ကယ်တင်ရှင် ငါ့ကိုလမ်းပြသည်
All the Way My Savior Leads Me
သီချင်းစာသား - ဖန်နီ၊ ဂျေ၊ ခရိုစ်ဘီ (၁၈၂၀-၁၉၁၅)တေးရေး - ရောဘတ်လော်ရီ (၁၈၂၆-၁၈၉၉)
“ကောင်းသော သူ၏ ခြေရာ တို့ကို ထာဝရ ဘုရားသည် ပဲ့ပြင်၍၊ သူသွားရာ လမ်းကို နှစ်သက် တော်မူ၏။”
ဤ ဧဝံဂေလိ ဓမ္မသီချင်းမှာ ဆုတောင်းသံကို ဘုရားသခင် နားညောင်းပြီးနောက် ကျေးဇူး တင်ကြောင်းကို ဖော်ကျူးခြင်း ဖြစ်သည်။ ဖန်နီ၊ ဂျေ၊ ခရိုစ်ဘီ၌ ငါးဒေါ်လာ အရေးတကြီး လိုအပ်ရာ မည်သို့ ရရှိ နိုင်မည်ကို မသိပါ။ သူ လုပ်နေကျ အတိုင်း ဤ လိုအပ်မှု အတွက် ဆုတောင်းသည်။ မိနစ် အနည်းငယ် အတွင်း၌ လူစိမ်း တစ်ယောက်သည် သူမ၏ တံခါးဝ၌ ပေါ်လာကာ လိုအပ်သော ငွေပမာဏ အတိ အကျ ယူဆောင် လာသည်။ “ဘုရား သခင်သည် ကျွန်မ၏ ဆုတောင်း သံကို နားညောင်းပြီး ဤငွေကို ယူဆောင် လာလိုသော နှလုံးသားကို တစ်စုံ တစ်ဦး၌ ထည့်ပေးပြီဟု မျှော်လင့်ခြင်း မှအပ ကျွန်မ၌ အခြား ပြောပြစရာ မရှိပါ။ ကျွန်မ အနေနှင့် ဘုရားသခင် ပို့ဆောင်သည့် နည်းမှာ အလွန် အံ့သြဖွယ် ကောင်းသည် ဟူ၍ စဉ်းစားမိခြင်းပင် ဖြစ်ပါသည်။ ကျွန်မသည် ချက်ချင်းပင် ကဗျာ တစ်ပုဒ် ရေးဖွဲ့ကာ ဒေါက်တာ လောရီက သံစဉ်ကို ရေးစပ် ပေးပါသည်” ဟူ၍ ရေးသား ထားသည်။ ဤ ဓမ္မ သီချင်းသည် ပထမဦးဆုံး ၁၈၇၅ ခုနှစ်၌ ဝီလျံ အိပ်ခ်ျဒွန်းနှင့် ရောဘတ် လောရီတို့ ရေးသား ပြုစုသော “Bright and Best” (အတောက်ပဆုံးနှင့် အကောင်းဆုံး) ဟူသော ဥပုသ် စာဖြေကျောင်း ပေါင်းချုပ်၌ ပထမဦးဆုံး တွေ့ရသည်။
ဖန်နီ ခရိုစ်ဘီသည် ၁၈၂၃ခု မေလ(၂၄) ရက်နေ့တွင် နယူးယောက်မြို့၏ အရှေ့တောင် ဘက်တွင် နေထိုင်သည့် ဆင်းရဲသော မိဘမှ မွေးဖွားသည်။ မှားယွင်းသော ဆေးဝါး ကုသ မှုကြောင့် အသက်(၆)နှစ်တွင် မျက်စိ ကွယ်သွား ရှာပါသည်။ သူမသည် အသက်တာ တစ်လျှောက်လုံး၌ နယူးယောက်မြို့၏ စိန့်ဂျွန်း မက်သဒစ် ဧပီးစ်ကိုပယ်လ် အသင်းတော်၌ သစ္စာ ရှိသော အသင်းသား တစ်ယောက် ဖြစ်သည်။ သူမသည် နယူးယောက် မြို့ရှိ နယူးယောက် မျက်မမြင် ကျောင်း၌ ပညာ သင်ကြား တတ်မြောက် ခဲ့သည်။ ၁၈၄၇မှ ၁၈၅၈ အထိ ဤကျောင်း၌ပင် ဆရာမ အဖြစ် ထမ်းရွက်ခဲ့သည်။ ၁၈၅၈ ခုနှစ်တွင် မျက်မမြင် ကျောင်း၌ တေးဂီတ ကဏ္ဍ၌ လွန်စွာ အရိုအသေ ပြုခြင်း ခံရသည့် မျက်မမြင် တေးဂီတ သမား အလက်ဇန္ဒြား ဗန်အဲလ်စ်တင်း (Alexander Van Alstyne)ကို လက်ထပ်သည်။ သူမ၏ စောစောပိုင်း ရေးသား ထားသော ကဗျာ လင်္ကာတို့မှာ လောကီ ကဗျာ လင်္ကာများ ဖြစ်သည်။ သူမ၏ လူကြိုက် များသော သီချင်း တစ်ပုဒ် ဖြစ်သည့် “Rosalie, the Prairie