ဘုရားသခင်သည် အသစ်သော အမှုများကို ပြုလုပ်ရန် အမြဲတစေ စိတ်ဝင်စားသောသူ ဖြစ်ပါသည်။ အသက်တာထဲက ဟောင်းနွမ်းများဖြစ်သည့် အားနည်း ဝမ်းနည်းစရာ တွေကို ဖယ်ရှားပေးလိုပြီး အသစ်သော အရာများဖြစ်သည် ဝမ်းမြောက်ရွင်လန်းမှုများဖြင့် အစားထိုးကာ ယုံကြည်သူများ၏ အသက်တာကို အောင်မြင် တိုးတက်စေလိုသော ဘုရား ဖြစ်ပါသည်။ ထိုအကြောင်းအရာကို လေ့လာ ဆည်းပူနိုင်ရန် အောက်ပါ အဖြစ်အပျက်ကို ခွန်အားယူကာ ယုံကြည်သူများ၏ အသက်တာကို တည်ဆောက်မှု တစ်စုံတစ်ရာ ရရှိစေရန် ဝေငှလိုပါသည်။
ဓမ္မရာဇဝင် ၄း၁-၇ ကိုဖတ်ရှုပါ။
ဧလိရှဲနှင့် ဧလိယတို့၏ ခေတ်တွင် ဘုရားသခင် အသုံးပြုသော ပရောဖတ်ကြီးများသည် အချင်းချင်း ကူညီ ရိုင်းပင်း ကြဟန် ရှိပါသည်။ တစ်ဦး၏ အားနည်းချက်ကို အခြားတစ်ဦးက အဆင်ပြေ နိုင်သည့် နည်းလမ်းဖြင့် ကူညီမလေ့ ရှိပါသည်။ တစ်ရက်တွင် ဘုရားသခင် အသုံးပြုသော ပရောဖတ်ကြီး တစ်ပါး ကွယ်လွန် အနိစ္စ ရောက် သွားသည်။ ထိုကြောင့် ကျန်ရစ်သူ ဇနီးမှာ အတိ ဒုက္ခ ရောက်လေတော့သည်။ သူမထံတွင် အကြွေးများ တစ်ပုံတစ်ပင်ဖြင့် နေ့စဉ် အကြွေး လာရောက် တောင်းသူများနှင့် နပန်းလုံးနေရသော ဘဝသို့ ရောက်ရှိသွား သည်။ နောက်ဆုံးတွင် အကြွေးရှင်များက သူမထံမှ အကြွေးပြန်လည် မရနိုင်သည့် အဆုံးတွင် သားဖြစ်သူ နှစ်ယောက်စလုံးကို ကျွန်အဖြစ် သိမ်းပိုက်ရန် ပြင်ဆင်လေတော့သည်။ ထိုအခါ မုဆိုးမသည် ဝမ်းနည်း ကြေကွဲမှု များဖြင့် ငိုးကြွေးနေရုံသာ ရှိတော့သည်။ နောက်ဆုံး ကြံရာမရ ဖြစ်ပြီးနောက် ဘုရားသခင်၏ ပရောဖတ် တစ်ဦး ဖြစ်သည့် ဧလိရှဲထံတွင် သွားရောက်ကာ အကူအညီ တောင်းလေတော့သည်။
ဘုရားသခင်သည် သားသမီးများ၏ ပြဿနာ အခက်အခဲများအတွက် အစဉ်အမြဲ တံခါးဖွင့်ထားသည်။ (အခန်းငယ် ၁)
ပရောဖတ် အမျိုးသား၏ မယားတစ်ယောက်သည် ဧလိရှဲထံသို့ လာ၍၊ ကိုယ်တော်ကျွန်၊ ကျွန်မ၏ ခင်ပွန်းသေပါပြီ၊ ကိုယ်တော်ကျွန်သည် ထာဝရဘုရားကို ရိုသေသောသူဖြစ်သည်ကို ကိုယ်တော်သိတော်မူ၏။ ယခုမှာ ကြွေးရှင်သည် ကျွန်မ၏ သားနှစ်ယောက်ကို ကျွန်ခံစေခြင်းငှါ လာပါပြီဟု ကြွေးကြော်လေ၏။ (၂ရာ ၄း၁)
