်သည်။ လူအတော် များများသည် အသင်းတော်က သူတို့ကို ဂရုစိုက်စေချင်သည်။ မိမိက ခရစ်တော်၏ အသွေးတော်နှင့် ရွေးဝယ်သော အသင်းတော်ကို ဂရိုစိုက်ရမည်ကို မေ့လျော့နေကြသည်။ ကိုယ်နှင့် စပ်ဆိုင်သူများကို ဂရုစိုက်ပါ။ ကျမ်းစာက ဖော်ပြသော မိဘမဲ့များ၊ မုဆိုးမများ၊ အားနည်းသူများ၊ ငိုကြွေးနေသူများ ဖြစ်သော အငယ်ဆုံးသောသူများကို ဂရုစိုက်ပါ။ 

၃။ မည်သည့်အရာဖြစ်စေ ပေးတတ်သောသူူဖြစ်ရန် သင်ယူရမည်။

တတိယ အချက်ကတော့ ခရစ္စမတ်သည် ယောသပ်ထံ ရောက်ရှိလာသည်။ အဘယ်ကြောင့် ဆိုသော် ယောသပ်၏ ပေးတတ်သော သဘာ သဘာဝကြောင့် ဖြစ်သည်။ 

ယောသပ်သည် ကြိုတင်၍ ဘာမျှ မသိခဲ့။ မာရိနှင့် ကလေးကို ခေါ်ပြီး ဗတ်လင်မြို့သို့ သွားရမည်။ ထို့နောက် အဲဂုတ္တုသို့ ပြေးရဦးမည်။ သူချစ်သောမြို့မှ ခွဲခွာရမည်။ ဟေရုတ်ထံမှ ဝရမ်းပြေး တစ်ဦးအဖြစ် ပြေးရမည်. . . စသည်ဖြင့် ဘာမျှ မသိခဲ့ပါ။ 

သို့သော် ဘုရားသခင်က သူ့ဘဝထဲက တောင်းဆိုသမျှအရာအားလုံးကို သူကတော့ ပေးရန် အသင့်ပါ။ 

သင့်ရဲ့ ခရစ္စမတ် ခံယူချက်က မည်သို့နည်း။ ဘုရားသခင်သည် သားတော်ကို ပေးသည်။ ခရစ်တော်သည် သူ့ကိုယ်သူ ပေးသည်။ ယောသပ်သည် သူ့ဘဝနှင့် အချိန်များကို ပေးသည်။ ပေးသမျှ မှားသည်ဟု မရှိပါ။ အကြီးမားဆုံး ပေးသည်မှာ ချစ်ခြင်းမေတ္တာပင်ဖြစ်သည်။ 

ကြားဘူးသော ဝေလီ ဆိုသော ကောင်းလေး၏အကြောင်းကို ပြောပြပါရစေ။ 

တစ်ခါတုန်းက ၇ တန်းကျောင်းသားလေးတစ်ဦးရှိပြီး သူသည် အတန်းထဲတွင် ခန္ဓာအကြီးဆုံးဖြစ်သည်။။ သူ၏မိခင်မှာ ကက်သလစ်တစ်ဦးဖြစ်ပြီး အရက်သောက်သည်။ အကျိုးရလဒ်အနေဖြင့် သူသည် ညဏ်ရည် အနည်းငယ် အားနည်းပြီး မွေးဖွားလာသည်။ ထို့ကြောင့် အတန်းဖေါ်များထဲတွင် စိတ်ပိုင်းစွမ်းရည် အားနည်းခဲ့သည်။ သို့သော်လည်း သူက သူတစ်ပါးထံမှ အမြဲတမ်း ရအောင် ယူတတ်လေ့ရှိသည်။ သူ၏နာမည်မှာ ဝေလီ ဖြစ်သည်။ 

ခရစ္စမတ်အချိန် ရောက်လာပါပြီ။ သူတို့ အတန်းက ပြဇတ်ကပြရန် ဆုံးဖြတ်ခဲ့သည်။ ခန္ဓာကိုယ် ကြီးမားသော ဝေလီ ကို တည်းခိုခန်းပိုင်ရှင်အဖြစ် သရုပ်ဆောင်ရန် ပြောကြသည်။ နည်းပြ ဒါရိုက်တာ ပြောသည့်အတိုင်း လက်ခံလိုက်သည်။ 

ပြဇတ်စပါပြီ။ မာရိနှင့်ယောသပ် ဗတ်လင်မြို့သို့ ဝင်လာပါပြီ။ တည်းခိုခန်းတံခါးကို ခေါက်ပါသည်။ သူက ထွက်ရသည်။ ဘာလိုအပ်ပါသလဲခင်ဗျာ။ အခန်းရနိုင်မလားခင်ဗျာ ယောသပ်မေးသည့်အခါ သူက "မရှိဘူး၊ မရဘူး" ပြောရသည်။ ထပ်ပြောသည် ကလေးမွေးဖွားတော့မည် ပြောသော ယောသပ်ကို  "မရှိဘူး၊ မရဘူး" ထပ်ပြောရသည်။ အခြားနေရာလေး တစ်ချက်ကြည့်ပေးပါဗျာ ပြောသောအခါ  "မရှိဘူး၊ မရဘူး" ပြောရသည်။ တောင်းသမျှကို "မရှိဘူး၊ မရဘူး"  ပြောရသည်။ ဘာဘဲဖြစ်ဖြစ် ပေးရမှာ နှမြောပြီး ရအောင်ယူတတ်သော သူ၏စရိုက်နှင့် ကိုက်ညီလှပေသည်။ ထိုအကြောင်းကြောင့် ထိုနေရာကို ဝေလီ အား သရုပ်ဆောင်ခိုင်းလိုက်ခြင်းဖြစ်သည်။ 

ဇက်စင်ပေါ်တွင် တိတ်ဆိတ်နေသည်။ မာရိနှင့် ယောသပ်မှာ "မရှိဘူး၊ မရဘူး" အပြောခံနေရသည်။ ဝေလီသည် မာရိနှင့် ယောသပ်ကိုယ်စား နာကျင်နေသည်။ "မရှိတော့ဘူး၊ မရှိတော့ဘူး၊ မရှိတော့ဘူး" ပြောရသည်ကို စိတ်နာနေသည်။ နည်းပြ ဒါရိုက်တာက ထိုအခန်းကို သေချာ ဇတ်နာအောင် လုပ်ခိုင်းခြင်း ဖြစ်သည်။ ဇတ်တိုက်စဉ်က ပေါ့ပေါ့တန်တန်လုပ်ခဲ့သော်လည်း ယခု အမှန်တကယ် စိတ်ခံစားပြီး သရုပ်ဆောင်ရသောအခါ ဝေလီလည်း နာကျင်နေပါသည်။ သူသည် မျက်ရည်များ စီးဆင်းနေပြီး နောက်ဆုံး သူက "အခန်းရှိပါတယ်" ဟု ပြောချင်နေသည်။ ဘဝတွင် အမြဲတမ်း ရယူဘို့သာ သိခဲ့သော ဝေလီ သည် ယခုအခါ ယောသပ်၏ ပေးဆပ်မှုများကြောင့် သူ့ရင်မှာ တကယ်နာကျင်လာခဲ့ပြီး ပေးတတ်သူအဖြစ် ပြောင်းလဲသွားလေတော့သည်။ 

အခန်းမရဘဲ နာကျင်မှုဖြင့် ပေးဆပ်ခဲ့ရသော ယောသပ်ထံမှ သင်ယူပါ။ တချိန်က တည်းခိုခန်းမရခဲ့သော ယောသပ်နှင့် မာရိကို သင့်၏ နှလုံးသား နေရာကို ပေးလိုက်ပါ။ နောက်ဆုံးမှာ ကိုယ်တော် ကျွန်တော့်ရဲ့ နှလုံးသား အခန်းဟာ ကိုယ်တော်အတွက် ဖြစ်ကြောင်း ပြောလိုက်ပါ။ ထို့ထက်မက ကျွန်တော့်် ဘဝကြီးဟာ ကိုယ်တော့်အတွက်ပါ။ ကျွန်တော့် ပိုင်ဆိုင်မှုဟာ ကိုယ်တော့်အတွက်ပါ။ ကျွန်တော့်ရဲ့ ပညာတွေဟာ ကိုယ်တော်အတွက်ပါ။ ကျွန်တေ်ာ့ရဲ့ အသက်ရှင်မှုဟာ ကိုယ်တော်အတွက်ပါ စသည်ဖြင့် ပေးလိုက်ပါ။ 

နိဂုံး

သင်ခရစ္စမတ်အတွက် အဆင်သင့်ဖြစ်နေပါပြီလား။ 

(၁) အလိုတော်ကို ဝန်ခံရန် အဆင်သင့်ဖြစ်နေပါပြီလား။ 

(၂) သူတစ်ပါးကို ကူညီရန် အဆင်သင့်ဖြစ်နေပါပြီလား။ 

(၃) မိမိအသက်တာကို ကိုယ်တော်အား ပေးရန် အဆင်သင့်ဖြစ်နေပါပြီလား။ 

ဘုရားသခင် ကောင်းကြီးပေးပါစေ။ 

နာမတော်မြတ်၌ 

Rev. ဦးမင်းလွင် 

ကိုးမိုင်ခရစ်ယာန်အသင်းတော် 

ခရစ္စမတ်ကို ဘယ်လိုပြင်ဆင် ကြိုဆိုမလဲ

မာကု ၁း၁-၈

၁ဘုရားသခင် သားတော် ယေရှုခရစ်၏  အစကိုဆိုပေအံ့။ အနာဂတ္တိ ကျမ်းစာ၌ လာသည်ကား၊ ကြည့်ရှုလော့။ သင်သွားရာလမ်းကို ပြင်ရသော ငါ၏တမန်ကို သင့်ရှေ့၌ ငါစေလွှတ်၏။ တော၌ဟစ် ကြော်သောသူ၏ အသံမှာ၊ ထာဝရ ဘုရား ကြွတော်မူရာ လမ်းကို ပြင်ကြလော့။ လမ်းခရီးတော်ကို ဖြောင့်စေ ကြလော့ဟု လာသည်နှင့် အညီ၊ ယောဟန်သည် တော၌ ဗတ္တိဇံ ကိုပေးလျှက်၊ အပြစ်လွှတ်ခြင်း အဘို့အလိုငှါ နောင်တ နှင့်စပ်ဆိုင်သော ဗတ္တိဇံ တရားကို ဟောလျက်ပေါ်ထွန်း၏။ ယေရှုရှလင်မြို့သားများမှ စ၍ ယုဒပြည်သူပြည်သား အပေါင်းတို့သည်၊ ယောဟန်ထံသို့ ထွက်သွား၍ မိမိတို့ အပြစ်များကို ဘော်ပြလျှက် ယော်ဒန်မြစ်၌ ဗတ္တိဇံ ကိုခံကြ၏။ ယောဟန်သည် ကုလားအုတ် အမွှေးနှင့်ရက်သော အဝတ်ကို ဝတ်လျက်၊ ခါး၌ သားရေ ခါးပန်းကို စည်းလျက်၊ ကျိုင်းကောင်နှင့် တော၌ ဖြစ်သော ပျားရည်ကို စားလျက်နေ၏။ ဟောချက် စကားဟူမူကား၊ ငါ့ထက် တတ်စွမ်းနိုင်သော သူသည် ငါ့နောက်ကြွလာ၏။ ထိုသူ၏ ခြေနင်းတော် ကြိုးကိုမျှ ငုံ့၍ဖြည်ခြင်းငှါ ငါမထိုက်။ ငါသည် သင်တို့အား ရေ၌ ဗတ္တိဇံ ကိုပေး၏။ ထိုသူသည် သန့်ရှင်းသော ဝိညာဉ် တော်၌ သင်တို့ကို ဗတ္တိဇံ ပေးမည်ဟု ဟောသတည်း။ (မာကု ၁း၁-၈)

ကယ်တင်ရှင် မလာမီ ကြိုတင်ပြင်ဆင်ရသော ဗတ္တိဇံဆရာ ယောဟန်

ခရစ္စမတ် အတွက် အသက်တာကို ပြင်ဆင်ခြင်းဟူသော ခေါင်းစဉ်ဖြင့် ဟောပြောလိုပါသည်။ ဤဝေငှချက်သည် သင့်အတွက် အကြံပြုချက်လည်း ဖြစ်ပါသည်။ ယခုအခါ သင်သည် ခရစ္စမတ်အတွက် ပြင်ဆင်မှုများကို ပြုလုပ်ကောင်း ပြုလုပ်နေပါလိမ့်မည်။ အိမ်ကို အလှဆင်ခြင်း၊ မီးလုံးလေးများကို ချိတ်ဆွဲခြင်း၊ လက်ဆောင် ပစ္စည်များကို စုဆောင်ခြင်း၊ အဝတ်အစားများ ဝယ်ယူခြင်း၊ စသည့် ပြင်ဆင်မှု ပေါင်းမြောက်များစွာကို ပြုလုပ်နေပါလိမ့်မည်။

သို့သော် ကောင်းကင်ဘုံရှင် ဘုရားသခင်က ထိုပြင်ဆင်မှုများကို အားရကျေနပ်နေ လိမ့်မည်ဟု သင်ထင်ပါသလား။ ကယ်တင်ရှင် ခရစ်တော်၏ လူ့ဇာတိခံယူရန် ကောင်းကင်ဘုံ စည်းစိမ်ကို စွန့်လွှတ်၍ ဤလောကသို့ ကြွလာရာတွင် ထိုကဲ့သို့ ပြင်ဆင်မှုများက အမှန်တကယ် လုံလောက် ပါပြီလား။ ယနေ့ ကျွန်တော် ပြောလိုသည့်အရာမှာ ထိုကဲ့သို့သော ပြင်ဆင် မှုမျိုး မဟုတ်ပါ။ 

 ရှင်မာကု ခရစ်ဝင်ကျမ်းကို လေ့လာကြည့်ပါက အံ့သြဘွယ်ဖြစ်သော မယ်တော် မာရိ၏ ပဋိသန္ဓေ ယူဆောင်ခြင်းကို မဖေါ်ပြ သလို မွေးဖွားခြင်း အကြောင်းအရာများကို မ တွေ့ရချေ။ သင်နှင့် ကျွနု်ပ်တို့ ကဲ့သို့ သာမန် လူသားတစ်ဦးက လူ့ဇာတိ ခံယူမည့် သခင်ခရစ် တော်ကို ထူးခြားစွာ ပြင်ဆင် ကြိုဆိုခဲ့သော ဗတ္တိဇံဆရာ ယောဟန် အကြောင်းကိုသာ ရှင်မာကုက ဖေါ်ပြခဲ့ပါသည်။

ကယ်တင်ရှင် ခရစ်တော်နှင့် ပတ်သတ်ပြီး မမွေးဖွားမီ နှစ်ပေါင်း ရာနှင့်ချီ၍ ကြိုတင် ပရောဖတ် ပြုချက်ပေါင်း မြောက်များစွာ ရှိနေခဲ့ပါသည်။ ဘုရားသခင် ကိုယ်တော်တိုင်က ထို သခင်မလာခင် ပြင်ဆင်မှုများ ပြုလုပ်ရန် ဗတ္တိဇံ ဆရာ ယောဟန်ကို စေလွှတ် ခဲ့ကြောင်း ယခု လေ့လာ ဖေါ်ပြလိုပါသည်။

မာကုကျမ်းစာ၏အစတွင် ဤကဲ့သို့ ဖေါ်ပြစတင်ထားပါသည်။ 

၁ဘုရားသခင်သားတော်ယေရှုခရစ်၏ ဧဝံဂေလိတရား၏ အစကိုဆိုပေအံ့။ ၂အနာဂတ္တိကျမ်းစာ၌ လာသည်ကား၊ ကြည့်ရှုလော့။ သင်သွားရာလမ်းကိုပြင်ရသော ငါ၏တမန်ကို သင့်ရှေ့၌ ငါစေလွှတ်၏။ ၃တော၌ဟစ် ကြော်သောသူ၏ အသံမှာ၊ ထာဝရဘုရားကြွတော်မူရာလမ်းကို ပြင်ကြလော့။ လမ်းခရီးတော်ကို ဖြောင့်စေ ကြလော့ဟု လာသည်နှင့်အညီ၊ (မာကု ၁း၁-၃)

မာကုက ခရစ္စမတ် အကြောင်းအရာနှင့် အစပြုမထားပါ။ မာကုကျမ်းကို စတင်ဖွင့်လှစ်လိုက်သည်နှင့် ခရစ္စမတ်အတွက် လိုအပ်သည့် အခြေခံ အကြောင်းအရာနှင့် အစပြုထားသည်ကို တွေ့ရပါလိမ့်မည်။ ယခုဖော်ပြလိုသည်မှာ ခရစ္စမတ် သစ်ပင် လှလှလေးများ၊ ကလေးလက်ဆောင်များ၊ အစားအသောက် ပြင်ဆင်မှုများ၊ ကျိုးစား အားထုပ်မှုများကို မလိုအပ်ပါဟု ဆိုလိုခြင်း မဟုတ်ပါ။ ထိုအရာများသည်လည်း အထူးပြုလုပ်သော အရာများ ဖြစ်သောကြောင်း ကောင်းမွန်ပါလိမ့်မည်။ လိုအပ်ကောင်း လိုအပ်ပါလိမ့်မည်။

သို့သော် ရှင်မာကုက အစပြုသည်မှာ “ဧဝံဂေလိတရား၏အစ” ဟုဆိုထားပါသည်။ “ဧဝံဂေလိ” ၏ အဓိပ္ပါယ်မှာ “သတင်းကောင်း” ဖြစ်ပါသည်။ “သတင်းကောင်း၏အစ” ကို ခရစ္စမတ် သစ်ပင်နှင့် အစပြုမထားပါ။ သတင်းကောင်း ဆိုသည်မှာ အဘယ်နည်း။ သတင်း ကောင်းဆိုသည်မှာ “ကယ်တင်ရှင် ခရစ်တော်၏ အကြောင်း” ပင်ဖြစ်ပါသည်။

မာကုကျမ်းတွင် မွေးဖွားခြင်းနှင့်အစပြု ရမည့်အစား ထူးခြားစွာဖြင့် ဗတ္တိဇံဆရာ ယောဟန်အကြောင်းကို ဖေါ်ပြ အစပြု ထားပါသည်။ ယနေ့မနက် ဗတ္တိဇံဆရာ ယောဟန် ထံမှ အကြောင်းအရာ သုံးခုကို လေ့လာလိုပါသည်။ 

၁။ သူသည် ထူးခြားသော စေတမန်တစ်ဦး ဖြစ်ပါသည်။

 အငယ် (၆) တွင် ယောဟန်သည် 

“ယောဟန်သည် ကုလားအုတ်အမွှေးနှင့်ရက်သော အဝတ်ကိုဝတ်လျက်၊ ခါး၌ သားရေခါးပန်းကို စည်းလျက်၊ ကျိုင်းကောင်နှင့် တော၌ဖြစ်သောပျားရည်ကိုစားလျက်နေ၏။” (မာကု ၁း၆)

 သခင်ယေရှုနှင့် ဝမ်းကွဲတော်စပ်သူ ယောဟန်သည် ခြားနားမှုများ ရှိနေပါသည်။ သင်လေ့လာကြည့်ပါ။ မိသားစုဝင်များ နှင့် နီးစပ်သော ဝမ်းကွဲမောင်နှမများသည် အနည်းငယ် တူညီသော အကြောင်းအရာများ ၊ရှိနေတတ်သည်။ ယခု ယောဟန်ကို လေ့လာကြည့်ပါက သိတ် အဆင် မပြေသော အခြေအနေ များထဲတွင် ရှိနေသည်။ ကုလားအုပ်မွေးနှင့် ယက်သော အင်္ကျီကိုသာ ဝတ်သည်။ သားရေ ခါးပန်းကိုစီးပြီး ကျိုင်းကောင်နှင့် ပျားရည်ကိုသာ စား သောက်သည်။ နေသည်မှာ ကန္တာရတွင်နေသည်။ ကန္တာရမှရသော အင်္ဂျီကိုသာ ဝတ်ပြီး ထိုနေရာ မှ အစားအစာကိုသာ စားသောက်သည်။

ဘုရားသခင်ဘက်တွင် စိတ်အားထက်သန်သော ယဇ်ပရောဟိတ်ဖြစ်သူ အဖ ဇာခရိနှင့် အမိ ဧလိရှဗတ် တို့မှ မွေးဖုွားလာသောသူ ဖြစ်သောကြောင့် ယောဟန်သည် ဘုရား ဝတ်တွင် မွေ့လျော်သူ တစ်ဦး ဖြစ်သည်။ ငယ်စဉ်ကပင် အသက်တာကို ဆက်ကပ်အပ်နှံထား သူဖြစ်ပြီး စုံစမ်းသွေးဆောင်ခြင်းများ ကင်းဝေးရာ တောကန္တာတွင် သွားရောက်နေ ထိုင်ခဲ့ပြီး ရနိုင်သည့် အစားအစာများနှင့်သာ ရောင့်ရဲ တင်တိမ်ပြီး အသက်ရှင်ခဲ့သူဖြစ်သည်။ 

