ဘုရားကို ဘယ်သူဖန်ဆင်းသလဲ

မောင်စောမင်းထက် ကိုယ်တိုင် မေးမြန်းခံရပြီး ကျွန်တော်ကို ထပ်မံမေးမြန်းတဲ့မေးခွန်းကို ကျွန်တော် တတ်နိုင် သလောက် ဖြေကြား ပေးပါမယ်။ တစ်ကယ်တော့ ဒီမေးခွန်း တွေဟာ အမှန်တကယ်သိချင်လို့ မေးတဲ့ မေးခွန်း မဟုတ်ဘဲ ယုံကြည်သူများရဲ့ သတင်းကောင်း ဝေငှမှုအပေါ်မှာ အတားအစီး ဖြစ်စေချင်တဲ့ သဘောနဲ့ ဖြစ်စေ၊ ယုံကြည်သူ များကို အကျပ်အတည်း တွေ့စေလိုသော သဘောဖြင့်ဖြစ် စေ၊ ပျက်ရယ်ပြု ဟားတိုက် ရယ်မောလိုသော သဘောဖြင့်ဖြစ်စေ၊ မိမိကိုယ်ကို မည်မျှ တွေးခေါ် ဆင်ခြင်နိုင် သောသူ ဖြစ်ကြာင်း ၀ါကြွားလိုသော သဘောဖြင့် ဖြစ်စေ မေးမြန်းတဲ့ မေးခွန်းများသာ ဖြစ်ပါတယ်။ တကယ်တော့ ဖန်ဆင်းခြင်းကို မယုံကြည်သူများက ဖန်ဆင်းရှင်ဆိုတာ ဘယ်လက်ခံပါ့မလဲ။ အဲဒီလို လက်မခံ တဲ့သူတွေ ဟာ ကျွန်တော်တို့က မည်မျှပင် ကျိုးကြောင်း ဆီလျော်သော ဖြေကြားမှုများကို ပြုစေကာမူ သူတို့က ဆန့်ကျင်ဘို့သာ ကြိုတင်ပြင်ဆင်ထားတာကြောင့် သူတို့ လက်ခံနိုင်လာက်သော အဖြေရဘို့ ဆိုတာ မလွယ်လှပါဘူး။ ကျွန်တော် ကိုယ်တိုင်လည်း အခြား ဘာသာ တစ်ခုတွင် ကျင်လည်ခဲ့ပြီး ဖန်ဆင်းခြင်းကို မယုံကြည်တာ ကြောင့် ဒီလို မေးခွန်းမျိုးကို မေးခဲ့ဘူးပါတယ်။ ယုံကြည်သူတွေ မဖြေနိုင်တာကို ကြည့်ပြီး ကိုယ့်ကိုကိုယ် အားရ ကျေနပ်နေသူ တစ်ဦးပါ။ ပြန်လည် ဖြေကြားမှု ပြုခဲ့သောသူများကိုလည်း ဘူးတစ်လုံးဖြင့်သာ ပြန်လည်တုန့်ပြန်ခဲ့ပါတယ်။ သိပ္ပံနည်းကျ အဖြေပေးမှ ယုံကြည် မယ်ဆိုပြီး ပြန်လည်ပြောဆိုခဲ့ပါတယ်။

တစ်ကယ်တော့ သိပ္ပံပညာဆိုတာ ထိတွေ့ကိုင်တွယ်နိုင်တဲ့ ဒြပ်ဝတ္ထုများကို တိုင်ထွာတွက်ချက်ပြီး အဖြေထုပ်ရသော လုပ်ငန်းစဉ် တစ်ခုသာ ဖြစ်ပါတယ်။ ရုပ်ဝတ္ထုပစ္စည်းတွေ မရှိဘဲ လုပ်ဆောင်လို့ မရနိုင်ပါဘူး။ ဘုရားသခင်ဟာ နံဝိညာဉ် ဖြစ်တော်မူ၏ (ယော ၄း၂၄)။ ဘုရားသခင်ဟာ ရုပ်ဝတ္ထုပစ္စည်း တခုမဟုတ်တာကြောင့် ဘယ်လိုဖြစ်လာတယ်။ ဘယ်လိုပျက်သွားမယ် ဆိုတာကို သိပ္ပံပညာနဲ့တော့ အတိအကျ ပြောဆိုဘို့တော့ မဖြစ်နိုင်ပါဘူး။ ကျွန်တော်တို့ဟာ သမ္မာကျမ်းစာကို ယုံကြည်သူ ဖြစ်တာ ကြောင့် သမ္မာကျမ်းစာနဲ့ဘဲ အဖြေပေးနိုင်ပါတယ်။ သမ္မာကျမ်းစာကို မယုံကြည်သူတွေ အတွက်တော့ ဒီအဖြေဟာ စိတ်ကျေနပ်စရာ ကောင်းမှာ မဟုတ်ပါဘူး။