ဤနေရာတွင် သေဆုံးသွားသော လင်ယောက်ျားအတွက် လွမ်းဆွတ်ပူဆွေး သောကရောက်နေချိန်တွင် အခြား ပြဿနာ ပေါ်ပေါက်လာပြန်သည်။ ထိုပြဿနာမှာ အကြွေး ပြဿနာဖြစ်သည်။ ထိုအကြွေးကိုလည်း အမှုတော် ဆောင်ကတော်တစ်ယောက်က မည်သို့ ဆပ်နိုင်ပါမည်နည်း။ အမှုတော်ဆောင်ဟူသည်မှာ စီးပွားရေးသမား တစ်ယောက်မဟုတ်။ လင်ယောက်ျား ဖျားနာချိန်က ဆေးကုသမှု ပြုလုပ်ခဲ့သည့် အကြွေးလည်း ဖြစ်နိုင်သည်။ လင်ယောက်ျားသေပြီးနောက် အလုပ်အကိုင်မရှိသောကြောင် ထိုင်ပြီး စားသောက်ခဲ့ရသည်ဟု ထင်ပါသည်။ မည်သို့ပင်ဖြစ်စေ အခက်အခဲများက တစ်ခုပြီးတစ်ခု ရောက်ရှိလာကြသည်။ ယခုအခါ သားနှစ်ယောက်ကို ကျွန်အဖြစ်သိမ်းဆည်းရန် အကြင်နာကင်မဲ့သော အကြွေးရှင်များက ရောက်ရှိလာကြသည်။ မည်မျှ စိတ်ဆင်းရဲ ကောင်းလိုက်ပါသနည်း။
ဤနေရာတွင် ဘုရားသခင်သည် အကြင်နာ ကင်းမဲ့သောသူ မဟုတ်ပါ။ ချဉ်းကပ်လာသောသူတိုင်းအတွက် ကောင်းကြီးမင်္ဂလာ တစ်စုံတစ်ရာ ရရှိသွားစေချင်သည်မှာ ကျွန်တော်တို့၏ အသက်ရှင်သော ဘုရားပင်ဖြစ် သည်။
လူ၌ဖြစ်တတ်သော စုံစမ်းနှောင့်ယှက်ခြင်းကိုသာ သင်တို့သည် ခံရကြ၏။ ဘုရားသခင်သည် သစ္စာနှင့် ပြည့်စုံတော်မူသည်ဖြစ်၍ သင်တို့ မခံနိုင်သော စုံစမ်းနှောင့်ယှက်ခြင်းကို သင်တို့၌ ရောက်စိမ့်သောငှါ အခွင့်ပေးတော်မမူ။ သင်တို့သည် ခံနိုင်မည်အကြောင်း စုံစမ်းနှောင့်ယှက်ခြင်း အရာနှင့်တကွ ထွက်မြောက်သော လမ်းကိုလည်း စီရင်ပြုပြင်တော်မူလိမ့်မည်။ (၁ကော ၁၀း၁၃)
အထက်ပါ ကျမ်းတော်မြတ်အရ ဘုရားသခင်သည် ကျွန်တော်တို့၌ တွေ့ကြုံရသော စုံစမ်း နှောင့်ယှက်ခြင်းများ ထဲတွင် ပစ်ထားမည်မဟုတ်ပါ။ ယခု သူမအခြေအနေကို ကူညီနိုင်သူမှာ ဘုရားသခင်သာ ဖြစ်သည်။ သူမသည် အခြား နေရာသို့ သွားခဲ့မည်ဆိုလျှင်လည်း ကူညီနိုင်သူ ရှိမည်မဟုတ်ပါ။ သူမသည် အမှုတော်ဆောင် တစ်ယောက်၏ ဇနီးဖြစ်သည်နှင့် အညီ ထိုအချက်ကို ကောင်းစွာသဘောပေါက်ထားပုံ ရပါသည်။ ထို့ကြောင့် ဘုရားသခင်၏လူ ဧလိရှဲထံ ဆိုက်ဆိုက်မြိုက်မြိုက် ရောက်ရှိလာပါတော့သည်။ ဧလိရှဲထံတွင် ငွေချေးဘို့ လာသည်ဟု မထင်ပါ။ ဘုရားသခင်ထံ ဆုတောင်းလိုသောကြောင့်လည်းကောင်း၊ ဆုတောင်းခံရန် သော်လည်းကောင်း၊ ရောက်ရှိလာဟန် တူပါသည်။ တစ်နည်းအားဖြင့် ဘုရားသခင်သာလျှင် တတ်နိုင်ကြောင်း သိရှိ သဘောပေါက် ထားသောကြောင့်သာ ဧလိရှဲထံ ရောက်ရှိလာသည်ဟု ယူဆရပါသည်။ ပြဿနာ အခက်အခဲဟူသည်မှာ ဘုရားသခင်ထံ ရောက်ရှိ တိုးဝင်ရန် အကောင်းဆုံး တံခါးပေါက်တစ်ပေါက် ဖြစ်သည် မဟုတ်ပါလော။
သင်ထံတွင် မည်သည်အရာရှိသည် ဖြစ်စေ ဘုရားသခင်တံခိုးတော်အတွက် လုံလောက်သည်။ (အခန်းငယ် ၂)
ဧလိရှဲကလည်း သင့်အဘို့ အဘယ်သို့ ငါပြုရမည်နည်း၊ သင့်အိမ်၌ အဘယ်ဥစ္စာ ရှိသနည်းဟု မေးလျှင် ကိုယ်တော်ကျွန်မအိမ်၌ ဆီအိုးတစ်လုံးမှတစ်ပါး အဘယ်ဥစ္စာမျှ မရှိပါဟု ပြောဆိုသော် (၄ရာ ၄း၂)
ပရောဖတ်ကြီး ဧလိရှဲက ဆင်းရဲသော မုဆိုးမကို "သင့်အိမ်၌ အဘယ်ဥစ္စာ ရှိသနည်း" ဟုမေးမြန်ခဲ့သည်။ ဆိုလိုသည်မှာ ဘုရားသခင်က သင့်ထံတွင် မည်သည့်အရာရှိသည်ဖြစ်စေ အလုံးစုံကို ဖန်ဆင်းနိုင်သော အရှင်ဖြစ်သည်ဟု ပြောဆိုလိုက်ခြင်းသာဖြစ်သည်။
- သင့်ထံတွင် မည်သည့်အရာမျှ မရှိသည့်တိုင် ဆီပုလင်းကလေး တစ်လုံးသာ ရှိလျှင်လည်း ထိုဆီပုလင်းလေးမှ ဆီကို ပွားများစေပါသည်။
- ဧလိယခေတ်တွင် မုန့်ညက်လက်တစ်ဆုပ်သာ ရှိသော်လည်း ထိုမုန့်ညက်ကလေးသည် မိုးခေါင်သော ကာလပတ်လုံး လုံလောက်အောင် မုဆိုးမနှင့် သားငယ်ကို ကျွေးမွေးခဲ့ဘူးသည်။ (၃ရာ ၁၇း၈-၁၆)
- မုန့်ငါးလုံးနှင့် ငါးနှစ်ကောင်ဖြင့် လူငါးထောင် စားလောက်အောင် ဘုရားသခင်က ပွားများစေခဲ့သည်မှာ လည်း ဓမ္မသစ်ကာလ ခရစ်တော်လက်ထက်တွင် အထင်အရှားပင်ဖြစ်သည်။ (မာကု ၆း၃၀-၄၄)