ခရစ်တော်၏ လမ်းခရီးတော်ကို ကြိုတင်ပြင်ဆင်ပေးရမည့် ဗတ္တိဇံဆရာ ယောဟန် ၏ အသက်တာ ပြင်ဆင်မှုမှာ ထူးခြားပါသည်။ မည်သူမျှ တုနှိုင်း မမှီနိုင်သည့် အသက်ရှင်မှုပုံစံ ဖြင့် အကောင်းဆုံး အသက်ရှင်လျက် ကိုယ်တော်ကို စောင့်ကြိုနေခဲ့ပါသည်။ ခရစ်တော် ၏ လူဇာတိခံယူပြီး လူ့လောကသို့ ကြွတော်မူရာ ခရီးလမ်းကို ကြိုဆိုနေပါသည် ဟူသော သင့်၏ အသက်ရှင်မှု မည်ကဲ့သို့ ဖြစ်နေပါသနည်း။ ခရစ္စမတ်ကို ကြိုဆိုသော သင်၏အသက် တာ အသက်ရှင်မှုကို ပြန်လည်ဆင်ခြင်ပါ။ 

သူသည် ထူးခြားသော တမန်တော် ဖြစ်ရုံမျှသာမက

၂။ ထူးခြားသော တရားစကားကို ဟောပြောသူ ဖြစ်သည်။

ဟေရှာယ ၄၀း၃-၅ မှဖော်ပြထားသော အကြောင်းအရာနှင့် မာလခိ ၃း၁ တွင်ဖော်ပြ ထားသော အကြောင်းအရာ အမှန်တကယ် ဖြစ်လာပြီး ပြည့်စုံတော့မည်ဖြစ်ကြောင်း နိမိတ်ဖတ် ဖော်ပြခဲ့သည်။

တော၌ ဟစ်ကြော်သောသူ၏ အသံမှာ၊ ထာဝရဘုရား ကြွတော်မူရာလမ်း ကို ပြင်ကြလော့၊၊ ငါတို့ဘုရားသခင်၏ လမ်းခရီးတော်ကို လွင်ပြင်၌ ဖြောင့်စေ ကြလော့၊၊ ချိုင့်ဝှမ်းရာရှိသမျှတို့ကို ဖို့ရမည်။ တောင်ကြီးး တောင်ငယ်ရှိ သမျှတို့ကို ဖြိုရမည်။ ကောက်သော လမ်းများကို ဖြောင့်စေရမည်။ ကြမ်းတမ်းသော လမ်း များကိုလည်း သုတ်သင် ပြင်ဆင်ရမည်။ (ဟေရှာ ၄၀း၃-၄)

ကြည့်ရှုလော့။ ငါသွားရာလမ်းကိုပြင်ရသောငါ၏တမန်ကို ငါစေလွှတ်မည်။ (မာလခိ ၃း၁)

ဗတ္တိဇံဆရာ ယောဟန်ပြောသည်မှာ ကယ်တင်ရှင်လာမည့်အကြောင်းကို ကြော်ငြာသည်။ လမ်းတော်ကို ပြင်ဆင်ကြဟု ပြောသည်။ “ပြင်ဆင်” ဟူသောစကားသည် “အဆင် သင့်ဖြစ်နေရမည်” ဟု ပြောနေခြင်း ဖြစ်သည်။ ယောဟန် ဆိုလိုသည်မှာ ယခု လမ်းမကြီးများကို ပြင်ဆင်ရန် ဆိုလိုခြင်းမဟုတ်။ သခင်ယေရှု လူ့ဇာတိခံ ကြွရောက်လာမည့် အချိန်အတွက် အဆင်သင့် ဖြစ်နေရန် ပြောခြင်းဖြစ်ပါသည်။

ယနေ့ခေတ် သခင်ခရစ်တော် ကြွလာမည့် အခန်းအနားပြင်ဆင်မှုများသည် အရေး ကြီးသော လုပ်ဆောင်မှုများ၊ အချက်အလက်များ၊ ပျောက်ဆုံးနေသည်ဟု ထင်ပါသည်။ ကျွန် တော်တို့က ပြင်ဆင်ရာတွင် သခင်ယေရှု ခရစ်တော် အရုပ်ကလေးကို အဝတ်ကလေး နှင့်ပတ်၊ နွားစားခွက်တွင်ထား၊ မီးလုံးလေးတွေ ထွန်းထား ထိုကလေးသည် ဘယ်သော အခါမှ ကြီးထွားခွင့်မရ။ ခရစ္စမတ် ကယ်ရယ် သီချင်းများဆိုပြီး ပျော်ရွှင်နေကြသည်။ ထိုအရာသည် ဟေရုတ်ဘုရင် က သတ်ဖြတ်ရန် သတိပေးနေသလို၊ အသိပေးကာ ခရစ်တော်ကို ဒုက္ခပေးရန် ပြင်ဆင်နေ သလိုဖြစ်သည်။ ထိုအရာများထက် ထူးခြားသော ပြင်ဆင်မှုများကို သင်လုပ်ဆောင်ဘို့ လို အပ်ပါသည်။

ဗတ္တိဇံဆရာယောဟန်က ပြောသည်မှာ

“ငါ့ထက် တတ်စွမ်းနိုင်သော သူသည် ငါ့နောက်ကြွလာ၏။ ထိုသူ၏ခြေနင်းတော် ကြိုးကိုမျှ ငုံ့၍ဖြည် ခြင်းငှါ ငါမထိုက်။” (မာကု ၁း၇)

ဟုဆိုခဲ့သည်။ အများတကာ လေးစားသော၊ အထင်ကြီးသော ဗတ္တိဇံဆရာ ယော ဟန် က “ကြွလာမည့် အရှင်သည် မည်မျှ ကြီးကျယ် မြင့်မြတ်ကြောင်း ဟောပြောခဲ့သည်။” ထို အရှင် ကြွရောက် လာမည့် အချိန်တွင် တကမ္ဘာလုံးကို အဆင်သင့်ဖြစ်နေစေရန် ဟော ပြောခဲ့သည်။ သူဟောပြောရသည့် အကြောင်းမှာ ထိုအချိန်က ယုံကြည်သူဟု ဆိုသောသူ များပင်လျှင် ဖြစ်ချင်သလို ဖြစ်နေသော ကာလဖြစ်သည်။ ဘုရားမဲ့၊ တရားမဲ့ မိမိ စိတ်တိုင်းကြ အသက်ရှင်နေခဲ့ကြသည်။ သူတို့ လုပ်ဆောင်သော အပြစ် တရားများမှာ ယနေ့ခေတ် အခါ ကဲ့သို့ပင် ဖြစ်သည်။ သူတို့သည် ခရစ်တော်ကို မလိုချင်ခဲ့ကြ။ ခရစ်တော် မလိုဟု ထင်မြင်သူများရှိခဲ့သည်။ ထို့ကြောင့် ထိုအချိန်က ခရစ်တော်ကို သတ်ဖြတ်ရန် ဝန်မလေး ခဲ့ကြချေ။ ယနေ့ခေတ် အဆင်သင့်မဖြစ်သလို သူတို့လည်း အဆင်သင့် မဖြစ် ခဲ့ကြချေ။

သင်အသက်တာရော အဆင်သင့်ဖြစ်ပါပြီလား။ လူတိုင်း ခရစ္စမတ်ကို ကြိုဆိုကြ သော်လည်း အဆင်သင့် မဖြစ်ကြချေ။ ဗတ္တိဇံဆရာ ယောဟန် က ဟောပြောခဲ့သည်မှာလည်း ထိုလူမျိုး အတွက် ဖြစ်သည်။ ယနေ့ သင့်အသက်တာကိုလည်း ထိုကဲ့သို့ ပြောလိုပါသည်။

ကျွန်တော်တို့ ဘယ်လို အဆင်သင့်ဖြစ်ရမလဲ။ ယောဟန်ကတော့ ပြောခဲ့ပါသည်။ နောင်တရရန် ပြောခဲ့ပါသည်။ အပြစ်တရားမှ နောင်တရ သည့် အနေဖြင့် ဗတ္တိဇံခံရန်ပြောခဲ့ ပါသည်။ ယောဟန်ပြောသည့် ပြင်ဆင်ခြင်းဆိုသည်မှာ နောင်တရရန် ဖြစ်သည်။ ဂရိဘာသာ စကားဖြင့် နောင်တဆိုသည်မှာ “metanoia” ဟု ခေါ်ပြီး “စိတ်နှလုံး ပြောင်းလဲခြင်း” ဟု အဓိပ္ပါယ်ရှိပါသည်။ ၂ကော ရး၁၀ တွင် နောင်ဆိုသည်မှာ ဝမ်းနည်းခြင်းမှ လာကြောင်း ဖော်ပြထားပါသည်။

အဘယ်သို့နည်းဟူမူကား၊ ဘုရားသခင်၏ အလိုတော်နှင့်ညီသော ဝမ်းနည်း ခြင်းသည် ကယ်တင်ခြင်းနှင့် ယှဉ်သော နောင်တစိတ်တည်းဟူသော၊ မပြောင်း လဲနိုင်သော နောင်တ စိတ်ကို ပြုပြင်တတ်၏။ လောကီ ဝမ်းနည်းခြင်းမူကား၊ သေ ခြင်းကို ပြုပြင်တတ်၏။ (၂ကော ရး၁၀)

အထက်ပါ ကျမ်းပိုဒ်အရ နောင်တကို ဖြစ်စေသော ဝမ်းနည်းခြင်း (၂) မျိုးရှိသည်။

ပထမတစ်ခုက လောကီ ဝမ်းနည်းခြင်း

ဤဝမ်းနည်းခြင်းမှာ ကြောက်ရွံ့ခြင်းများ၊ စိုးရိမ်ခြင်းများဖြင့် လုံးထွေးနေပါသည်။ လူအချို့သည် သူတို့၏ အပြစ်များ အတွက် မနှစ်သက်ဘွယ် အခြေအနေများကို ကြုံတွေ့လာ ချိန်များတွင် ထိုဝမ်းနည်းခြင်းကို ဖြစ်ပေါ် လာစေပါသည်။ ကောင်းသော ယာယီအကျိုးတရားများ ဖြစ်လာနိုင်ပါသည်။ ခေတ္တခဏမျှသာ ပြောင်းလဲစိတ် ဖြစ်သည်။ အပြစ်များထဲတွင် ကျင်လည်ပြီး ရဲစခန်းရောက်၊ အချုပ်ခန်းရောက်၊ ပြဿနာ တတ်သော အချိန် များတွင် “တော်ပါပြီ၊ နောက်မလုပ်တော့ပါ” ဟု ပြောတတ်သော်လည်း အချိန် ကြာလာလျှင် ခွေးမြီးကောက် ကျီတောက်စွတ် သကဲ့သို့ ဒုံရင်း ပြန်လည် ဖြစ်လာတတ်ပါသည်။ လောကီ ဝမ်းနည်းခြင်းမှာ ထိုသို့ဖြစ်သည်။

ဒုတိယတစ်ခုက ဘုရားသခင်နှင့်ဆိုင်သော ဝမ်းနည်းခြင်း

ဤဝမ်းနည်းမှုမှာ အမှန်တကယ် ပြောင်းလဲမှု အစစ်အမှန်ဖြစ်စေပါသည်။ ထာဝရ အပြစ်ခွင့်လွှတ်ခြင်း တရားကိုလည်း ခံစားရပါသည်။ သန့်ရှင်းသော ဝိညာဉ်တော်သည် နှုတ် ကပတ်တော်အားဖြင့် လူ တစ်ယောက်၏ နှလုံးသားထဲ အထိ ပြင်းထန်သော ရိုက်ခတ်မှုကို ဖြစ်ခဲ့ပြီး ထာဝရ ကာလအတွက် အရေးကြီးသော နောင်တ တရားကို ရရှိခံစားစေ နိုင်သည်။ တမန်တော် ၂း၃၇ တွင်

ထိုသူတို့သည် ကြားလျှင် စိတ်နှလုံးပူပန်ခြင်းရှိ၍၊ ညီအစ်ကိုတို့၊ အဘယ်သို့ပြုရပါမည်နည်းဟု ပေတရုမှစ၍ အခြားသော တမန်တော်တို့အား မေးမြန်းကြ၏။ (တမန် ၂း၃၇)

သင်ဝမ်းနည်းတတ်ပြီးလား။

နှုတ်ကပတ်တော်ကို ကြားသိလျှင် သင်သည် နောင်တကိုဖြစ်စေသော ဝမ်းနည်းမှု များ ဖြစ်ပေါ်ဘို့ လိုအပ်ပါသည်။ သင့်အသက်တာကို ပြန်လည်ဆန်းစစ်ပါ။ သင်သည် ယေရှု ခရစ်တော်ကို မိမိ၏ ကယ်တင်ပိုင်ရှင် အဖြစ် လက်ခံပြီး အသက်တာ ပြောင်းလဲသူ ဖြစ်သော်လည်း ကျမ်းစာမဖတ်သေးလျှင် ဝမ်းနည်းပါ။ ဆုမတောင်းသေးလျှင် ဝမ်းနည်းပါ။ ဘုရားကျောင်း မတတ်ခဲ့သော နေ့ရက်များအတွက် ဝမ်းနည်းပါ။ မိတ်သဟာယ မသွားခဲ့ သော နေ့ရက်များအတွက် ဝမ်းနည်းပါ။ ဆယ်ဘို့တစ်ဘို့ မျက်ကွယ်ပြုခဲ့သော နေ့ရက်များ အတွက် ဝမ်းနည်းပါ။ ဆင်းရဲသားများကို မျက်ကွယ်ပြုခဲ့သော အရာများအတွက် ဝမ်းနည်း ပါ။ မရင့်ကျက်သော အသက်တာ အတွက် ဝမ်းနည်းပါ။ ဧဝံဂေလိ မဟောခဲ့သော နေ့ရက် များ အတွက် ဝမ်းနည်းပါ။ ဘုရားသခင်၏ အမှုတော်မြတ်ကို ရှောင်ဖယ်ခဲ့သော နေ့ရက်များ အတွက် ဝမ်းနည်းပါ။

ထိုသို့ ဝမ်းနည်းပြီး အသက်တာကို ပြုပြင်ခြင်းဖြင့် ခရစ်တော် လူ့ဇာတိခံယူခြင်း နေ့ရက်များကို ကြိုဆိုနိုင် ပါသည်။ ဗတ္တိဇံဆရာ ယောဟန်ကဲ့သို့ သင်သည် ခွန်အားယူ ကြိုဆို ရပါမည်။

ယောဟန်သည် ထူးခြားသော တမန်တော် ဖြစ်ရုံမျှမက

ယောဟန်သည် ထူးခြားသော တရားစကားကို ဟောပြောရုံမျှမက

၃။ ထူးခြားသော အမှုတော်လုပ်ငန်းကို လုပ်ဆောင်သည်။

ယောဟန်သည် တော၌ ဗတ္တိဇံ ကိုပေးလျှက်၊ အပြစ်လွှတ်ခြင်း အဘို့အလိုငှါ နောင်တ နှင့် စပ်ဆိုင်သော ဗတ္တိဇံတရားကို ဟောလျက်ပေါ်ထွန်း၏။ ယေရှုရှ လင်မြို့သားများမှ စ၍ ယုဒပြည်သူ ပြည်သား အပေါင်းတို့သည်၊ ယောဟန်ထံ သို့ထွက်သွား၍ မိမိတို့ အပြစ်များကို ဘော်ပြလျှက် ယော်ဒန်မြစ်၌ ဗတ္တိဇံကိုခံ ကြ၏။ (မာကု ၁း၄-၅)

ဗတ္တိဇံဆရာ ယောဟန်သည် မိမိ၏အသက်တာကို ပြုပြင်သည်သာမက မိမိ ပတ်ဝန်ကျင် အသိုင်းအဝိုင်း အတွက်လည်း ကြီးသော အမှုတော် လုပ်ငန်း လုပ်ဆောင်ခြင်းဖြင့် နိုးဆော်မှု ပြုလုပ်ခဲ့သည်။ ခရစ်တော်သည် သုံးနှစ်ကြာမျှ အမှုတော် လုပ်ငန်းများကို လုပ်ဆောင်နေသော အချိန်တွင် ကြီးမားသော လူအုပ်ကြီးက ခရစ်တော်နောက်တော်သို့လိုက်ကာ နှုတ်ကပတ် တော်များကို ခံယူနေကြပြီ ဖြစ်သည်။ ထိုသို့ ဖြစ်လာရသည့် အကြောင်းရင်းမှာ ယောဟန်၏ အမှုတော် လုပ်ငန်အားဖြင့် ပြင်ဆင် လုပ် ဆောင်မှုများကြောင့် သခင် ခရစ်တော်အတွက် အဆင်သင့် ဖြစ်နေခဲ့သည်။

အခွန်ခံများကိုလည်းကောင်း၊ ရောမစစ်သားများကိုလည်းကောင်း လူတန်းစားအ မျိုးမျိုးကို နောင်တရစေရန် ဟောပြောခဲ့ပြီး သူတို့ကို နှစ်ခြင်းပေးကာ တည်ဆောက်မှု ပြု ခဲ့သည်။ ထို့ကြောင့် ခရစ်တော်၏ အမှုတော် စတင်သောအခါ အခွန်ခံများ၊ ပြည့်တန်ဆာများမှ စပြီး လူအသီးသီးက ကိုယ်တော်နောက်သို့ လိုက်ခဲ့ကြသည်။ ကိုယ်တော်ကို ထူးခြားစွာ ကြိုဆို ခဲ့သော ယောဟန်၏ ပြင်ဆင်လုပ်ဆောင်မှုများ ၏ အသီးအပွင့်များ ဖြစ်သည်။

ထိုကဲ့သို့ ပင် ယနေ့ခေတ်အခါတွင်လည်း သင့်၏အသက်တာနှင့် အမှုတော်လုပ်ငန်း များအားဖြင့် ကြီးသော အောင်မြင်မှုကို ခရစ်တော် ရရှိခံစားစေပါ။

နိဂုံး

မွေးနေ့တော်ကို သင်ကြိုဆိုမည်ဆိုပါက ခရစ္စမတ် အလှဆင် သစ်ပင်လေးများ၊ မီးလုံး အလှဆင်မီးများ၊ လက်ဆောင် လှလှလေးများ၊ ခရစ္စမတ် ကဒ်လေးများဖြင့်သာ ကြို ဆို နေသော သင့်အသက်တာကို ပြန်လည် စစ်ဆေးပါ။ ကယ်ရယ်သီချင်းလေးတွေ အပျော် လိုက်ဆိုသော ကြိုဆိုမှု ထက်ထူးခြားသော ကြိုဆိုမှုဖြစ်စေရန် တိုက်တွန်းပါသည်။ အထက် ပါ ခေါင်းစဉ် သုံးခုကို ပြန်ပြောပါရစေ။

၁။ ခရစ်တော်ကို ညွှန်ပြနိုင်သော ထူးခြားသော တမန်တော်အဖြစ် မိမိအသက်တာကို ပြင်ဆင်ပါ။

၂။ လူများကို နောင်တသို့ဖြစ်စေသော ထူးခြားသော သတင်းစကားဖြင့် ကိုယ်တော်ကို ကြိုဆိုပါ။

၃။ လူတို့ကို ပြောင်းလဲစေသော အမှုတော်လုပ်ငန်းများကို ဆောင်ရွက်ရင်း ကိုယ်တော်ကို ကြိုဆိုပါ။

https://www.4shared.com/office/Uo8Yj-Kdfi/preparation_for_Christmas.html

နာမတော်မြတ်၌

Rev. ဦးမင်းလွင်

ကိုးမိုင်ခရစ်ယာန် အသင်းတော်

ဘုရားသခင်အတွက် ထားရှိသော သဘောထား

ကျမ်းစာထဲတွင် ခါနန်ပြည်ကို သွားရောက်လေ့လာခဲ့သော သူလှိုျ (၁၂) ယောက် အကြောင်းကို တွေ့ခဲ့ရပြီး သူတို့ ပြန်လည် ပြောကြားကြသော အကြောင်းအရာ များကို လည်း ကျွနု်ပ်တို့ သိရှိခဲ့ပြီး ဖြစ်သည်။ ထိုသူတို့ အထဲတွင် (၁၀) ယောက်က အနှုတ် လက္ခဏာ ဆောင်သော သတင်းများကို ပြန်လည် ပြောပြခဲ့ကြပြီး အခြားသော နှစ်ယောက် မှာမူ အပေါင်း လက္ခဏာ သတင်းစကားများကို ပြန်လည်ပြောပြကြသည်။ ထိုသူနှစ်ယောက် မှာ ယောရှုနှင့် ကာလက်တို့ နှစ်ယောက် ဖြစ်သည်။

ထိုသို့ လူ (၁၀) ယောက်မှာ ဣသရေလလူမိုျးများကို ခွန်အားပေး တိုက်တွန်းရ မည့်အစား စိတ်ပျက် အားလျော့ စေမည့် စကားများကိုသာ ပြောဆိုခဲ့ပြီး ကြားရသူများက လည်း ဘုရားသခင်၏ ကတိ စကားထက် ထိုသူတို့၏ စကားများကိုသာ ယုံကြည်ခဲ့ကြခြင်း ဖြင့် အသက်ရှင်သော ဘုရားသခင်ကို ကျောခိုင်း ခဲ့ကြသည်။

ထိုသူတို့၏ မနာခံခြင်းနှင့် ဘုရားသခင်ကို အားကိုးခိုလှုံမှု မရှိခြင်းတို့ကြောင့် ရက် (၄၀) နှင့် ခါနန်ပြည်သို့ ရောက်နိုင်သည့် ခရီးကို နှစ်ပေါင်း (၄၀) သွားရခြင်းဖြင့် ဘုရားသ ခင်က ဒါဏ်ခတ်တော်မူခဲ့သည်။ ထို့ကြောင့် ထိုအချိန်က ရှိခဲ့သောသူအများ စုသည် ခါနန် ပြည်ကို ဝင်ခွင့် မရတော့ဘဲ သူတို့၏ သားမြေး များကသာ ကာလက်နှင့် ယောရှုတို့နှင့် အတူ ကတိတော်နယ်မြေ ခါနန်ပြည်သို့ ဝင်ခွင့်ရရှိခဲ့လေသည်။

