ဧ၀ံဂေလိတရားဟောဆရာ မာကု (Mark)သည် ကျမ်းစာထဲတွင် တွေ့ရ သော ဗာနဗ၏ တူဖြစ်သည်။ သူ၏ မိခင် သည် ယုံကြည်ခြင်းတရားကို မလွတ်တမ်း စွဲကိုင်ထားသူဖြစ်သည်။ သူမ၏ နေအိမ်ကို အသင်းတော် ၀တ်ပြု ကိုးကွယ် ရာတွင် ကြိုက်သလို အသုံးပြုရန် ပေးအပ်ထားသူဖြစ်သည် (တမန် ၁၂း၁၂၊ ကော ၄း၁၀) သူမ၏ ယုံကြည်ခြင်း တရားကို သားဖြစ်သူ မာကုက ဆက်လက်၍ လက်ဆင့်ကမ်း ခံယူကာ အမှုတော်မြတ်တွင် အသက်တာ ကို ဆက်ကပ်ခဲ့ သည်။ မာကုသည် ပေါလုနှင့် ဗာနဗ တို့၏ ဧ၀ံဂေလိ ခရီးစဉ် များတွင် လိုက်ပါခဲ့ပြီး ပံပုလိပြည်သို့ သွားမည့် ခရီးစဉ်၌ ယေရုရှလင်မြို့သို့ နောက်ကြောင်း ပြန် သွားခဲ့သည်။ (တမန် ၁၂း၂၀၊ ၁၃း၁၃)
နောက်အတန်ငယ်ကြာသောအခါ တမန်တော်ကြီး ရှင်ပေါလုက ကောလောသဲ အသင်းတော်တွင် အမှုတော်ဆောင် တစ်ဦး အဖြစ် လက်ခံပေးပါရန် အသင်းတော်သို့ တောင်းပန်ခဲ့သည်။ မာကု၏ ရိုးကျိုးမှုနှင့် ကူညီတတ်မှုတို့ကြောင့် ရှင်ပေါလု အတွက် အားကိုးလောက်သောသူ တစ်ဦးဖြစ်လာခဲ့ပြီ မိမိထံသို့ ခေါ်ဆောင်လာပါရန် တိမောသေ ကို ပြောဆို မှာကြားခဲ့သည် (ကော ၄း၁၀၊ ၂တိ ၄း၁၁) မာကုသည် တမန်တော်ကြီး ရှင်ပေါလု ထောင်ကျစဉ် က ပေါလုကို သစ္စာရှိစွာ ကူညီမစခဲ့သောသူ ဖြစ်သည်။တမန်တော်ကြီး ပေတရု ရေးသားသော ရှင်ပေတရု သြ၀ါဒစာ ပထမစောင် ၅း၁၃ တွင် မာကုကို ပေတရုက "ငါ့သား"ဟု ခေါ်ဆိုခဲ့သည်။ ထိုသို့ ခေါ်ဆိုခြင်းကို ကြည်ခြင်းအားဖြင့် မာကုသည် ပေတရု၏ ဟောကြား သွန်သင်မှုများ အားဖြင့် အသက်တာ ပြောင်းလဲသွား ခဲ့သည်ဟု အခိုင်အမာ ယူဆ နိုင်ပါသည။ သို့မဟုတ် ပေတရု၏ လက်ရင်း တပည့်၊ ဘာသာပြန် ဆရာ၊ ပေတရု၏ ပြောဆိုချက်အရ ရှင်မာကုကျမ်းကို ရေးသားခဲ့သူဟု ဆိုနိုင်ပါသည်။ အသင်းတော် ခေတ်ဦးက ဖခင်ကြီးတစ်ဦးဖြစ်သူ ဂျရုန်း (Jerome) ကလည်း "ပေတရု၏ တပည့် မာကုသည် ရောမမြို့မှ ယုံကြည်သူ များ၏ တောင်းဆိုချက်အရ ခရစ်ဝင်ကျမ်း တစ်ခုကို ပေတရုထံမှ ကြားနာခဲ့သည့် အတိုင်း ရေးသားခဲ့သည်။ ထိုကျမ်းကို ပေတရုက ပြန်လည် စစ်ဆေးခဲ့ပြီး သဘော တူညီချက်ဖြင့် အသင်းတော်၌ ဖတ်ရှု လေ့လာရန် ပေးပို့ခဲ့သည်။