- မောရှေကို "သင့်လက်တွင် မည်သည့်အရာရှိသနည်း" ဟုမေးမြန်သောအခါ မောရှေက တောင်းဝှေး ရှိကြောင်း ပြန်လည်ပြောဆိုလိုက်သောအခါ ထိုတောင်ဝှေးသည် ဘုရားသခင်၏ တောင်ဝှေး ဖြစ်လာခဲ့ပြီး ထိုတောင်ဝှေးဖြင့် နိမိတ်လက္ခဏာ အမျိုးမျိုး ဆောင်ရွက်ကာ လူတို့၏ ယုံကြည်ခြင်းကို တိုးပွားစေခဲ့သည်။ ထိုတောင်ဝှေးဖြင့် ပင်လယ်နီကြီးကိုပင် နှစ်ခြမ်းကွဲအောင်ဆောင်ရွက်နိုင်ခဲ့သည်။ (ထွက်မြောက်ရာကျမ်း တစ်အုပ်လုံး)
- ရှံဆုန်သည် သေခါနီးဆဲဆဲ နောက်ဆုံးအချိန်တွင် လက်ထဲတွင် မြည်းမေးရိုး တစ်ခုသာ ရှိရာ ဘုရားသခင်အတွက် ဆက်ကပ်ပြီး လုပ်ဆောင်နိုင်သလောက်လုပ်လိုက်ရာ ဖိလိတ္တိ ရန်သူ တစ်ထောင်ကျော်ကို သတ်ဖြတ်နိုင်ခဲ့သည်။
ဘုရားသခင်သည် အခြေအနေအားလုံး၏ အထက်တွင် ရှိသည်။ ဆိုလိုသည်မှာ မိမိ၏ အခြေအနေ ကောင်းမကောင်း၊ အဆင်ပြေမပြေ၊ အားနည်းမှုများ အသီးသီကို မကြည့်ပါနှင့် ဘုရားသခင်က ခပ်သိမ်းသော အရာတို့၏ အထက်တွင် ရှိသော ဘုရားသခင်ဖြစ်တော်မူ၏။ ကိုယ်တော်ကို အစဉ်ကြည့်ရှုပါ။ သင့်လက်တွင် ရှိသောအရာများသည် ဘုရားသခင်၏ တန်ခိုးတော်ကို မြင်စေနိုင်ပါသည်။ မိမိတွင် ရှိသောအရာကို ဘုရားသခင်လက်ထဲတွင် ပေးအပ်လိုက်ပါ။
ဘုရားသခင်သည် လပ်သော အိုးများကို လိုချင်ပါသည်။ (အခန်းငယ် ၃)
ဧလိရှဲက သွားလော့။ အိမ်နီးချင်းရှိသမျှတို့တွင် လပ်သောအိုးတို့ကို ငှါးယူလော့။ များစွာသော အိုးတို့ကို ငှါးယူလော့။ (၄ရာ ၄း၃)
မုဆိုးမအနေဖြင့် ဤအလုပ်ကို လုပ်ဆောင်ရန် အလွန်ခက်ခဲပါသည်။ အိမ်နီးချင်းများထံမှ အိုးကို ငှါးရမည် ဆိုရာတွင် လွယ်ကူသော အလုပ်မဟုတ်ပါ။ အိုးလပ် တစ်လုံးနှစ်လုံး ငှါးယူရန် မခက်ခဲသော်လည်း များပြားသော အိုးများအတွက် အလွန် ခက်ခဲသော အလုပ်ဖြစ်ပါသည်။ ယုံကြည်ခြင်းနှင့် ငှါးယူရပါသည်။ ထိုသို့ အိုးငှါး ယူရာတွင် လူအချို့က မေးလိမ့်မည်။ "မည့်သည် အတွက် ငှါးယူပါသနည်း" ဟုမေးလာလျှင် "ဆီထည့်ဘို့ ငှါးပါသည"် ဟုပြန်ဖြေမည်။ "ဘယ်မှာလည်း ဆီ" ဟု မေးမြန်လာလျှင် "မကြာခင် ရလာပါလိမ့်မည်" ဟု