ယခင်က ရှိနှင့်ခဲ့သော အာမလက်လူများကိုပင် ယခုလည်း ရင်ဆိုင်ကြရသည်။ သို့ သော် ယခု အခါ တွင်မူကား ယခင် ကဲ့သို့မဟုတ်။ ယောရှု၊ ကာလက်တို့နှင့်အတူ မျိုးဆက် သစ်တို့သည် ဘုရားသခင်၏ ကတိတော်ကို ယုံကြည်ခြင်းဖြင့် ရန်သူအာမလက်များကို တိုက် ခိုက်ခဲ့ကြသည်။ ယုံကြည်ခြင်းဖြင့် ယေရိခေါမြို့ကြီး ခုရက်တိုင်တိုင် ပတ်ခဲ့သည်။ ယေရိခေါ မြို့ ရိုးကြီး ပြိုလဲသွားသည်အထိ ယုံကြည်ခြင်း အား ကြီးခဲ့ကြသည်။ ဘုရားသခင်၏ နောက် ကို လုံးလုံးလိုက်သော ဤမျိုးဆက်ကို ဘုရား သခင်က အောင်မြင်ခြင်း၊ အောင်မြင်ခြင်း ဆက် တိုက် ရရှိခံစားစေခဲ့သည်။ ရန်သူ၏ နယ်မြေအများစုကို သိမ်းပိုက်ကို သိမ်းပိုက်နိုင်ခဲ့ သော် လည်း ဆက်လက်၍ တိုက်ပွဲဝင်စရာ နေရာတွေ ရှိနေ သေးသည်။ သူတို့လူမျိုး (၁၂) နွယ်စလုံး နေစရာ၊ စိုက်ပျိုးစရာများ အတွက် ဆက်လက် တိုက်ပွဲ ဝင်ရဦးမည်ဖြစ်သည်။

ယခုပြောလိုသည်မှာ ကာလက်နှင့် ပတ်သတ်သော အပိုင်းများကို ပြောဆိုတင် ပြ လို ပါသည်။ ကာလက်၏ အကြောင်းကို ယောရှု ၁၄း၆-၁၄ တွင် ဖော်ပြထားပါသည်။

ယောရှု ၁၄း၆-၁၄ ကိုဖတ်ပါ။

အကျွနု်ပ်နှင့် အတူသွားသော ညီအကိုတို့သည် လူများစိတ်ပျက်စရာကို ပြုသော်လည်း၊ အကျွနု်ပ်သည် ဘုရားသခင် ထာဝရဘုရား နောက်တော်သို့ လုံးလုံးလိုက် ပါ၏။ ထိုနေ့ ရက်၌ မောရှေက သင်သည် ငါ၏ဘုရားသခင် ထာဝရဘုရား နောက်တော်သို့ လုံးလုံးလိုက် သောကြောင့် အကယ်၍ သင်နင်းပြီးသောမြေသည် အစဉ်အဆက် သင်၏အမွေ၊ သင်၏ သား မြေးတို့၏အမွေ ဖြစ်ရလိမ့်မည်ဟု ကျိန်ဆိုလေ၏။ (ယောရှု ၁၄း၈-၉)

အထက်ပါ ကျမ်းပိုဒ်သည် ကာလက်အတွက် အိပ်မက်တစ်ခုဖြစ်ခဲ့သည်။ ထိုနှုတ် ခပတ်တော်ကို ရရှိ ခံစားပြီးချိန် မှစ၍ ဘုရားသခင် ပေးမည့် နယ်မြေနှင့် ပတ်သတ်ပြီး စိတ်ကူး ယဉ်စရာ၊ အိပ်မက် ရူပါရုံ တစ်ခုဖြစ်လာခဲ့သည်။ ထိုအရာ အတွက် အချိန်မည်မျှ ကြာသည် ဖြစ်စေ ထိုအိပ်မက်မှာ ပျောက်ဆုံး သွားခြင်း ပျက်ပြယ်သွားခြင်း မရှိခဲ့ပါ။

တမန်တော်ရှင်ပေါလု၏ ရဲရင့်ပြက်သားသော ရူပါရုံအိပ်မက်မှာ တစ်လောကလုံး ဧဝံဂေလိသတင်းစကား ကြားနာခွင့် ရရှိလာရန်ပင်ဖြစ်သည်။ ညှင်းပန်း နှိပ်စက်မှုများ ရှိနေ သည့်တိုင်အောင် သူ၏ အိပ်မက် ရှုပါရုံမှာ ပျောက်ပျက်သွားခြင်း မရှိချေ။

မာတင်လူသာ၏ အိပ်မက်မှာ ယေရှုခရစ်တော်၏ ကယ်တင်ခြင်း ကျေးဇူးတော်ကို လူတိုင်း လွတ်လပ်စွာ ဟောပြောခွင့် ရရှိရေးပင်ဖြစ်တော့သည်။ လူတိုင်းသည် ဘုရားသခင် ၏ နှုတ်ခပတ်တော်ကို နားလည် နိုင်အောင် လူတိုင်း ဖတ်ရှုလေ့လာ နိုင်ရေးပင် ဖြစ်တော့ သည်။ သူမသေမီမှာပင် သူ၏နိုင်ငံမှ သန်းနှင့် ချီသော လူများသည် နှုတ်ခပတ် ကျမ်းစာကို ဖတ်ရှုနိုင်ခဲ့လေသည်။

၁။ မိမိ၏ ဆန္ဒများအတွက် အသက်သိတ်ကြီးသွားပြီဆိုတာ မရှိပါ။

ယောရှု ၁၄း၁၀-၁၁ ကိုကြည့်လျှင် အသက် ရှယ်ဆယ့်ငါးနှစ်ရှိပြီ ဖြစ်ကြောင်း ပြော ကြားထားပြီး ခွန်အား များလည်း ရှိနေဆဲ ဖြစ်ကြောင်း ဖော်ပြထားပါသည်။ လူတို့သည် အ သက် ခြောက်ဆယ်ကျော် ခုနှစ်ဆယ် ရောက်လျှင် အားနည်းသွားသည်။ လုပ်နိုင်သည့် စွမ်း ရည်များ လျှော့နည်းသွားသည်။ သို့သော်လည်း ကာလက် အတွက် ခွန်အားတွေ ရှိနေဆဲ၊ အိပ်မက်တွေကို အကောင်အထည် ဖော်ရန် အားရှိနေဆဲဟု ဖေါ်ပြထားပါသည်။

ကာလက်သည် ၄၅ နှစ်ခန့် ကြာခဲ့ပြီ ဖြစ်သော်လည်း သူ၏ရူပါရုံမှာ အိပ်မက်များမှာ ပျောက် ပျက်မသွားခဲ့ပါ။ အဘယ်ကြောင့်ဆိုသော် ထိုအိပ်မက်မှာ ဘုရားသခင်ကိုယ် တော်တိုင်က ပေးထားသောကြောင့်ဖြစ်သည်။

(၂) ဆန္ဒရှိနေရင် ဘုရားသခင်က ဘယ်တော့မှ ဆွဲနှုတ်သွားမည်မဟုတ်ပါ။

ယောရှု ၁၄း၁၁ အရ ကာလက်သည် ခွန်အားများ ရှိနေဆဲဟု ပြောဆိုသည့် ကျမ်း ပိုဒ်ကို သင်ကိုယ်တိုင် ခံစားကြည့်ပါ။ ထိုစစ်ပွဲကို ဝင်ရောက် တိုက်ခိုက်ရန်အတွက် မည်သည့် ပြဿနာမျှ ကာလက်တွင်မရှိပါ။ သင်၏အသက် ၈၅ နှစ်အရွယ်တွင် ထိုသို့ ပြောဆိုနိုင် သည့် အခြေအနေ ရှိပါဦးမည်လား။ ကာလက်၏ ရူပါရုံအိပ်မက်သည် ဘုရားသခင်ထံမှ တိုက်ရိုက် ရရှိထားခြင်း ဖြစ်သောကြောင့် ဘုရားသခင်က ခွန်အား များနှင့် စွမ်းရည်များကိုပါ တစ်ပါတည်း ပေးထားသည် အသက်ကြီး လာသော်လည်း လျော့ပါးသွားခြင်း၊ ခွန်အားနည်း သွားခြင်းတို့ မရှိခဲ့ချေ။

ယခင် အနှစ်လေးဆယ်က ရှိခဲ့သော အာနကလူကြီးများသည် ထိုနေရာတွင် ရှိမြဲရှိ နေသော်လည်းဘဲ ကာလက်၏ စိတ်နှလုံးကို ဖျက်ဆီးနိုင်ခဲ့ခြင်းမရှိပါ။ ယနေ့ ကျွန်တော် တို့၏ အသက်တာတွင် အာနကဟူသော လူ့ဘီလူကြီးများက သင်၏အိပ်မက် ရူပါရုံများကို ဖျက်ဆီးပစ်ရန် ကြိုးစား အားထုပ်ပါလိမ့်မည်။ သို့သော် သင်၏ရူပါရုံသည် ဘုရားသခင်ပေး ထားသော စစ်မှန်သော အိပ်မက် ရူပါရုံများဖြစ်ပါက သင့်ကို မည်သို့မျှ အနှောက်အယှက် မဖြစ်စေနိုင်ပါ။ သင့်ကို ဘုရားသခင်က ခွန်အားများနှင့် ရစ်ပတ်ပါလိမ့်မည်။ သင်သည် ဖိလ္လိပိ ၄း၁၃ အားဖြင့် ပြန်လည်ကြွေးကြော်ပါလိမ့်မည်။ “ငါ့ကို ခွန်အားနှင့် ပြည့်စုံစေတော် မူသော ခရစ်တော် အားဖြင့် ခပ်သိမ်းသောအမှုတို့ကို ငါတတ် စွမ်းနိုင်၏” ဟူ၍ ဖြစ်ပါသည်။

ကာလက်သည် ဟေဗြန်နယ်ကို သိမ်းပိုက်ရန် ကြိုးစား ပြင်ဆင် ခွန်အားယူနေ သည့် နည်းတူ၊ သင်သည် အစီအစဉ်တစ်ခု၊ လုပ်ငန်း အသစ်တခု လုပ်ဆောင်တော့မည် ဆိုလျှင် ထိုအရာသည် သင့်အတွက် နယ်မြေ အသစ်တစ်ခုပင် ဖြစ်ပေသည်။ ကျွန်တော်တို့ သည် အချိန်မရွေး ကျဆုံးနိုင်သည်။ ကျွန်တော်တို့သည် မစုံလင်သောသူများ ဖြစ်ကြသည်။ ကျွန်တော်တို့သည် အလုပ်တာဝန် အသစ်များအတွက် ဆုတောင်းရမည်၊ အစီအစဉ်ချရ မည်။ ကျွန်တော်တို့သည် မှားယွင်းကောင်း မှားယွင်းနိုင်သည်။ သို့သော် ထိုအရာအတွက် ရင်ဆိုင်လာရမည့် ပြသနာအသီးသီးကို ပြင်ဆင်ထားကြရမည်။ ကာလက်သည် ဟေဗြုန်မြေ ကို ရယူရန် လွန်ခဲ့သော (၄၅) နှစ်က စိတ်နှလုံးတွင် ရှိခဲ့သော်လည်း ထိုအချိန်က ဖြစ်မလာ ခဲ့။ ယခုတစ်ဖန် ကြိုးစားရယူရန် ထပ်မံခွန်အားမွေး ပြင်ဆင်ရသည်။ သင့်အသက်တာတွင် သင်၏ရူပါရူံအိပ်မက်များကို လက်တွေ့ အကောင်အထည် ဖော်ရန် တစ်ခါတည်း အဆင် ပြေ အောင်မြင်ချင်မှ အောင်မြင်ပါလိမ့်မည်။ စိတ်ဓါတ်ကျ အားလျော့ သွားခြင်း မဖြစ်ပါနှင့်။ ဘုရားသခင်က သင့်ကို နောက်တစ်ကြိမ်အတွက် ခွန် အားများဖြင့် ပတ်ရစ်ပါလိမ့်မည်။

(၃) ကျွန်တော်တို့ရဲ့ ဆန္ဒတွေကို အောင်မြင်ရသောအခွင့်ကို ပေးလိမ့်မည်။

နောက်ဆုံး ပြောချင်တာကတော့ အခန်းငယ် (၁၂) မှာ ယောရှုက ပြောခဲ့တာကို ကြည့်ပါ။

“ဤတောင်ကို ကျွနု်ပ်အားပေး ပါ။ ဤတောင်ပေါ်မှာ အာနက လူရှိကြောင်းကို၎င်း၊ ထို့နေ့၌ ကိုယ်တော် ကြားရပြီ။ သို့ရာတွင် ထာဝရဘုရားသည် အကျွနု်ပ်နှင့်အတူ ရှိတော်မူလျှင် အ မိန့်တော်ရှိသည် အတိုင်း ထိုသူတို့ကို နှင်ထုပ်ခြင်းငှါ အကျွနု်ပ်တတ် စွမ်းနိုင်ပါသည်ဟု လျှောက်ဆို၏။” (ယောရှု ၁၄း၁၂)

ကျွန်တော်တို့သည် လူ့ဘီလူကြီးများကို မသတ်နိုင်ပါ။ ဘုရားသခင်ကသာ အကူအညီ ပေး မည် ဖြစ်ပါသည်။

ဘုရားသခင်သည် မောရှည်ကို ဣသရေလလူများအား ကယ်တင်နိုင်ရန် ကူညီခဲ့သည်။

ဘုရားသခင်သည် ဂိဒေါင်ကို လူ (၃၀၀) ဖြင့် ရန်သူ မိဒါန်များကို တံပိုးမှုတ်ပြီး တိုက်နိုင်ရန် အကူအညီ ပေးခဲ့သည်။

ဘုရားသခင်သည် ဒါဝိတ်ကလေးနှင့် အတူပါရှိကာ ကျောက်ခဲလုံးလေးများဖြင့် ဂေါလျက် ကြီးကို အနိုင်ယူ ပေးလိုက်သည်။

ဘုရားသခင်သည် တမန်တော်များနှင့် အတူပါရှိပြီး ကယ်တင်ခြင်း သတင်းကောင်းကို ရော မ အင်ပါယာ ကြီးတစ်ခုလုံးတွင် ပြန့်နံှ့သွားစေရန် လုပ်ဆောင် ကူညီပေး လိုက်တယ်။

ကျွန်တော်တို့သည် ယနေ့ ကျွန်တော်တို့တွင် ရှိနေသည့် အိပ်မက် ရူပါရုံများအတွက် ဘုရားသခင်က ကူညီ မစမည်ကို သံသယ ကင်းမဲ့စွာ ယုံကြည်ထားပါသည်။ လုပ်ဆောင်ရ မည့် အလုပ်များအတွက် ကျွန်တော်တို့ ကြိုးစားအားထုပ်ဘို့ လိုအပ်လာသည့် အခါတိုင်း ကိုယ်တော်က ပြောမည်မှာ “မင်းတစ်ယောက်ထဲ မသွားစေ ချင်ပါဘူး။ မင်းနဲ့ အတူငါ သွား မယ်။ မင်းရဲ့ အိပ်မက်တွေကို အကောင်အထည်ပေါ်ဘို့ ငါလည်းကူညီမယ်” ပြောပါ လိမ့် မည်။

သင်၏ ရူပါရုံများ၊ လုပ်ဆောင်လိုသည့်အရာများ၊ အခက်အခဲများ မည်မျှကြီးမားသည် ဖြစ် စေ ဘုရားသခင် ကတော့ သင်ကို ဘယ်သောအခါမျှ ရှုံးစေမည်မဟုတ်ပါ။ သင်၏ အိပ်မက် ရူပါရုံများ အောင်မြင်လာစေရန် ကူညီမစခြင်းဖြင့် အောင်မြင်ခြင်းကို ရယူခံ စားနိုင်ပါလိမ့် မည်။

နာမတော်မြတ်၌

Rev. ဦးမင်းလွင်

ကိုးမိုင်ခရစ်ယာန်အသင်းတော်

ဆာလံ (၂၃)

ယုံကြည်သူတိုင် ရင်းနှီးကျွမ်းဝင်သော ကျမ်းပိုဒ် အချို့ရှိကြပါသည်။ လူအများ ကြိုက်နှစ်သက် သည့် ကျမ်းပိုဒ် များသည် တစ်ယောက်နှင့် တစ်ယောက် မတူညီ ကွဲပြား ခြားနား ကြသော်လည်း ဆာလံ (၂၃) ကျမ်းပိုဒ်များမှာမူ အကြိုက်တူညီကြပါသည်။ မိမိ ခွန်အား ရရှိသလို အဓိပ္ပါယ် အမျိုးမျိုး ဖွင့်ဆိုကာ ကျေနပ်မှု အပြည့်ဖြင့် ဖတ်ရှုကာ ဝမ်းမြောက်ခြင်း ခံစားနေကြပါသည်။ ထိုအကြောင်း အရာကို အနည်းငယ် ဝေငှ လိုပါသည်။

ထာဝရဘုရားသည် ငါ၏သိုးထိန်းဖြစ်တော်မူ၏။ (ဆာလံ ၂၃း၁)

ဆာလံ (၂၃)ကို ကျွန်တော်တို့ အလွန် ရင်းနှီး ကျွမ်းဝင်နေသော စကားလုံးဖြင့် အစပြု ထားသည်ကို တွေ့ရမည် ဖြစ်သည်။ “ထာဝရ ဘုရားသည် ငါ၏သိုးထိန်း ဖြစ်တော်မူ၏။ ငါ၌ ဆင်းရဲမခံရ” တစ်စုံတစ် ယောက်က  “ငါ၌ ဆင်းရဲမခံရ” ဟူသော စကားလုံးကို အမှတ်တမဲ့ ကြားရပါက ဂရုတစိုက် ပြန်လည် တုန့်ပြန် ကြမည် ဖြစ်သည်။ အဘယ်ကြောင့် ဆိုသော် ကျွန်တော်တို့သည် ဆင်းရဲခက်ခဲလွန်းတဲ့ အခြေ အနေ မျိုးတွင် ရှိနေကြသောကြောင့် ဖြစ်ပါသည်။

လူတိုင်း အားရ ကျေနပ်နိုင်သော အခြေအနေမျိုးကို တစ်ခါမျှ မရနိုင်ခဲ့ပါ။ အဖြူရလျှင် အမည်ရောင် လိုချင်ကြ သည်။ အကြီးရလျှင် အသေးလိုချင်ကြသည်။ ထိုနောက်တွင်ကား မပြည့်စုံနိုင်သော အလိုဆန္ဒ များကြောင့် အစဉ်အော်ဟစ် တောင်းဆို နေကြသည်မှာ ကျန်းမာခြင်း၊ ကား၊ တိုက်၊ အစရှိသဖြင့် မိမိလိုချင် သော အရာများကို နေ့စဉ်တောင်ဆို နေကြတော့သည်။

ထိုသို့ ငါဆိုသော်၊ ကိုယ်တိုင် ဆင်းရဲခြင်းကို ရည်မှတ်၍ ဆိုသည်မဟုတ်။ အကြောင်းမူကား၊ ငါသည် တွေ့ကြုံ သမျှသော အခြင်းအရာတို့၌ ရောင့်ရဲသော စိတ်ရှိ အံ့သောငှါ သင်မိပြီ။ ရှုတ်ချခြင်း ကိုလည်း ကောင်း၊ ကြွယ်ဝခြင်းကို လည်းကောင်း ခံတတ်၏။ ဝစွာစားခြင်း၊ မွတ်သိတ်ခြင်း၊ စည်းစိမ်ရှိခြင်း၊ ဆင်းရဲခြင်းတို့ကို ခံရအံ့သောငှါ အရပ်ရပ်တို့တွင် အရာရာ၌ သင်မိပြီ။ (ဖိ ၄း၁၁-၁၂)

ဘုရားသခင်က ကျွနု်ပ်တို့ကို ပျော်ရွှင်ကျေနပ်မှုများဖြင့် အသက်ရှင်ရန် အလိုတော် ရှိပါသည်။ ကျွန်တော်တို့သည် မနာလိုမှုများ ဂနာမငြိမ်မှုများဖြင့် ကျွနု်ပ်တို့တွင်  မရှိသော အရာများ အတွက် ခံစားဝမ်း နည်းမှုများဖြင့် အသက်ရှင်ရန် မသင့်လျော်ပါ။ကျွန်တော်တို့သည် ကိုယ်တော်နှင့် ဆိုင်သောသူများ ဖြစ်သော ကြောင့် ကျေးဇူးတော် ချီးမွမ်းခြင်းယဇ်များကို ပူဇော်တတ်သော နှလုံးသားများဖြင့် အသက်ရှင် သင့်ပါသည်။ 

ကျွန်တော် တို့သည် ကျေးဇူးတော်ချီးမွမ်းရမည်။ အဘယ်ကြောင့် ဆိုသော် ကျွန်တော်တို့ လိုအပ်နေသော အရာများကို သိုးထိန်း ကောင်းကြီးက ပေးအပ်နေသောကြောင့် ဖြစ်သည်။

