သမ္မာကျမ်းစာထဲတွင် အမည်နာမ ဖော်ပြသော မိခင်များ၊ မဖော်ပြသော မိခင်များ အများအပြား ရှိပါသည်။ သို့သော် ယုံကြည်သူများ အတွက် တစ်စုံ တစ်ရာ သင်္ခန်းစာယူ အသက်ရှင်ရန် သင်ကြားပေးခဲ့သော မိခင်ကြီးများ ရှိနေပါသည်။ ထိုမိခင်ကြီးများအနက် မိခင်ကြီး (၈) ယောက်အကြောင်းကို အကျဉ်းချုပ် ဖော်ပြလိုက်ပါသည်။ သူတို့နှင့် ပတ်သတ်ပြီး အကျယ်တဝန့် ကြည့်ရှုလိုပါက သမ္မာကျမ်းစာထဲတွင် ဆက်လက် လေ့လာဘို့ တိုက်တွန်း လိုက်ပါသည်။
ဧဝ (အသက်ရှင်သောသူများအားလုံး၏ အမိ)
ကမ္ဘာဦးကျမ်း အခန်းကြီး (၂) နှင့် (၃) ကိုဖတ်ပါ။
ဧဝသည် ပထမဆုံးသော ဖန်ဆင်းခံရသော မိန်းမလည်း ဖြစ်ပြီး ပထမဦးဆုံးသော မိခင်ကြီး တစ်ဦးလည်း ဖြစ်သည်။ အသက် ရှင်သော သူများ အားလုံး၏ မိခင်ကြီး ဖြစ်သည်။ အာဒံနှင့်အတူ ဧဒင် ဥယျဉ်ကြီးထဲတွင် အသက်ရှင်ခဲ့ပြီး အချိန်ကာလ အတိုင်း အတာ တစ်ခု အထိ ထိုဥယျာဉ်ကြီးတွင် နေခွင့်ရရှိခဲ့သည်။ စာတန်၏ လှည့်စားမှုကို ခံစားခဲ့ရပြီး ရာဇဝင် သမိုင်းတွင် မှတ်တမ်း မလှသူ ဖြစ်သွားခဲ့သည်။ ခင်ပွန်းဖြစ်သူ အာဒံကိုလည်း အတတ်နိုင်ဆုံး အထောက်အမ ပေးခဲ့သူ ဖြစ်သော်လည်း အခြေ အနေက သူမကို ပြောင်းလဲစေခဲ့သည်။ သူမသည် ကာဣန နှင့် အာဗေလ ဟူသော သားများကို မွေးဖွားစဉ်အခါ အာဒံမှအပ အကူအညီ ပေးမည့်သူ မရှိသောကြောင့် ကြီးစွာသော ဝေဒနာ ခံစားကာ သားများကို မွေးဖွားခဲ့ရသည်။
မည်သို့ပင်ဖြစ်စေ သမ္မာကျမ်းစာထဲတွင် ပထမဦးဆုံးသော မိခင်ကြီး ဖြစ်သောကြောင့် သူမထံမှ အားနည်းချက် များကို ဆင်ခြင်ပြီး မိမိ၏ အသက်တာတွင် သင်္ခန်းစာယူ အသက်ရှင်ခြင်းဖြင့် ဘုရားသခင်၏ ကောင်းကြီး မင်္ဂလာကို ရယူ ခံစားကြ ပါစို့။
စာရာ (အာဗြဟံ၏ ဇနီး)
ကမ္ဘာဦး အခန်းကြီး ၁၂ မှ ၂၂ တွင် ရှိသော အကြောင်းအရာများအနက် စာရာအကြောင်းကို ရွေးဖတ်ပါ။
ဧဝ ၏ အသက်တာကို ကျမ်းစာက မှတ်တမ်းတင်ပြီးနောက် နောက်ထပ် အမျိုးသမီးများ၏ အမည်ကို ထပ်မံ မတွေ့ရ တော့ဘဲ နှစ်ပေါင်း အတန်ကြာမှ မိခင်ကြီး တစ်ဦးကို ထပ်မံ မှတ်တမ်းတင်ခဲ့သူမှာ စာရဲ မှ အမည် ပြောင်းလဲ ပေးလိုက်သော စာရာ ဖြစ်သည်။ ဣသရေလ အမျိုးသားများ၏ မိခင်ကြီး ဖြစ်ပြီး ဖခင်ကြီး