ရူးကြောင်ကြောင်နှင့် ပြန်လည်ဖြေဆိုရ ပေလိမ့်မည်။ အိမ်နီးချင်းများက ထိုမုဆိုးမကို လှောင်ပြောင်ရယ်မော ကြပေလိမ့်မည်။ ဤနေရာတွင် ယုံကြည်ခြင်း အရေးကြီးပါသည်။ ခွက်အလွတ်များကို အိမ်နီးချင်းထံမှ ငှါးရာတွင် ခွက်ထဲတွင် မည်သည့်အရာကိုမျှ မရှိရပါ။ ခွက်ထဲတွင် တစ်စုံတစ်ရာ ရှိနေပါက ဘုရားသခင်၏ နိမိတ် လက္ခဏာကို မမြင်နိုင်ပါ။ ဆိုလိုသည်မှာ ခွက်အလွတ်ဟူသည်မှာ ကျွန်တော်တို့၏ သံသယ ကင်းမှုကို ဆိုလို ပါသည်။ သံသယ တစ်စုံတစ်ရာ ရှိနေပါက ဘုရားသခင်က အလုပ်မလုပ်ပါ။
အချို့က ဟုတ်ပါ့မလား ဟူသော မယုံကြည်နိုင်သည့် သံသယ ရှိနေပါလျှင် ကောင်းကြီး မဖြစ်နိုင်ပါ။ ယုံကြည်နိုင် သလောက် ဘုရားသခင်က အလုပ်လုပ်ပါသည်။ ခွက်များများ ရှိသလောက် ဘုရားသခင်က အလုပ်လုပ် ပါသည်။ ခွက်မည်မျှလောက် ယူနိုင်သည်ဟူသော ကန့်သတ်ချက်မရှိပါ။ ယူနိုင်သလောက် ဘုရားသခင် အလုပ်လုပ်မည်ဖြစ်သည်။ ကျွန်တော်တို့ အသက်တာ ယုံကြည်ဘို့သာ အရေးကြီးပါသည်။ မည်မျှလောက် ယုံကြည်ရမည်နည်း ဟုဆိုရာတွင် အကန့်အသတ်မရှိ ယုံကြည်ရမည်ဖြစ်သည်။
တံခါးများ၏ နောက်ကွယ်မှ နိမိတ်လက္ခဏာ (အခန်းငယ် -၄)
ကိုယ်အိမ်သို့ ရောက်သောအခါ၊ သားတို့ကို ခေါ်၍ တံခါးကို ပိတ်ပြီးမှ ငှါးယူသော အိုးများအထဲသို့ ဆီကို အပြည့်လောင်း၍ ထားလော့ဟု စီရင်သည့်အတိုင်း (၄ရာ ၄း၎)
ယနေ့ ကျွန်တော်တို့ ခံစားရသော နိမိတ်လက္ခဏာများသည် လူအများအလယ်တွင် မျက်လှည့် ပြသကဲ့သို့ ထင်ပေါ်စေသည့် အမှုမျိုးနှင့် လုပ်ဆောင်မှုမျိုးကို ဘုရားသခင်သည် မလုပ်လိုပါ။ ခေတ်အဆက်ဆက်တွင် ဘုရားသခင်သည် ကာယကံရှင်ကိုယ်တိုင်သာ ခံစားနိုင်သည့် အမှုမျိုးကို ပိုမို လုပ်ဆောင်ခဲ့ပါသည်။ ယနေ့ ကမ္ဘာပေါ်တွင် ဥအော်သောင်းနင်း ဟိုးလေးတစ်ကြော် ဖြစ်စေမည့် အမှုမျိုးကို ဘုရားသခင်သည် မလုပ်ဆောင် ခဲ့ပါ။ မောရှည် နှင့် ယောရှုခေတ်တွင် လည်းကောင်း၊ ဧလိယနှင့် ဧလိရှဲတို့ ခေတ်တွင်လည်းကောင်း၊ ခရစ်တော်နှင့် တမန်တော်များ ခေတ်တွင်လည်းကောင်း ဖြစ်ဘူးပါသည်။ သို့သော် ထိုခေတ်များမှာပင် သိုသို သိတ်သိတ် လုပ်ဆောင်သည့် အခါများ ရှိပါသည်။