ကျမ်းစာအုပ် ထဲတွင် အကြိမ်ပေါင်းများစွာ လူသားများကို သိုးအုပ်စု (သို့) သိုးလေး တစ်ကောင်အဖြစ် အမြဲ တစ်စေ နှိုင်းယှဉ် ဖေါ်ပြခဲ့သည်။ သိုးဆိုသော သတ္တဝါမှာ အလွန် လှပပါသည်။ သို့သော် ထိုသတ္တဝါမှ

ကမ္ဘာပေါ်တွင် အကြား အာရုံ ချို့တဲ့နေသော သတ္တဝါ တစ်ကောင်မျှသာ ဖြစ်သည်။ ထို့ကြောင့် ဟေရှာယက ပြောခဲ့သည်မှာ

“ငါတို့ ရှိသမျှသည် သိုးကဲ့သို့လမ်းလျက် ကိုယ့်လမ်းသို့ အသီးသီး လိုက်သွား ကြသည်ဖြစ်၍ ထာဝရဘုရားသည် ခပ်သိမ်းသောငါတို့၏ အပြစ်များကို သူအပေါ်၌ တင်တော်မူ၏။ (ဟေရှာ ၅၃း၆)

ငါတို့ရှိသမျှ ဆိုသည်မှာ ကမ္ဘာပေါ်ရှိ လူသားအားလုံးကို ဆိုလိုပါသည်။ သခင်ယေရှုသည် ခရစ်ဝင်ကျမ်း များတွင် နောက်တော်တွင် လိုက်နေသော လူအုပ်ကြီးကို ရှုမြင် သုံးသပ်ရာတွင် “အထိန်းမရှိသော သိုးများဟု” ရည်ညွှန်း ခေါ်ဝေါ်ခဲ့ကြောင်း ခရစ်ဝင်ကျမ်း ရေးသားသူက မှတ်တမ်းတင် ထားသည်။ ထိုဝေါ ဟာရကို အသုံးပြု ထားရာတွင် တစ်စုံတစ်ရာ တင်စားထားခြင်း မဟုတ်ဘဲ အကူအညီ မဲ့နေသောသူ၊ အထီးကျန် ဆန်သောသူဟူ၍ ပြောဆို လိုခြင်းသာ ဖြစ်ပါသည်။

သိုးမွေးမြူရေး လုပ်ငန်းကြီးကို အကြီးအကျယ် လုပ်ခဲ့သူ တစ်ဦးဖြစ်သော Philip Keller ဆိုသူသည် "A shepherd Looks at the Twenty third Psalm" “သိုးထိန်းတစ်ယောက် ဆာလံ(၂၃)ကို လေ့လာခြင်း” ဟူသော စာအုပ်တွင် ရေးသား ထားသည်မှာ သိုးမွေးမြူရေး ဆိုသည်မှာ အခြား လုပ်ငန်းများထက် ပိုမို ဂရုစိုက် လုပ်ဆောင်ရကြောင်း၊ အဘယ်ကြောင့် ဆိုသော ထိုသတ္တဝါသည် သူတို့ကိုယ် သူတို့ ဂရုမစိုက် သောကြောင့် ဖြစ်ကြောင်း ရေးသား ဖေါ်ပြထားသည်။

သိုးများ၏ အမြင် အာရုံမှာ အားနည်းပါသည်။ အလွန် ခေါင်းမာသည်။ သို့သော် အလွန် စိုးရိမ် တတ်သည်။ အုပ်စုလိုက် နေထိုင်ပါက ကမူရှူးထိုး ရောက်တတ်ရာရာ တစ်ကောင်တစ်နေရာ အစဉ်ပြေသလို ပြေးတတ်သည်။ သူတို့တွင် မိမိကိုယ်ကို မည်ကဲ့သို့ ကာကွယ် ရမည်ဟူ၍ နည်းစနစ် မရှိချေ။ သူတို့သည် ကြောက်တတ် ကြသည်။ သူတို့သည် အားနည်းသော သဘော သဘာဝ ရှိသည်။ သူတို့ကို ကာကွယ် ပေးမည့် သိုးထိန်းမရှိလျှင် ထွက်ပြေးဘို့ နည်းလမ်း တစ်ခုတည်းသာ သိသည်။ ကျွန်တော်တို့သည် ပြဿနာ တစ်စုံတစ်ရာ တွေ့ကြုံရပြီဆိုပါက ကမူရှူးထိုး မိမိ ထင်မြင်ချက် အတိုင်း မှားသည် မှန်သည်ကို မစဉ်းစားဘဲ ဖြေရှင်း တတ်ကြသည် မဟုတ်ပါလား။

သိုးတစ်ကောင်သည် မိမိ၏ အိမ်ပြန်လမ်းကို မည်ကဲ့သို့ ရှာဖွေ ရမည်ကို သိမြင်ခံစားနိုင်သည့် အာရုံခံ စားမှုမျိုး မပါရှိချေ။ ခွေး၊ မြင်း၊ ကြောင်၊ ငှက် စသည်တို့သည် မိမိတို့ နေရာအရပ်ကို မည်ကဲ့သို့ ပြန်ရမည်ကို သိရှိပြီး သားဖြစ်သည်။ သိုးတစ်ကောင် အဘို့ လမ်းလွှဲပြီ ဆိုလျှင် မည်သို့မျှ အသက်ရှင် ရပ်တည်ရန် မဖြစ်နိုင် တော့ချေ။

သိုးတစ်ကောင်ပျောက်လျှင် ကိုးဆယ်ကိုးကောင်သောသိုးတို့ကို တောတွင်ထားခဲ့ပြီးမှ ပျောက် သောသိုး တစ်ကောင်ကို မတွေ့မှီတိုင်အောင်သွား၍ မရှာဘဲနေမည်လော။  (လု ၁၅း၄)

ထို့ကြောင့် ဆာလံ (၂၃)၏ အခြေခံအရင်းအမြစ်ကို လေ့လာဆန်းဆစ်ကြည့်ရာတွင် သိုးထိန်း မပါဘဲနှင့် ပြည့်စုံလုံလောက်သော အခြေအနေကို ရရှိခံစားနိုင်သည်မှာ မဖြစ်နိုင်ပါချေ။

စိမ်းလန်းသော ကျက်စားရာအရပ်

ဆာလံဆရာ ဒါဝိတ်ကိုယ်တိုင်က “ထာဝရဘုရားသည် ငါ၏သိုးထိန်းဖြစ်တော်မူ၏။ ငါ၌ ဆင်းရဲမခံရ” ဟူ၍ ရေးသားစပ်ဆို ထားသည်မှာ အံ့သြစရာတစ်ခုတော့မဟုတ်ပါ။ အသက်တာအတွက် ဆင်ခြင်စရာ တစ်ခုသာလျှင် ဖြစ်ပါ သည်။ ဆက်လက်၍ “စိမ်းလန်သော ကျက်စားရာအရပ်၌ ငါ့ကို အိပ်စေတော်မူ၏” ဟူ၍ ရေးသားထား ပါသည်။ ဤနေရာတွင် သိုးတစ်ကောင်၏ ပုံရိပ်ကို အပြည့်အဝ ယူဆောင်ထားပြီး ကျေနပ်စရာ အနေ အထားတစ်ခုကို ညွှန်ပြနေပါသည်။ သိုးတစ်ကောင်အတွက် အရေးကြီးဆုံးအရာမှာ စိမ်းလန်းသော ကျက် စား ရာအရပ်ကို ရရှိပိုင်ဆိုင်ထားပါလျှင် အားလုံးသည် ပြည့်စုံ လုံလောက် သွားသည်ဟူ၍ ယေဘူယျ အားဖြင့် ဆိုနိုင်သည် မဟုတ်ပါလော။ ထိုနေရာတွင် အိပ်စက် ပျော်မွေ့နိုင် သည်ဟု ဆိုထားသည် မဟုတ်ပါလား။

ဤနေရာတွင် စကားလုံးတစ်လုံးမှာ “ငါ့ကို အိပ်စေတော်မူ၏” ဟူသော စကားမှာ ကျွန်တော်တို့ အတွက် သတိထားရမည်။ တစ်ခါတစ်ရံ ဘုရားသခင်က ခွန်အားနှင့် အိပ်ခိုင်းသောအချိန် ရှိနေတတ်သည်။

ကျွန်တော်တို့သည် တစ်ခါတစ်ရံ ကျွန်တော်တို့၏စိတ်နှင့် အမူအကျင့်များနှင့်အညီ ရပ်နားသင့်သည့် အခါများတွင် ရပ်တန့်ခြင်းမရှိ ကြိုက်သလို ဆက်လက်လုပ်ဆောင်နေတတ်သည်။ ထိုအခါမျိုးတွင် ဘုရားသခင်၏ အသံကို ကြားနာတတ်ရန် အရေးကြီးသည် မဟုတ်ပါလား။ တစ်ခါတစ်ရံတော့ ဘုရား သခင်က “မင်းအိပ်ဘို့ လိုနေသည်” ဟု ပြောဆိုသည့်အခါမျိုးလည်း ရှိနေတတ်ပါသည်။ ထိုအချိန်မျိုး တွင် ကျွန်တော်တို့သည် မည်သည့် အခြေအနေမျိုးတွင် ရှိနေသည် ဖြစ်စေ ဘုရားစကားကို နားထောင်ရ မည်သာဖြစ်သည်။

Keller ကပြောသည်မှာ သိုးတစ်ကောင် အိပ်စက်နိုင်ရန် အောက်ပါ အချက် (၄)ချက် လိုအပ်ပါသည်။

1.    ပထမ အစာဝအောင် စားထားသည့်အချိန်မျိုးတွင် အိပ်ပျော်တတ်ပါသည်။

2.    ဒုတိယအနေဖြင့် မကြောက်တတ်သောအချိန်များတွင် အိပ်ပျော်တတ်ပါသည်။

3.    တတိယအနေဖြင့် တင်းတိမ်ရောင့်ရဲသောအခါများတွင် အိပ်ပျော်တတ်ပါသည်။

4.    သိုးအုပ်အတွင်း၌ ညီညွှတ်မှု ရှိနေသောအခါများတွင် အိပ်ပျော်တတ်ပါသည်။

နှုတ်ခပတ်တော်သည် သင့်၏အသက်တာကို ဝပြောစေလိမ့်မည်။ ကြောက်ရွံ့ခြင်း ကင်းစေလိမ့်မည်။ ကျေနပ်ရောင့်ရဲစေလိမ့်မည်။ သင်တို့၏ ပတ်ဝန်ကျင်၊ အသိုင်းအဝိုင်းနှင့် ညီညွှတ်စေလိမ့်မည်။

သာယာသောမြစ်နား

ဒါဝိတ်က ဆက်လက်၍ “ငါ့ကိုသာယာသော မြစ်နားသို့ ပို့ဆောင်တော်မူ၏” ဟူ၍ ရေးသားထားသည်။ ဆိုလိုသည်မှာ သိုးများကို ရေရှိရာ ရေစပ်နားသို့ မောင်းထုပ်လိုက်ခြင်း ဖြစ်ပါသည်။ သူတို့သည် ရေမကူး တတ်ပါ။ သိုးများသည် ရွံ့လူးသော သတ္တဝါများ မဟုတ်ကြသော်လည်း ကမ်းနားတွင် ရွံ့အိုင်များထဲတွင် သူတို့၏ ထူထဲသော အမွေးပွကြီးများဖြင့် မရုန်းနိုင် မထွက်နိုင် သောအခါများ ရှိနိုင်သည်။ ထိုအခါများတွင် ကူညီပေးတတ်ကြပါသည်။

တစ်ခါတစ်ရံတွင် ကျွန်တော်တို့သည် လောကအရာများထဲတွင် မရုန်းနိုင် မကန်နိုင်သောအခါများ ရှိနေလျှင်လည်း ကျွန်တော်တို့ကို မနစ်မြုတ် မပြောင်းလဲနိုင်ရန် အကူအညီပေးတတ်ပါသည်။ ဘုရားသခင် သည် ကျွန်တော်တို့၏ အားနည်းချက်များကို သိပါသည်။ ကျွန်တော်တို့ကို သာယာသော မြစ်နားသို့ ပို့ဆောင်တတ် ပါသည်။ လောက၏ စုံစမ်းခြင်းများထဲမှ မရုန်းထွက်နိုင်သောအခါ ကျွန်တော်တို့အတွက် ထားရှိသော ကတိတော်များဖြင့် အကူအညီပေးလေ့ရှိပါသည်။ ကျွန်တော်တို့ ရုန်းထွက်ရန် ခက်ခဲနေသော အခါများတွင်လည်း နားလည်မှုအပြည့်ဖြင့် ကွယ်ကာ လမ်းပြတတ်ပါသည်။

လူ၌ဖြစ်တတ်သော စုံစမ်းနှောက်ယှက်ခြင်းကိုသာ သင်တို့သည် ခံရကြ၏။ သင်တို့မခံနိုင်သော စုံစမ်း နှောက် ယှက်ခြင်းကို သင်တို့၌ ရောက်စိမ့်သောငှါ အခွင့်ပေးတော်မမူ။ သင်တို့သည် ခံနိုင်မည် အကြောင်း စုံစမ်းနှောက် ယှက်ခြင်းအရာနှင့်တကွ ထွက်မြောက်သောလမ်းကိုလည်း စီရင်ပြုပြင်တော် မူလိမ့်မည်။ (၁ကော ၁၀း၁၃)

ဘုရားသခင်သည် သစ္စာနှင့် ပြည့်စုံသော ဘုရားဖြစ်ပါသည်။ သူသည် ကျွန်တော်တို့ အသက်တာတွင် စုံစမ်းသွေးဆောင်မှုထဲ ကျဆင်းသွားသောအခါ ထိုနေရာမှာတင် မထနိုင်တော့သည့်အခြေအနေမျိုးတွင် ထားရှိ ခြင်းမပြုပါ။ ထွက်မြောက်နိုင်သောလမ်းကိုလည်း စီရင်ပြုပြင်ပြီးသားဖြစ်သည်။ ဘုရားသခင်သည် ကျွန်တော်တို့ကို ဂရုစိုက်နေသော ဘုရားဖြစ်ပါသည်။ ကျွန်တော်တို့အတွက် ထွက်မြောက်ရာလမ်းကို ပြုပြင် လုပ်ဆောင်ပေး ချင်သောဘုရားသခင် ဖြစ်ပါသည်။

ထို့ကြောင့် ကိုယ်တော်ကို တွေ့သင့်သော အချိန်ကာလ၌ သန့်ရှင်းသူ အပေါင်းတို့သည် ရှေ့တော်၌ တောင်း လျှောက်ပါလိမ့်မည့်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်း ရပါ။ ကိုယ်တော်သည် အကျွနု်ပ်ခိုလှုံရာ ဖြစ်တော်မူ၏ အကျွနု်ပ်ကို တွေ့သင့်သော အချိန်ကာလ၌ သန့်ရှင်းသူ အပေါင်းတို့သည် ရှေ့တော်၌ တောင်းလျှောက်ကြပါလိမ့်မည်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်းရပါ။ (ဆာလံ ၃၂း၆-၇)

ဒါဝိတ်က ဆက်လက်၍ ပြောကြားခဲ့သည်မှာ “အကျွနု်ပ်၏ ဝိညာဉ်ကို အားဖြည့်၍” ဟူသော စကား စုကို မြင်တွေ့ရပါသည်။ ပျောက်သောသိုးတစ်ကောင်သည် အိမ်သို့ မပြန်တတ်ပါ။ ထို့ကြောင့် သိုးထိန်းသည် ပျောက်နေသောသိုးကို ပြန်လည်ရှာဖွေကာ ပြန်လည် သိမ်းဆည်းတတ်ပါသည်။

သင်သည် ကားတိုင်လမ်းသို့ ပြန်မလာတတ်ဘဲ ပျောက်ဆုံးနေပါက သင်၏အိမ်ကို ပြန်လည်တွေ့ရှိခွင့် ပေးပါ လိမ့်မည်။ သင်သည် အိမ်ပြန်ရသောအခွင့်ကို ဘုရားသခင်က ရှာဖွေပေးပါလိမ့်မည်။ ဘုရားသခင် ထံသို့ ပြန်လာပါ။ ကားတိုင်လမ်းကို ပြန်လာခဲ့ပါ။ သင်၏ ဝိညာဉ်ကို ခွန်အားနှင့် ပြည့်ဝသော ယုံကြည်သူတစ် ယောက်ဖြစ်ရန်၊ ဘုရားသခင်၏အမျက်တော်မှ ကင်းလွတ်ခွင့်ရရန် သခင်ယေရှုသည် သင့်ကို ကားတိုင်တ ရားတော်အားဖြင့် ရွှေးနှုတ်ကယ်တင်ခဲ့သည်ကို သတိရပါ။ ကျွန်တော်တို့၏ အသက်ဝိညာဉ်ကို ကယ်တင်ရန် ကားတိုင်ထက်တွင် သခင်ယေရှု အသက်ပေးဆပ်ခဲ့သည်ကို သတိရပါ။

အချုပ်အားဖြင့် ဆိုရသော် သိုးထိန်သည် သိုးတစ်ကောင်ချင်းစီအတွက် အရေးပါသော အနေအထား တွင် ရှိနေသကဲ့သို့ ကျွန်တော်တို့ ယုံကြည်သူ တစ်ဦးတစ်ယောက်ချင်းစီတိုင်းသည်လည်း ဘုရားသခင်နှင့် ဆက်နွယ်ပတ်သတ်ရာတွင် အလွန်အရေးကြီးသော အခြေအနေတွင် ရှိနေပါသည်။ ထို့ကြောင့် သင့်အသက် တာတွင် ဘုရားသခင်ကို မျှော်လင့် အားကိုးတတ်ခြင်း မရှိသေးပါက သင့်အသက်တာအတွက် အလွန် ကြီးမားသော ပြဿနာကို ဖိတ်ခေါ်နေသကဲ့သို့ ဖြစ်ပါသည်။ ထို့ကြောင့် ဘုရားသခင်နှင့် အသက်ရှင် သွားလာ တတ်စေရန် ဝေငှတိုက်တွန်းလိုက်ရပါသည်။ (အာမင်)

နာမတော်မြတ်၌

Rev. ဦးမင်းလွင်

ကိုးမိုင်ခရစ်ယာန်အသင်းတော်

အသစ္ေသာအရာေတြ လုပ္ေဆာင္ခ်င္တဲ့ဘုရားသခင္

ျဖစ္ဘူးေသာအရာတို႔ကို မေအာက္ေမ့ၾကႏွင့္။ ေရွးကာလ၏အရာတုိ႔ကို ပမာဏမျပဳၾကႏွင့္။ ၾကည့္ရႈေလာ့။ အမႈသစ္ကို ငါျပဳမည္။ ယခုေပၚလာ လိမ့္မည္။ သင္တုိ႔သည္ အမွန္သိျမင္ရၾက လိမ့္မည္။ အကယ္စင္စစ္ ေတာ၌ လမ္းကို၎၊ လြင္ျပင္၌ စီးေသာေရကို၎ ငါဖန္ဆင္းမည္။ (ေဟရွာ ၄၃း၁၈-၁၉)

ေဟရွာယ၏ ေရးသားေသာအရာမွာ ဣသေရလလူမ်ိဳးတို႔သည္ ဘာမွ်မရွိ ကတုံးျဖစ္ေနသည့္ သူတို႔ တိုင္းျပည္အေျခအေနတြင္ သူတုိ႔သည္ သူ႔ကၽြန္ ဘဝေရာက္ေနသည္။ သူတို႔သည္ မည္သည့္အရာမွ် ေတာ့ဟု ခံစားေနခ်ိန္ျဖစ္သည္။ သူတို႔သည္ မိမိ၏ ဌာနကို လြမ္းဆြတ္ေနခ်ိန္တြင္ ဘုရားသခင္က ကတိျပဳ ေျပာဆုိထားေသာအရာျဖစ္သည္။ ဣသေရလလူမ်ိဳးတို႔အေနျဖင့္ ယခုအခ်ိန္တြင္ ဘုရားသခင္ ျပဳေတာ္မူမည့္ အသစ္ေသာ လုပ္ေဆာင္ခ်က္မ်ားကို ေမွ်ာ္လင့္ေနမိသည္။ လက္ရွိ အေျခအေနတြင္ ဘုရားသခင္က အေျခအေနဆိုးကို ေတြ႕ ၾကံဳေစ ခဲ့ေသာ္လည္း ယခင္အတိတ္ကို ျပန္လည္ စဥ္စားၾကည့္ ပါက အားရ စရာေတြ အမ်ားအျပားရွိသည္။ ထို႔ေၾကာင့္ ဣသေရလ လူတို႔သည္ အတိတ္ကို ျပန္စဥ္စားျပီး လက္ရွိအေျခအေနကို ျငီတြားေနၾကသည္။ ထို႔ေၾကာင့္ ဘုရားသခင္က သူတို႔ကို အထက္ပါ ႏႈတ္ခ ပတ္ေတာ္ျဖင့္ စကားေျပာဆိုျခင္း ျဖစ္ပါသည္။ ထိုႏႈတ္ခပတ္ေတာ္ကို ဆင္ျခင္ ၾကည့္ၾကပါစို႔။