အာဗြဟံ၏ အထောက်အမ ကောင်းတစ်ဦး အဖြစ် ကျမ်းစာက မှတ်တမ်းတင်ပါသည်။ စာရာသည် မြုံသော မိန်းမ တစ်ဦးဖြစ်သော်လည်း အသက်ကြီးကာမှ နိမိတ်လက္ခဏာ တစ်ခု အနေဖြင့် ကိုယ်ဝန်ဆောင်ခွင့် ရခဲ့ပါသည်။ ဘုရားသခင်၏ အလိုတော်ကို ဖြည့်ဆီးချင်လွန်းသည်က တစ်ကြောင်း၊ ခင်ပွန်း၏ သားယောက်ျားလိုချင်သော နှလုံးသားကို ဖြည့်ဆီးချင်သည်က တစ်ကြောင်း ကြောင့် မိမိခင်ပွန်းကို မိမိ၏ ကျွန်မ ဟာဂရနှင့် ပေါင်းဖတ်စေခဲ့ပါသည်။ သို့သော် မိမိ ထင်သလို ဖြစ်မလာခဲ့ချေ။ ဘုရားသခင်က လက်မခံနိုင်သလို၊ ကျွန်မ ဟာဂရ ကလည်း ဂုဏ်မောက် အန်တုလာသောကြောင့် စိတ်ဆင်းရဲ ကိုယ်ဆင်းရဲ ဖြစ်ခဲ့ရသည်။
သို့သော် ဘုရားသခင်က သူမကို သားယောက်ျား တစ်ဦးကို ပေးသနားခဲ့သဖြင့် စိတ်ပျော်ရွှင်မှုခံစားရပါသည်။ သူမ၏ ယောက်ျား အပေါ်ထားသည့် စိတ်နှလုံးသားနှင့် ဘုရားသခင်အပေါ်ထားသည့် ယုံကြည်ခြင်း နှလုံးသားသည် ယနေ့ မိခင်များ အတွက် စံနမူနာ ဖြစ်ပေတော့သည်။
ရေဗက္ကာ (ဣဇတ်၏ ဇနီး)
ကမ္လာဦးကျမ်း ၂၄ မှ ၂၇ အထိ ဖတ်ပါ။
ရေဗက္ကာသည် ယောက္ခမ ဖြစ်သော စာရာကဲ့သို့ပင် မြုံသောသူ ဖြစ်ပြီး ယောက္ခမ၏ အသက်ရှင်မှု အတွေ့အကြုံများ အတိုင်း ခံစားခဲ့ ရသူဖြစ်သည်။ ခင်ပွန်းဖြစ်သူ ဣဇတ်၏ ဆုတောင်း မှုကြောင့် အမွာ သားယောက်ျား နှစ်ဦးကို ကိုယ်ဝန်ဆောင် ခဲ့ရပါ သည်။ ဧသောနှင့် ယာကုတ်သည် ရေဗက္ကာ၏ ဝမ်းထဲမှာပင်လျှင် အချင်းချင်း တိုက်ခိုက်နေသူများ ဖြစ်ပါသည်။ ထိုသား နှစ်ယောက်နှင့် ပတ်သတ်ပြီး မမွေးခင်ကပင် ကြိုတင် ပရောဖတ် ပြုချက် ရထားသဖြင့် အငယ်ဖြစ်သော သားက ပိုမို၍ ချီးမြှောက်ခြင်း ခံစားရမည် ဖြစ်ကြောင်း သိထားသဖြင့် သားငယ်ကို ပိုမို၍ မျှော်လင့်ချက်ထားကာ ပိုမို မြှောက်စားခဲ့ပုံ ရပါသည်။ ခင်ပွန်း ဖြစ်သူက သားကြီးကို ကောင်းကြီးပေးမည်ဟု ပြောဆိုသောအခါ သားငယ်နှင့် ပတ်သတ်ပြီး ဘုရားသခင် မိန့်တော်မူသည့် အတိုင်း မဖြစ်မှာကို စိုးရိမ်ခဲ့သလား မသိပါ။ သားငယ်ကိုသာ ကောင်းကြီးမင်္ဂလာ ခံစားရစေရန် အတင်း စီစဉ်၍ ခင်ပွန်းသည်၏ ကောင်းကြီးပေးမည့် အစီအစဉ်အတွင် သားငယ်ကို အတင်းထိုးထည့်ခဲ့သလား ဟု တွေးတော မိပါသည်။ ထိုအချက် ကြောင့်ပင် ချစ်သော သားငယ်နှင့် ကွေကင်း ဝေးကွာခဲ့ရပါသည်။