- ယာဣရု၏ သမီးလေးကို သေခြင်းမှ ရှင်ပြန် ထမြောက်စေသောအခါ လူများ အကြားတွင် မလုပ်ဆောင်ခဲ့ပါ။ ကာယကံရှင် မိဘနှစ်ပါးသာ ရှိသော အခန်းထဲတွင်သာ ပြန်လည် ထမြောက်စေခဲ့ပါသည်။ (မာကု ၅း၄၀)
- တမန်တော်ကြီး ပေတရုသည် ဒေါ်ကာဆိုသော ယုံကြည်သူအမျိုးသမီးကြီးကို အခန်းတံခါးပိတ်ကာ ဆုတောင်းခြင်းဖြင့် ပြန်လည် ထမြောက်စေခဲ့သည်။ (တမန် ၉း၄၀)
သင်သည် ဆုတောင်းသောအခါ ဆိတ်ညံရာ အခန်းသို့ ဝင်၍ တံခါးကို ပိတ်ပြီးမှ မထင်ရှားသော အရပ်၌ ရှိတ်ာမူသော သင်၏အဘကို ဆုတောင်းလော့။ မထင်ရှားသော အရာကို မြင်တော်မူသော သင်၏ အဘသည် အကျိုးကို ထင်ရှားစွာ ပေးတော်မူလတံ့။ (မဿဲ ၆း၆)
ကျွန်တော်တို့သည် ဘုရားသခင်ထံမှ ရရှိခံစားရသော ကောင်းကြီးမင်္ဂလာများသည် ဝါကြွားရန်မဟုတ်ချေ။ ယုံကြည်မှု တိုးပွားရန်သာ ဖြစ်သည်။ ဘုရားသခင်သည် ကျွန်တော်တို့ကို ယုံကြည်ခြင်းအရာတွင် ပိုမိုတိုးပွားလာ ရန် ကျွန်တော်တို့၏ ပြဿနာ အခက်အခဲများကို မစကောင်းကြီးပေးကြောင်းကို မှတ်သားခံယူပါ။
ခွက်အလွတ်များတွင် ဆီနှင့် ပြည့်စေသည်။ (အခန်းငယ် ၆)
အိုးများ၌ ဆီပြည့်သောအခါ၊ အိုးတစ်လုံးကို ယူခဲ့ဦးဟု သားတို့အား ဆိုလျှင်၊ အိုးလပ်မရှိပါဟု ပြန်ပြောသော်၊ ဆီသည် ရပ်တန့်လျှက် နေ၏။ (၄ရာ ၄း၆)
မုဆိုးမသည် ဘုရားသခင်၏လူ မိန့်မှာသည့်အတိုင်း ယုံကြည်ခြင်းနှင့် ဆောင်ရွက်လေသည်။ ခွက်များကို အိမ်နီးချင်းများထံမှ ငှါးရသည်။ မိမိတို့တွင် ရှိသည့် ဆီဘူးကလေးထဲမှ ဆီများကို တစ်ဘူးပြီး တစ်ဘူး၊ တစ်ခွက်ပြီးတစ်ခွက် လောင်းထဲ့သည်။ မည်သည့်အချိန်တွင် လောင်းနေသော ဆီက ရပ်သွားမည်လဲ ဟူသည့် စိုးရိမ်စိတ်ဖြင့် လောင်းထဲ့လိုက်သည်။ မိခင်၏ စိတ်ထဲတွင် စိတ်လှုပ်ရှားမှုများ အပြည့်ဖြင့် ဘုရားသခင်ကို ချီးမွမ်းရင်း လောင်းထည့်နေသည်။ သို့သော် ထိုကောင်းကြီးက ရပ်တန့် မသွားချေ။ ခွက်လွတ်ဟူ၍ တစ်ခွက်မျှ မရှိသည့်တိုင်အောင် ပြည့်သွားသည်ကို တွေ့မြင်ရမည်ဖြစ်သည်။
