တဖန် ထာဝရဘုရားက၊ ရှောလုကို ဣသရေလဘုရင်အရမှ ငါပယ်သောကြောင့်၊ သင်သည် အဘယ် မျှ ကာလပတ်လုံး စိတ်မသာ ညာဉ်တွားလျက် နေလိမ့်မည်နည်း။ သင်၏ဘူးကို ဆီနှင့် ပြည့်စေလော့။ ဗတ်လင်မြို့သား ယေရှဲရှိရာသို့ ငါစေလွှတ်မည်။ သူ၏သား တုိ့တွင် ငါ့အဘို့ ရှင်ဘုရင်တစ်ပါးကို ငါပြင် ဆင်ပြီဟု ရှမွေလအား မိန့်တော်မူ၏။ (၁ရာ ၁၆း၁)
အဘယ်မျှကာလပတ်လုံး စိတ်မသာညည်းတွားလျက်နေလိမ့်မည်နည်း
အထက်ပါ ကျမ်းပိုဒ်တွင် ပရောဖတ်ကြီး ရှမွေလသည် သူကိုယ်တိုင် ဘိဿိတ်ပေးပြီး ရှင်ဘုရင်အဖြစ် တင်မြှောက်ထားသော ရှောလုကို ဘုရားသခင်က စွန့်ပယ်လိုက်သောကြောင့် ကြီးစွာသော သောကဝေဒနာဖြင့် ခံစားဝမ်းနည်းနေကြောင်း ကျမ်းစာတော်မြတ်မှ ဖော်ပြထား ပါသည်။ လူတိုင်း ဤကဲ့သို့ ခံစားဘူးကြပေလိမ့်မည်။ ကျွန်တော်တုိ့ မျှော်လင့်တောင့်တနေသော အရာများသည် လက်တွေ့ အနေအထား တွင် အောင်မြင်အဆင်ပြေမှု မရှိသောအခါ ကြီးမားသော သောကပူပင်ခြင်းကို ခံစားကြရသည် မဟုတ်ပါလော။ယနေ့ လူတိုင်းသည် ဖိအား အမျိုးမျိုးဖြင့် အသက်ရှင်နေကြရပါသည်။ ယနေ့ အထူးသဖြင့် ယုံကြည်သူ များအတွက် အထူးတင်ပြလို ပါသည်။ ယုံကြည်သူများတွင် လောကဓံ၏ ဒါဏ်ကို အမျိုးမျိုး ခံစားနေရပါသည်။ အိမ်ထောင်ရှိသူများက အိမ်ထောင်တွင်းရှိ ပြဿနာများ၊ စီးပွားရေး လုပ်သူက စီးပွားရေးအသိုင်းအဝိုင်း၏ ပြ ဿနာများ၊ ပညာသင်သူက ပညာရေးနှင့်ပတ်သတ်သော ဖိအားနှင့် ပြဿနာများ ရှိနေကြပါသည်။ ထိုဖိအားနှင့် ပြဿနာများသည် အသက်တာတွင် ကျဆင်း လျော့နည်းသွားမည်မဟုတ်ဘဲ အသက်ကြီးလာသည်နှင့်အမျှ ပိုမို တိုးတက်ကြီးထွားလာမည်သာဖြစ်သည်။ ထို့ကြောင့် စစ်မှန်သောယုံကြည်သူ တစ်ယောက်အနေဖြင့် မှန်ကန်စွာ ရင်ဆိုင်ဖြေရှင်း တတ်ဘို့ရန် အရေးကြီးပါသည်။
ကျမ်းစာတွင် ပြန်လည် လေ့လာကြည့်ပါက ဂေါလျက်ဆိုသော အလွန်ကြီးမားပြီး၊ ကြောက်စရာ ကောင်းသော ရန်သူကြီးကို လူတိုင်းက ရင်ဆိုင်မှုမပြုနိုင်ကြဘဲ အလွန်တုန်လှုပ် ချောက်ခြားမှုများဖြင့် အားငယ်ကြောက်ရွံ့စွာ ခံစားနေ ရသည် (၁ရာ ၁၇း၁-၁၁)။ ဂေါလျက်ကြီးကို မြင်တွေ့ကာ မိမိကိုယ်မိမိ သေးငယ်သယောင်၊ အားမရှိသယောင် ခံစားလာကြသည်။ သို့သော် ဒါဝိတ်ဆိုသော လူငယ်လေး မှာမူကား မိမိတွင် စစ်ရေးအတွေ့အကြုံမရှိလည်းမရှိ၊ ခန္ဓာကိုယ်သေးငယ်သော်လည်း မိမိတွင်ရှိသော ဘုရား သခင်၏ဂုဏ်တော်များနှင့် သစ္စာတရားကို ယုံကြည်ကာ ကြီးမားကြောက်စရာကောင်းသော ဂေါလျက်ကြီးကို ရင်ဆိုင်လေတော့သည်။ နောက်ဆုံးတွင် ရန်သူ၏ခေါင်းကိုဖြတ်ကာ အနိုင်ယူအောင်ပွဲခံသွားလေတော့သည်။ ဤနေရာတွင် ယုံကြည်သူတို့သည် အဘက်ဘက်က အားနည်းသော်လည်း ဘုရားသခင်ကို အားကိုးယုံကြည်မှု ရှိလျှင် မိမိ၏ ရန်သူတည်းဟူသော ပြဿနာများကို ရင်ဆိုင်အောင်ပွဲခံနိုင်ကြောင်း ဖေါ်ပြလျှက်ရှိနေပါသည်။
ယနေ့ယုံကြည်သူတို့သည် ဒါဝိတ်နှင့် ဂေါလျက် ပုံဝတ္တုကို သိရှိနားလည်ပြီး ဖြစ်သော်လည်း ပြဿနာ များနှင့် ရင်ဆိုင်သောအခါ တွေဝေမှု၊ မပြက်သားမှု၊ ငေးငိုင်မှုများဖြင့် ငိုးကြွေးနေကြသူများသာ များနေကြောင်း သိရှိမြင်တွေ့နေရပါသည်။ ဘုရားသခင်ကို အားကိုးခိုလှုံရမည်ဆိုသည်ကို သိနားလည်သော်လည်း အသိတရား မျှသာ ခံစားနေကြသည်မှာ ဝမ်းနည်းစရာပင် ဖြစ်ပါသည်။ ပြဿနာဆိုသည်မှာ တွေဝေငေးငိုင်မှုများဖြင့် ရင်ဆိုင် ရမည်မဟုတ်ဘဲ သခင်ယေရှုကို မျှော်ကြည့်ကာ ဖြေရှင်းရမည်ဖြစ်သည်။ သင့်ဘဝတွင် သခင်ယေရှုကို မျှော် ကြည့်တတ်ဘို့ အရေးကြီးပါသည်။
ကျမ်းစာထဲတွင် ကြီးမားသောအောင်မြင်မှုကို ခံစားရသည့် ဧလိယအကြောင်းကိုလေ့လာကြည့်ပါ။ ထိုပရောဖတ်ကြီးသည် ဘုရားသခင်အသုံးပြုသော ကြီးမားသောပရောဖတ်ကြီးတစ်ပါး ဖြစ်ပါသည်။ မှားယွင်း သော ပရောဖတ်များကို ခေါင်းဖြတ်ခဲ့သူ၊ ဆုတောင်းသောအခါ ကောင်းကင်မှ မီးကျပြီး ဘုရားသခင် ကိုယ်တိုင် အဖြေပေးခဲ့သူ၊ ဘုရားသခင်အတွက် အောင်မြင်မှုများကို ဆောင်ယူလာခဲ့သူ ပရောဖတ်ကြီးတစ်ပါး ဖြစ်ပါသည်။ သို့သော် ဧလိယသည် ထိုကိစ္စနှင့် ပတ်သတ်ပြီး ဘုရင်မ ယေဇဗေလထံမှ ခြိမ်းခြောက်စာ တစ်စောင် လက်ခံရရှိ သောအခါ တောကန္တာရသို့ ပြေးပြီး ခြုံပုတ်အောက်တွင် ပုန်းအောင်းနေရသည့် အဖြစ်သို့ေ၇ာက်ရှိသွားလေတော့ သည်။ ထို့နောက် မိမိကိုယ်ကို သေချင်လောက်အောင်အထိ ခံစားခဲ့ရပါသည်( ၃ရာ ၁၉း၁-၂၁)။