နောက်ပိုင်းတွင် မာကုကို အီဂျစ်နိုင်ငံတွင် သာသနာပြုရန် ပေတရုက စေလွှတ်လိုက်သည်။ အီဂျစ်ပြည်သို့ သွားရာလမ်း တစ်လျှောက် ဖရွယ်လ် ပြည်နယ်၏ မြို့တော် အကွိုင်လီယာ ကို ဖြတ်သန်း ပြီး သွားခဲ့သော ခရီးစဉ်တွင် ဟောပြောသွန်သင်ခဲ့ရာ လူများစွာ ပြောင်းလဲခဲ့သည်။ ခရစ်တော် ကို ယုံကြည် လက်ခံကြသော ထိုနေရာ အတွက် ဟာမဂိုးရ (Hermagoras) ကို သင်းအုပ် ဆရာအဖြစ် ခန့်အပ် ခဲ့လေသည်။
ထိုနောက် မာကုသည် အာဖရိက တိုက်သို့ ခရီးပြုခဲ့ရာ လမ်းတစ်လျှောက်၊ မာရ်မောရီကာ၊ အမ်မောနီကာ နှင့် ပင်တာပေါလစ် မြို့များတွင် သတင်းကောင်းကို ပျံ့နှံ့စေခဲ့ပြီးနောက် အလက်ဇန္ဒြားမြို့တွင် (၄၈) နှစ်တိုင်တိုင် နေထိုင် သာသနာပြုခဲ့သည်။ ထိုမြို့တွင် နေထိုင်စဉ် ကာလအတွင်း အကြောက်တရား မရှိဘဲ ရဲရင့်စွာ ဟောပြောခဲ့သည်။ ထိုမြို့မှာပင် ခရစ်ယာန် တို့၏ မာတုရအဖြစ် အသတ်ခံရ ကာ သေဆုံး သွားခဲ့သည်။
ထိုမြို့တွင် မာကု၏ ယုံကြည်ခြင်း တရားကြောင့် အသတ်ခံခဲ့ရကြောင်း အသင်းတော် ခေတ်ဦး ဖခင်ကြီး တစ်ဦးဖြစ်သော ဂလေးရှက်စ် (Gelasius) အပါအ၀င် သမိုင်းဆရာ အများအပြားက သူအကြောင်းကို မှတ်တမ်းတင် ရေးသားထား ခဲ့လေသည်။
မာကုအား ပေတရုက အီဂျစ်နိုင်ငံသို့ စေလွှတ်ခဲ့ရာ နှုတ်ခပတ်တော် သမ္မာတရားကို ရဲရင့်မှု အပြည့်ဖြင့် သစ္စာရှိစွာ ဟောပြော ဝေငှခဲ့သည်။ ထိုအချိန်အထိ အီဂျစ်တွင် ရှိသော အလက်ဇန္ဒြားမြို့တွင် မိမိ၏ ယုံကြည်ချက်ကို ဟောပြောဝေငှပြိး အသေခံရသောသူ မရှိသေး ကြောင်း ဂရိဘာသာ နှင့် လက်တင်ဘာသာ တို့ဖြင့် ရေးသားထားသော သမိုင်း စာအုပ် များအရ သိရသည်။ ထိုသမိုင်းစာ အုပ်များအရ ရှင်မာကု အသေသတ် ခြင်း ခံခဲ့ရ ကြောင်းကို အောက်ပါအတိုင်းရေးသားထားကြသည်။