ဤနေရာတွင် မုဆိုးမအနေဖြင့် မိမိ၏ ဘဝပြဿနာကို ဖြေရှင်းရာတွင် ယုံကြည်ခြင်းတရားကို အခြေပြု ဖြေရှင်းရကြောင်း တွေ့မြင်ရပေမည်။ မိမိ၏ပြဿနာ အဖြေပြေလည်နိုင်ရန်အတွက် အရာအားလုံးကို ယုံကြည်ခြင်းတရားဖြင့် ဖြေရှင်းရသည်။
- ယုံကြည်ခြင်းနှင့် ဘုရားသခင်၏လူထံ လာရသည်။
- ယုံကြည်ခြင်းနှင့် ခွက်များ ငှါးရသည်။
- ပြောသည့်အတိုင်း ယုံကြည်ခြင်းနှင့် တံခါးပိတ်ပြီး ဆုတောင်းလောင်းထဲ့ရသည်။
- ယုံကြည်ခြင်းနှင့် ဆီများကိုလောင်းထဲ့ရသည်။
ခွက်များ ကုန်ဆုံးသွားသောအခါ ဘုရားသခင်၏ တံခိုးတော်လည်း ရပ်တန့် ကုန်ဆုံးသွားသည်
ယုံကြည်ခြင် ကုန်ဆုံးသွားသောအခါ ဘုရားသခင်၏ ကောင်းကြီးမင်္ဂလာလည်း ကုန်ဆုံးသွားသည်ကို သိမှတ်ပါ။
သူမအနေဖြင့် ခွက်လွတ်များကို အများကြီး ယူထားပါဟု ဧလိရှဲက ပြောသည့်တိုင် ခွက်အလွတ်ကို အနည်ငယ်သာ ရှာထားပါက အနည်းငယ်သာ ဆီရရှိပါလိမ့်မည်။ ခွက်များများ မယူခဲ့သည့်အတွက် နောင်တ ရနေပါလိမ့်မည်။ အိမ်နီးချင်းများထံမှ ခွက်များများ ငှါးပါဟု ပြောသော အခါ အနည်းငယ်သာ ငှါးရမ်းခဲ့ပါက ဆုံးရှုံးမှု ကြီးမားပါလိမ့်မည်။
(၄ရာ ၁၃း၁၄-၁၉) တွင် ယုဒဘုရင် ယေယောဘောင်မင်းသည် ရှုရိလူများ၏ ကျူးကျော်မှုကို ဖယ်ရှားရှင်းလင်း နိုင်ရန် ဘုရားသခင်၏လူ ဧလိရှဲကို မေးမြန်သောအခါ ဧလိရှဲက မျှားတစ်ချောင်းကို ယူကာ ပြတင်းပေါက်မှ ဖွင့်ကာ ပစ်ရန် ပြောရာ ဧလိရှဲ ပြောသည့်အတိုင်းဘုရင်က လုပ်ရာ ရှုရိများကို ပြန်လည် တိုက်ခိုက် ချေမှုန်းနိုင်မည် ဖြစ်ကြောင်း ကတိပေးသည်။ နောက်တစ်ဖန် မျှားကို ယူပြီး မြေကြီးပေါ်တွင်ရိုက်ခိုင်းရာ သုံးကြိမ် ရိုက်လိုက်ရာ ဧလိရှဲသည် ဒေါသ အမျက်ထွက်ကာ ပြောလိုက်သည်မှာ အဘယ်ကြောင့် သုံးကြိမ်သာ ရိုက်သနည်း။ ငါးကြိမ်ခြောက်ကြိမ် မရိုက်သနည်း။ သုံးကြိမ်သာ ရိုက်သောကြောင့် သုံးကြိမ်သာ လုပ်ကြံရမည်ဟု ပြောဆိုနိမိတ်ဖတ်ခဲ့လေသည်။ များများ ယုံကြည်နိုင်လေ များများ ကောင်းကြီးဖြစ်စေကြောင်း အမှတ်ရ သတိပြုစေလိုပါသည်။