ေအာက္ပါအတုိင္း အဆင့္ မ်ားခြဲကာ ေလ့လာဆင္ ျခင္ႏုိင္ပါသည္။

ပထမအခ်က္

အေနျဖင့္ ဘုရားသခင္သည္ သင့္အသက္တာထဲတြင္ အသစ္ေသာအမႈျပဳႏုိင္ရန္ သင္ၾကည့္ေနေသာ အျမင္မ်ားကို ေျပာင္းလဲပစ္ရမည္။ ေနာက္ကို လွည့္မၾကည့္ပါႏွင့္။ အတိတ္ကိုသာ ထားခဲ့ပါ။
သင္သည္ ေနာက္ကိုသာ လွည့္ၾကည့္ေနဦးမည္ဆုိပါက သင္သည္ ေရွ႕ကို ျမင္ႏုိင္ပါဦးမည္လား။ အတိတ္ကိုသာ ထားခဲ့ပါ။ အသစ္ေသာ အရာမ်ားက သင့္ထံသို႔ အျမဲတမ္းေရြ႕လ်ားေနခ်င္ပါသည္။ သင္ဟာ အတိတ္က ေအာင္ျမင္မႈေတြ အေပၚမွာ မည္သုိ႔မွ် ရပ္တည္ေန၍ မရႏုိင္ပါ။ အတိတ္အရာေတြကို ေမ့ပစ္လုိက္ပါ။

ဣသေရလ လူတို႔တြင္ အတိတ္မွာ ေအာင္ျမင္မႈေတြ အမ်ားအျပား ရွိထားသည္။ သူတုိ႔၏အတိတ္သည္ အလြန္ အားရစရာ ေကာင္းလွပါသည္။ ျပန္စဥ္းစား ၾကည့္ပါ။ ေအာက္ပါအခ်က္မ်ားက သူတို႔ သမိုင္း တစ္ေလွ်ာက္တြင္ မည္သို႔မွ် ေမ့မရႏုိင္သည့္ အျဖစ္အပ်က္မ်ားျဖစ္သည္။

1. အဲဂုတၱဳျပည္မွ နိမိတ္လကၡဏာမ်ားခံစားျပီး ထြက္ခြာႏုိင္ခဲ့ျခင္း
2.  ေယရိေခၚျမိဳ႕ကို ေအာင္ျမင္ျခင္း
3. တရားသူၾကီးေခတ္ တစ္ေလ်ာက္ ဦးေဆာင္ခဲ့ေသာ ေခါင္းေဆာင္ေကာင္းမ်ား . . . အစရွိသည္ျဖင့္ ျပန္လည္ေတြးေတာမိတိုင္း အားရစရာ ေကာင္းေန ပါသည္။ သို႔ေသာ္ ထိုေအာင္ျမင္မႈမ်ားကို ျပန္လည္ စဥ္စား ျပီး ယခုအခ်ိန္တြင္ သာယာေန၍ မျဖစ္ႏုိင္္ေတာ့ေခ်။

အခုခ်ိန္မွာေတာ့ သူတုိ႔ဟာ ကၽြန္ဘဝကို ေရာက္ရွိေနပါသည္။ အတိတ္မွ ေအာင္ျမင္မႈမ်ားသည္ သူတုိ႔ကို လြတ္ေျမာက္ျခင္း ေပးႏုိင္သည့္ အေျခအေနတြင္ မရွိပါ။ သူတို႔အတြက္ နိမိတ္လကၡဏာအသစ္၊ အလုပ္သစ္၊ အေျခအေနသစ္မ်ား လုိအပ္ေနပါသည္။ ယခုအခ်ိန္တြင္ ဘုရားသခင္ မိမိတို႔ အတြက္ ဘာေတြ လုပ္္ေပးခဲ့ျပီဆိုသည္ကို စဥ္စားၾကည္ႏူးရမည့္ အခ်ိန္မဟုတ္ေတာ့္ပါ။ ထိုအရာမ်ားကို ဘုရားသခင္၏ ဘုန္းေတာ္ ထင္ရွားေစရန္ ျပန္လည္ သက္ေသခံႏုိင္ပါသည္။ သို႔ေသာ္ ထိုအရာမ်ားေပၚတြင္ ရပ္တည္ေန၍ မျဖစ္ႏုိင္ပါ။ လက္ရွိ အေျခအေနအရ စဥ္စားသင့္ေသာ အရာမ်ား (သို႔) ျဖစ္သင့္ေသာ ေမးခြန္းမ်ားမွာ

ဘုရားသခင္ ကၽြန္ေတာ္တုိ႔အသက္တာကို မည္ကဲ့သို႔ လုပ္ေဆာင္ဘုိ႔ အစီအစဥ္ရွိပါသနည္း။
ကၽြန္ေတာ္တုိ႔ ဘုရားသခင္အတြက္ မည္သည့္အရာမ်ားကို လုပ္ေဆာင္ေပးရပါမည္နည္။

ဒုတိယအခ်က္

ခရစ္ေတာ္ထံမွ အသစ္ေသာအရာေတြကို သင္ေမွ်ာ္လင့္ေနတယ္ဆိုရင္ သင့္ရဲ႕ က်ဆံုးျခင္းေတြကလည္း သင့္ကိုပိုင္ဆိုင္မႈ မျပဳပါေစႏွင့္။ အတိတ္ကို လံုးဝ မဆက္ဆံပါနဲ႔။
ဣသေရလ လူမ်ိဳးမ်ားသည္ ဘုရားသခင္ကို စိတ္ဆိုးစရာေတြ ျပဳမူခဲ့ျပီး ဆံုးရႈံးမႈေတြကို ခံစားခဲ့ရသည္။ ဘုရားသခင္က ေကာင္းၾကီးမဂၤလာေတြကို အစဥ္သြန္းေလာင္းခဲ့ေသာ္လည္း သူတို႔ကအျမဲတမ္း ဆိုးသြမ္းမႈေတြႏွင့္သာ တုန္႔ျပန္ခဲ့သည္။ သူတို႔လုပ္ေဆာင္ ပုံေတြကို ျပန္စဥ္စားၾကည့္လွ်င္ အမွန္တကယ္ ဝမ္းနည္းစရာေတြ အမ်ားအျပားရွိေနသည္။ ဘုရားသခင္ကို ဤလူမ်ိဳးကို အမွန္တကယ္ခ်စ္ျပီး အမွန္တကယ္ ေကာင္းၾကီးေပးရန္ ေခတ္အဆက္ဆက္ ျပင္ဆင္ခဲ့ေသာ္လည္း ျပစ္မွားမႈေတြႏွင့္သာ တုန္႔ျပန္ခဲ့ သည္။ ထိုအရာမ်ားေၾကာင့္ ဣသေရလလူမ်ိဳးတုိ႔ က်ဆင္းခဲ့ရသည္။ အတိတ္သမိုင္းေၾကာင္းက အမွား ေတြကို ျပန္လည္ ဆင္ျခင္ၾကည့္ပါက ေအာက္ပါ အတုိင္း ေတြ႕ရွိရပါသည္။

1. ဘုရားသခင္က ဗိမၼာန္ေတာ္ေပးခဲ့သည္။ သူတို႔က ရုပ္တုေတြကိုသာ ဝတ္ျပဳကိုးကြယ္ခဲ့သည္။
2. ဘုရားသခင္က သမၼာတရားကိုေပးခဲ့သည္။ သူတို႔က မုသာေတြႏွင့္သာ အသက္ရွင္ခဲ့ၾကသည္။
3. ဘုရားသခင္က ပညတ္ေတာ္ေတြေပးခဲ့သည္။ သို႔ေသာ္ လူတို႔၏ အၾကံညဏ္မ်ားကိုသာ အား ကိုးခဲ့ၾကသည္။
4. ဘုရားသခင္က ၾကြယ္ဝျခင္းေတြေပးခဲ့သည္။ သူတို႔က ထိုအရာမ်ားကို အျပစ္တင္မႈမ်ားျဖင့္ ဆင္းရဲျခင္းလမ္းကိုသာ ေရြးခ်ယ္ခဲ့ၾကသည္။
5. ဘုရားသခင္က ကိုယ္တုိင္ သူတို႔ထံသို႔ ေပးကမ္းခဲ့သည္။ သို႔ေသာ္သူတို႔ ျငင္းဆန္ျခင္းမွတစ္ပါး အဘယ္အရာကိုမွ် ျပန္လည္ မေပးခဲ့ပါ။

ဣသေရလလူမ်ိဳးမ်ားသည္ ဘုရားသခင္ထံမွ မည္သည့္အရာမ်ားကိုမွ် လက္ခံရန္ ထိုက္တန္ သည့္သူမ်ား မဟုတ္ၾကေခ်။ သူတို႔ကို ဘုရားသခင္က ခ်စ္ေနေသးသည္။ သူတို႔ကို ကူညီခ်င္ေသးသည္။ ဘုရားသခင္က ေျပာေသာစကားမ်ားမွာ အတိတ္ကို ေမ့လုိက္ပါ။ ငါအသစ္ေသာအမႈကို ျပဳမည္။

“ဆိုးေသာသူသည္ မိမိလမ္းကို၎၊ မတရားေသာသူသည္ မိမိအၾကံတုိ႔ကို၎၊ စြန္႔ပစ္၍ ထာဝရဘုရား ထံေတာ္သို႔ ေျပာင္းလဲပါေစ။ သို႔ျပဳ လွ်င္ သနားေတာ္မူလိမ့္မည္။ ငါတုိ႔ ဘုရား သခင္ထံေတာ္သုိ႔ ေျပာင္းလဲပါေစ။ သို႔ျပဳလွ်င္ အထူးသျဖင့္ အျပစ္ကို လႊတ္ေတာ္မူလိမ့္မည္။” (ေဟရွာ ၅၅း၇)

သင္သည္ ဝိညာဥ္ေရးရာ အသက္တာကို ပိုမိုေကာင္းၾကီးမဂၤလာခံစားလိုပါလွ်င္ နားလည္ရမည့္ အရာတစ္ခုမွာ မေန႔က ယံုၾကည္ျခင္းကို သင္မွီခို ေန၍မရပါ။

အစၥေရးလူမ်ိဳးတုိ႔၏ ဝိညာဥ္ေရး ေကာင္းၾကီမဂၤလာမ်ားမွာ အံ့ၾသစရာျဖစ္ေပသည္။ ပထမဦးစြာ ပႆခါပြဲ၊ ပင္လယ္နီ ျဖတ္ေက်ာ္ျခင္း၊ ခါနန္ျပည္ ေအာင္ပြဲ၊ ဗိမၼာန္ေတာ္ တည္ေဆာက္ျခင္း၊ ဣသေရလ လူမ်ိဳးတို႔တြင္ ဘုရားသခင္၏ လက္ေတာ္ ၾကီးမားပုံကို ခံစားရျခင္း၊ စသည္တုိ႔သည္ သူတို႔၏ ယံုၾကည္ျခင္းထဲမွာ ဘုရားသခင္ အလုပ္လုပ္ေဆာင္ သြားပုံမ်ားျဖစ္ၾကသည္။ သို႔ေသာ္ ထုိအရာမ်ားသည္ ယခုအခ်ိန္တြင္ ဣသေရလ လူမ်ိဳးမ်ားကို ထိုယံုၾကည္ ျခင္းမ်ားက မည္သည့္ ျဖစ္ထြန္း ေအာင္ျမင္မႈကိုမွ် စြမး္ေဆာင္ေပးႏုိင္ ျခင္းမရွိခဲ့ပါ။ အတိတ္က ယံုၾကည္ျခင္းသည္ သူတို႔၏ျပႆနာမ်ားကို ျပန္လည္ေျဖရွင္းရန္ မလံုေလာက္ခဲ့ေခ်။ သူတို႔သည္ လက္ရွိျပႆနာကို ေျဖရွင္းရန္ အသစ္ေသာ ယံုၾကည္ျခင္းမ်ားျဖင့္ အသက္ရွင္ရမည္ျဖစ္သည္။ ေအာက္တြင္ေဖာ္ျပထားေသာ ဆာလံက်မ္းက လက္ရွိအခ်ိန္အတြက္ အသက္ရွင္ရမည့္ ပုံစံကို ေဖာ္ျပထား ပါသည္။ အတိတ္ကို ရည္ညႊန္းေသာ အသက္ရွင္မႈမပါဘဲ လက္ရွိ အခ်ိန္ကိုသာ ရည္ညႊန္းေျပာဆိုေနသည္။

ကိုယ္ေတာ္၏လူတုိ႔သည္ ကိုယ္ေတာ္ကို အမွီျပဳ၍ ဝမ္းေျမာက္ပါမည့္အေၾကာင္း၊ တဖန္ကၽြႏု္ပ္ တို႔ကို အသက္ရွင္ ေစေတာ္ မူမည္ မဟုတ္ေလာ။ အိုထာဝရဘုရား ကၽြႏု္ပ္တုိ႔အား ကရုဏာေတာ္ ကိုျပ၍ ကယ္တင္ေတာ္မူျခင္း ေက်းဇူးကိုျပဳေတာ္မူပါ။ ထာဝရအရွင္ ဘုရားသခင္သည္ အဘယ္သို႔ မိန္႔ေတာ္မူမည္ကို ငါနားေထာင္မည္။ အကယ္ စင္စစ္၊ မိမိ သန္႔ရွင္းသူ တို႔အား ျငိမ္သက္ျခင္း အေၾကာင္းကို မိန္႔ေတာ္မူလိမ့္္မည္။ သို႔ရာတြင္ မိုက္ေသာ အက်င့္ကို မက်င့္ၾကပါေစႏွင့္။ (ဆာလံ ၅၅း၆-၈)

ဘုရားသခင္လုပ္ခ်င္ေသာ အသစ္ေသာအရာကို ျမင္တတ္ရမည္။ ထိုအရာကိုသာ အမွီျပဳရမည္ ျဖစ္ပါသည္။ သင့္အာရုံကို ရွင္းရွင္း လင္းလင္း ထားပါ။ ဘုရား သခင္ သင့္အသက္တာမွာ လုပ္ေစခ်င္ေသာအရာဟူသည္မွာ

ျဖစ္ဘူးေသာအရာတို႔ကို မေအာက္ေမ့ၾကႏွင့္။ ေရွးကာလ၏ အရာတုိ႔ကို ပမာဏမျပဳၾကႏွင့္။ ၾကည့္ ရႈေလာ့။ အမႈသစ္ကို ငါျပဳမည္။ ယခုေပၚ လာလိမ့္မည္။ သင္တုိ႔သည္ အမွန္ သိျမင္ရ ၾကလိမ့္မည္။ အကယ္စင္စစ္ ေတာ၌ လမ္းကို၎၊ လြင္ျပင္၌ စီးေသာေရကို၎ ငါဖန္ဆင္း မည္။ (ေဟရွာ ၄၃း၁၈-၁၉)

သင့္အသက္တာကို သင္ၾကည့္လုိက္တဲ့အခါ ဘာကိုျမင္ေတြ႕ပါသလဲ။ ျပႆနာေတြကို ျမင္ေတြ႕ ေနျပီလား။ သို႔ဆိုပါလွ်င္ ဘုရားသခင္က သင့္အသက္တာထဲမွာ ေကာင္းၾကီးမဂၤလာကို စီးဆင္းေစမည့္ လမ္းေၾကာင္းကို လုပ္ခ်င္ေသာ ဘုရားျဖစ္သည္။ လြင္ျပင္ေတြကို ဘုရားသခင္က ေရစီး ေၾကာင္းေတြ ျပဳ လုပ္ခ်င္သည္။

ဣသေရလ လူမ်ိဳးမ်ား ေရြးခ်ယ္ရမည့္အရာမ်ား ရွိေနပါသည္။ အတိတ္ႏွင့္ ပစၥဳပၸန္အၾကားတြင္ ခ်ိန္ညွိျပီးျမင္တတ္ဘုို႔ လုိအပ္ပါသည္။ ဘုရားသခင္ ဘာလုပ္ေစခ်င္ပါသလဲ။ ဘုရားသခင္ လုပ္ေဆာင္မည့္ အရာမွာ

ေတာ၌ လမ္းကို ငါျပဳမည္ဟု ေရးသားထားပါသည္။

လြင္ျပင္မွာ စမ္းေခ်ာင္းေလးေတြကို ျဖစ္ေစမည္ဟု ေရးသားထားပါသည္။ ထိုအရာမ်ားမွာ ဘုရား သခင္လုပ္ခ်င္ေသာအရာမ်ား ျဖစ္ပါသည္။ ဆိုလုိသည္မွာ သင့္အသက္တာထဲမွာ ထူးျခားမႈေတြကို ေဆာင္ရြက္ခ်င္ပါသည္။ သင္ကိုတုိင္က အတိတ္ကို အားက်ျခင္းေတြ၊ အတိတ္ကို မုန္းတီးျခင္းေတြ မျဖစ္ေစခ်င္ပါ။ အသစ္ေသာအရာကို ဘုရားသခင္လုပ္ခ်င္ပါသည္။ ဘုရားသခင္ လုပ္ခ်င္တဲ့ ရည္၇ြယ္ခ်က္ေတြကို သိေစဘို႔ အတြက္ ဘုရားသခင္ကသင့္ကို ဘယ္လိုၾကည့္သလဲဆိုတာကို သင္ကိုယ္တုိင္က ဘုရားသခင္ျမင္တဲ့ အျမင္မ်ိဳးနဲ႔ ျမင္ၾကည့္ဘုိ႔ အေရးၾကီးပါတယ္။ ဘုရားသခင္ တည္ေဆာက္ေစခ်င္တဲ့ လမ္း ေတြ၊ စမ္းေခ်ာင္းေတြဆို တာ အသက္တာထဲမွာ ထူးျခားတဲ့ အရာေတြဘဲ ျဖစ္တယ္မဟုတ္လား

တတိယအခ်က္

သင့္အသက္တာကို ဘုရားသခင္ရဲ႕ အၾကံအစည္ေတာ္ထဲမွာ ဆက္ကပ္အသက္ရွင္ပါ။

ဘုရားသခင္သည္ ဣသေရလလူမ်ားကို အဲဂုတၱဳမွ ႏို႔ႏွင့္ပ်ားရည္စီးေသာ တုိင္းျပည္ ခါနန္ျပည္သို႔ ပို႔ေဆာင္ခဲ့သည္။ ရည္ရြယ္ခ်က္မွာ ေကာင္းၾကီး မဂၤလာခံစားေစဘို႔ ျဖစ္သည္။ ကတိတည္ေၾကာင္းကို ျပသလို၍ျဖစ္သည္။ ထိုအရာမွာ အတိတ္ကျဖစ္သည္။ ယခုလည္း သူတို႔သည္ ဗာဗုလုန္တုိင္းႏုိင္ငံၾကီးမွ ဣသေရလ တိုင္းႏုိင္ငံသို႔ ျပန္လည္ပို႔ေဆာင္ခဲ့ပါသည္။ ရည္ရြယ္ခ်က္မွာ ထိုသူတို႔ ေကာင္းၾကီးမဂၤလာ ခံစားေစဘုိ႔ျဖစ္သည္။ အစၥေရးႏုိင္ငံသို႔ ေခၚေဆာင္ လာခဲ့ျပီး ျဖစ္သည္။ ေကာင္းၾကီးမဂၤလာ ခံစားေစဘို႔ျဖစ္ သည္။ သူတို႔သည္ ယခုအခ်ိန္တြင္ ဘုရားသခင္ကို ဆက္လက္ျငင္းဆန္ေနပါ ေသးလွ်င္၊ သူတို႔သည္ ဘုရားသခင္၏ဦးေဆာင္ျခင္းကို ဆက္လက္ ျငင္းပယ္ေနပါေသးလွ်င္ သူတိုသည္ ေသျခင္းတြင္ ပ်က္စီးရေတာ့မည္ ျဖစ္သည္။

ဘုရားသခင္သည္ သင့္အသက္တာတြင္ လုပ္ေဆာင္ခ်င္ေသာအရာေတြ အမ်ားအျပားရွိေနပါသည္။ ဆက္လက္ ျပင္ဆင္ေပးမည့္အရာေတြ ရွိေနပါ သည္။ ကိုယ္ေတာ္၏ေနာက္ကိုသာ လုိက္ၾကပါ။

ထာဝရဘုရားသည္ ငါတို႔၏ ဘုရားျဖစ္ေတာ္မူ၏။ ငါတုိ႔သည္လည္း အထံေတာ္၌ က်က္စားေသာသူ၊ လက္ေတာ္ေအာက္၌ ေနေသာ သိုးစု ျဖစ္ၾက၏။ ယေန႔တြင္ သင္တုိ႔သည္ ဗ်ာဒီတ္ေတာ္ အသံကိုၾကားလ်က္ ခိုင္မာေသာ စိတ္ႏွလံုးမရွိၾကႏွင့္။ သင္တုိ႔အဘမ်ားသည္ အႏွစ္ေလးဆယ္ ပတ္လံုး ငါ့ကို အနည္းနည္းစံုစမ္း၍၊ ငါ၏အမႈတို႔ကို ျမင္ရေသာ ေတာတြင္ ငါ့ကိုဆန္႔က်င္ဘက္ျပဳ ၍၊ စုံစမ္းရာကာလ၌ ရွိသကဲ့သို႔ မရွိၾကေစႏွင့္။ (ဆာလံ ၉၅း၇-၉)

ကၽြန္ေတာ္တို႔၏ လက္ရွိအေျခအေနတြင္ ခက္ခဲမႈမ်ား အဆင္မေျပမႈမ်ား ၾကံဳေတြ႕ေနရေသာအခ်ိန္ ျဖစ္ေကာင္းျဖစ္ႏုိင္ပါသည္။ ဣသေရလ လူမ်ိဳး မ်ားတြင္ သြန္သင္ခဲ့ေသာ အထက္ပါ အခ်က္သံုးခ်က္ျဖင့္ တည္ေဆာက္ခြန္အားယူႏုိင္ၾကပါေစ။ (အာမင္)