Flow”အားဖြင့် တေးရေးခ ဒေါ်လာ သုံးထောင် နီးပါးခန့် ရရှိသည်။ ထိုအရေအတွက်မှာ ထိုကာလ အတွက် အတော်အတန် များပြားသော အရေအတွက် ဖြစ်ပါသည်။ နာမည်ကျော် အသင်းတော်၌ တေးဂီတ သမားဖြစ်သည့် W.B. Bradbury ၏ တိုက်တွန်း မှုကြောင့် အသက် လေးဆယ် ရောက်သော် ဧဝံဂေလိ တေးကဗျာ များကို စိတ်အား ထက်သန်စွာ စတင်ရေးသားပြီး (Happiest Creature in all the Land)(မြေတစ်ပြင် လုံး၌ အပျော်ဆုံးသော သတ္တဝါ) သီချင်း ဖြစ်လာသည်။ ဖန်နီ ခရိုစ်ဘီသည် ဒူးထောက် ဆုတောင်းပြီး ဘုရားသခင် လမ်းပြခြင်းကို မတောင်းဆိုမီ သီချင်း ရေးသားခြင်း တစ်ခါမျှ မပြုပါ။ သူမသည် သူမ၏ ကျမ်းစာအုပ်နှင့် တကွ အမေရိကန် အလံတော် အသေးလေး တစ်ခုကို အမြဲတမ်း ယူဆောင်လေ့ ရှိသည်။ သူမ၏ အသက်တာ ခရီးစဉ် တစ်လျှောက်လုံး၌ အရေးအသား များတွင် ဧဝံဂေလိ တေးဂီတ ကဏ္ဍ၌ ထိပ်ဆုံးမှ ဦးဆောင်လျက် ရှိသည်။ အိုင်ရာဒီစိန်ကီ၊ ဒပ်ဗလျူအမ်အိပ်ခ်ျဒွန်း၊ ဂျွန်စွီနီ၊ ဂျော့ရ်ှစတက်ဗင်၊ ဂျော့ရ်ှရွတ်၊ ဝီလျံကိ ပက်ထရစ်စသည်တို့နှင့် လက်တွဲသည်။
ဖန်နီ ဂျေခရိုစ်ဘီ ရေးစပ်သည့် ဓမ္မသီချင်းထဲတွင် “မင်္ဂလာရှိသောစိတ်ချမှု” (Blessed Assurance)၊ “အရာ ခပ်သိမ်း တို့ထက် ငါ၏ကယ်တင်ရှင်”-(My Saviour First of All) “ပျက်စီးသူကယ်တင်ယူ” (Rescue the Perishing)နှင့် “ကျေးဇူးတော်ကြောင့် ကယ်တင်ခြင်းရ” (Saved By Grace) စသည်တို့သည် ယနေ့ထိတိုင် ကျူးဧလျက်ရှိကြသည်။
ရောဗတ် လော်ရီသည် ၁၈၂၆ခု၊ မတ်လ(၁၂)ရက်နေ့တွင် ပင်ဆာ ဗေးနီးယားပြည်နယ်၊ ဖိလ ဒေလဖိမြို့၌ ဖွားမြင်သည်။ သူသည် နောက်ပိုင်းတွင် အောင်မြင် ထက်မြက်သော တရားဟော ဆရာ တစ်ပါးနှင့် အရှေ့ဘက်ပိုင်း၌ နာမည်ကြီး နှစ်ခြင်း အသင်းတော်များ၌ သင်းအုပ် ဆရာ တစ်ယောက် အဖြစ် လူသိများ လာသည်။ တေးဂီတနှင့် ဓမ္မသီချင်း ပညာသည် သူနှစ်သက်သော ဘာသာရပ် ဖြစ်သော်လည်း အပျင်းပြေ အနေနှင့် လုပ်တတ်သည်။ နောက်ပိုင်းတွင် ဝီလျံ ဘရက်ဘာရီ William Bradlbury ကွယ်လွန် သောအခါ၊ လောရီအား ဘီလိုး ပုံနှိပ် ထုတ်ဝေရေး ကုမ္ပဏီ (Biglow Publishing Company)က တေးဂီတ အယ်ဒီတာ အဖြစ် ရွေးချယ်သည်။ သူ၏ ပုံနှိပ် ထုတ်ဝေခြင်း အရည်အသွေးသည် လွန်ခဲ့သော ရာစုနှစ် နောက်ဆုံးပိုင်း အတွင်းတွင် ဓမ္မတေး ဂီတ ဆိုင်ရာ၌ ထကြွနိုးကြားရန် များစွာ အထောက်အကူ ပြုသည်ဟု အဆိုရှိ၏။
ရောဘတ်လောရီသည် “ခရစ်တော်ထမြောက်ပြီး” (Christ Arose) နှင့် “ကိုယ်တော်ကိုအစဉ်လို” (I Need Thee Every Hour) စသည့် လူကြိုက် များသော သီချင်းများကို တေးရေးပေးသည်။