ဘုရား၏ကောင်းကြီးသည် ဘဝတစ်ခုလုံးအတွက် လုံလောက်သည်။ (အခန်းငယ် - ၇)
ထိုမိန်းမသည် လာ၍ ဘုရားသခင်၏ လူကို ကြားပြောလျှင်၊ သူက ထိုဆီကို ယူသွား၍ ရောင်းပြီးလျှင် ကြွေးကို ဆပ်လော့။ ကြွင်းသောဆီကို အမှီပြု၍ သားတို့သည် အသက်မွေးကြလော့ဟု ဆို၏။ (၄ရာ ၄း၇)
ဧလိရှဲက ထိုမုဆိုးမကို သွန်သင်ခဲ့သည်မှာ "ထိုဆီကို ယူသွား၍ ရောင်းပြီးလျှင် အကြွေးကိုဆပ်ပါ" ဟု ပြောခဲ့ပါ သည်။ ယုံကြည်သူတို့သည် ဦးစွာလုပ်ရမည့်အလုပ်ဖြစ်သည်။ လုပ်သင့်သော အရာကို အရင်လုပ် ရမည်။ လုပ်သင့်သောအရာကို ဦးစွာမလုပ်ဘဲ နောက်မှ လုပ်ပါက အဆင်မပြေ၊ နောက်ဆံတင်းပြီး မလွတ်မလပ် အသက်ရှင်ရပေလိမ့်မည်။
မုဆိုးမအနေဖြင့် အကြွေးကို အရင်မဆပ်ဘဲ မိမိစားဘို့ ဦးစားပေးလျှင် ဘုရားသခင်၏ ဘုန်းတော်လည်း ထင်ရှားမည်မဟုတ်။ ယခုအခါ အကြွေးကို အရင်ဆပ်လိုက်ပါက ယောက်ျားသေပြီးမှ အကြွေးဆပ်နိုင်သည် ဟု လူများတွေးကြပြီး သူမကိုးကွယ်သော ဘုရားသခင်ကို မြင်လာပေလိမ့်မည်။ ထိုအခါ ဘုရားသခင်၏ ဘုန်းတော်လည်း ထင်ရှားပေလိမ့်မည်။ ယခုအခါ သားများလည်း ကျွန်ဘဝကို မရောက်တော့ချေ။ မုဆိုးမသည်လည်း ငြိမ်သက်မှုများဖြင့် အသက်တာ တစ်လျှောက်လုံး အသက်ရှင်နိုင်တော့မည်။ ဘုရားသခင်သည် လိုသမျှထက်ပို၍ ပေးနိုင်သောအရှင်ဖြစ်ပါသည်။ သားများကို ကျွန်ဘဝမှ လွတ်မြောက်နိုင်ရန် အကြွေးကျေဘို့ ဦးစားပေး ဆုတောင်းခဲ့သော်လည်း ဘုရားသခင်သည် အသက်တာ တစ်လျှောက်လုံးအတွက်ပါ ငြိမ်သက်မှုရရှိစေရန် ဆောင်ရွက်ပေး လိုက်လေသည်။ ထိုကြောင့် ကျွန်တော်တို့၏ အသက်တာမှ ပြဿနာများကို ဖြေရှင်းရန်အတွက် ယုံကြည်ခြင်းဖြင့် ဘုရားသခင်ထံ ချဉ်းကပ်မှု ပြုကြရန် မေတ္တာရှေ့ထား၍ ဝေငှပေးလိုက်ရပါသည်။