ကျမ်းစာထဲမှာ ဘုရားသခင်က ယောဘကို ပြောခဲ့တဲ့ စကားတခွန်းရှိပါတယ်။ ယောဘ ဆိုတဲ့လူဟာ ဖြောင့်မက်လွန်းအားကြီးတဲ့သူ ဖြစ်တဲ့အတွက် ကိုယ့်ကိုကိုယ် အထင်ကြီးနေတဲ့သူလည်း ဖြစ်ပါတယ်။ ကိုယ့်ကိုကိုယ် သိပ်ပြီး သိတယ်လို့ ထင်နေတဲ့သူလည်း ဖြစ်တာကြောင့် ဘုရားသခင်က အောက်ပါ မေးခွန်းကို မေးလိုက်ပါတယ်။

“သင်သည် ဘုရားသခင်၏ ဇာတိတော်ကို စစ်၍တွေ့နိုင်သလော။ အနန္တ တန်ခိုးရှင်၏ ဇာတိကို အကုန်အစင် နားလည်နိုင်သလော။ မိုဃ်းကောင်းကင် ကိုမှီသည်ဖြစ်၍ သင်သည်အဘယ်သို့ပြုနိုင်သနည်း။ မရဏနိုင်ငံထက် နက်သည်ဖြစ်၍ သင်သည် အဘယ်သို့ သိနိုင်သနည်း။ အတိုင်းအရှည်သည် မြေကြီးထက် လွန်၍ သမုဒ္ဒရာ ထက်သာ၍ကျယ်ဝန်းလျက်ရှိ၏” (ယောဘ၊ ၁၁း၇-၉)

အထက်ပါမေးခွန်းအရ ဘုရားသခင်ရဲ့ ဇာတိအဖြစ်တော်ကို သိဘို့ဆိုတာ မလွယ်ပါဘူး။ ဒါပေမဲ့ ကျမ်းစာပြောတာကတော့ ဘုရားသခင်ဟာ ဖန်ဆင်းခံမဟုတ်ပါဘူး။ ဘုရားသခင်ဟာ ဖန်ဆင်းခံ ဖြစ်တယ်ဆိုရင် ဘုရားသခင်မတိုင်ခင် အခြားဖန်ဆင်းရှင် ဘုရားတစ်ပါး ထပ်ရှိမှာပေါ့။ ကျမ်းစာမှာ ပြောတာက

“ထာဝရဘုရားးမိန့်တော်မူသည်ကား ငါ့ရှေ့မှာဖန်ဆင်းရာထဲက အဘယ်ဘု ရား သခင်မျှ မဖြစ်၊ ငါ့နောက်မှာလည်း အဘယ်ဘုရားသခင်မျှ မရှိရာ နေ့ရက်ကာလမဖြစ်မှီ၊ ငါသည်ဘုရားဖြစ်၏ (ဟေရှာ၊ ၄၃း၁၀-၁၃)။

အထက်ပါ ကျမ်းပိုဒ်အရ ဘုရားသခင်မတိုင်ခင် ဘယ်ဘုရားမှ မရှိဘူးဆိုတာ သေချာပါတယ်။ ဒါကြောင့် ဘုရားသခင်ဟာ ဖန်ဆင်းရှင်သာ ဖြစ်ပြီး ဖန်ဆင်းခံမဟုတ်ဘူးဆိုတာ သိသာပါတယ်။ နောက်ထပ်ကျမ်းပိုဒ် တခုကလည်း ထပ်မံပြောထားတာက ဘုရားသခင်ဟာ အရင်ဆုံး ဖြစ်တယ်။ ပထမဆုံး ဖြစ်တယ်လို့ ပြောထားတာ ရှိပါတယ်။ ဘုရားထက်အရင် ဘာမှ မရှိပါဘူး။