နာမေတာ္ျမတ္၌
Rev. ဦးမင္းလြင္
ကိုးမုိင္ခရစ္ယာန္အသင္းေတာ္

နာမေတာ္၏တန္ခိုး

တမန္ေတာ္္ ၃း၁-၁၁

    ထိုအခါ ပဌနာျပဳရေသာ သံုးခ်က္တီးအခ်ိန္၌ ေပတရုႏွင့္ေယာဟန္တို႔သည္ ဗိမာန္ ေတာ္သို႔ တက္ၾကသည္ရွိေသာ္၊ အမိဝမ္းတြင္းကပင္ ေျခမစြမ္းေသာသူတေယာက္ကို သူ တပါးတို႔သည္ ထမ္းလ်က္လာၾက၏။ ဗိမာန္ေတာ္သို႔ ဝင္ေသာသူတို႔မွာ စြန္႔ႀကဲျခင္းကို ခံေစ ျခင္းငွါ၊ တင့္တယ္အမည္ရွိေသာ တံခါးနားမွာ ထိုသူကိုထားေလ့ရွိ၏။ ေပတရုႏွင့္ ေယာဟန္ တို႔ သည္ ဗိမာန္ေတာ္သို႔ ဝင္မည္လာၾကသည္ကို ထိုသူသည္ျမင္လွ်င္ စြန္႔ႀကဲပါဟု ေတာင္း ေလ၏။ ထိုအခါ ေပတရုႏွင့္ေယာဟန္တို႔သည္ ထိုသူကို ေစ့ေစ့ၾကည့္ရႈ၍ ငါတို႔အား ေမွ်ာ္ ၾကည့္ေလာ့ဟု ဆိုလွ်င္၊ ထိုသူသည္ တစံုတခုကိုရမည္ဟု စိတ္ထင္ႏွင့္ တမန္ေတာ္တို႔ကို ေမွ်ာ္ၾကည့္လ်က္ေန၏။ ေပတရုကလည္း၊ ငါ၌ေရႊေငြမရွိ၊ ရွိသည္အရာကို သင့္အားေပးမည္။ နာဇရက္ၿမိဳ႔သား ေယရႈခရစ္၏ နာမေတာ္အားျဖင့္ ထ၍လွမ္းသြားေလာ့ဟု ဆိုလ်က္၊ သူ၏ လက္်ာလက္ကို ကိုင္ဆြဲခ်ီၾကြေလေသာခဏခ်င္းတြင္၊ ေျခႏွစ္ဘက္ ဖမ်က္စိတို႔သည္ စြမ္း အားကိုရသျဖင့္၊ ရုတ္တရက္ထ၍ မတ္တပ္ရပ္ၿပီးလွ်င္ လွမ္းသြားေလ၏။ သြားလ်က္၊ ခုန္ လ်က္ ဘုရားသခင္ကိုခ်ီးမြမ္းလ်က္၊ တမန္ေတာ္တို႔ႏွင့္အတူ ဗိမာန္ေတာ္သို႔ဝင္ေလ၏။ ထိုသို႔ လွမ္းသြား၍ ဘုရားသခင္အား ခ်ီးမြမ္းသည္ကို လူအေပါင္းတို႔သည္ ျမင္ေသာအခါ၊ ထိုသူသည္ ဗိမာန္ေတာ္၏ တင့္တယ္တံခါးနားမွာ စြန္႔ႀကဲျခင္းကိုခံ၍ ထိုင္ေနေသာသူျဖစ္သည္ ကို သိၾကေသာေၾကာင့္၊ သူ၌ျဖစ္သည္အမႈကို အံ့ၾသ မိန္းေမာေတြေဝျခင္းရွိ၍၊ ထိုသူသည္ ေပတရုႏွင့္ေယာဟန္ကို အမွီျပဳလ်က္ရွိရာအရပ္၊ ေရွာလမုန္ကနားျပင္ အမည္ရွိေသာ ကနား ျပင္သို႔ ေျပးဝင္ၾက၍ စုေဝးၾက၏။

နိဒါန္း

    အထက္ေဖၚျပပါ က်မ္းပိုဒ္သည္ ကၽြန္ေတာ္တို႔အတြက္ ျပည့္စုံေကာင္းမြန္ေသာ ကယ္တင္ျခင္းကို ေမွ်ာ္လင့္ခ်က္မဲ့ေနေသာ သူတို႔အား ေမတၱာေတာ္ႀကီးမားစြာျဖင့္ အခမဲ့ ေပးေတာ္မူေၾကာင္း ေဖာ္ျပေသာ ဆန္းက်ယ္လွသည့္ အျဖစ္အပ်က္ က်မ္းပိုဒ္ ျဖစ္ပါသည္။
   
    က်မ္းေတာ္ျမတ္တြင္ ဘုရားသခင္မပါေသာ ကၽြႏု္ပ္တို႔၏အေျခအေန ဘ၀အမ်ိဳးမ်ိဳး အဖံုဖံုကို အေရာင္အေသြးစံု ေဆးေရာင္ျခယ္ ရႈေထာင္စံု ပန္ခ်ီးကားတစ္ခ်ပ္၏ သဖြယ္ ေဖာ္ က်ဴးထားေသာ အျဖစ္အပ်က္မ်ားကို ျမင္ေတြ႕ ခံစားဘူးေပလိမ့္မည္။ ယခုေဖာ္ျပပါက်မ္းပိုဒ္ အျဖစ္အပ်က္ထဲတြင္ ကၽြႏု္ပ္တု႔ိကိုယ္တုိင္ စြမ္းေဆာင္ရည္ကင္းမဲ့ေနေသာေသာဝမ်ား၊ စုံလင္ မွန္ ကန္ေသာ ကယ္တင္ျခင္းနည္းလမ္းစဥ္မ်ား၊ ကယ္တင္ျခင္းရရွိျပီးေနာက္ ခံစားႏုိင္သည့္ ေကာင္းၾကီးမဂၤလာမ်ားႏွင့္အတူ သခင္ေယရႈခရစ္ေတာ္၏ လွပျပည့္စုံေကာင္းမြန္လွသည့္ တန္ခိုးေတာ္အေၾကာင္းမ်ားကို ဤက်မ္းပိုဒ္ထဲတြင္ ျမင္ေတြ႕ ခံစားႏုိင္မည္ ျဖစ္သည္။

    ဤက်မ္းပုိဒ္ အျဖစ္အပ်က္ထဲတြင္ တမန္ေတာ္ၾကီးမ်ားျဖစ္ေသာ ေပတရုႏွင့္ ေယာ ဟန္တို႔သည္ သူတု႔ိတြင္ မရွိေသာ ေရႊ၊ ေငြမ်ားကို ေျခမစြမ္းေသာ သူေတာင္းစားထံ မေပး ကမ္းႏုိင္ခဲ့ပါ။ သို႔ေသာ္ သူတုိ႔ လုပ္ေဆာင္ခဲ့ေသာအရာမွာ သခင္ေယရႈခရစ္ေတာ္ႏွင့္ ထုိအ ရွင္၏ တုႏႈိင္းမရွိေသာ တန္ခိုးေတာ္အားျဖင့္ ကယ္တင္ခဲ့ျပီး စုံလင္ေကာင္းမြန္္ေသာ က်န္းမာ ျခင္းကို ရရွိေစခဲ့သည္။
   
    တမန္ေတာ္ ေပတရုက ”နာဇရက္ျမိဳ႕သား ေယရႈခရစ္ေတာ္၏ နာမ၌ ထ၍လွမ္း သြားေလာ့” ဟူေသာ စကားမွ်သာ ေျပာၾကားေပးရုံ ျဖစ္သည္။ (တမန္ ၃း၆)

    ထိုစကားကို အေျပာခံရေသာ ေျခမစြမ္းေသာ သူေတာင္းစားသည္ ထ၍ လမ္း ေလွ်ာက္ ရုံမွ်သာ သူျပဳရမည္ျဖစ္သည္။ သို႔ေသာ္လည္း ထိုေျခမစြမ္းသူသည္ ထ၍ လမ္း ေလွ်ာက္ ရုံမွ်သာ ျပဳခဲ့သည္မဟုတ္ဘဲ ထိုထက္ပို၍ လုပ္ေဆာင္ခဲ့သည္။ “ကလွ်က္ ခုန္လ်က္  ဘုရားသခင္ကို ခ်ီးမြန္းလ်က္” (အခန္းငယ္ - ၈) ဟူ၍စကားလံုး စာသားေလးမ်ား က အံ့ၾသ ဘြယ္ လုပ္ေဆာင္ခဲ့ေသာ သူ၏ လုပ္ေဆာင္မႈကို ေတြ႕ရသည္။  

    အထက္ ေဖာ္ျပပါ အေၾကာင္းအရာမ်ားကို အေသးစိတ္ ျပန္လည္ဆင္ျခင္ ေအာက္ ေမ့ျပီး ကၽြႏု္ပ္တို႔လည္ ခံစားရယူႏုိင္ေသာ ႏႈတ္ကပတ္ေတာ္က သင္ၾကားေပးသည့္ ကယ္ တင္ျခင္းအေၾကာင္းကို ေလ့လာၾကပါစုိ႔။ က်မ္းပိုဒ္ထဲတြင္

နံပါတ္ (၁) စိတ္ပ်က္စရာ ဘ၀ေပး အေျခအေန

က။ ေျခမစြမ္းသူ

    ပထမဆံုးအေနနဲ႔ သူဟာ အမိ၀မ္းတြင္းမွာကတည္းက ေျခမစြမ္းသူပါ။ (အခန္းငယ္ - ၂) တြင္ ေဖာ္ျပထားသည္မွာ “အမိ၀မ္းတြင္းကပင္ ေျခမစြမ္းသူ” ဟု ေဖာ္ျပထားသည္။ စဥ္းစားၾကည့္ပါ။ ဘယ္ေလာက္ဆုိးရြားလွတ့ဲ အေျခအေနပါလဲ။ အရပ္စကားျဖင့္ ေျပာရလွ်င္ သူဟာ ဘဝၾကမၼာဆိုးထဲမွာ လူ႔ေလာကၾကီးထဲ ေရာက္ရွိလာသူပါ။

    ထုိေျခမစြမ္းသူ၏ ဘ၀တြင္ တစ္ခါမွ် လမ္းမေလွ်ာက္ဘူးပါ။ ထိုသူ၏ဘ၀က သက္ ရွိဟု ေျပာ၍ ရရုံမွ်သာ ျဖစ္ပါသည္။ ထိုက်မ္းပိုဒ္က ေျပာေသာ “အမိ၀မ္းကပင္ ေျခမစြမ္းသူ” ဟု ဆုိရာတြင္
   
    သင္ႏွင့္ ကၽြႏု္ပ္တို႔၏ ဘ၀မ်ားသည္လည္း ဒုကၡေ၀ဒနာမ်ားႏွင့္ ေမြးဖြားလာသည္ကို မေမ့ပါနဲ႔။ ၾကမၼာဆုိးေတြ ရွိေနတဲ့ဘ၀ ဆိုလွ်င္လည္း မမွားပါ။ ဤေျခမစြမ္းသူကဲ့သို႔ပင္ ခက္ ခဲၾကမ္းတမ္းေသာ ဘ၀မ်ား ရွိေနခဲ့သည္။ ထိုၾကမၼာဆိုး ဆိုသည္မွာ အျပစ္တရားပင္ ျဖစ္ သည္။ ကၽြႏု္ပ္တို႔သည္ ထုိဆိုရြားလွသည့္ အရာၾကီး အတူပါျပီး လူေလာကထဲသုိ႔ ေရာက္ရွိ လာခဲ့ၾကသည္။

    ဆာလံ ၅၁း၅ တြင္ ေဖာ္ျပထားသည္။ “အကြၽႏု္ပ္သည္ ေမြးစကပင္ အျပစ္ပါ လ်က္ရွိပါ၏၊၊ အမိဝမ္းထဲမွာ ပဋိိသေႏၶြ ယူစဥ္ပင္ အျပစ္စြဲပါ၏၊၊”
    ဆာလံ ၅၈း၃ ကေျပာေသးတယ္။ “မတရားေသာသူတို႔သည္ အမိဝမ္းထဲမွစ၍ ရုိင္းေသာသေဘာရွိၾက၏၊၊ ေမြးကတည္း ကလမ္းလဲြ ၍ မုသာစကားကို ေျပာတတ္ၾက၏၊၊” ဟူ၍ ဆုိထားျပန္ပါသည္။

ခ။ ေျခမစြမ္းရုံမွ်မက ကိုယ့္ကိုကုိယ္ မရပ္တည္ႏုိင္သူ

    (အပုိဒ္ငယ္ - ၂) တြင္ ေျပာျပထားသည္မွာ “သူတပါးတို႔သည္ ထမ္းလ်က္လာၾက၏။ ဗိမာန္ေတာ္သို႔ ဝင္ေသာသူတို႔မွာ စြန္႔ႀကဲျခင္းကိုခံေစျခင္းငွါ၊ တင့္တယ္အမည္ ရွိေသာ တံခါး နားမွာ ထိုသူကိုထား ေလ့ရွိ၏။”

    ဤေျခမစြမ္းသူမွာ တစ္စံုတစ္ေယာက္က ပို႔ေဆာင္မွသာ သူေတာင္းရမ္းရမည့္ ေနရာျဖစ္ေသာ တင့္တယ္တံခါးကို ေရာက္ရွိလာသည္ကို ေတြ႕ရွိရသည္။ ထို႔ေၾကာင့္ ထုိလူ သည္ မိမိကိုယ္မိမိ ရပ္တည္ႏုိင္ရန္ အစဥ္မေျပလွေခ်။ သူတစ္ပါးကိုသာ အစဥ္မီွခိုေနရသူ တစ္ဦး ျဖစ္သည္မဟုတ္ပါေလာ။

    သူသည္ မိမိ၏က်န္းမာျခင္းအတြက္ ဆရာ၀န္ထံသို႔လည္း မသြားႏုိင္၊ ေဆးပစၥည္း မ်ားလည္း မိမိကုိယ္တုိင္ သြား၍မ၀ယ္ႏုိင္၊ ေဆးလည္း မေသာက္ႏုိင္၊ တစ္စံုတစ္ခုမွ် မလုပ္ ႏုိင္။ ဆိုလုိသည္မွာ သူ႔ကိုယ္တုိင္အတြက္ ေကာင္းျခင္း၊ ဆုိးျခင္းကို မစြမ္းေဆာင္ႏုိင္၊ ကိုယ္ တုိင္ ၾကိဳးစားအားထုပ္မႈကို မျပဳႏုိင္၊ ဘာသာေရး လုပ္ေဆာင္မႈမ်ား မရွိႏုိင္၊ ေပးကမ္းျခင္း လည္း မလုပ္ႏုိင္။ 

    ထုိေျခမစြမ္းေသာ သူေတာင္းစားၾကီးကဲ့သို႔ပင္ ကၽြႏု္ပ္တုိ႔၏ ေန႔စဥ္ဘဝတြင္ ကၽြႏု္ပ္ တို႔၏ ၀ိညာဥ္ပိုိင္းဆုိင္ရာ ေကာင္းက်ိဳးအတြက္ ဘာမွ် လုပ္ေဆာင္ႏုိင္ျခင္းမရွိ။ အျပစ္မွ လြတ္ ကင္းရန္ ၾကိဳးစားအားထုပ္ႏုိင္ျခင္းမရွိ။ ဘာသာတရားမ်ား၊ ေပးကမ္းျခင္းမ်ား၊ ဆယ္ဖုိ႔တစ္ဖုိ႔ လွဴဒါန္းျခင္းမ်ား၊ ေကာင္းေသာလုပ္ေဆာင္မႈမ်ားအားလံုးသည္ ဘုရားသခင္၏ေရွ႕တြင္ စိတ္ ပ်က္ဘြယ္ အေျခအေန ရွိေနသည္မဟုတ္ပါလား။ ကၽြန္ေတာ္တုိိ႔၏ ဘ၀အေျခအေနမွာ အ ျပစ္တရားထဲမွ ကယ္သူမဲ့ေသာဘဝ၊ ဘုရားသခင္ထံမွ ေျဖာင့္မက္ျခင္းကို ရယူခံစားႏုိင္ရန္ မစြမ္းေဆာင္ႏုိင္ေသာ ဘ၀ျဖစ္ေနသည္။

ေရာမ ၅း၆-၈ တြင္ေဖာ္ျပထားသည္မွာ
    “ငါတို႔သည္အက်ဳိးနည္းရွိစဥ္တြင္ အခ်ိန္ဘန္မွ ခရစ္ေတာ္သည္ မတရားေသာ သူ တို႔အတြက္ေၾကာင့္ အေသခံေတာ္ မူ၏။ ေျဖာင့္မတ္ေသာသူ အတြက္ေၾကာင့္ အေသခံမည့္ သူရွိခဲ၏။ သူေတာ္ေကာင္းအတြက္ေၾကာင့္ အေသခံဝံ့ေသာသူ ရွိေကာင္းရွိလိမ့္မည္ မွန္ေစ ေတာ့။ ငါတို႔သည္ အျပစ္ရွိစဥ္ပင္၊ ခရစ္ေတာ္သည္ ငါတို႔အတြက္ေၾကာင့္ အေသခံေတာ္မူ သည္ျဖစ္၍၊ ဘုရားသခင္သည္ ငါတို႔ကို အဘယ္မွ် ေလာက္ခ်စ္ေတာ္မူသည္ကို ငါတို႔အား ထင္ရွားစြာျပ ေတာ္မူ၏။”

    ကၽြန္ေတာ္တုိ႔ ဘာမွ် မလုပ္ေဆာင္ႏုိင္ (သို႔မဟုတ္) လုပ္ေဆာင္ႏုိင္စြမ္း မရွိပါ။ သို႔ေသာ္ သခင္ေယရႈက ကၽြႏု္ပ္တို႔အတြက္ ၾကီးေသာအမႈကုိ လုပ္ေဆာင္ေပးခဲ့ပါျပီ။

ဂ။ ဗိမၼာန္ေတာ္၏အျပင္ဘက္တြင္သာ ေနရေသာ အေျခအေန

    ထိုေျခမစြမ္းသူ၏ လက္ေတြ႕ဘဝအေျခအေနကို ၾကည့္လုိက္ပါ။ သူသည္ ဗိမၼာန္ ေတာ္သို႔ ေတာင္းရမ္းစားေသာက္ရန္ ေန႔စဥ္ ေရာက္ရွိေနေသာ္လည္း ဘုရားသခင္ တည္ရွိ ရာ ဗိမၼာန္ေတာ္၏ ျပင္ပတြင္သာ ေနထုိင္ရေသာဘ၀ျဖစ္သည္။ ဘုရားသခင္ထံမွ ျခားနား ေသာေနရာတြင္ ေန႔စဥ္ ရွိေနသည္။
   
    ၀ိညာဥ္ေရး အျမင္ျဖင့္ ခံစားၾကည့္ပါ။ ကၽြႏု္ပ္တို႔သည္ ဘုရားသခင္ကို ေန႔စဥ္ ဆက္ သြယ္ရန္ ႀကိဳးစားေနၾကေသာ္လည္း ဘုရားသခင္ႏွင့္  ျခားနားေနရသည္။ ေ၀းေသာေနရာ တြင္ ရွိေနၾကသည္။ ေဟရွာယ ၅၉း၁-၂ တြင္ေဖာ္ျပခ်က္ကို ၾကည့္ပါ။
    ၾကည့္ရႈေလာ့။ ထာဝရဘုရားသည္ မကယ္မတင္ႏုိင္ေအာင္ လက္ေတာ္တုိသည္ မဟုတ္။ မၾကားႏုိင္ေအာင္ နားေတာ္ထုိင္းသည္မဟုတ္။ သင္တုိ႔ဒုစရုိက္သည္ သင္တုိ႔ကုိ ဘုရားသခင္ႏွင့္ကြာေစၿပီ။ ၾကားေတာ္မမူေစျခင္းငွါ၊ သင္တုိ႔အျပစ္သည္ မ်က္ႏွာေတာ္ကုိလႊဲ ေစၿပီ။

ဃ။ သနားစရာ သူေတာင္းစားေလးပမာ

    ကၽြႏု္ပ္တုိ႔သည္ လစ္လ်ဴရႈခံရေသာ သနားစရာ သူေတာင္းစားေလးမ်ားသာ ျဖစ္ ေတာ့သည္။ အငယ္ ၂ တြင္ ေဖာ္ျပ သည္မွာ “ဗိမာန္ေတာ္သို႔ ဝင္ေသာသူတို႔မွာ စြန္႔ႀကဲ ျခင္း ကိုခံေစျခင္းငွါ”
    သင့္ဘ၀ထဲတြင္ ေယရႈခရစ္ေတာ္မရွိေသးလွ်င္ သင္သည္ ျငိမ္သက္ျခင္းမ်ား၊ ေက် နပ္အားရျခင္းမ်ားကို ရရွိခံစားရန္ ေမွ်ာ္လင့္ျခင္းၾကီးစြာျဖင့္ လူမ်ားထံ ေတာင္းရမ္းရေသာ ဘ၀ျဖစ္ေနလိမ့္မည္။