ရေဗက္ကာ၏ အသက်ရှင်မှုသည် မိခင်များကို သားသမီးများနှင့် ပတ်သတ်ပြီး မိမိကဲ့သို့ မမှားစေရန် တစ်စုံတစ်ရာ သွန်သင်နေ သည်ဟု ထင်မြင်မိပါသည်။
ယောခေဗတ် (မောရှည်၏ မိခင်)
ထွက် ၂း၁-၈၊ ထွက် ၆း၂၀၊ တောလည် ၂၆း၅၉ ကိုဖတ်ပါ။
မောရှည်၏ မိခင်ကြီးဖြစ်သော ယောခေဗတ်သည် ကျမ်းစာထဲတွင် ကျွန်တော် သဘောကျ လေးစားမိသော မိခင်ကြီး ဖြစ်ပါသည်။ စိုးရိမ် ကြောက်မက်ဘွယ်ရာ အခြေအနေဆိုးထဲတွင် ကလေးကို မွေးဖွားခဲ့ရသည်။ မွေးဖွားပြီ အချိန်တွင်လည်း ထိုကလေးကို သုံးလပတ်လုံး အကြောက်တရား၏ အောက်တွင် စောင့်ရှောက်ခဲ့ရသည်။ ဘုရားသခင်ကို ယုံကြည်ခြင်း အရာတွင် ကြီးမားပြင်းထန်ပြီး ဆုတောင်းကာ ပြဿနာ အခက်အခဲ၏ အောက်တွင် မိမိ၏ သားသမီးများကို မွေးဖွား စောင့်ရှောက်ခဲ့ရသည်။ မောရှည်ကို မွေးဖွားပြီးသောအခါ သုံးလပတ်လုံး ဝှက်ထားခဲ့ပြီး နောက်ဆုံး မတတ်သာသည့် အချိန်တွင် နိုင်းမြစ်ထဲသို့ ဘုရားသခင်ကို ဆုတောင်ပြီး မျှောလိုက်လေတော့သည်။ သူမ၏ ဆုတောင်းကို ဘုရားသခင်က နားညောင်းသောကြောင့် ထိုကလေးသည် ရန်သူဖြစ်သော ဖာရောဘုရင်၏ သမီးတော်က ရေမှ ဆယ်ယူကာ ကောက်ယူ မွေးဖွားလိုက်လေတော့သည်။ ထို့ကြောင့် အခက်အခဲမရှိ ထိုကလေး (မောရှည်)သည် ကြီးပြင်းခွင့်ရခဲ့ပြီး ကောင်းမွန်စွာ ပညာသင်ကြားခွင့် ရခဲ့လေသည်။ ထိုအခြေအနေကို ရောက်ရန် မိမိ၏ သမီးဖြစ်သူ မိရိအံက အခြေအနေကို လိမ္မာစွာ အသုံးချပြီး မိခင်နှင့် မောရှည်ကို အတူတကွ နေထိုင်ခွင့်ရရန် လုပ်ဆောင်နိုင်ခဲ့လေသည်။
ယောခေဗတ်၏ ယုံကြည်ခြင်း၊ ဆုတောင်းခြင်း၊ မျှော်လင့်ခြင်းတို့သည် ဝိညာဉ်ရေးရာတွင် အားကျ အတုယူ လေးစားဘွယ်ရာ ဖြစ်ပါသည်။ ထိုမျှမက သားသမီးများကို သူမ၏ သွန်သင်မှု စနစ်ကြောင့် သမီးဖြစ်သူ မိရိအံသည် ပရောဖတ်မ အဖြစ်သော်လည်းကောင်း၊ အာရုန်ဆိုလျှင် ယဇ်ပရောဟိတ်ကြီး အဖြစ်လည်းကောင်း၊ မောရှည်ဆိုလျှင် မိမိလူမျိုး၏ အကြီးအကဲ ခေါင်းဆောင်ကြီး၊ တရားသူကြီး၊ ပရောဖတ် စသည်ဖြင့် ဘုရားသခင် အသုံးပြု ခံရသော လူများ ဖြစ်လာကြသည်မှာ အားကျ အတုယူဘွယ် ဖြစ်ပါတော့သည်။
ဟန္န (ရှမွေလ၏ မိခင်)