"ငါသည်အာလဖဖြစ်၏။ သြမေဃလည်းဖြစ်၏။ အဦးဆုံးသောသူ၊ နောက်ဆုံးသော သူဖြစ်၏။ အစနှင့်အဆုံးလည်းဖြစ်၏”(ဗျာဒိတ်၊ ၂၂း၁၃)။

ဘုရားသခင်ဘယ်လိုဖြစ်လာတာလဲ ဆိုတာ မေးကြပါတယ်။ တကယ်တော့ ဘုရားဆိုတာ အလိုလို တည်ရှိတော်မူသော ဘုရား (Self - existence) ဖြစ်ပါတယ်။ ဘုရားဖြစ်လာဘို့ အခြားဘာမှ မလိုအပ် ပါဘူး။ သူကိုယ်တိုင်သာ လိုအပ်ပါတယ်။ ဘုရားသခင်၏ ဖြစ်တည်မှု အတွက်ဖြစ်စေ၊ သူ့ရဲ့ ဂုဏ်အသရေ တော်ဖြစ်စေ၊ သူ့ရဲ့ အကြံအစည်တော်ဖြစ်စေ၊ အရာရာတိုင်းဟာ သူ့ကိုယ်သူသာ ရပ်တည်နေပါတယ်။ လုံးဝ အမှီအခိုကင်းပါတယ်။ ဒါကြောင့် ကျမ်းချက်တစ်ချက်က"ငါဖြစ်သည် အတိုင်း ငါဖြစ်၏" (ထွက် ၃း၁၄) ဟာ ဘုရားသခင်ရဲ့ ဖြစ်တည်မှုကို ဖော်ပြနေတဲ့ ကျမ်းပိုဒ်ဖြစ်ပါတယ်။

တကယ်တော့ ဘုရားမရှိပါဘူး ဆိုပြီးတော့ ပြောနေကြတဲ့ အုပ်စုအမျိုးမျိုး ရှိတဲ့ အနက် "ဘုရားရှိကြောင်း သိရန် မဖြစ်နိုင်ပါ" ဆိုပြီး ယူဆတွေးခေါ်တဲ့ အုပ်စု တစ်ခု ရှိပါတယ်။ အဲဒီအတွေးအခေါ်ကို Agnostic view လို့ ခေါ်ပါတယ်။ Gnostic ဆိုတာက ဂရိဘာသာစကားနဲ့ "အသိပညာ" ဆိုပြီး အဓိပ္ပါယ်ရပါတယ်။ အဲဒီစကား လုံးရှေ့မှာ a စာလုံးကို ပေါင်းထည့်လိုက်တဲ့ အခါ Agnostic ဖြစ်ဘာပါတယ်။ ဘုရားရှိမရှိ သိဘို့မဖြစ်နိုင်ပါ ဆိုပြီး ဆိုလိုခြင်တာဖြစ်ပါတယ်။"ဘုရားသခင် ရှိတယ်ဆိုရင်တောင်မှ ငါတို့သိဘို့ မဖြစ်နိုင်ဘူး" ဆိုပြီး ပြောဆိုကြပါတယ်။ တကယ်တော့ ဘုရားမဲ့တွေက ဖန်ဆင်းရှင်ဘုရားကို ငြင်းပယ်ဘို့ ကြိုးစားရင်း ဒီမေးခွန်းကို တီထွင်တာ ဖြစ်တယ်လို့ ယူဆရပါတယ်။