နီရိုး ဘုရင် (Nero)၏ သက်တမ်း (၈) နှစ်အရောက်တွင် ပဿခါ ပွဲတော်အချိ်န်၌ အလက် ဇန္ဒြားမြို့ အသင်းတော်တွင် ရှင်မာကုက သခင်ခရစ်တော်၏ ပင်းထန်သော နာကျင်မှု ဝေဒနာ များဖြင့် သေဆုံးသွားခဲ့ပြီးနောက် ရှင်ပြန်ထမြောက်လာကြောင်း ဟောပြောကြား ခဲ့သည်။ ထိုဟောပြောသံကို ကြားခဲ့ကြသော မယုံကြည်သူ ယဇ်ပရောဟိတ်နှင့် လူထုကြီးက သူ့ကို ဖမ်းဆီးပြီး ကြိုးများဖြင့် တုပ်နှောင် ထားခဲ့ကြသည်။ ၀တ်ပြုကိုးကွယ် နေကြသော ပရိတ်သတ်၏ ရှေ့မှ ကြမ်းတမ်းစွာ ဆွဲယူ ခေါ်ထုပ်သွားခဲ့ကြသည်။ သူ့ကို မြို့ပြင်အထိ ကြမ်းတမ်းစွာ ခေါ်ထုပ်ခဲ့ကြ ပြီးနောက် ကျောက်ခဲများဖြင့် သေသည်အထိ ပစ်ပေါက်ခဲ့ ကြ သည်။မာကု၏ ခန္ဓာကိုယ်မှ အသားစများက ကျောက်ခဲများတွင် စေးကပ်နေခဲ့ပြီး မြေကြီးပေါ် တွင်လည်း သွေးအိုင်ကြီး ဖြစ်ခဲ့လေသည်။ ကယ်တင်ရှင် ခရစ်တော်ကဲ့သို့ပင် မိမိဝိညာဉ်ကို ဘုရားသခင်ထံတွင် ဆက်ကပ် အပ်နှံခဲ့ပြီး အသက်ထွက် သေဆုံး သွားခဲ့ လေသည်။
အခြားသော သမိုင်းဆရာ တစ်ဦးကလည်း ဤကဲ့သို့ပင် မှတ်တမ်းတင်ခဲ့သည်။ မာကုအား လူမဆန်အောင် ကြမ်းတမ်းစွာဖြင့် လမ်းမကြီး တစ်လျှောက် ဆွဲခေါ်ရင်း ရိုက်ပုတ် လှောင်ပြောင် ခဲ့ကြသည်။ မာကု၏ ခန္ဓာကိုယ်တွင် သွေးမထွက်သည့် နေရာဟူ၍ မရှိချေ။ သူ့ကို ထောင်တံခါးမှ ထောင်ထဲသို့ ကြမ်းတမ်းစွာ ဖိတွန်းခဲ့ကြသည်။ ထို့နောက် ထောင်ထဲမှ ပြန်လည်ထုပ်ယူပြီးနောက် "ဘူခူလီ" အရပ်သို့ ကြမ်းတမ်းစွာ ဆွဲခေါ်ထုပ်သွားကြရင်း "ဒီကျွဲ ရိုင်းကြီးကို ကျွဲတင်းကုတ်ကို ပို့ကြရအောင်" ဟု ရင့်သီးစွာ လှောင်ပြောင် သရော် ခဲ့ကြသည်။ ထို့နောက် သေဆုံး သွားပြီးသည့် တိုင်အောင် လက်စလက်န ဖြောက်ဖျက်ရန် မီးရှို့ပစ်ရန် ပြင်ဆင် ကြလေသည်။ သို့သော်လည်း လေပြင်း မုန်တိုင်း တိုက်ခတ်လာခဲ့ပြီး သူတို့၏ ဆန္ဒအတိုင်း မလုပ်ဆောင် နိုင်ခဲ့ကြချေ။ ထိုအချိန် မှသာ ခရစ်ယာန် များက သူ၏ ခန္ဓာ အလောင်းကို ယူဆောင်ကာ မြေမြုပ် သဂြိုဟ် ခဲ့ကြသည်။ ထိုနေ့ရက်မှာ နီရိုးဘုရင်၏ နန်သက် ရှစ်နှစ်မြောက် ခရစ်သက္ကရဇ် ၆၄ ခုနှစ် ဧပြီလ ၂၁ ရက်နေ့ ဖြစ်ကြောင်း လူအများ က သဘောတူ ယုံကြည်လက်ခံထားကြလေသည်။
Thieleman J. van Braght ရေးသားသော The Bloody Theater (or) Martyrs Mirror of the Defenseless Christians စာအုပ်မှ ကောက်နှုတ်ဖေါ်ပြပါသည်။