ဓမ္မရာဇဝင် ပထမစောင် အခန်းကြီး (၁) နှင့် (၂) ကိုဖတ်ပါ။
ဟန္နသည် ကျမ်းစာထဲတွင် ပြောစမှတ် အကောင်းဆုံး မိခင်ကြီး ဖြစ်သည်။ ဆုတောင်းခြင်းနှင့် ပတ်သတ်ပြီး လေ့လာမည် (သို့) သင်ကြားမည်ဆိုလျှင် သူမအကြောင်း မပါလျှင် မဖြစ်ချေ။ နှစ်အတန်ကြာအောင် မြုံသောသူအဖြစ် ကြေကွဲစွာ နေထိုင်ခဲ့ရပြီး၊ အခြား ယှဉ်ပြိုင်ဘက်များ၏ ထိကပါး ရိကပါး အပြောခံ ဘဝဖြင့် အသက်ရှင် နေထိုင် ခဲ့ရသည်။ သို့သော် ဟန္နသည် ဘုရားသခင်ကို အပြစ်တင် ပြောဆိုခြင်း မပြုဘဲ မျှော်လင့်တကြီးဖြင့် ဆုတောင်း အော်ဟစ် ခဲ့ရပါသည်။ နောက်ဆုံးတွင် သူမ၏ ဆုတောင်းကို ဘုရားသခင်က နားညောင်းခဲ့ပြီး သားကို ပေးခဲ့ပါသည်။ သို့သော် ထိုသားကို မိမိဝါကြွားရန်အတွက် အသုံးမပြုဘဲ နို့ပြတ်သည်နှင့် ဗိမ္မာန်တော်သို့ ပို့ကာ အမှုတော်မြတ်တွင် အသုံးတော်ခံ ဖြစ်စေခဲ့ပါသည်။ ထို့ကြောင့် ဘုရားသခင်ထံမှ မျက်နှာရရှိပြီး နောက်ထပ် သားသမီးများ (၅) ယောက်ကို ထပ်မံ ရရှိခဲ့ပါသည်။
ဟန္နသည် ကျွန်တော်တို့ကို မည်ကဲ့သို့ ဆုတောင်းရမည်။ မည်ကဲ့သို့ အမှုတော်မြတ်တွင် ဆက်ကပ်ရမည်။ မျှော်လင့် တောင့်တနေသည့် ကောင်းကြီးများကို မည်သို့ခံစားနိုင်သည်ကို သင်ကြားပေးခဲ့သော မိခင်ကြီး ဖြစ်ပါသည်။
ဗာသရှေဘ (ဒါဝိတ်၏ ဇနီး) (ရှောလမုန်၏ မိခင်)
ဓမ္မရာဇဝင် ၁၁း၁-၃၊ ၁၂း၂၄၊ ၃ ရာ၁း၁၁-၃၁၊ ၂း၁၃-၁၉၊ ရာဇဝင်ချုပ် ၃း၃၅၊ ဆာလံ ၅၁း၁ ကိုဖတ်ပါ။
ဗာသရှေဗသည် ရှင်ဘုရင် ဒါဝိတ်၏ အသွေးအသား တပ်မက်မှု အသုံးတော်ခံ ဖြစ်ခဲ့ရပါသည်။ ဒါဝိတ်သည် သူမ၏ ခင်ပွန်း ဥရိယကို စစ်ပွဲတွင် သေဆုံးရန် စီမံခဲ့ပါသည်။ ဒါဝိတ်၏ လုပ်ဆောင်ကြံစည်မှုကို မနှစ်သက်သဖြင့် သူမမွေးဖွားသော သားငယ်လေးကို ဘုရားသခင် ခေါ်ယူသွားသဖြင့် အထူးကြေကွဲမှု ခံစားခဲ့ရပါသည်။ ထို့နောက်တွင် ဒါဝိတ်ဘုရင်၏ မိဘုရားခေါင်းကြီး ဖြစ်လာပြီး နောက်မွေးသည့် ရှောလမုန်သည်လည်း ဘုရားသခင်၏ အချစ်တော် မင်းသားလေး ဖြစ်လာပါသည်။ နောက်တွင် ထိုသား ရှောလမုန်သည်လည်း ကြီးမြတ်သော ရှင်ဘုရင်ကြီး ဖြစ်လာလေတော့သည်။ ထိုဗာသရှေဘ သည် ယေရှုခရစ်တော် မွေးဖွားမည့် ဆွေစဉ်မျိုးဆက် ဇယားတွင် ပါဝင်သော အမျိုးသမီး ငါးဦးတွင် တစ်ဦး အပါအဝင် ဖြစ်လာခဲ့ပါသည်။