ကျွန်တော် မပြောင်းလဲခင် ကျွန်တော်နဲ့ ခင်မင်တဲ့ ဗုဒ္ဒ ဗုဒ္ဓဘာသာ ဘုန်းတော်ကြီး တစ်ပါးကို ဒီမေးခွန်းမျိုးနဲ့ ခပ်ဆင်ဆင် မေးခဲ့ဘူးပါတယ်။ "ဘုန်းဘုန်းဘုရား ဘုရားဆိုတာ ဘယ်လို ဖြစ်လာတာလဲ" "သူက ဘာဖြစ်လို့ အားလုံးကို သိနေတာလဲ"ဆိုပြီး မေးဘူးပါတယ်။ ဒီမေးခွန်းကို မေးတဲ့ အခါတုန်းက ကိုယ့်ကိုကိုယ် လူတတ်ကြီး တစ်ယောက်လို၊ တွေးခေါ်ပညာ ရှင်ကြီးတစ်ဦးလို တွေးပြီး မေးလိုက်တာပါ။ အဲဒီ ဘုန်တော်ကြီးက ကျွန်တော့်ရဲ့ ဘခင်က အမှန်တစ်ကယ် ယုံကြည်အားကိုး ခင်မင်တဲ့သူပါ။ ကျွန် တော်နဲ့ အရမ်းခင်ပါတယ်။ သူပြန်ပြောတဲ့ စကားတစ်ခွန်းတော့ အခုချိန်အထိ မှတ်မိနေပါသေးတယ်။ "ဘုရားတို့သာ သိသင့်သိထိုက်တဲ့ အကြောင်းတရား တွေကို တွေးခေါ်ဆင်ခြင် နေခြင်းဟာ ရူးသွပ်မှုတစ်ခု သာဖြစ်တယ်။ အလားတူ ကမ္ဘာကြီး ဘယ်လိုဖြစ်လာ သလဲ၊ နေလတွေ ဘယ်လို ဖြစ်သလဲ ဆိုပြီး တွေးတောနေခြင်းဟာလည်း အလားတူ ရူးသွပ်မှုသာ ဖြစ်တယ်။ အဲဒီအကြောင်းတွေ သိလာရင်တောင်မှ နိဗ္ဗာန်၊ မဂ်ဖို၊ မဖြစ် (မရောက်)နိုင်ဘူး" ဆိုပြီး ကျွန်တော်ကို ပြန်လည် ပြောဆိုခဲ့ဘူးပါတယ်။ သူက ပါဋိဘာ သာနဲ့ ပြောဆို ရွတ်ပြပြီး ဘာသာပြန်ပေးပေမဲ့ ကျွန်တော်ကတော့ ပါဋိလို မသိပါဘူး။

အထက်ပါ ဘုန်းကြီပြောသော အကြောင်းအရာနည်းတူ ကျွန်တော်တို့ရဲ့ သမ္မာကျမ်းစာမှာလည်း ကျမ်းပိုဒ်တစ်ပိုဒ်တွေ့မိပါတယ်။ အဲဒီကျမ်းပိုဒ်က အောက်ပါ အတိုင်း ဖြစ်ပါတယ်။

မထင်ရှားသော အရာတို့တို့သည် ငါတို့ ဘုရားသခင်ထာဝရ ဘုရား၏ အငန်းအတာ ဖြစ်ကြ၏။ ဘော်ပြ တော်တော်မူသော အရာတို့သည် ကာလအစဉ်မပြတ် ငါတို့နှင့် ငါတို့ သားသမီးများတို့၏ အငန်းအတာဖြစ်၍ ဤပညတ်တရား စကားအလုံးစုံတို့ကို စောင့်ရှောက်ရမည့် အကြောင်း တည်း။ (တရားဟော ၂၉း၂၉)

ကျွန်တော်ကိုယ်တိုင်လည်း သင်ယူနေသူ တစ်ဦးလောက် သာဖြစ်ပြီး ပညာရှင် တစ်ဦး မဟုတ်ပါ။ကျွန်တော်သိသလောက်သာ ဖြေကြားပေးလိုက်ခြင်းဖြစ်ပါတယ်။ ဒီအဖြေအတွက် မောင်စောမင်းထက်ရဲ့ မိတ်ဆွေတွေ ကျေနပ်နိုင်မှာ မဟုတ်ဘူးဆိုတာ ကြိုတင် သိနေပါတယ်။ ဒီခံစားချက်က ကျွန်တော် ကိုယ်တိုင်လည်း ဖြစ်ဘူးပါတယ်။ တစ်ချိန်မှာ ဘုရားသခင်ကိုယ်တိုင် ဖွင့်လှစ်ဖြေကြား ပေးတဲ့ အခါမှသာ ကျေနပ်နိုင်ပါလိမ့်မယ်။

ဘုရားသခင် ကောင်းကြီးပေးပါစေ။