    ဘုရားသခင္သာလွ်င္ ေပးစြမ္းႏုိင္ေသာ ထိုအရာမ်ားကို ရရွိရန္ လူအခ်ိဳ႕သည္ မွား ယြင္းေသာေနရာတြင္ ပင္ပန္းၾကီးစြာ ေတာင္းရမ္းေနၾကသည္။ လူအခ်ိဳ႕သည္ သူတုိ႔ခ်စ္ျမတ္ ႏုိးေသာသူမ်ား (သင့္ဇနီး၊ သင့္သားသမီး၊ သင့္မိဘ၊ သင့္သူငယ္ခ်င္း စေသာ သူမ်ား) ထံ တြင္ ရႏုိင္မည္ထင္ျပီး ေမွ်ာ္လင့္တၾကီး ေတာင္းရမ္းေနၾကသည္။ သုိ႔ေသာ္ ထိုလူမ်ား ကုိယ္ တုိင္က ထုိအရာမ်ားမရွိသျဖင့္ သင့္ကို ဂရုမစုိက္ၾကေခ်။ ျငိမ္သက္ျခင္း၊ ေက်နပ္အားရျခင္း မ်ားသည္ ရုပ္ပိုင္းဆုိင္ရာ ပစၥည္းမ်ားႏွင့္ သက္ဆုိင္မႈမရွိပါ။ ထုိရုပ္ပိုင္း ဆုိင္ရာပစၥည္းမ်ားရွိရုံ ျဖင့္ ျပည့္စုံေကာင္းမြန္ေသာ အေျခ အေနမ်ားကို မဖန္တီးႏုိင္ပါ။

    ရုပ္ပိုင္းဆုိင္ရာ ပစၥည္းဟု ဆုိရာတြင္ အခ်ိဳ႕က ကား၊ အခ်ိဳ႕က အိမ္၊ အခ်ိဳ႕က အ၀တ္အထည္၊ အခ်ိဳ႕က ဖုန္း အစရွိေသာ အရာမ်ားျဖစ္ၾကသည္။ ထုိအရာမ်ား မည္မွ်ပင္ ရေသာလည္း ေတာင္း၍မဆံုးႏုိင္ေတာ့။ အေၾကာင္းမွာ မိမိရရွိထားေသာ အရာမ်ားသည္ ေခတ္မမီွ ေတာ့ျခင္း၊ ပ်က္စီးသြားျခင္းတို႔ေၾကာင့္ ေတာင္း၍ မဆံုးႏုိင္ေသာဘ၀။

    အခ်ိဳ႕လူမ်ားက ေငြသည္ မိမိတို႔၏ ေပ်ာ္ရႊင္ျခင္းႏွင့္ ၀မ္းေျမာက္ျခင္းကို ေဆာင္ ယူေပးမည္ဟု ထင္ျမင္ၾကသည္။ သို႔ေသာ္လည္း ထိုေငြသည္ ဘယ္ေသာအခါမွ် ေက်နပ္အား ရျခင္းကို မျဖစ္ေစခဲ့။

    လူတစ္ေယာက္သည္ ႏွစ္ဆယ္ရာစုႏွစ္ ေခတ္ဦးကာလတြင္ အလြန္ၾကြယ္၀ခ်မ္း သာေသာ ေရနံသူေဌးၾကီးျဖစ္ေသာ John D. Rockerfeller ကို “ေငြေတြက ေပ်ာ္ရႊင္မႈကို ဘယ္ေလာက္ ခံစားႏုိင္ခဲ့ပါသလဲ” ဟူ၍ ေမးျမန္းခဲ့သည္။ သူေဌးၾကီးက ျပန္ေျဖခဲ့သည္မွာ “နဲနဲပါးပါး ပါဘဲ” ဟူ၍ျဖစ္သည္။
   
    အခ်ိဳ႕လူမ်ားက ျငိမ္သက္ျခင္းႏွင့္ ေက်နပ္အားရျခင္းမ်ားသည္ ေဖ်ာ္ေျဖေရးအစီအ စဥ္မ်ား၊ မူရစ္ေဆး၀ါးမ်ား၊ အရက္ေသစာမ်ားထဲတြင္ရွိသည္။ ထုိအရာမ်ားက လက္ရွိျပႆ နာ အခက္အခဲမ်ားမွ လြတ္ေျမာက္ႏုိင္သည္ဟု ထင္ျမင္ၾကသည္။ ထိုအရာမ်ားျဖင့္ မိမိတို႔ ၏ ႏွလံုးသားတြင္ ျဖည့္ေနၾကသည္။ သို႔ေသာ္ ေနာက္ဆံုးတြင္ ဘာမွ်မက်န္ခဲ့။ ဘာမွျဖစ္မ လာခဲ့။ မိမိ၏ဘဝသာ လံုးပါးပါးသြားခဲ့သည္။ ျပႆနာေတြထဲ တဖန္ျပန္ေရာက္ လာသည္။ အခက္အခဲေတြက ျပန္လည္ႏႈတ္ဆက္ေနသည္။ ၀မ္းနည္းျခင္း မ်က္ရည္ေတြက မိမိဘ၀ထဲ မွာ ကခုန္ေနၾကသည္။ လြဲမွားေသာ ရွာေဖြမႈေၾကာင့္ ေခတၱခဏ ျငိမ္သက္ျခင္းရသလို ျဖစ္ခဲ့ ေသာ္လည္း ထူးမျခားနားေသာ ဘ၀ကို ျပန္လည္ခံစားရျပန္သည္။

    ကၽြႏု္ပ္ဆိုလုိသည္မွာ ျပႆနာ၏အေျဖသည္ ထုိအရာမ်ား မဟုတ္ေၾကာင္း မီး ေမာင္း ထုိးျပျခင္းျဖစ္ပါသည္။ သင့္ဘ၀သည္လည္း ထုိေျခမစြမ္းသူကဲ့သို႔ပင္ ေငြေၾကး ေတာင္း ရမ္းျခင္းေၾကာင့္ ေခတၱခဏေတာ့ အဆင္ေျပသလုိ ရွိေနသည္။ သို႔ေသာ္ သူတကယ္ လုိ အပ္ေနသည္မွာ က်န္းမာျခင္းရရန္ ၊ ထုိဘ၀က လြတ္ေျမာက္ရန္ ဟူေသာ အရာျဖစ္ သည္။

    လူအခ်ိဳ႕ဟုဆိုရာတြင္ ကၽြႏု္ပ္ႏွင့္ သင္ကိုယ္တုိင္ပင္ျဖစ္သည္ကို မေမ့ပါႏွင့္။ ထုိေျခမ စြမ္းသူသည္ အမွန္တကယ္ပင္ က်န္းမာျခင္းရရွိရန္ ေယရႈ၏တုိ႔ထိမႈ လုိအပ္ေနပါသည္။ သင္ ႏွင့္ ကၽြႏု္ပ္တု႔ိ၏ဘ၀တြင္လည္း ေယရႈ လုိအပ္ပါသည္။ ကၽြႏု္ပ္တို႔သည္ ေခတၱခဏသာ အ ေထာက္အကူျဖစ္ေသာ ထိုအရာမ်ား မလုိအပ္ေတာ့ပါ။ အရွင္သခင္ေယရႈခရစ္ေတာ္၏ လက္ေတာ္ျဖင့္ ကၽြႏ္ုပ္တို႔ဘ၀အတြက္ ၾကီးေသာ တန္ခိုးေတာ္ ခံစားရရန္ အေရးၾကီးလိုအပ္ ေနပါသည္။

ထို႔ေၾကာင့္ ပထမအခ်က္အေနျဖင့္ ကၽြႏု္ပ္တို႔တြင္ ၾကမၼာဆုိး အေျခအေန ရွိေနသည္။

နံပါတ္ (၂) လူေတြက သူ႔ကို ဂရုစိုက္ၾကတယ္ဆိုတာကို သတိရပါ။

    ထိုေျခမစြမ္းသူကုိ တင့္တယ္တံခါးဝသို႔ ေန႔စဥ္ေန႔တုိင္း လာေရာက္ပို႔ေဆာင္ျခင္းႏွင့္ ျပန္လည္ေခၚေဆာင္ျခင္းကို ျပဳလုပ္သူ တစ္စံုတစ္ေယာက္ ရွိေနသည္ကို သင္ေတြ႕ရပါလိမ့္ မည္။ တစ္စံုတစ္ေယာက္က သူ႔ကို ေကၽြးေမြးျခင္းႏွင့္ ဂရုစိုက္ျခင္း မျပဳႏုိင္ေသာ္လည္း သူ႔ကို ခ်စ္ေသာသူမ်ားက သူ႔ကို ကူညီေနသည္ကို ေတြ႕ရမွာပါ။

    အငယ္ - ၂ တြင္ “ အမိဝမ္းတြင္းကပင္ ေျခမစြမ္းေသာသူ တေယာက္ကို သူတပါးတို႔ သည္ ထမ္းလ်က္လာၾက၏။”

မည္သူက သူ႔ကို တင့္တယ္တံခါးသို႔ ေခၚလာပါသနည္း။

    ထိုေျခမစြမ္းသူကို ခ်စ္ေသာသူ/ ဂရုစိုက္ေသာသူ တစ္စံုတစ္ေယာက္က ေခၚေဆာင္ လာျခင္းျဖစ္သည္။ သင္သည္ ဤေနရာသို႔ ခရစ္ေတာ္မရေသးဘဲ ေရာက္ရွိခဲ့သည္ ဆိုပါက  ဆုိရင္ သင့္ကို ဂရုစိုက္ေသာသူ၊ သင့္ကို ခ်စ္ေသာသူ၊ သင့္အက်ိဳးကို လုိလားေသာသူ တစ္စံု တစ္ေယာက္က သင့္ကို ေခၚလာခဲ့ျခင္း ျဖစ္သည္ကို သင္သိထားပါ။ သင့္ကို ဘုရားသခင္၏ ႏႈတ္ကပတ္ေတာ္ကုိ ၾကားေစခ်င္သည္။ သင့္ကို ဧ၀ံေဂလိ သတင္းေကာင္ကို ၾကားေစခ်င္လို႔၊ သင့္အျပစ္ေတြကို ခြင့္လြတ္ျခင္း ခံစားေစခ်င္လို႔ ဒီေနရာကို ပို႔ေဆာင္ေသာသူ ရွိတယ္ဆုိတာ သင္သိထားေစခ်င္ပါတယ္။

    အကယ္၍ သင္သည္ သခင္ေယရႈကို ယံုၾကည္သူ တစ္ဦးျဖစ္ပါက သင့္ရဲ႕ အခန္း က႑ မည္မွ် အေရးၾကီးသည္ကို သင္ျမင္ ရပါလိမ့္မည္။

    ထိုေျခမစြမ္းသူကို တမန္ေတာ္ၾကီး ေပတရုနဲ႔ ေယာဟန္ကို တစ္ခါမွ် မျမင္မေတြ႕ ဘူးတာျဖစ္ေကာင္း ျဖစ္ႏုိင္ပါတယ္။ တမန္ေတာ္ ေပတရုဟာလည္း သူခ်စ္တဲ့သူေတြ၊ သူဂရု စိုက္တဲ့သူေတြ၊ သူကို သစၥာရွိေသာသူမ်ားအားလံုးကို က်န္းမာျခင္းရရန္အတြက္ တစ္ခါမွ် လုပ္ေဆာင္မေပးဘူးတာလည္း သင္အသိပင္ျဖစ္ေပလိမ့္မည္။ သို႔ေသာ္ တမန္ေတာ္ၾကီး ေပတရုသည္ ေျခမစြမ္းေသာ သူေတာင္းစားကို ခရစ္ေတာ္ႏွင့္ မိတ္ဆက္ေပးခဲ့ျပီး ခရစ္ေတာ္ ၏ တန္ခိုးေတာ္ကို ခံစားေစခဲ့သည္။ သင့္ခ်စ္ေသာသူမ်ားကို ဧ၀ံေဂလိတရားၾကားရန္၊  ဘုရားသခင္၏ ေကာင္းျမတ္ျခင္းမ်ားကို ျမင္ေတြ႕ခံစားရန္၊ သူတို႔ က်န္းမာျခင္း ေကာင္းၾကီး မဂၤလာမ်ား ခံစားရန္ သူတို႔ကို ကၽြႏု္ပ္တို႔ သက္ေသခံဘုိ႔ လိုအပ္ပါသည္။

နံပါတ္ (၃) ေျခမစြမ္းေသာသူ က်န္းမာျခင္းရရွိသည္ကို သတိျပဳပါ။

    ယခု ေျခမစြမ္းသူသည္ သခင္ေယရႈ၏နာမေတာ္အားျဖင့္ က်န္းမာျခင္း ရရွိခံစား သြားခဲ့ပါျပီ။ ေျခမစြမ္းေသာသူ၏ က်န္းမာ ျခင္းႏွင့္ပတ္သတ္ျပီး ကၽြႏု္တို႔ ဆင္ျခင္ေလ့လာရ မည့္ အခ်က္ (၄)ခ်က္ ရွိေနပါသည္။

က။ က်န္းမာျပီဆိုသည္ကို ခ်က္ျခင္း သိရွိသည္။

     (အခန္းငယ္ - ၇) တြင္ “သူ၏ လက္်ာလက္ကို ကိုင္ဆြဲခ်ီၾကြေလေသာခဏခ်င္းတြင္၊ ေျခႏွစ္ဘက္ဖမ်က္စိတို႔သည္ စြမ္းအားကိုရသျဖင့္၊ ရုတ္တရက္ထ၍ မတ္တပ္ရပ္ၿပီးလွ်င္ လွမ္းသြားေလ၏။”
    ထိုအျဖစ္အပ်က္ကို သင္၏မ်က္စိတြင္ ျမင္ၾကည့္/ခံစားၾကည့္ပါ။ ထိုေျခမစြမ္းသူ သည္ က်န္းမာျခင္းရျပီးေနာက္ ခ်က္ျခင္းပင္ အရူးတစ္ေယာက္လို ခုန္ေပါက္ေနလိမ့္မည္။ သူခ်က္ျခင္း သိခဲ့ပါသည္။ သူက်န္းမာျပီး၊ သူ၏ေျခေထာက္မ်ား ျပန္လည္ေကာင္းမြန္သြားျပီ ဆုိသည္ကို ဘယ္သူမွ် မေျပာဘဲ သိခဲ့ပါသည္။ ယခုအခါ သူသည္ မည္သူ၏ အကူအညီမွ် မလုိ အပ္ေတာ့ပါ။ သူဘ၀ႀကီးတစ္ခုလံုး အိပ္မက္ပမာ ရုတ္တရက္ ေျပာင္းလဲသြားခဲ့ပါျပီ။

    အလားတူပင္ အျပစ္ႏြံထဲတြင္ နစ္ေနေသာ အျပစ္သားတစ္ေယာက္ ကယ္တင္ျခင္း ရရွိလွ်င္လည္း ထုိနည္းတူပင္ ျဖစ္ပါသည္။ ကယ္တင္ျခင္း ရရွိသည္ဟုဆုိရာတြင္ တျဖည္း ျဖည္းျခင္း ရရွိလာသည္မဟုတ္ပါ။ တစ္ၾကိမ္တည္း၊ တစ္ခါတည္း ခ်က္ျခင္းသိရွိ ရရွိျခင္းျဖစ္ သည္။

    သူသည္ ႏွစ္မ်ားစြာေသာ အတိတ္ကို တစ္ရစ္ျခင္း ျပန္လည္ၾကည့္လုိက္လွ်င္ ယခု အေျခအေနႏွင့္ မ်ားစြာကြာျခားသြားခဲ့ျပီ။ သူ၏အသိတြင္ ယခု ခ်က္ျခင္းသူက်န္းမာေနျပီ ဆိုသည္ကို သိရွိလိုက္ပါသည္။

    သင္ကယ္တင္ျခင္း ရရွိျပီဆုိသည္ႏွင့္ သင့္ဘ၀အတိတ္ကို ျပန္လည္ဆန္းစစ္ျပီး ေလ့လာခံစားၾကည့္လုိက္ပါ။ ယခုအခါ သင္သည္ ဘုရားသခင္ႏွင့္ အသစ္ေသာ ဆက္ဆံေရး ရွိလာျပီကို သင္ရိပ္မိ သိရွိလာပါလိမ့္မည္။ ထုိအျဖစ္အပ်က္က သင့္ကို ဘယ္ေသာအခါမွ် ေမ့ႏုိင္လိမ့္မည္ မဟုတ္ပါ။

ဥပမာ  - ကၽြန္ေတာ္ လူအခ်ိဳ႕ကို “ကယ္တင္ျခင္းရရွိျပီလား” ဟုေမးလွ်င္ သူတို႔က ျပန္ေျဖၾကသည္မွာ “ရတယ္ ထင္တာဘဲ။ ရတယ္ထင္ပါတယ္။” ဟူ၍ ျပန္ေျဖၾကသည္။ ဘ၀င္မက်ႏုိင္ေသာ အေျဖပင္ ျဖစ္သည္။

    သင္သည္ ကၽြန္ေတာ့္ကို “ေဟ့ ဆရာ - အခု မိန္းမရျပီလား” ဟုေမးျမန္လာပါက ကၽြန္ေတာ္ မည္သို႔ေျဖရမည္နည္း။ “ရတယ္ထင္တာဘဲ။ ရတယ္ေတာ့ ထင္ပါတယ္” စသည္ ျဖင့္ ေျဖခဲ့ရင္ သင္က လက္ခံႏုိင္လိမ့္မည္မဟုတ္။  ေနာက္ထပ္ ေသခ်ာေအာင္ ထပ္ေမးပါ လိမ့္ပါလိမ့္မည္။ “ကၽြန္ေတာ္ဆိုလိုတာက ဆရာမွာ အခု မိန္းမရွိေနလား လို႔ ေမးတာ” ဟု ေမးခဲ့လွ်င္ “သိတ္ေတ့ာ မေသခ်ာဘူးဗ်။ ဒါေပမယ့္ ရတယ္ေတာ့ ထင္တာဘဲ” ဟူ၍ ကၽြန္ေတာ္ ျပန္ ေျဖခဲ့လွ်င္ သင္သည္ ကၽြႏု္ပ္ကို ဒီလူ ရူးေနတာ ေသခ်ာျပီဟု ကၽြန္ေတာ့္ကြယ္ရာတြင္ ေျပာၾကမည္မွာ အေသအခ်ာ ပင္ျဖစ္သည္။

    ယခု ကၽြန္ေတာ္ ေျပာႏုိင္ပါသည္။ ကၽြန္ေတာ့္မွာ မိန္းမရွိသည္။ ကၽြန္ေတာ္ အိမ္ ေထာင္က်ျပီ။ ဘယ္လုိသိပါသလဲ။

    ကၽြန္ေတာ္ မဂၤလာေဆာင္ေသာေန႔က လက္ထက္ေပးေသာ ဆရာၾကီးက ဘုရား သခင္ထံတြင္ သစၥာကတိမ်ား တုိင္တည္ေပးျပီးေနာက္ ကၽြန္ေတာ္၏သတို႔သမီးလက္တြင္ လက္စြပ္ကေလးကို စြတ္ေပးခဲ့သည္။ ထုိ႔ေနာက္ သူ၏နဖူးကုိ နမ္းလုိက္သည့္ တခဏ အ တြင္းမွာပင္ ကၽြန္ေတာ္၏ဇနီးျဖစ္ခဲ့ျပီျဖစ္ေၾကာင္း သိရွိခဲ့သည္။ ထိုေန႔က စိတ္ခံစားမႈႏွင့္ ေပ်ာ္ ရႊင္မႈက တစ္သက္လံုး မေမ့ႏုိင္ေသာ အျဖစ္။ ကၽြန္ေတာ္၏ဘဝၾကီး ေျပာင္းလဲသြားခဲ့သည္ ကို ထိုအခ်ိန္ကပင္ သိရွိခဲ့သည္ မဟုတ္ပါလား။

    သင္ကယ္တင္ျခင္း ရရွိျပီဆုိလွ်င္ ခ်က္ျခင္းပင္ သင္၏ ဥေႏွာက္အသိတြင္ လည္း ေကာင္း၊ ၀ိညာဥ္အသိတြင္လည္းေကာင္း သိရွိပါသည္။ ထိုကယ္တင္ျခင္းရရွိခဲ့သည့္အခ်ိန္မွ စ၍ အသက္ရွင္မႈပုံစံ၊ အေတြး၊ ျပဳမူပုံ အေျပာင္းအလဲ ျဖစ္သြားခဲ့ပါသည္။ လူတိုင္းတြင္ ကယ္္ တင္ျခင္း အေတြ႕အၾကံဳရွိပါသည္။ တစ္ေယာက္ႏွင့္တေယာက္ေတာ့ မတူညီႏုိင္ပါ။ သင့္ ဘ၀တြင္ ခရစ္ေတာ္ကို ကိုးစားခ်ိန္မွစျပီး အျခားသူမ်ားႏွင့္မတူေသာ အေတြ႕အၾကံဳ ရွိေန ပါလိမ့္မည္။

    မည္သုိ႔ပင္ ျခားနားေသာ အေတြ႕အၾကံဳ ရွိေနသည္ျဖစ္ေစ။ တူညီမႈတစ္ခုမွာ သခင္ ေယရႈခရစ္ေတာ္အားျဖင့္သာ ကယ္တင္ျခင္းရရွိျခင္း ျဖစ္ပါသည္။ သင္သည္ စစ္မွန္ေသာ ယံုၾကည္သူ တစ္ဦးျဖစ္ပါက ေယရႈခရစ္ေတာ္သည္ သင္၏ဘ၀ကို ထူးျခားမႈေတြ ေပးခဲ့ျပီျဖစ္ ေၾကာင္း သိရွိခံစားေနပါလိမ့္မည္။ ေျခမစြမ္းသူ ခ်က္ျခင္းသန္စြမ္း က်န္းမာလာသည္ကို သိရွိ သကဲ့သို႔ သင္သည္ ခရစ္ေတာ္ကို ရရွိျပီျဖစ္ပါက ခ်က္ျခင္းသင္သိပါလိမ့္မည္။

ခ။ ခြန္အားႏွင့္ျပည့္၀ေသာ က်န္းမာျခင္း

    အငယ္ ၇ တြင္ ေဖာ္ျပခ်က္အရ “သူ၏လက္်ာလက္ကို ကိုင္ဆြဲခ်ီၾကြေလေသာ ခဏခ်င္းတြင္၊ ေျခႏွစ္ ဘက္ဖမ်က္စိတို႔ သည္ စြမ္းအားကိုရသျဖင့္၊”

    ယခုအခါ ေျခမစြမ္းသူသည္ က်န္းမာျခင္းကို ရရွိခဲ့ပါျပီ။ လမ္းမေလွ်ာက္ဘူးေသာ သူ၏ေျခတို႔သည္လည္း ခြန္အားမ်ားကအျပည့္။ အခ်ိဳ႕ေသာသူမ်ားက ေျပာတတ္ၾကေသာ စကားမွာ “ကၽြန္ေတာ္တုိ႔ ကယ္တင္ျခင္းေတာ့ ရပါျပီ။ ဒါ ေပမယ့္ ခြန္အားေတာ့ သိပ္မရွိေသး ဘူး။” ဟုေျပာေလ့ ရွိၾကပါသည္။ က်မ္းစာ၏ ေဖာ္ျပခ်က္ႏွင့္ ကြဲလြဲဲေနသည္ မဟုတ္ပါလား။ က်မ္းစာကေျပာသည္မွာ ကယ္တင္ျခင္းသည္ ယံုၾကည္ျခင္းအားျဖင့္ ပထမဦးစြာ ျဖစ္သည္။ ထို႔ေနာက္ ကယ္တင္ျခင္းရသည္။ ထို႔ေနာက္တြင္ သန္႔ရွင္းေသာ၀ိညာဥ္ေတာ္က ကၽြန္ေတာ္ တုိ႔ကို ခြန္အားႏွင့္ျပည့္၀ေစသည္။

    ေပတရုႏွင့္ ေတြ႕စဥ္အခါ ေျခမစြမ္းသူက တမ်ိဳးတဖုံ ဤသို႔ ေတာင္းဆိုခဲ့ေသာ္ “ကၽြန္ေတာ္ရဲ႕ က်န္းမာျခင္းကေတာ့ ေနာက္ပုိင္းမွ ရပါတယ္။ အခုေလာေလာဆယ္ ကၽြန္ေတာ့္ အရုိးေတြ၊ ေျခေထာက္ေတြကို ခြန္အားျဖစ္ေအာင္ လုပ္ ေပးပါ။ အဲဒါဆိုရင္ ေနာက္မွာေတ့ာ ကၽြန္ေတာ္ ခ်က္ျခင္းက်န္းမာလာမွာပါ။ ေနာက္တၾကိမ္ ျပန္လာေတာ့မွ က်န္းမာ ျခင္းကုိ ထပ္လုပ္ၾကတာေပါ့” ဟု ေပတရုအား ဆိုခဲ့လွ်င္ ရူးသြပ္ေသာ ေတာင္းဆုိမႈ ျဖစ္လိမ့္မည္။ ထုိပံုစံသည္ လူအခ်ိဳ႕၏ ထင္ျမင္ခ်က္ျဖစ္သည္။ “လူေတြကို ေကာင္းေအာင္အရင္လုပ္ရမယ္။ ျပီးမွ သူတု႔ိကို ကယ္တင္ျခင္း အေၾကာင္း ေျပာရမယ္” ဟူေသာအေတြးအေခၚမ်ိဳးျဖစ္သည္။ ထိုသို႔မဟုတ္ပါ။ ကယ္တင္ျခင္း ရရွိပါက ခ်က္ျခင္း ေကာင္းလာမည္ဟု ေျပာလုိပါသည္။

ဂ။ က်န္းမာျခင္းသည္ စံုလင္ပါ၏။

    အခန္းငယ္ ၁၆ ကိုျပန္ၾကည့္ပါ။ “ထိုသခင္ကိုယံုၾကည္ျခင္းအားျဖင့္ ထိုသခင္၏နာမ ေတာ္သည္ သင္တို႔သိျမင္ေသာ ဤသူအား အစြမ္းကိုေပးေတာ္မူၿပီ။ ထိုသခင္ေၾကာင့္ရေသာယံုၾကည္ျခင္းသည္ သင္တို႔မ်က္ေမွာက္တြင္ ဤသူ၌ ေစ့စံုျခင္းအခြင့္ကို ေပး၍ရွိေလၿပီ။”
ဘုရားသခင္က ဤလူကို က်န္းမာျခင္းေပးခ်ိန္၌ သူကေတာ့ “တျဖည္းျဖည္းျခင္း က်န္းမာ လာလိမ့္မယ္” ဟု မေျပာခဲ့ပါ။ ေျခမစြမ္းသူသည္ စုံလင္ျပည့္ဝေသာ က်န္းမာျခင္းကို ျဖစ္ ေစခဲ့သည္။  အထက္က်န္းပိုဒ္ကို ၾကည့္ပါ။ “ေစ့စံုျခင္းအခြင့္ကို ေပး၍ရွိေလျပီ။” ဆုိလိုသည္ မွာ လံုး၀ေကာင္းသြားျပီ ဟုဆုိလုိျခင္း ျဖစ္ပါသည္။

    ထိုေန႔တြင္ အေအးမိေနခဲ့လွ်င္လည္း က်န္းမာလာမည္။ ႏွာစီးေခ်ာင္းဆိုး ျဖစ္ေနခဲ့ လွ်င္လည္း က်န္းမာလာမည္။ မီးေလာင္နာေတြ ရွိခဲ့လွ်င္လည္း က်န္းမာလာမည္။ မည္မွ် ပင္ ၾကီးမားေလးလံေသာ အနာၾကီးျဖစ္ေနပါေစ အလံုးစံု က်န္းမာလာမည္ျဖစ္သည္။ ေပတရု ေျပာခဲ့သည္မွာ “နာဇရတ္ျမိဳ႕သား ေယရႈနာမ၌ လွမ္းသြားေလာ့” ထုိသူသည္ လွမ္းသြား ရုံမွ်မက ကလွ်က္ ခုန္လ်က္ႏွင့္ လွမ္းသြားခဲ့ေလသည္။

    အခန္းငယ္ - ၈ တြင္ “ရုတ္တရက္ထ၍ မတ္တပ္ရပ္ၿပီးလွ်င္ လွမ္းသြားေလ၏။ သြားလ်က္၊ ခုန္လ်က္ ဘုရားသခင္ ကိုခ်ီးမြမ္းလ်က္၊ တမန္ေတာ္တို႔ႏွင့္အတူ ဗိမာန္ေတာ္ သို႔ဝင္ေလ၏။”

သူသည္ “ကလ်က္ ခုန္လ်က္ႏွင့္”

    သင္သည္ ဘုရားသခင္၏ ေက်းဇူးေတာ္အားျဖင့္ အျပစ္တည္းဟူေသာ လူတို႔၏ ၀ိညဥ္အနာမွ က်န္းမာျခင္းကို ရရွိခံစား ခဲ့ရပါက အနည္းငယ္မွ်သာ က်န္းမာလာမည္မဟုတ္။ အလံုးစံုက်န္းမာျခင္းကို ရရွိမည္ျဖစ္သည္။ မည္သည့္အေျခ အေနမဆို က်န္းမာျခင္း ရရွိ လာမည္။ သင့္အျပစ္မ်ားကို အလံုးစံုဖယ္ရွားေပးမည္။ သင္မည္မွ် ဆိုးသြမ္းေနသည္ျဖစ္ ေစ၊ သင့္ကို လမ္းတ၀က္တြင္ ထားမည္မဟုတ္ပါ။ ဘုရားသခင္ထံ ေရာက္ေစမည့္ က်န္းမာျခင္း အျပည့္အစံု သင္ရရွိ မည္ျဖစ္သည္။ သင္သည္ အျပစ္မ်ားကို ခြင့္လႊတ္ခံရသည္သာမက သခင္ေယရႈ၏ ေျဖာင့္မက္ျခင္းလည္း ရရွိမည္။ ငရဲကေန လြတ္ေျမာက္မည္။ ေကာင္းကင္ ႏုိင္ငံေတာ္ကုိလည္း ေရာက္ရွိမည္။ စာတန္၏ ထိန္းခ်ဳပ္ခံဘ၀မွ လြတ္ေျမာက္မည္။ သန္႔ရွင္း ေတာ္ ၀ိညဥ္ေတာ္ က်ိန္း၀ပ္ျပီး ကၽြႏု္ပ္တု႔ိကို ေျပာင္းလဲျခင္းေတြ လုပ္ေဆာင္ေပးမည္။ သင္ ကယ္တင္ျခင္းရရွိပါက ထိုအရာ အလံုးစံုကို ရရွိမည္ျဖစ္သည္။

ဃ။ တန္ခုိးေတာ္ေၾကာင့္ က်န္းမာျခင္းရရွိခဲ့ျပီ

    သူ၏က်န္းမာျခင္းသည္ ေကာင္းေသာ အမႈမ်ားျပဳေသာေၾကာင့္၊ က်ိဳးစားအားထုပ္မႈ တစ္ခုခုေၾကာင့္၊ ဘာသာေရး လုပ္ေဆာင္မႈ တစ္ခုခုေၾကာင့္၊ ေကာင္းမူျပဳလုပ္၊ ကုသိုလ္ျပဳလုပ္ ျခင္းတုိ႔ေၾကာင့္မဟုတ္သည္ကို သတိျပဳပါ။ ေပတရုက အတိအလင္းဆုိခဲ့သည္မွာ သူသည္ ထုိသခင္ခရစ္ေတာ္ကို ယံုၾကည္ျခင္းေၾကာင့္ က်န္းမာျခင္းရရွိသည္။ ဘုရားသခင္က သူ႔ကို က်န္းမာျခင္း ေပးခဲ့သည္ဟု ဆုိပါသည္။ အျပစ္သားတစ္ဦးသည္ ထိုနည္းျဖင့္ ဘုရားသခင္ထံ လာႏုိင္ပါသည္။ ဘုရားေက်ာင္းတတ္ျခင္း၊ ဘာသာေရး လုပ္ေဆာင္ျခင္း၊ ႏွစ္ျခင္းခံျခင္း၊ ေကာင္းမႈျပဳျခင္း၊ ကုသိုလ္ျပဳလုပ္ျခင္း တို႔ျဖင့္ မဟုတ္ပါ။ ထိုသူသည္ ယံုၾကည္ျခင္းအားျဖင့္ ဘုရားသခင္၏ ေက်းဇူးေတာ္ကို ရရွိခံစားႏုိင္ေပျပီ။ ႏႈတ္ကပတ္ ေတာ္တြင္လည္း ထုိသုိ႔ သြန္သင္ထားသည္။ (ဧဖက္ ၂း၈-၉)

၄။ တစ္ၾကိမ္းတည္ႏွင့္ အျပီးတုိင္ေျပာင္းလဲဲသြားခဲ့ျပီ။

    သမၼာက်မ္းစာ၏ ေဖာ္ျပခ်က္အရ ထိုေျခမစြမ္းသူသည္ အနည္းဆံုးေတာ့ သူ၏ဘ၀ အေျခအေန ႏွစ္ခုေတာ့ ေျပာင္းလဲသြားခဲ့ပါျပီ။ ထို႔ထက္မက တစ္ဘဝလံုး၏ နယ္ပယ္ အ သီးသီး၊ အေျခအေနအဖံုဖံု၊ ေျပာင္းလဲသြားႏုိင္သည္။ 

    ပထမတစ္ခုက သူသည္ ဗိမၼာန္ေတာ္သို႔ အျခားယံုၾကည္သူမ်ားႏွင့္အတူ ၀င္ ေရာက္ခဲ့သည္။ ယခင္က သူသည္ အျမဲတမ္း ဗိမၼာန္ေတာ္၏ ျပင္ပတြင္သာ တံခါးနားတြင္ သာ ရွိေနခဲ့ဘူးသူျဖစ္သည္။ အငယ္ - ၈ က “ရုတ္တရက္ထ၍ မတ္တပ္ရပ္ ၿပီးလွ်င္ လွမ္း သြားေလ၏။ သြားလ်က္၊ ခုန္လ်က္ ဘုရားသခင္ကို ခ်ီးမြမ္းလ်က္၊ တမန္ေတာ္တို႔ႏွင့္အတူ ဗိမာန္ေတာ္သို႔ ဝင္ေလ၏။”

    လူတစ္ေယာက္သည္ ေယရႈကို ခရစ္ေတာ္ကို ယံုၾကည္လက္ခံလာေသာအခါ သူ တို႔သည္ အသင္းေတာ္ႏွင့္ပတ္သတ္ျပီး သေဘာထားေျပာင္းသြားခဲ့သည္။ ယခင္က သူတို႔ သည္ အသင္းေတာ္ကို ဘာသာေရး အစီအစဥ္ အျဖစ္သေဘာေလာက္သာ သြားၾကသည္။ သို႔ေသာ္ ေယရႈခရစ္ေတာ္ကို ရရွိျပီးပါက ဘုရားသခင္၏ လူမ်ားကို ခ်စ္တတ္လာျပီး သူတို႔ႏွင့္ တစ္သားတည္းျဖစ္လာသည္။
တမန္ ၄း၁၄ က “အနာကင္းလြတ္ေသာသူသည္ ထိုသူတို႔ႏွင့္အတူ ရွိေနသည္ကိုျမင္၍၄င္း၊ ျငင္းခံုဆိုဘြယ္ရာမရွိ မေတြ႔ၾက။” ဟူ၍ ေဖာ္ျပထားသည္။ ေပတရုႏွင့္ ေယာဟန္ကို ဖမ္းဆီး ျပီး ေယရႈေၾကာင့္ က်န္းမာျခင္းရေသာသူအေၾကာင္း ေမးျမန္ရန္ ဖမ္းေခၚလာခဲ့သည္။ မည္ သူကမွ် သူ႔ကို လက္မခံဘဲ အထီးက်န္ ျဖစ္ခဲ့ဘူးသူ ေျခမစြမ္းသူသည္ ယခုအခါ တမန္ ေတာ္တို႔ႏွင့္အတူ ရပ္ေနရေသာ အခြင့္ ရွိလာျပီ။

    ဒုတိယတစ္ခုမွာ သူသည္ ဘုရားသခင္ကို ခ်ီးမြမ္းတတ္လာျပီ။ ဗိမၼာန္ေတာ္ထဲသို႔ ခ်ီးမြမ္းလ်က္ ၀င္သြားသည္ကို ေဖာ္ျပ ထားသည္။ ဘာေၾကာင့္ သူခ်ီးမြမ္းတာလဲ။ သူသည္ ယခုအခါ လမ္းေလွ်ာက္ႏုိင္ျပီ။ ယခင္ကအေျခအေနမ်ိဳး မဟုတ္ေတာ့။ ယခင္က သူသည္ ခ်ီးမြမ္းႏုိင္ခဲဲ့သူ မဟုတ္။ ယခုေတာ့ ခ်ီးမြမ္းႏုိင္ျပီ။ သူ႔ဘ၀က ရႈပ္ေထြးခဲ့ဘူးသည္။ သို႔ေသာ္ ယခု အားလံုးကို ခ်ီးမြမ္းႏုိင္သူျဖစ္ေပျပီ။ သူ၏ ေျပာင္းလဲမႈကို လူေတြက မိန္းေမာေတြေ၀ သြားခဲ့ၾကသည္ကို သတိျပဳပါ။
    အငယ္ ၁၀ တြင္ “သင္တို႔သည္ လက္ဝါးကပ္တိုင္မွာ ကြပ္မ်က္၍၊ ဘုရားသခင္ သည္ ေသျခင္းမွ ထေျမာက္ေစေတာ္မူေသာ နာဇရက္ၿမိဳ႔သား ေယရႈခရစ္၏ နာမေတာ္အား ျဖင့္ ဤသူသည္ သင္တို႔မ်က္ေမွာက္၌ က်မ္းမာလ်က္ရွိသည္ကို သင္တို႔မွစ၍ ဣသေရလူ အေပါင္းတို႔ သိမွတ္ၾကေလာ့။”

    အျခားသူေတြ အံ့ၾသေနၾကသည္။ သူတို႔မယံုႏုိင္ၾက။ ထုိ႔အတူပင္ တစံုတစ္ေယာက္ ေျပာင္းလဲသြားခဲ့လွ်င္ လူမ်ားသည္ ေတြေ၀ အံ့ၾသေနၾကမည္။ သင္ႏွင့္ပတ္သတ္ျပီး မိန္းေမာ ေနၾကလိမ့္မည္။ သင္၏ ေျပာင္းလဲမႈသည္ လူမ်ားကို အံ့ၾသ ေစသည္။

    ၂ေကာ ၅း၁၇ က “လူမည္သည္ကား ခရစ္ေတာ္၌ရွိလွ်င္ အသစ္ျပဳျပင္ေသာ သတၱ၀ါျဖစ္၏။ ေဟာင္းေသာအရာတုိ႔သည္ ေျပာင္းလဲ၍ ခပ္သိမ္းေသာအရာတုိ႔သည္ အသစ္ျဖစ္ၾကျပီ။”

    ေယဇေက်လ ၃၆း၂၆-၂၇ တြင္ “စိတ္ႏွလံုးသစ္ကို ငါေပးမည္။ သေဘာသစ္ကို သြင္းထားမည္။ သင္တို႔ ခႏၶာထဲက ေက်ာက္ႏွလံုးကို ႏႈတ္၍ အသား ႏွလံုးကို ေပးမည္။ ၂၇ငါ့ဝိညာဥ္ကိုလည္း သင္တို႔အထဲသို႔ သြင္းေပးသျဖင့္၊ သင္တို႔သည္ ငါ၏ တရားလမ္းသို႔လုိက္၍၊ငါစီရင္ေတာ္မူခ်က္တို႔ကို ေစာင့္ေရွာက္ၾကလိမ့္မည္။”

    ေျပာင္းလဲသူမ်ားတြင္ ခ်က္ျခင္းျဖစ္လာေသာအရာျဖစ္ပါသည္။ ပထမအခ်က္တြင္ မည္မွ်ပင္ အထီးက်န္ျပီး သီးသန္႔ဘ၀ထဲတြင္ ေနထုိင္ခဲ့သူျဖစ္ပါေစ ခရစ္ေတာ္ကို ယံုၾကည္ လက္ခံ ေျပာင္းလဲလာျပီးေနာက္တြင္ ဘုရားသခင္၏သားမ်ားျဖင့္ ဖြဲ႕စည္းထားေသာ အသိုင္း အ၀ုိင္းထဲတြင္ ေရာက္ရွိလာခ့ဲျပီ။ ေနာက္ထပ္ ဒုတိယအခ်က္မွာ ဘုရားသခင္ကုိ ခ်ီးမြမ္း တတ္ေသာ အသက္ရွင္မႈ ျဖစ္လာခဲ့ျပီ။ အသစ္ေသာ အသက္တာဟု က်မ္းစာ ႏႈတ္ကပတ္ ေတာ္က အသိအမွတ္အျပဳပါသည္။

နိဂုံး

    သင့္ကို ေမးျမန္းခ်င္ေသာ ေမးခြန္းမ်ားရွိပါသည္။
    သင္သည္ ေျခမစြမ္းသူကဲ့သို႔ ျဖစ္ပါသလား။
    ေမြးစကပင္ အျပစ္သား ျဖစ္ေနသည္မဟုတ္ပါလား။
    ဘာမွ် မစြမ္းေဆာင္ႏုိင္သူျဖစ္ေနသည္ မဟုတ္ပါလား။
    ဘုရားသခင္ႏွင့္ ေ၀းေသာအရပ္တြင္သာ ရပ္ေနရသည္ မဟုတ္ပါလား။
    ဆင္းရဲမြဲေတမႈႏွင့္ အလုိမျပည့္ေသာ ဘ၀တြင္ ရွိေနရသည္မဟုတ္ပါလား။
    ျငိမ္သက္ျခင္းႏွင့္ ၀မ္းေျမာက္ျခင္းမ်ားက သင့္ဘ၀ထဲမွာ ေပ်ာက္ဆံုးေနပါသလား။

    ေျခမစြမ္းသူရေသာ ၀ိညာဥ္ေရးရာ က်န္းမာျခင္းကို ခံစားၾကည့္ပါ။ သင္သည္ ယခု အခါ ေက်းဇူးေတာ္အားျဖင့္ ကယ္တင္ျခင္းသို႔ ေရာက္ရွိႏုိင္ပါျပီ။ သင့္အျပစ္မ်ားအတြက္ ခြင့္လႊတ္ျခင္း ခံစားႏုိင္ပါျပီ။ သင္သည္ အသစ္ေသာ အသက္တာ အသက္ရွင္မႈကို ရရွိႏုိုင္ပါျပီ။ ယခုအခါ ေကာင္းကင္ႏုိင္ငံေတာ္သို႔ ၀င္ခြင့္လမ္းေၾကာင္းသည္ သင့္အေရွ႕မွာ ထင္ရွားလ်က္ ရွိေနပါျပီ။ သင့္ကို ေခၚဖိတ္ပါရေစ။ ယခုပင္ သခင္ခရစ္ေတာ္ကို ယံုၾကည္လက္ခံၾကပါစို႔။