ဧလိရှဗတ် (ဗတ္တိဇံဆရာ ယောဟန်၏ မိခင်)
ရှင်လုကာ အခန်းကြီး (၁) ကိုဖတ်ပါ။
အသက်ကြီးသည်အထိ ကလေးမွေးဖွားခြင်းမရှိ မြုံနေသော အမျိုးသမီးကြီးဖြစ်သည်။ သို့သော် အံ့သြဘွယ်ရာ နိမိတ် လက္ခဏာ အားဖြင့် ကိုယ်ဝန်ဆောင် ခဲ့ရသည်။ သားယောက်ျားလေး မွေးဖွားလာခဲ့ပြီး ထိုကလေးကို ခင်ပွန်းဖြစ်သူ ဇာခရိနှင့် အတူတကွ သဘေတူလျက် ကောင်းကင်တမန်က ပြောဆိုခဲ့သည့်အတိုင်း ယောဟန် ဟူသောအမည်ကို မှည့်ခေါ်ခဲ့သည်။ သူမသည် မိမိ၏ သားကို ဟန္နကဲ့သို့ ဘုရားသခင်ထံ ဆက်ကပ် အပ်နှံပြီး အမှုတော်အတွက် အသုံးတော် ခံစေခဲ့သည်။ ထိုသားသည် ဘုရားသခင်၏ ကြီးမြတ်သော အစေခံ တမန်ကြီး ဗတ္တိဇံဆရာ ယောဟန် ဖြစ်လာခဲ့လေသည်။ သခင် ယေရှုခရစ်၏ မယ်တော် မာရိသည် သူမထံသို့ လာရောက်လည်ပတ်သောအခါ ထိုယောဟန် သည် အမိဝမ်းထဲမှာပင် ထခုန် မြူးတူးပြီး ဝမ်းမြောက်ခဲ့သောသူ ဖြစ်ပါသည်။
မာရိ (ယေရှုခရစ်တော်၏ မယ်တော်)
ရှင်မဿဲ အခန်းကြီး (၁) (၂) ရှင်လုကာ အခန်းကြီး (၂)၊ တမန်တော် ၁း၁၄ ကိုဖတ်ပါ။
မယ်တော် မာရိသည် သမ္မာကျမ်းစာထဲတွင် လေးစားစရာ အကောင်းဆုံး မိခင်ကြီး ဖြစ်ပါသည်။ ဤကမ္ဘာလောကကြီးထဲမှ လူများကို အပြစ်မှ ကယ်တင်သောခဲ့သော သူ၏ မိခင်ကြီး တစ်ဦး ဖြစ်လာခဲ့သည်။ သူမသည် ငယ်ရွယ် နုနယ်စဉ် အခါတွင် ဘုရားသခင်၏ အလိုတော်နှင့် အကြံအစည်တော်ကို နှိမ့်ချခြင်း ပေးဆပ်ခြင်းတို့ဖြင့် နားလည် လက်ခံခဲ့သည်။ ထိုအကြံအစည်တော်အရ သူမသည် လူများ၏ တံတွေးခွက်တွင် ပက်လက် မျှောနိုင်သော အခြေအနေ ဖြစ်သော်လည်း လက်ခံခဲ့သည်။ သူမသည် အရှက်တရား၊ အကြောက်တရားတို့ကို မျက်ကွယ်ပြုခဲ့သည်။ ဘုရားသခင်၏ အကြံအစည်တော် ဖြစ်သော် သားဖြစ်သူ (ယေရှု) နှင့် ပတ်သတ်ပြီး မည်သည့်အခါမျှ သံသယ မရှိခဲ့။ ဘုရားသခင်၏ လုပ်ဆောင်ချက် ဖြစ်သည်ကို သေချာစွာ လက်ခံသဘောပေါက် ခံယူခဲ့သည်။ မာရိသည် ဘုရားသခင်၏ မျက်နှာသာ ပေးမှုကို အကြီးအကျယ် ခံယူ ရရှိခဲ့သည်။
သူမသည် အဖ ခမည်းတော် ဘုရား၏ အမိန့်တော်နှင့် အလိုတော်ကို နာခံမှုအရာတွင် ကျွန်တော်တို့အတွက် ပုံသက်သေ ယူစရာ သွန်သင်မှု ပေးလျက် ရှိပါသည်။