ယုံကြည်သူတို့ သည်လည်း ဘုရားသခင်၏ မစမှုနှင့် ကောင်းကြီးမင်္ဂလာများ ခံစားနေရချိန်တွင် ဝမ်းမြောက်ခြင်း ခံစားနေရသော် လည်း နောက်တစ်ရက် ပြဿနာတစ်စုံတစ်ရာ ခံစားရချိန်တွင် ဧလိယကဲ့သို့ ခြုံပုတ်ထဲတွင် ပုန်းအောင်းနေရသည့် အဖြစ်မျိုးနှင့် သေချင်လောက်အောင် ခံစားကြလေတော့သည်။
ယခု ကျွန်တော်တို့ လေ့လာသော ကျမ်းစာအဖြစ်အပျက်ထဲမှ ရှမွေလသည်လည်း ကြီးမားသော သောက ဝေဒနာကို ခံစားနေရသည်မဟုတ်ပါလော။ ပြဿနာတိုင်းသည် ကြီးမြတ်သော ဘုရားသခင်၏ အမြင်မျိုး နှင့် ကြည့်တတ် ဘို့လိုအပ်ပါသည်။ အကယ်၍ ကျွန်တော်တို့က လောကသားတစ်ဦး၏ အမြင်မျိုးနှင့်သာ ကြည့်နေမည်ဆိုပါက ပြဿနာများသည် အလွန်ကြီးမားနေပြီး ဖြေရှင်း၍ မရနိုင်တော့သည့် အခြေအနေမျိုးဖြစ်သွားနိုင်ပါသည်။ ပြဿနာများကိုသာ ကြည့်နေသော ရှမွေလကို "အဘယ်မျှကာလပတ်လုံး ညည်းတွားနေလိမ့်မည်နည်း" မေးမြန်ခဲ့သည်။ ဆိုလိုသည့်သဘောမှာ ငါ့ကိုလည်း ကြည့်ပါ။ ငါ့အမြင်နှင့် ကြည့်ပါ ဟု ပြောဆိုနေသယောင် ခံစားကြည့်နိုင်ပါသည်။
သင်၏ဘူးကို ဆီနှင့် ပြည့်စေလော့။
ရှမွေလကို ထပ်မံမိန့်တော်မူခဲ့သည်မှာ "သင်၏ဘူးကို ဆီနှင့် ပြည့်စေလော့။" ဟူ၍ဖြစ်သည်။ နေ့စဉ်အသက်တာတွင် အခက်အခဲများ၊ ပြဿနာများ၊ ရှုံးနိမ့်မှုများ ခံစားရချိန်တွင် လူတိုင်းသည် မောပန်းခြင်းကို ခံစားရသည်။ အားငယ်ခြင်းများနှင့် ဝမ်းနည်းမှုများ၊ ကြေကွဲမှုများကို ခံစားရသည်။ ထိုအခါ ကျမ်စာက ပြောသည်မှာ ကျွန်တော်တို့၏ အသက်တာကို ဆီနှင့် ပြည့်စေရမည်ဟု ပြောပါသည်။ ဆိုလိုသည်မှာ ယုံကြည်သူတို့၏ ခန္ဓာတွင် သန့်ရှင်းသော ဝိညာဉ်တော်က ကျိန်ဝပ်လျက်ရှိရာ ထိုဝိညာဉ်ကို ကျမ်စာက "ဆီ" အဖြစ် တင်စားဖော်ပြပါသည်။ ယုံကြည်သူများသည် အခက်အခဲ ပြဿနာများ ရင်ဆိုင်ရချိန်တွင် ဘုရားသခင်ကို မျှော်ကြည့်တတ်သော ဝိညာဉ်ရေး အသက်တာ ဆုံးရှုံးမှုများ ရှိသဖြင့် ဝိညာဉ်ရေးအရှိန် အားနည်းလာပါသည်။ ထိုအခြေအနေကို ဆီလျော့နည်းလာသည်ဟု သတ်မှတ်ရပေမည်။ ထိုအခြေအနေတွင် ဘုရားသခင်က ကျွန် တော်တို့၏ဆီကို ကိုယ်တိုင်ဖြည့်ရန် ပြောထားပါသည်။ ဘုရားသခင်က သင်၏လက်ကို ကိုင်ဆွဲ၍ လာ ရောက် ဖြည့်ပေးမည်မဟုတ်ပါ။ ကိုယ်တိုင်သာ ဖြည့်ရပါမည်။ ဆိုလိုသည်မှာ ဝိညာဉ်ခွန်အားပြည့်လာစေရန် ကိုယ်တိုင် လုပ်ဆောင်ရပါမည်။ဝိညာဉ်ခွန်အားနည်းချိန်တွင် ဘုရားကျောင်းတတ်ပြီး နှုတ်ခပတ်တော်ခံယူခြင်းသည်လည်း "သန့်ရှင်း သော ဝိညာဉ်တော်၏ ဆီ" ဖြည့်ခြင်းတစ်မျိုးသာ ဖြစ်သည်။ ဝိညာဉ်ရေးအားနည်းချိန်တွင် အသင်းတော်သို့ သွားရောက်ဘို့ လိုအပ်ပါသည်။ ဝတ်ပြုကိုးကွယ်ခြင်း၊ သက်သေခံချက်များကြားနာခြင်း၊ ဆုတောင်းခြင်းများ အပြင် သင်းအုပ်ဆရာဝေငှသော နှုတ်ခပတ်တော်များကို ကြားနာခြင်းသည် သင့်ကိုဆီဖြင့်ဖြည့်ပေးနေသကဲ့သို့ ဖြစ်ပါသည်။ ဘုရားကျောင်းသို့ လာရောက်သောအခါ အားနည်းခြင်းများဖြင့် လာရောက်ခဲ့သော်လည်း ဆီထည့်ပြီး ပြန်သွားသောအခါ ဝမ်းမြောက်ခြင်းနှင့် ပြန်သွားနိုင်မည်ဖြစ်သည်။ ဘုရားကျောင်းတတ်ရမည့်နေ့ရက်မှာ ဝေးကွာနေသေး သည်ဆိုပါက အခြားဆီဖြည့်နိုင်သော နည်းလမ်းတစ်ခုမှာ မိမိကိုယ်တိုင် ကျမ်းစာဖတ်ခြင်းဖြစ် သည်။ တနင်္ဂနွေနေ့ မရောက်မီအထိ ယာယီဖြည့်ထားနိုင်သည်။ အမှုတော်ဆောင်များကဲ့သို့ နက်နက်နဲနဲ ဆင်ခြင်မှု မပြုနိုင်သော်လည်း ယာယီအားဖြင့် မိမိကိုယ်တိုင် ဝိညာဉ်ရေးဆီ ဖြည့်ဆီးနိုင်သော နည်းလမ်းတခု ဖြစ်သည်။ အချို့မှာ ကျမ်းစာဖတ်ဘို့ အခက်အခဲရှိနိုင်ပါသည်။ သူတို့အတွက် ဘုရားသခင်၏ မျက်မှောက်တော် သို့ တိုးဝင်ဆုတောင်းမှု ပြုလုပ်နိုင်သည်။ ဝန်ထုပ်ဝန်ပိုးများ ထမ်းလျက် မျက်မှောက်တော်သို့ တိုးဝင်ချဉ်းကပ်ကြ သောသူတို့သည် ဆုတောင်းပြီးသောအခါ ပေါ့ပါးလန်ဆန်းမှုကို ခံစားရသည်သူများကတော့ ထိုခံစားမှုကို ကောင်း ကောင်းနားလည်ပြီးဖြစ်သည်။ မိမိထမ်းရွက်ရသော ဝန်ကို ဘုရားသခင်၏ ရှေ့တော်တွင် ချထားဘို့ လိုအပ်ပါသည်။ ညည်းတွားနေသော ရှမွေလကို ဘုရားသခင်က ဆီဖြည့်ခြင်းဖြင့် လန်းဆန်းမှု ခံစားနိုင်ရန် နှုတ်ခပတ်တော်ဖြင့် သွန်သင်ခဲ့သည်ကို မြင်တွေ့နိုင်ပါသည်။
ယေရှဲရှိရာသို့ ငါစေလွှတ်မည်။
ဘုရားသခင်သည် အသစ်သော အမှုများကို အမြဲတမ်းဆောင်ရွက်လျက်ရှိပါသည်။ ကျွန်တော်တုိ့ မျှော်လင့်မထားသော နည်းလမ်းများဖြင့် အသစ်သောအမှုများကို ပြုလုပ်နေပါသည်။ သင်သည် ဆုံရှုံးမှုများ ခံစားရသည်ဖြစ်စေ၊ တွေးထင်မထားသော အခက်အခဲများ တွေ့ကြုံနေရပါက ဘုရားသခင်ထံမှ အသစ်သော ရူပါရုံများကို တောင်းခံပါ။ ဘုရားသခင်က အသစ်ပြုလုပ်မည့်အရာများကို မျှော်လင့်ထားပါ။ အသက်တာထဲတွင် ဘုရားသခင်က နှုတ်ခပတ်တော်များဖြင့် သွန်သင်ပါလိမ့်မည်။ ထိုနှုတ်ခပတ်တော်များသည် သင့်ဘဝကို ကောင်း ကြီးမင်္ဂလာများဖြင့် ပြည့်စေမည့် အရာများဖြစ်သည်ကို ဘယ်သောအခါမျှ မမေ့ပါနှင့်။သင့်ဘဝတွင် ခံစားရသော ပြဿနာနှင့် အဆင်မပြေမှုများကို ဘုရားသခင်ထံမှ သွန်သင်မှုခံစားရသော နှုတ်ခပတ်တော်များဖြင့် ချေဖျက်လိုက်ပါ။ ဘုရားသခင်၏ နှုတ်ခပတ်တော်သည် တန်ခိုးကြီးမားပါသည်။ ကမ္ဘာ ကြီးကို ဖန်ဆင်းစဉ်က နှုတ်ထွက်စကားများဖြင့် ဖြစ်စေ၊ ဖြစ်စေ အစရှိသည်ဖြင့် အရာရာကို ဖန်ဆင်းခဲ့သည် မဟုတ်ပါလော။ ထို့ကြောင့် နှုတ်ထွက်စကားတော်ကို ခံစားရပြီဆိုပါက သင့်အတွက် ထူးခြားသော အရာများကို ဆောင်ရွက်တော့မည်ကို ယုံကြည်မျှော်လင့်ထားလိုက်ပါ။
ရှင်ဘုရင်တစ်ပါးကို ငါပြင်ဆင်ပြီ။
ယေရှဲ၏အိမ်တွင် ရှင်ဘုရင်တစ်ပါးကို ပြင်ဆင်ထားကြောင်း ဘုရားသခင်က ရှမွေလကို ဖော်ပြပါသည်။ ကျွန်တော်တို့ ယုံကြည်သူများနှင့် မျှော်လင့်ခြင်းများ၊ ယုံကြည်ခြင်းများ ရှိနေကြပါသည်။ ထိုသို့ဆိုရာတွင် ယုံကြည်သူတို့သည် ကြိုးစားအားထုပ်နိုင်ခြင်း၊ လုပ်ဆောင်နိုင်ခြင်းနှင့် မိမိတို့၏ ကိုယ်ကျင့်တရား ကောင်းမွန်ပြည့် စုံခြင်းကြောင့် မဟုတ်ပါ။ ဘုရားသခင်၏ ပို့ဆောင်ကောင်းကြီးပေးသောကြောင့်သာ ဖြစ်ပါသည်။ ယုံကြည်သူ တိုင်းသည် ဘုရာသခင် ပြင်ဆင်သောလမ်းတွင် လျှောက်လှမ်းနေရသောသူများဖြစ်သည်။ မိမိကိုယ်တိုင် တတ် စွမ်းမှုများတွင် မည်သည့် အကျိုးသက်ရောက်မှုမျှ မရှိကြောင်း နားလည်သဘောပေါက်ဘို့ လိုအပ်ပါသည်။ ဘုရားသခင်၏ပြင်ဆင်မှုထဲတွင် ယုံကြည်ခြင်းနှင့် အသက်တာကို လျှောက်လှမ်းဘို့ လိုအပ်ပါသည်။ကျမ်စာထဲမှ အဖြစ်အပျက်တစ်ခုတွင် ရှမာရိပြည်မှ လူနူလေးယောက်အကြောင်းကို ဖော်ပြထားသည်။ ထိုသူတို့သည် လူနူဖြစ်သောကြောင့် မြို့ထဲသို့ ဝင်ခွင့်မရသောသူများဖြစ်ကြသည်။ တစ်ချိန်တွင် ထိုမြို့ကို ရန်သူများက ဝန်းရံထားရာ မြို့ထဲတွင် ရှိသောသူများအားလုံး စီးပွားရေးလုပ်ငန်းများနှင့် စိုက်ပျိုးရေး လုပ် ငန်းများ ပျက်စီးပြီး အားလုံးတို့သည် ငတ်မွတ်ခေါင်းပါးမှုဒါဏ်ကို ခံစားရလေတော့သည်။ ထိုအချိန်တွင် လူနူ တို့သည် မြို့ထဲသို့ အစားအစာသွားရောက်တောင်းယူသည်ထက် ရန်သူများထံ သွားရောက် တောင်းခံရန် ဆုံး ဖြတ်လိုက်သည်။ ရန်သူ၏ တပ်စခန်းသို့ သွားရောက်နေသည့် ပုံသဏ္ဍာန်မှာ အရှုံးသများကဲ့သို့ ခံစားကြည့် နိုင်ပါသည်။ ရန်သူတို့ သတ်လျှင် ခံယူမည့်တကယ့် အရှုံးသများဖြစ်သည်။ သို့သော် သူတို့မသိရှိသော အချက် တစ်ချက်မှာ ဘုရားသခင်၏ ပရောဖတ်ကြီး တစ်ပါးက အစားအစာများ ပေါများလာလိမ့်မည်ဟု မြွတ်ဆို ဟောပြော ချက်ကို သူတို့မသိကြပါ။ သို့သော် ထိုလူနူများ ရောက်သွားချိန်တွင် ရန်သူများကို မတွေ့ရဘဲ များပြား လှသော ရွှေထည်များ၊ငွေထည်များ၊ အဝတ်အထည်များ အပြင် အလွန်တရာ များပြားလှသည့် အစားအစာများကို ရရှိခံ စားခဲ့ရသည်။ (၄ရာ ၇း၁-၁၈) သူတို့ မျှော်လင့် မထားသော်လည်း ဘုရားသခင်က သူတို့၏အနာဂတ်ကို ကောင်း ကြီးမင်္ဂလာ များဖြင့် ပြင်ဆင်ထားသည်။
ယုံကြည်သူတို့သည် သခင်ယေရှုခရစ်တော်၌ ရှိနေကြလျှင် ကောင်းကြီး မင်္ဂလာများက သင့်ကို ကြိုဆိုလျှက်ရှိသည်ကို ယုံကြည်ထားပါ။ သင့်ပတ်ဝန်ကျင်မှ လူများ၏ ကယ်တင်ခြင်း၊ သင့်အဆွေအမျိုးများအတွက် စီပွားရေးလုပ်ငန်း၊ သင့်အသိုင်းအဝိုင်းအတွက် ကြီးမားသော ကောင်းကြီး မင်္ဂလာ များသည် သင့်အားဖြင့် ဘုရားသခင် ပြင်ဆင်ကောင်းကြီးပေးမည်ဖြစ်ကြောင်း ယုံကြည်ထားပါ။
ရှောလုဘုရင်ကြောင့် စိတ်ပျက်စရာ၊ အားငယ်စရာ၊ ဝမ်းနည်စရာ ခံစားခဲ့ရသော ရှမွေလကို ဘုရား သခင်က ရှင်ဘုရင်တစ်ပါး ပြင်ဆင်ပေးမည်ဟု ကတိပေးခဲ့ပါသည်။ ရှမွေလအသက်တာထဲမှ ဝမ်းနည်း စရာ ကို ဖယ်ရှားပေးပြီး ကောင်းမွန်သော အရာများနှင့် ကြီးမားသော ကောင်းကြီးမင်္ဂလာကို ဘုရားသခင် က ပြင်ဆင်ခဲ့ကြောင်း မြင်တွေ့ ခံစားနိုင်ပါသည်။ သင့်ဘဝအတွက် ဘုရားသခင် ပြင်ဆင် သော ကြီးမားများပြား သည့် ကောင်းကြီးမင်္ဂလာ များကို မျှော်လင့်တတ်စေရန် မေတ္တာဖြင့် ဝေငှလိုက်ပါသည်။ (အာမင်)
နာမတော်မြတ်၌
Rev. ဦးမင်းလွင်
